शिवलोचनस्तुतिः Shivalochanastutih

श्रीगणेशाय नमः ॥जयति ललाटकटाक्षः शशिमौलेः पक्ष्मलः प्रियप्रणतौ ।धनुषि स्मरेण निहितः सकण्टकः केतकेपुरिव ॥ १॥

śrīgaṇeśāya namaḥ ||jayati lalāṭakaṭākṣaḥ śaśimauleḥ pakṣmalaḥ priyapraṇatau |dhanuṣi smareṇa nihitaḥ sakaṇṭakaḥ ketakepuriva || 1||

सानन्दा गणगायके सपुलका गौरीमुखाम्भोरुहेसक्रोधा कुसुमायुधे सकरुणा पादानते वज्रिणि ।सस्मेरा गिरिजासखीषु सनया शैलाधिनाथे वहन्-भूमीन्द्र प्रदिशन्तु शर्म विपुलं शम्भोः कटाक्षच्छटाः ॥ २॥

sānandā gaṇagāyake sapulakā gaurīmukhāmbhoruhesakrodhā kusumāyudhe sakaruṇā pādānate vajriṇi |sasmerā girijāsakhīṣu sanayā śailādhināthe vahan-bhūmīndra pradiśantu śarma vipulaṃ śambhoḥ kaṭākṣacchaṭāḥ || 2||

एकं ध्याननिमीलनान्मुकुलितं चक्षुर्द्वितीयं पुनःपार्वत्या वदनाम्बुजस्तनतटे शृङ्गारभारालसम् ।अन्यद्दूरविकृष्टचापमदनक्रोधानलोद्दीपितंशम्भोर्भिन्नरसं समाधिसमये नेत्रत्रयं पातु वः ॥ ३॥

ekaṃ dhyānanimīlanānmukulitaṃ cakṣurdvitīyaṃ punaḥpārvatyā vadanāmbujastanataṭe śṛṅgārabhārālasam |anyaddūravikṛṣṭacāpamadanakrodhānaloddīpitaṃśambhorbhinnarasaṃ samādhisamaye netratrayaṃ pātu vaḥ || 3||

पक्ष्मालीपिङ्गलिम्नः कण इव तडितां यस्य कृत्स्नः समूहोयस्मिन् ब्रह्माण्डमीषद्विघटितमुकुले कालयज्वा जुहाव ।अर्चिर्निष्टप्तचूडाशशिगणितसुधाघोरझाङ्कारकोणंतार्तीयं यत्पुरारेस्तदवतु मदनप्लोषणं लोचनं वः ॥ ४॥

pakṣmālīpiṅgalimnaḥ kaṇa iva taḍitāṃ yasya kṛtsnaḥ samūhoyasmin brahmāṇḍamīṣadvighaṭitamukule kālayajvā juhāva |arcirniṣṭaptacūḍāśaśigaṇitasudhāghorajhāṅkārakoṇaṃtārtīyaṃ yatpurārestadavatu madanaploṣaṇaṃ locanaṃ vaḥ || 4||

इति शिवलोचनस्तुतिः सम्पूर्णा ।

iti śivalocanastutiḥ sampūrṇā |