शम्भुस्तोत्रम् Shambhu Stotram

नानायोनिसहस्रकोटिषु मुहुः सम्भूय सम्भूय तद्गर्भावासनिरन्तदुःखनिवहं वक्तुं न शक्यं च तत् ।भूयो भूय इहानुभूय सुतरां कष्टानि नष्टोऽस्म्यहंत्राहि त्वं करुणातरङ्गितदृशा शम्भो दयाम्भोनिधे ॥ १॥

nānāyonisahasrakoṭiṣu muhuḥ sambhūya sambhūya tadgarbhāvāsanirantaduḥkhanivahaṃ vaktuṃ na śakyaṃ ca tat |bhūyo bhūya ihānubhūya sutarāṃ kaṣṭāni naṣṭo'smyahaṃtrāhi tvaṃ karuṇātaraṅgitadṛśā śambho dayāmbhonidhe || 1||

बाल्ये ताडनपीडनैर्बहुविधैः पित्रादिभिर्बोधितःतत्कालोचितरोगजालजनितैर्दुःखैरलं बाधितः ।लीलालौल्यगुणीकृतैश्च विविधैर्दुश्चोष्टितैः क्लेशितःसोऽहं त्वां शरणं व्रजाम्यव विभो शम्भो दयाम्भोनिधे ॥ २॥

bālye tāḍanapīḍanairbahuvidhaiḥ pitrādibhirbodhitaḥtatkālocitarogajālajanitairduḥkhairalaṃ bādhitaḥ |līlālaulyaguṇīkṛtaiśca vividhairduścoṣṭitaiḥ kleśitaḥso'haṃ tvāṃ śaraṇaṃ vrajāmyava vibho śambho dayāmbhonidhe || 2||

तारुण्ये मदनेन पीडिततनुः कामातुरः कामिनीसक्तस्तद्वशगः स्वधर्मविमुखः सद्भिः सदा दूषितः ।कर्माकार्षमपारनारकफलं सौख्याशया दुर्मतिःत्राहि त्वं करुणातरङ्गितदृशा शम्भो दयाम्भोनिधे ॥ ३॥

tāruṇye madanena pīḍitatanuḥ kāmāturaḥ kāminīsaktastadvaśagaḥ svadharmavimukhaḥ sadbhiḥ sadā dūṣitaḥ |karmākārṣamapāranārakaphalaṃ saukhyāśayā durmatiḥtrāhi tvaṃ karuṇātaraṅgitadṛśā śambho dayāmbhonidhe || 3||

वृद्धत्वे गलिताखिलेन्द्रियबलो विभ्रष्टदन्तावलिःश्वेतीभूतशिराः सुजर्जरतनुः कम्पाश्रयोऽनाश्रयः ।लालोच्छिष्टपुरीषमूत्रसलिलक्लिन्नोऽस्मि दीनोऽस्म्यहंत्राहि त्वं करुणातरङ्गितदृशा शम्भो दयाम्भोनिधे ॥ ४॥

vṛddhatve galitākhilendriyabalo vibhraṣṭadantāvaliḥśvetībhūtaśirāḥ sujarjaratanuḥ kampāśrayo'nāśrayaḥ |lālocchiṣṭapurīṣamūtrasalilaklinno'smi dīno'smyahaṃtrāhi tvaṃ karuṇātaraṅgitadṛśā śambho dayāmbhonidhe || 4||

ध्यातं ते पदाम्बुजं सकृदपि ध्यातं धनं सर्वदापूजा ते न कृता कृता स्ववपुषः स्त्रग्गन्धलेपार्चनैः ।नान्नाद्यैः परितर्पिता द्विजवरा जिह्वैव सन्तर्पितापापिष्ठेन मया सदाशिव विभो शम्भो दयाम्भोनिधे ॥ ५॥

dhyātaṃ te padāmbujaṃ sakṛdapi dhyātaṃ dhanaṃ sarvadāpūjā te na kṛtā kṛtā svavapuṣaḥ straggandhalepārcanaiḥ |nānnādyaiḥ paritarpitā dvijavarā jihvaiva santarpitāpāpiṣṭhena mayā sadāśiva vibho śambho dayāmbhonidhe || 5||

सन्ध्यास्नानजपादि कर्म न कृतं भक्त्या कृतं दुष्कृतंत्वन्नामेश न कीर्तितं त्वतिमुदा दुर्भाषितं भाषितम् ।त्वन्मूर्तिर्न विलोकिता पुनरपि स्त्रीमूर्तिरालोकिताभोगासक्तिमता मया शिव विभो शम्भो दयाम्भोनिधे ॥ ६॥

sandhyāsnānajapādi karma na kṛtaṃ bhaktyā kṛtaṃ duṣkṛtaṃtvannāmeśa na kīrtitaṃ tvatimudā durbhāṣitaṃ bhāṣitam |tvanmūrtirna vilokitā punarapi strīmūrtirālokitābhogāsaktimatā mayā śiva vibho śambho dayāmbhonidhe || 6||

सन्ध्याध्यानजपादिकर्मकरणे शक्तोऽस्मि नैव प्रभोदातुं हन्त मतिं प्रतीपकरणे दारादिबन्धास्पदे ।नामैकं तव तारकं मम विभो ह्यन्यन्न चास्ति क्वचित्त्राहि त्वं करुणातरङ्गितदृशा शम्भो दयाम्भोनिधे ॥ ७॥

sandhyādhyānajapādikarmakaraṇe śakto'smi naiva prabhodātuṃ hanta matiṃ pratīpakaraṇe dārādibandhāspade |nāmaikaṃ tava tārakaṃ mama vibho hyanyanna cāsti kvacittrāhi tvaṃ karuṇātaraṅgitadṛśā śambho dayāmbhonidhe || 7||

कुम्भीपाकधुरन्धरादिषु महाबीजादिषु प्रोद्धतंघोरं नारकदुःखमीषदपि वा सोढुं न शक्तोऽस्म्यहम् ।तस्मात् त्वां शरणं व्रजामि सततं जानामि न त्वां विनात्राहि त्वं करुणातरङ्गितदृशा शम्भो दयाम्भोनिधे ॥ ८॥

kumbhīpākadhurandharādiṣu mahābījādiṣu proddhataṃghoraṃ nārakaduḥkhamīṣadapi vā soḍhuṃ na śakto'smyaham |tasmāt tvāṃ śaraṇaṃ vrajāmi satataṃ jānāmi na tvāṃ vinātrāhi tvaṃ karuṇātaraṅgitadṛśā śambho dayāmbhonidhe || 8||

माता वापि पिता सुतोऽपि न हितो भ्रात्रादयो बान्धवाःसर्वे स्वार्थपरा भवन्ति खलु मां त्रातुं न केऽपि क्षमाः ।दूतेभ्यो यमचोदितेभ्य इह तु त्वामन्तरा शङ्करत्राहि त्वं करुणातरङ्गितदृशा शम्भो दयाम्भोनिधे ॥ ९॥

mātā vāpi pitā suto'pi na hito bhrātrādayo bāndhavāḥsarve svārthaparā bhavanti khalu māṃ trātuṃ na ke'pi kṣamāḥ |dūtebhyo yamacoditebhya iha tu tvāmantarā śaṅkaratrāhi tvaṃ karuṇātaraṅgitadṛśā śambho dayāmbhonidhe || 9||

॥ इति शम्भुस्तोत्रं सम्पूर्णम् ॥

|| iti śambhustotraṃ sampūrṇam ||