शिवमहिमकलिकास्तुतिः Shivamahima Khalikastutih

यत्सर्वक्रतुफलदं यदखिलयज्ञादिकामहितम् ।यत्सकलदेवरूपं ज्योतिस्तदुपास्महे सोमम् ॥ १॥

yatsarvakratuphaladaṃ yadakhilayajñādikāmahitam |yatsakaladevarūpaṃ jyotistadupāsmahe somam || 1||

अविरकास्सोमभवानखिलागमविनुतसकलमन्त्राङ्गःब्रह्माद्यास्तुगवादिवदमरास्सर्वे विकारास्ते ॥ २॥

avirakāssomabhavānakhilāgamavinutasakalamantrāṅgaḥbrahmādyāstugavādivadamarāssarve vikārāste || 2||

सह वेदे पठ्यन्तां सहस्रमिष्टयादिवत्तया त्रिदश ।न्यायविदो बुध्यन्ते तेषां सोमप्रधानं त्वांसर्वेश्वर नामैव स्फुटयति सर्वाधिपत्यमीश तव ।वाजिन इव सोमपदं स्तुत्यर्थ केवलं तदन्यत्र ॥ ४॥

saha vede paṭhyantāṃ sahasramiṣṭayādivattayā tridaśa |nyāyavido budhyante teṣāṃ somapradhānaṃ tvāṃsarveśvara nāmaiva sphuṭayati sarvādhipatyamīśa tava |vājina iva somapadaṃ stutyartha kevalaṃ tadanyatra || 4||

नामेदं त्वयि शिखया ह्यन्यसुरत्यागहेतुपरमुदितम् ।नह्यत्रेतिवदीश्वर हेतुपरं नाविविक्षतस्वार्थम् ॥ ५॥

nāmedaṃ tvayi śikhayā hyanyasuratyāgahetuparamuditam |nahyatretivadīśvara hetuparaṃ nāvivikṣatasvārtham || 5||

त्वत्तः किल जायन्ते प्रतिकल्पं ब्रह्माविष्णुरुद्रेन्द्राः ।तेष्वपकृष्टेषु विभो न स्युस्तदधस्तनाः किमपकृष्टाः ॥ ६॥

tvattaḥ kila jāyante pratikalpaṃ brahmāviṣṇurudrendrāḥ |teṣvapakṛṣṭeṣu vibho na syustadadhastanāḥ kimapakṛṣṭāḥ || 6||

आवापोद्वापाभ्यां प्रतिकल्पं देवताः पृथक् कुर्वन् ।दुरधिगमविविधशक्तिविहरसि देव प्रतीष्टि वेद इव ॥ ७॥

āvāpodvāpābhyāṃ pratikalpaṃ devatāḥ pṛthak kurvan |duradhigamavividhaśaktiviharasi deva pratīṣṭi veda iva || 7||

त्वच्छक्तिविलासेन स्वस्वपदे देवता इति प्रथिताः ।यागा इव शब्दविधौ न स्वव्यापारतशिव त्रिदशाः ॥ ८॥

tvacchaktivilāsena svasvapade devatā iti prathitāḥ |yāgā iva śabdavidhau na svavyāpārataśiva tridaśāḥ || 8||

यदुपहतशक्ति कः किल पुरहर शक्नोति किमपि विधातुम् ।मन्त्रस्थयजत्यादिवदमरगणः कस्ततस्त्वदधिकस्स्यात् ॥ ९॥

yadupahataśakti kaḥ kila purahara śaknoti kimapi vidhātum |mantrasthayajatyādivadamaragaṇaḥ kastatastvadadhikassyāt || 9||

त्वच्छक्त्यधिष्ठितत्वात्परभावस्स्फुरति पद्मजाध्येषु ।वेदाक्षरमिश्रत्वाद्वेदत्वं ननु विभाति कल्प्येषु ॥ १०॥

tvacchaktyadhiṣṭhitatvātparabhāvassphurati padmajādhyeṣu |vedākṣaramiśratvādvedatvaṃ nanu vibhāti kalpyeṣu || 10||

त्वयि यागवत्प्रधाने स्थितेऽपि भगवन् धियैव संवेद्ये ।स्थूलदृशां होमेष्विव गुणमूर्तिषु भासते प्रधानत्वम् ॥ ११॥

tvayi yāgavatpradhāne sthite'pi bhagavan dhiyaiva saṃvedye |sthūladṛśāṃ homeṣviva guṇamūrtiṣu bhāsate pradhānatvam || 11||

न परं गुणमूर्तिभ्यो विदन्ति दुर्दर्शरूपमबुधास्त्वाम् ।हाविरन्तरालयुक्तं विधिमिव विष्ण्वादिवाक्येभ्यः ॥ १२॥

na paraṃ guṇamūrtibhyo vidanti durdarśarūpamabudhāstvām |hāvirantarālayuktaṃ vidhimiva viṣṇvādivākyebhyaḥ || 12||

ज्योतिर्मये त्वयि सति त्रिदशगणोहर्गण इवास्माकम् ।नोपचयार्थमुपास्यश्शतोक्थ्यगानामिवोक्थ्यानाम् ॥ १३॥

jyotirmaye tvayi sati tridaśagaṇohargaṇa ivāsmākam |nopacayārthamupāsyaśśatokthyagānāmivokthyānām || 13||

आश्रित्य हि लब्धपदा ज्योतिष्टोममिव सर्वफलदं त्वाम् ।किञ्चित्किञ्चित्फलमिह संस्या इव देवताः प्रयच्छन्ति ॥ १४॥

āśritya hi labdhapadā jyotiṣṭomamiva sarvaphaladaṃ tvām |kiñcitkiñcitphalamiha saṃsyā iva devatāḥ prayacchanti || 14||

आकाङ्क्षितं लभन्तां सोम सुरास्त्वत्प्रदिष्टमखिलमपि ।न गवादिवल्लभन्ते त्वद्देयफलप्रधानसामर्थ्यम् ॥ १५॥

ākāṅkṣitaṃ labhantāṃ soma surāstvatpradiṣṭamakhilamapi |na gavādivallabhante tvaddeyaphalapradhānasāmarthyam || 15||

त्वामतियजेत भगवन् यदि कुलदैवतं द्विजातिकुरजातः ।उभयभ्रष्टो नश्येदभ्युदयो पांशुयाजवज्जडः ॥ १६॥

tvāmatiyajeta bhagavan yadi kuladaivataṃ dvijātikurajātaḥ |ubhayabhraṣṭo naśyedabhyudayo pāṃśuyājavajjaḍaḥ || 16||

ब्रह्मकुले जातोऽपि त्वद्भजनं निजमपास्य यो विकृतः ।न ब्राह्मणस्य भगवन्नहमन्त्रो मन्त्रमध्यगोव्यूहः ॥ १७॥

brahmakule jāto'pi tvadbhajanaṃ nijamapāsya yo vikṛtaḥ |na brāhmaṇasya bhagavannahamantro mantramadhyagovyūhaḥ || 17||

ज्योतिष्टोममिव त्वां नित्यं यस्सर्गसद्भाव्यम् ।अतिलन्घ्येतरजनं कुरुते न ततोस्ति निरयभागन्यः ॥ १८॥

jyotiṣṭomamiva tvāṃ nityaṃ yassargasadbhāvyam |atilanghyetarajanaṃ kurute na tatosti nirayabhāganyaḥ || 18||

अग्न्याद्या विष्ण्वन्तास्सर्वे देवाः परिग्राह्याः ।सोम त्वामधिगन्तुं तपश्च नियमाश्च भूयांसः ॥ १९॥

agnyādyā viṣṇvantāssarve devāḥ parigrāhyāḥ |soma tvāmadhigantuṃ tapaśca niyamāśca bhūyāṃsaḥ || 19||

दीक्षाभिरभिसमेतो विपश्चिदखिलाङ्गजातगोचरया ।सोम त्वद्भावनया दुःखमसम्भिन्नसुखमुपैति पदम् ॥ २०॥

dīkṣābhirabhisameto vipaścidakhilāṅgajātagocarayā |soma tvadbhāvanayā duḥkhamasambhinnasukhamupaiti padam || 20||

तन्त्राण्यङ्गानि तव स्वामिन् दीक्षाप्रधानानि ।तन्निष्ठः क्रमशस्त्वामहीनमुख्ये प्रसाधनमुपैति ॥ २१॥

tantrāṇyaṅgāni tava svāmin dīkṣāpradhānāni |tanniṣṭhaḥ kramaśastvāmahīnamukhye prasādhanamupaiti || 21||

धर्मानुग्रहलाभाद् ब्राह्मणवर्गस्य वर्णसाम्याच्च ।त्वद्धर्माः परमुचिता शिवाज्यधर्मा मधूदकस्सेवा ॥ २२॥

dharmānugrahalābhād brāhmaṇavargasya varṇasāmyācca |tvaddharmāḥ paramucitā śivājyadharmā madhūdakassevā || 22||

अनृतादिदूषितोऽहं विना तव परिग्रहं विरूपाक्ष ।तव धर्मे तत्परतां न लभेय विधेरिवार्थवादांशः ॥ २३॥

anṛtādidūṣito'haṃ vinā tava parigrahaṃ virūpākṣa |tava dharme tatparatāṃ na labheya vidherivārthavādāṃśaḥ || 23||

अपराधनिरस्तमपि स्वीकुरु करुणानिधे पुनश्शिव माम् ।विधितः प्रपद्यमानं हविरभ्युदयज्ञ दर्शवत्स्वामिन् ॥ २४॥

aparādhanirastamapi svīkuru karuṇānidhe punaśśiva mām |vidhitaḥ prapadyamānaṃ havirabhyudayajña darśavatsvāmin || 24||

नाथ तव महिमकलिकाककुभः श्रुत्यन्तपारिजातभवा ।सुरभयतु करुणया तव मीमांसान्यायपरिमिलोल्लासैः ॥ २५॥

nātha tava mahimakalikākakubhaḥ śrutyantapārijātabhavā |surabhayatu karuṇayā tava mīmāṃsānyāyaparimilollāsaiḥ || 25||

इति श्रीमदप्पयदीक्षितविरचिता शिवमहिमकलिकास्तुतिः सम्पूर्णा ।

iti śrīmadappayadīkṣitaviracitā śivamahimakalikāstutiḥ sampūrṇā |