शिवपञ्चाक्षरार्थस्तवः Munibhih Kritah Shivapanchaksharartha Stava

(शिवरहस्यान्तर्गते ईश्वराख्ये)शिवगौरीसंवादेमुनय ऊचुः ।ओमित्येकाक्षरोऽसिप्रकृतिविरहितः ओमितीदं च सर्वम् ।त्वत्तो भिन्नं न चैतत् शिव तव महिमां वक्ति वेदः सदैव ॥ ४०॥

(śivarahasyāntargate īśvarākhye)śivagaurīsaṃvādemunaya ūcuḥ |omityekākṣaro'siprakṛtivirahitaḥ omitīdaṃ ca sarvam |tvatto bhinnaṃ na caitat śiva tava mahimāṃ vakti vedaḥ sadaiva || 40||

ईशानस्त्वं सर्वविद्याधिनाथःउद्गीथस्त्वं सर्व भूतेश्वरश्च ।तथैव त्वं मातृमेयादिहीनःशब्दादीनां मूलमीशस्त्वमेव ॥ ४१॥

īśānastvaṃ sarvavidyādhināthaḥudgīthastvaṃ sarva bhūteśvaraśca |tathaiva tvaṃ mātṛmeyādihīnaḥśabdādīnāṃ mūlamīśastvameva || 41||

॥ नमः शिवाय ॥नमस्ते रुद्र त्वं श्रुतिगतनमोऽन्तैकवचसांभवानन्तो नाथो नतिकरणनानाविधतनुः ।न हि त्वत्तो भिन्नं जगदपि च नानैव हि मृषानमः शेषोष्णीषिन् न हि शिव विवादः श्रुतिबलात् ॥ ४२॥

|| namaḥ śivāya ||namaste rudra tvaṃ śrutigatanamo'ntaikavacasāṃbhavānanto nātho natikaraṇanānāvidhatanuḥ |na hi tvatto bhinnaṃ jagadapi ca nānaiva hi mṛṣānamaḥ śeṣoṣṇīṣin na hi śiva vivādaḥ śrutibalāt || 42||

महानात्मा मायाविरहिशरीरो मनुगतोमहेशो मन्त्रार्थस्त्वमसि मनुदाता मनसिगः ।मनस्वी मध्यस्थो मरणजननाद्यन्तरहितःमधुर्मन्ता माता भवसि हर मन्वर्चितपदः ॥ ४३॥

mahānātmā māyāvirahiśarīro manugatomaheśo mantrārthastvamasi manudātā manasigaḥ |manasvī madhyastho maraṇajananādyantarahitaḥmadhurmantā mātā bhavasi hara manvarcitapadaḥ || 43||

शिवः शिष्ठो निष्ठो भवसि शिपिविष्टः शिवतरःशिनीवाल्यः खल्यः शशिधरशिखासूक्तमहिमा ।शिखीनेत्रो यन्त्रो भवसि शितिकम्ठस्त्वमसि दृक्शतावर्तो हर्ता त्वमसि भवहर्तासि जगताम् ॥ ४४॥

śivaḥ śiṣṭho niṣṭho bhavasi śipiviṣṭaḥ śivataraḥśinīvālyaḥ khalyaḥ śaśidharaśikhāsūktamahimā |śikhīnetro yantro bhavasi śitikamṭhastvamasi dṛkśatāvarto hartā tvamasi bhavahartāsi jagatām || 44||

वाहीकृतोक्ष भगवन् हर वामदेववाताशनादिपरिभूषितदिव्यकाय ।वास्तव्य वास्तुप महेश्वर वामनेत्राक्लृप्तार्धकाय भगवन् अव वारणारे ॥ ४५॥

vāhīkṛtokṣa bhagavan hara vāmadevavātāśanādiparibhūṣitadivyakāya |vāstavya vāstupa maheśvara vāmanetrāklṛptārdhakāya bhagavan ava vāraṇāre || 45||

यतो जातं विश्वं यमयति तथान्ते च यदृतेन हि स्वस्थं यस्मान्न भवति तथानन्यगतिकम् ।यमात्मानं सर्वे न हि खलु विजानन्ति तमसःपरं पारं यत्तत् भवसि यततामेव नियतम् ॥ ४६॥

yato jātaṃ viśvaṃ yamayati tathānte ca yadṛtena hi svasthaṃ yasmānna bhavati tathānanyagatikam |yamātmānaṃ sarve na hi khalu vijānanti tamasaḥparaṃ pāraṃ yattat bhavasi yatatāmeva niyatam || 46||

ईश्वरः उवाच ।पञ्चाक्षरार्थस्तवमेतदेवंपठन्त एवाध्यवसन्ति मां शिवे ।त एव धन्या जगतीतलेऽस्मिन्तेषां हि मुक्तिः करगा भवेत ॥ ४७॥

īśvaraḥ uvāca |pañcākṣarārthastavametadevaṃpaṭhanta evādhyavasanti māṃ śive |ta eva dhanyā jagatītale'sminteṣāṃ hi muktiḥ karagā bhaveta || 47||

वेदक्षीरमहार्णवोद्यतमहारुद्रोर्मिनामावलीमध्यभ्राजितदिव्यहृद्यतम सत्पञ्चाक्षरीविद्यया ।राजत्येव सुधाकरांशुचयवद्विप्रोनरो वा सुरोघोरोवाप्यसुरोऽथवा गिरिसुते मुक्तो भवेत्पातकैः ॥ ४८॥

vedakṣīramahārṇavodyatamahārudrormināmāvalīmadhyabhrājitadivyahṛdyatama satpañcākṣarīvidyayā |rājatyeva sudhākarāṃśucayavadvipronaro vā suroghorovāpyasuro'thavā girisute mukto bhavetpātakaiḥ || 48||

॥ इति शिवरहस्यान्तर्गते मुनिभिः कृतः शिवपञ्चाक्षरार्थस्तवः सम्पूर्णः ॥॥ श्रीशिवरहस्यम् । ईश्वराख्यः दशमांशः । अध्यायः ३७ शिवगौरीसंवादे पञ्चाक्षरमहिमा । ४०४८॥

|| iti śivarahasyāntargate munibhiḥ kṛtaḥ śivapañcākṣarārthastavaḥ sampūrṇaḥ |||| śrīśivarahasyam | īśvarākhyaḥ daśamāṃśaḥ | adhyāyaḥ 37 śivagaurīsaṃvāde pañcākṣaramahimā | 4048||

– ॥ श्रीशिवरहस्यम् ।ईश्वराख्यः दशमांशः ।अध्यायः ३७ शिवगौरीसंवादे पञ्चाक्षरमहिमा ।४०-४८॥

– || śrīśivarahasyam |īśvarākhyaḥ daśamāṃśaḥ |adhyāyaḥ 37 śivagaurīsaṃvāde pañcākṣaramahimā | 40-48||