मृत्युरक्षाकारककवचम् Mrityurakshakarakam Kavacham

श्रीदेव्युवाचभगवन् देवदेवेश देवताभिः प्रपूजितः ।सर्वं मे कथितं देव कवचं न प्रकाशितम् ॥ १॥

śrīdevyuvācabhagavan devadeveśa devatābhiḥ prapūjitaḥ |sarvaṃ me kathitaṃ deva kavacaṃ na prakāśitam || 1||

मृत्युरक्षाकरं देव सर्वाशुभविनाशनम् ।कथयस्वाद्य मे नाथ यदि स्नेहोऽस्ति मां प्रति ॥ २॥

mṛtyurakṣākaraṃ deva sarvāśubhavināśanam |kathayasvādya me nātha yadi sneho'sti māṃ prati || 2||

श्रीश्वर उवाचअस्य मृत्युञ्जयमन्त्रस्य वामदेव ऋषिः, गायत्रीच्छन्दः,मृत्युञ्जयो देवता, साधकाभीष्टसिद्।ह्ध्यर्थे जपे विनियोगःशिरो मे सर्वदा पातु मृत्युञ्जयसदाशिवः ।सत्र्यक्षरस्वरूपो मे वदनं च महेश्वरः ॥ ३॥

śrīśvara uvācaasya mṛtyuñjayamantrasya vāmadeva ṛṣiḥ, gāyatrīcchandaḥ,mṛtyuñjayo devatā, sādhakābhīṣṭasid|hdhyarthe jape viniyogaḥśiro me sarvadā pātu mṛtyuñjayasadāśivaḥ |satryakṣarasvarūpo me vadanaṃ ca maheśvaraḥ || 3||

पञ्चाक्षरात्मा भगवान् भुजौ मे परिरक्षतु ।मृत्युञ्जयस्त्रिबीजात्मा ह्यायू रक्षतु मे सदा ॥ ४॥

pañcākṣarātmā bhagavān bhujau me parirakṣatu |mṛtyuñjayastribījātmā hyāyū rakṣatu me sadā || 4||

बिल्ववृक्षसमासीनो दक्षिणामूर्तिरव्ययः ।सदा मे सर्वतः पातु षट्त्रिंशद्वर्णरूपधृक् ॥ ५॥

bilvavṛkṣasamāsīno dakṣiṇāmūrtiravyayaḥ |sadā me sarvataḥ pātu ṣaṭtriṃśadvarṇarūpadhṛk || 5||

द्वाविंशत्यक्षरो रुद्रः कुक्षौ मे परिरक्षतु ।त्रिवर्णात्मा नीलकण्ठः कण्ठं रक्षतु सर्वदा ॥ ६॥

dvāviṃśatyakṣaro rudraḥ kukṣau me parirakṣatu |trivarṇātmā nīlakaṇṭhaḥ kaṇṭhaṃ rakṣatu sarvadā || 6||

चिन्तामणिर्बीजपूरे ह्यर्द्धनारीश्वरो हरः ।सदा रक्षतु मे गुह्यं सर्वसम्पत्प्रदायकः ॥ ७॥

cintāmaṇirbījapūre hyarddhanārīśvaro haraḥ |sadā rakṣatu me guhyaṃ sarvasampatpradāyakaḥ || 7||

सत्र्यक्षरस्वरूपात्मा कूटरूपी महेश्वरः ।मार्तण्ड भैरवो नित्यं पादौ मे परिरक्षतु ॥ ८॥

satryakṣarasvarūpātmā kūṭarūpī maheśvaraḥ |mārtaṇḍa bhairavo nityaṃ pādau me parirakṣatu || 8||

ॐ जूं सः महाबीजस्वरूपस्त्रिपुरान्तकः ।ऊर्ध्वमूर्द्धनि चेशानो मम रक्षतु सर्वदा ॥ ९॥

oṃ jūṃ saḥ mahābījasvarūpastripurāntakaḥ |ūrdhvamūrddhani ceśāno mama rakṣatu sarvadā || 9||

दक्षिणस्यां महादेवो रक्षेन्मे गिरिनायकः ।अघोराख्यो महादेवः पूर्वस्यां परिरक्षतु ॥ १०॥

dakṣiṇasyāṃ mahādevo rakṣenme girināyakaḥ |aghorākhyo mahādevaḥ pūrvasyāṃ parirakṣatu || 10||

वामदेवः पश्चिमस्यां सदा मे परिरक्षतु ।उत्तरस्यां सदा पातु सद्योजातस्वरूपधृक् ॥ ११॥

vāmadevaḥ paścimasyāṃ sadā me parirakṣatu |uttarasyāṃ sadā pātu sadyojātasvarūpadhṛk || 11||

इत्थं रक्षाकरं देवि कवचं देवदुर्लभम् ।प्रातर्मध्याह्नकाले तु यः पठेच्छिवसन्निधौ ॥ १२॥

itthaṃ rakṣākaraṃ devi kavacaṃ devadurlabham |prātarmadhyāhnakāle tu yaḥ paṭhecchivasannidhau || 12||

सोऽभीष्टफलमाप्नोति कवचस्य प्रसादतः ।कवचं धारयेद्यस्तु साधको दक्षिणे भुजे ॥ १३॥

so'bhīṣṭaphalamāpnoti kavacasya prasādataḥ |kavacaṃ dhārayedyastu sādhako dakṣiṇe bhuje || 13||

सर्वसिद्धिकरं पुण्यं सर्वारिष्टविनाशनम् ।योगिनीभूतवेतालाः प्रेतकूष्माण्डपन्नगाः ॥ १४॥

sarvasiddhikaraṃ puṇyaṃ sarvāriṣṭavināśanam |yoginībhūtavetālāḥ pretakūṣmāṇḍapannagāḥ || 14||

न तस्य हिंसां कुर्वन्ति पुत्रवत्या लयन्ति ते ।पठित्वाऽभ्यर्चयेद्देवि यथाविधिपुरःसरम् ॥ १५॥

na tasya hiṃsāṃ kurvanti putravatyā layanti te |paṭhitvā'bhyarcayeddevi yathāvidhipuraḥsaram || 15||

लक्षञ्च मूलमन्त्रस्य पुरश्चरणमुच्यते ।तद्धारणे महादेवि मृत्युरोगविनाशनम् ॥ १६॥

lakṣañca mūlamantrasya puraścaraṇamucyate |taddhāraṇe mahādevi mṛtyurogavināśanam || 16||

एवं यः कुरुते मर्त्यः पुण्यां गतिमवाप्नुयात् ।इति ज्ञातं महादेवि तस्य वक्त्रे स्थितं सदा ॥ १७॥

evaṃ yaḥ kurute martyaḥ puṇyāṃ gatimavāpnuyāt |iti jñātaṃ mahādevi tasya vaktre sthitaṃ sadā || 17||

कवचस्य प्रसादेन मृत्युमुक्तो भवेन्नरः ।अन्यथा सिद्धिहानिः स्यात्सत्यमेतन्मनोरमे ॥ १८॥

kavacasya prasādena mṛtyumukto bhavennaraḥ |anyathā siddhihāniḥ syātsatyametanmanorame || 18||

तव स्नेहान्महादेवि कथितं कवचं शुभम् ।न देयं कस्यचिद्भद्रे यदीच्छेदात्मनो हितम् ॥ १९॥

tava snehānmahādevi kathitaṃ kavacaṃ śubham |na deyaṃ kasyacidbhadre yadīcchedātmano hitam || 19||

इति श्रीकियोड्डीशे महातन्त्रराजे देवीश्वरसंवादे मृत्युरक्षाकारकं कवचं समाप्तम् ।अथैओनविंशः पटलः

iti śrīkiyoḍḍīśe mahātantrarāje devīśvarasaṃvāde mṛtyurakṣākārakaṃ kavacaṃ samāptam |athaionaviṃśaḥ paṭalaḥ