शिवस्तुतिः प्रति मास कृते Pratimasakrite Shiva Stuti
śivastutiḥ prati māsa kṛte
Pratimasakrite Shiva Stuti (शिवस्तुतिः प्रति मास कृते): a hymn of praise (stuti) to Śiva. 14 verses in Sanskrit with Devanagari and IAST.
- Stotra
- Stuti
- Śiva
- Stuti
शिवस्तुतिः प्रति मास कृते
1 / 14
(शिवरहस्यान्तर्गते महादेवाख्ये)शिवगौरीसंवादेईश्वर उवाच ।त्वयैव सृष्टमखिलं त्वय्येव सकलं स्थितम् ।त्वया संह्रियते विश्वं प्रधानपुरुषात्मकम् ॥ ५५॥
(śivarahasyāntargate mahādevākhye)śivagaurīsaṃvādeīśvara uvāca |tvayaiva sṛṣṭamakhilaṃ tvayyeva sakalaṃ sthitam |tvayā saṃhriyate viśvaṃ pradhānapuruṣātmakam || 55||
त्वमेव पुरुषोऽनन्तः प्रधानं प्रकृतिस्तथा ।भूमिरापोऽनलो वायुर्व्योमाहङ्कारमेव च ॥ ५६॥
tvameva puruṣo'nantaḥ pradhānaṃ prakṛtistathā |bhūmirāpo'nalo vāyurvyomāhaṅkārameva ca || 56||
यस्य रूपं नमस्यामि भवं त्वां ब्रह्मसम्भवम् ।यस्य द्यौरभवन्मूर्धा पादौ पृथ्वी दिशोभुजः ॥ ५७॥
yasya rūpaṃ namasyāmi bhavaṃ tvāṃ brahmasambhavam |yasya dyaurabhavanmūrdhā pādau pṛthvī diśobhujaḥ || 57||
आकाशमुदरं तस्मै विराजे ते नमोनमः ।हव्यं वहति यो नित्यं रौद्राग्नेयवपुश्च यः ॥ ५८॥
ākāśamudaraṃ tasmai virāje te namonamaḥ |havyaṃ vahati yo nityaṃ raudrāgneyavapuśca yaḥ || 58||
कव्ये पितृगणानां च तस्मै वह्न्न्यात्मने नमः ।आप्याययति यो देवः स्वधाम्ना सकलं जगत् ॥ ५९॥
kavye pitṛgaṇānāṃ ca tasmai vahnnyātmane namaḥ |āpyāyayati yo devaḥ svadhāmnā sakalaṃ jagat || 59||
सोमः सोमात्मने तुभ्यमोषधीशात्मने नमः ।बिभर्त्यशेषभूतानि योऽन्तश्चरति सर्वगः ॥ ६०॥
somaḥ somātmane tubhyamoṣadhīśātmane namaḥ |bibhartyaśeṣabhūtāni yo'ntaścarati sarvagaḥ || 60||
शक्तिर्माहेश्वरी साक्षात्तस्मै वाय्वात्मने नमः ।सृजत्यशेषमेवेदं यस्य कर्मानुरूपतः ॥ ६१॥
śaktirmāheśvarī sākṣāttasmai vāyvātmane namaḥ |sṛjatyaśeṣamevedaṃ yasya karmānurūpataḥ || 61||
स्वात्मन्येव स्थितं चैतत् चतुर्वक्त्रात्मने नमः ।यः शेतेऽप्सु शिवं ध्यायन् पालयत्यखिलं जगत् ॥ ६२॥
svātmanyeva sthitaṃ caitat caturvaktrātmane namaḥ |yaḥ śete'psu śivaṃ dhyāyan pālayatyakhilaṃ jagat || 62||
नमो विश्वात्मने तुभ्यं विष्णवे पालनात्मने ।यः संहरेज्जगज्जालं शूलेनैकेन शङ्करि ॥ ६३॥
namo viśvātmane tubhyaṃ viṣṇave pālanātmane |yaḥ saṃharejjagajjālaṃ śūlenaikena śaṅkari || 63||
तस्मै रुद्रात्मने तुभ्यं नमस्तेऽस्तु पिनाकिने ।यं विनिद्रा जितश्वासाः पश्यन्ति परमेश्वरम् ॥ ६४॥
tasmai rudrātmane tubhyaṃ namaste'stu pinākine |yaṃ vinidrā jitaśvāsāḥ paśyanti parameśvaram || 64||
ज्योतिः पश्यन्ति युञ्जानास्तस्मै सर्वात्मने नमः ।इति स्तवं प्रयुञ्जीत सर्वमासेषु शङ्करि ॥ ६५॥
jyotiḥ paśyanti yuñjānāstasmai sarvātmane namaḥ |iti stavaṃ prayuñjīta sarvamāseṣu śaṅkari || 65||
मासपूजामिमां कृत्वा संवत्सरमतन्द्रितः ।न स भूयोऽपि जायेत संसारे दुःखसागरे ॥ ६६॥
māsapūjāmimāṃ kṛtvā saṃvatsaramatandritaḥ |na sa bhūyo'pi jāyeta saṃsāre duḥkhasāgare || 66||
॥ इति शिवरहस्यान्तर्गते ईश्वरप्रोक्तं प्रतिमासकृते शिवस्तुतिः सम्पूर्णा ॥॥ श्रीशिवरहस्यम् । महादेवाख्यः एकादशमांशः । अध्यायः २५ फाल्गुनमासार्चनम् । ५५६६॥
|| iti śivarahasyāntargate īśvaraproktaṃ pratimāsakṛte śivastutiḥ sampūrṇā |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 25 phālgunamāsārcanam | 5566||
– ॥ श्रीशिवरहस्यम् ।महादेवाख्यः एकादशमांशः ।अध्यायः २५ फाल्गुनमासार्चनम् ।५५-६६॥
– || śrīśivarahasyam |mahādevākhyaḥ ekādaśamāṃśaḥ |adhyāyaḥ 25 phālgunamāsārcanam | 55-66||
॥ इति शिवस्तुतिः प्रति मास कृते सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Pratimasakrite Shiva Stuti?
Pratimasakrite Shiva Stuti has 14 verses on this page, each shown with its number, Devanagari text and transliteration, and meaning where available.
Can I read Pratimasakrite Shiva Stuti in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Pratimasakrite Shiva Stuti?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
