शिवस्तोत्रम् (मुनिभिःकृतं ४ ब्रह्माण्डपुराणान्तर्गतम् विश्वेश्वर महादेव योऽसि सोऽसि नमोऽस्तु ते) Munibhih Kritam 4 Shiva Stotram

(मुनय ऊचुः)विश्वेश्वर महादेव योऽसि सोऽसि नमोऽस्तु ते ।स्तुवन्ति त्वां महात्मानो देवदेवं महेश्वरम् ॥ ६६॥

(munaya ūcuḥ)viśveśvara mahādeva yo'si so'si namo'stu te |stuvanti tvāṃ mahātmāno devadevaṃ maheśvaram || 66||

नमो भवाय भव्याय भावनायोद्भवाय च ।अनन्तबलवीर्याय भूतानां पतये नमः ॥ ६७॥

namo bhavāya bhavyāya bhāvanāyodbhavāya ca |anantabalavīryāya bhūtānāṃ pataye namaḥ || 67||

संहर्त्रे कपिशाङ्गाय अव्ययाय व्ययाय च ।गङ्गा सलिलधाराय चाधाराय गुणात्मने ॥ ६८॥

saṃhartre kapiśāṅgāya avyayāya vyayāya ca |gaṅgā saliladhārāya cādhārāya guṇātmane || 68||

त्र्यम्बकाय त्रिनेत्राय त्रिशूलवरधारिणे ।कन्दर्पाय नमस्तुभ्यं नमोऽस्तु परमात्मने ॥ ६९॥

tryambakāya trinetrāya triśūlavaradhāriṇe |kandarpāya namastubhyaṃ namo'stu paramātmane || 69||

शङ्कराय वृषाङ्काय गणानां पतये नमः ।दण्डहस्ताय कालाय पाशहस्ताय वै नमः ॥ ७०॥

śaṅkarāya vṛṣāṅkāya gaṇānāṃ pataye namaḥ |daṇḍahastāya kālāya pāśahastāya vai namaḥ || 70||

वेदमन्त्रप्रधानाय शतजिह्वाय ते नमः ।भूतं भव्यं भविष्यच्च स्थावरं जङ्गमं च यत् ॥ ७१॥

vedamantrapradhānāya śatajihvāya te namaḥ |bhūtaṃ bhavyaṃ bhaviṣyacca sthāvaraṃ jaṅgamaṃ ca yat || 71||

तव देहात्समुत्पन्नं देव सर्वमिदं जगत् ।शम्भो पाहि च भद्रं ते प्रसीद भगवंस्ततः ॥ ७२॥

tava dehātsamutpannaṃ deva sarvamidaṃ jagat |śambho pāhi ca bhadraṃ te prasīda bhagavaṃstataḥ || 72||

अज्ञानाद्यदि वा ज्ञानाद्यत्किञ्चित्कुरुते नरः ।तत्सर्वं भगवानेव कुरुते योगमायया ॥ ७३॥

ajñānādyadi vā jñānādyatkiñcitkurute naraḥ |tatsarvaṃ bhagavāneva kurute yogamāyayā || 73||

एवं स्तुत्वा तु मुनयः प्रहृष्टेनान्तरात्मना ।याचन्ते तपसा युक्ताः पश्यामस्त्वां यथा पुरा ॥ ७४॥

evaṃ stutvā tu munayaḥ prahṛṣṭenāntarātmanā |yācante tapasā yuktāḥ paśyāmastvāṃ yathā purā || 74||

प्रकृतिस्थं च ते लिङ्गं तथैवास्तु यथा पुरा ।नमो दिग्वाससे नित्यं किङ्किणीजालमालिने ॥ ७५॥

prakṛtisthaṃ ca te liṅgaṃ tathaivāstu yathā purā |namo digvāsase nityaṃ kiṅkiṇījālamāline || 75||

विकटाय करालाय करालवदनाय च ।अरूपाय सुरूपाय विश्वरूपाय ते नमः ॥ ७६॥

vikaṭāya karālāya karālavadanāya ca |arūpāya surūpāya viśvarūpāya te namaḥ || 76||

कटङ्कटाय रूद्राय स्वाहाकाराय वै नमः ।सर्वप्राणात्मने तुभ्यं गुणदेहाय वै नमः ॥ ७७॥

kaṭaṅkaṭāya rūdrāya svāhākārāya vai namaḥ |sarvaprāṇātmane tubhyaṃ guṇadehāya vai namaḥ || 77||

दुर्गन्धाय सुगन्धाय शूलहस्ताय वै नमः ।स्वयं नीलशिखण्डाय श्रीकण्ठाय नमो नमः ।नीलकण्ठाय देवाय चिताभस्माङ्गरागिणे ॥ ७८॥

durgandhāya sugandhāya śūlahastāya vai namaḥ |svayaṃ nīlaśikhaṇḍāya śrīkaṇṭhāya namo namaḥ |nīlakaṇṭhāya devāya citābhasmāṅgarāgiṇe || 78||

गुणत्रयात्मने तुभ्यं नमो विश्वाय वेधसे ।श्मशानवासिने नित्यं प्रेतरूपाय वै नमः ॥ ७९॥

guṇatrayātmane tubhyaṃ namo viśvāya vedhase |śmaśānavāsine nityaṃ pretarūpāya vai namaḥ || 79||

त्वं ब्रह्मा सर्वदेवानां रुद्राणां नीललोहितः ।आत्मा च सर्वभूतानां साङ्ख्यैः पुरुष उच्यते ॥ ८०॥

tvaṃ brahmā sarvadevānāṃ rudrāṇāṃ nīlalohitaḥ |ātmā ca sarvabhūtānāṃ sāṅkhyaiḥ puruṣa ucyate || 80||

पर्वतानां महामेरुर्नक्षत्राणां च चन्द्रमाः ।ऋषीणां च वसिष्ठस्त्वं देवानां वासवस्तथा ॥ ८१॥

parvatānāṃ mahāmerurnakṣatrāṇāṃ ca candramāḥ |ṛṣīṇāṃ ca vasiṣṭhastvaṃ devānāṃ vāsavastathā || 81||

ॐ करः सर्ववेदानां ज्येष्ठसाम च सामसु ।आरण्यानां च सर्वेषां सिंहस्त्वं परमेश्वरः ॥ ८२॥

oṃ karaḥ sarvavedānāṃ jyeṣṭhasāma ca sāmasu |āraṇyānāṃ ca sarveṣāṃ siṃhastvaṃ parameśvaraḥ || 82||

ग्राम्याणामृषभश्चापि भगवाँल्लोकपूजितः ।सर्वथा वर्त्तमानोऽपि यो यो भावो भविष्यति ॥ ८३॥

grāmyāṇāmṛṣabhaścāpi bhagavām̐llokapūjitaḥ |sarvathā varttamāno'pi yo yo bhāvo bhaviṣyati || 83||

त्वामेव तत्र पश्यामो ब्रह्मणा कथितं यथा ।कामः क्रोधश्च लोभश्च विषादो मद एव च ॥ ८४॥

tvāmeva tatra paśyāmo brahmaṇā kathitaṃ yathā |kāmaḥ krodhaśca lobhaśca viṣādo mada eva ca || 84||

एतदिच्छाम वै रोद्धुं प्रसीद परमेश्वर ।महासंहरणे प्राप्ते त्वया देव कृतात्मना ॥ ८५॥

etadicchāma vai roddhuṃ prasīda parameśvara |mahāsaṃharaṇe prāpte tvayā deva kṛtātmanā || 85||

करं ललाटे सम्पीड्य वह्निरुत्पादितस्त्वया ।तेनाग्निना तदा लोका अर्चिर्भिः सर्वतो वृताः ॥ ८६॥

karaṃ lalāṭe sampīḍya vahnirutpāditastvayā |tenāgninā tadā lokā arcirbhiḥ sarvato vṛtāḥ || 86||

तस्मादग्निसमा ह्येते बहवो विकृताग्नयः ।यानि चान्यानिभूतानि स्थावराणि चराणि च ॥ ८७॥

tasmādagnisamā hyete bahavo vikṛtāgnayaḥ |yāni cānyānibhūtāni sthāvarāṇi carāṇi ca || 87||

दह्यन्ते प्राणिनस्ते तु त्वत्समुत्थेन वाह्निना ।अस्माकं दह्यमानानां त्राता भव सुरेश्वर ॥ ८८॥

dahyante prāṇinaste tu tvatsamutthena vāhninā |asmākaṃ dahyamānānāṃ trātā bhava sureśvara || 88||

त्वं च लोकहितार्थाय भूतानि परिषिञ्चसि ।महेश्वर महाभाग प्रभो शुभनिरीक्षक ॥ ८९॥

tvaṃ ca lokahitārthāya bhūtāni pariṣiñcasi |maheśvara mahābhāga prabho śubhanirīkṣaka || 89||

आज्ञापय वयं नाथ कर्त्तारो वचनं तव ।रूपकोटिसहस्रेषु रूपकोटिशतेषु च ॥ ९०॥

ājñāpaya vayaṃ nātha karttāro vacanaṃ tava |rūpakoṭisahasreṣu rūpakoṭiśateṣu ca || 90||

इति ब्रह्माण्डपुराणे पूर्वभागे सप्तविंशाध्यायान्तर्गतंमुनिभिः कृतं शिवस्तोत्रं समाप्तम् ।ब्रह्माण्डपुराण । अनुषङ्ग । अध्याय २७/६७९०॥ब्रह्माण्डपुराण । अनुषन्ग । अध्याय २७/६७-९०॥

iti brahmāṇḍapurāṇe pūrvabhāge saptaviṃśādhyāyāntargataṃmunibhiḥ kṛtaṃ śivastotraṃ samāptam |brahmāṇḍapurāṇa | anuṣaṅga | adhyāya 27/6790||brahmāṇḍapurāṇa | anuṣanga | adhyāya 27/67-90||