मृत्युञ्जयसहस्रनामस्तोत्रम् Mrityunjaya Sahasranama Stotram

श्रीगणेशाय नमः ।श्रीभैरव उवाच ।अधुना शृणु देवेशि सहस्राख्यस्तवोत्तमम् ।महामृत्युञ्जयस्यास्य सारात् सारोत्तमोत्तमम् ॥अस्य श्रीमहामृत्युञ्जसहस्रनामस्तोत्र मन्त्रस्य,भैरव ऋषिः, उष्णिक् छन्दः, श्रीमहामृत्युञ्जयो देवता,ॐ बीजं, जुं शक्तिः, सः कीलकं, पुरुषार्थसिद्धयेसहस्रनाम पाठे विनियोगः ।ध्यानम्उद्यच्चन्द्रसमानदीप्तिममृतानन्दैकहेतुं शिवंॐ जुं सः भुवनैकसृष्टिप्र(वि)लयोद्भूत्येकरक्षाकरम् ।श्रीमत्तारदशार्णमण्डिततनुं त्र्यक्षं द्विबाहुं परंश्रीमृत्युञ्जयमीड्यविक्रमगुणैः पूर्णं हृदब्जे भजे ॥अथ स्तोत्रम्ॐ जुं सः हौं महादेवो मन्त्रज्ञो मानदायकः । (मन्त्रेशो मन्त्रनायकः)मानी मनोरमाङ्गश्च मनस्वी मानवर्धनः ॥ १॥

śrīgaṇeśāya namaḥ |śrībhairava uvāca |adhunā śṛṇu deveśi sahasrākhyastavottamam |mahāmṛtyuñjayasyāsya sārāt sārottamottamam ||asya śrīmahāmṛtyuñjasahasranāmastotra mantrasya,bhairava ṛṣiḥ, uṣṇik chandaḥ, śrīmahāmṛtyuñjayo devatā,oṃ bījaṃ, juṃ śaktiḥ, saḥ kīlakaṃ, puruṣārthasiddhayesahasranāma pāṭhe viniyogaḥ |dhyānamudyaccandrasamānadīptimamṛtānandaikahetuṃ śivaṃoṃ juṃ saḥ bhuvanaikasṛṣṭipra(vi)layodbhūtyekarakṣākaram |śrīmattāradaśārṇamaṇḍitatanuṃ tryakṣaṃ dvibāhuṃ paraṃśrīmṛtyuñjayamīḍyavikramaguṇaiḥ pūrṇaṃ hṛdabje bhaje ||atha stotramoṃ juṃ saḥ hauṃ mahādevo mantrajño mānadāyakaḥ | (mantreśo mantranāyakaḥ)mānī manoramāṅgaśca manasvī mānavardhanaḥ || 1||

मायाकर्ता मल्लरूपो मल्लमारान्तको मुनिः ।महेश्वरो महामान्यो मन्त्री मन्त्रिजनप्रियः ॥ २॥

māyākartā mallarūpo mallamārāntako muniḥ |maheśvaro mahāmānyo mantrī mantrijanapriyaḥ || 2||

मारुतो मरुतां श्रेष्ठो मासिकः पक्षिकोऽमृतः ।मातङ्गको मत्तचित्तो मत्तचिन्मत्तभावनः ॥ ३॥

māruto marutāṃ śreṣṭho māsikaḥ pakṣiko'mṛtaḥ |mātaṅgako mattacitto mattacinmattabhāvanaḥ || 3||

मानवेष्टप्रदो मेषो मेनकापतिवल्लभः ।मानकायो मधुस्तेयी मारयुक्तो जितेन्द्रियः ॥ ४॥

mānaveṣṭaprado meṣo menakāpativallabhaḥ |mānakāyo madhusteyī mārayukto jitendriyaḥ || 4||

जयो विजयदो जेता जयेशो जयवल्लभः ।डामरेशो विरूपाक्षो विश्वभोक्ता विभावसुः ॥ ५॥

jayo vijayado jetā jayeśo jayavallabhaḥ |ḍāmareśo virūpākṣo viśvabhoktā vibhāvasuḥ || 5||

विश्वेशो विश्वनाथश्च विश्वसूर्विश्वनायकः । (विश्वतातश्च)विनेता विनयी वादी वान्तदो वाक्प्रदो वटुः ॥ ६॥

viśveśo viśvanāthaśca viśvasūrviśvanāyakaḥ | (viśvatātaśca)vinetā vinayī vādī vāntado vākprado vaṭuḥ || 6||

स्थूलः सूक्ष्मोऽचलो लोलो लोलजिह्वः करालकः । (सूक्ष्मश्चलो)विराधेयो विरागीनो विलासी लास्यलालसः ॥ ७॥

sthūlaḥ sūkṣmo'calo lolo lolajihvaḥ karālakaḥ | (sūkṣmaścalo)virādheyo virāgīno vilāsī lāsyalālasaḥ || 7||

लोलाक्षो लोलधीर्धर्मी धनदो धनदार्चितः ।धनी ध्येयोऽप्यध्येयश्च धर्म्यो धर्ममयोदयः ॥ ८॥

lolākṣo loladhīrdharmī dhanado dhanadārcitaḥ |dhanī dhyeyo'pyadhyeyaśca dharmyo dharmamayodayaḥ || 8||

दयावान् देवजनको देवसेव्यो दयापतिः ।डुलिचक्षुर्दरीवासो दम्भी देवमयात्मकः ॥ ९॥

dayāvān devajanako devasevyo dayāpatiḥ |ḍulicakṣurdarīvāso dambhī devamayātmakaḥ || 9||

कुरूपः कीर्तिदः कान्तः क्लीबोऽक्लीबात्मकः कुजः ।बुधो विद्यामयः कामी कामकालान्धकान्तकः ॥ १०॥

kurūpaḥ kīrtidaḥ kāntaḥ klībo'klībātmakaḥ kujaḥ |budho vidyāmayaḥ kāmī kāmakālāndhakāntakaḥ || 10||

जीवो जीवप्रदः शुक्रः शुद्धः शर्मप्रदोऽनघः ।शनैश्चरो वेगगतिर्वाचालो राहुरव्ययः ॥ ११॥

jīvo jīvapradaḥ śukraḥ śuddhaḥ śarmaprado'naghaḥ |śanaiścaro vegagatirvācālo rāhuravyayaḥ || 11||

केतुः कारापतिः कालः सूर्योऽमितपराक्रमः ।चन्द्रो रुद्रपतिः भास्वान् भाग्यदो भर्गरूपभृत् ॥ १२॥

ketuḥ kārāpatiḥ kālaḥ sūryo'mitaparākramaḥ |candro rudrapatiḥ bhāsvān bhāgyado bhargarūpabhṛt || 12||

क्रूरो धूर्तो वियोगी च सङ्गी गङ्गाधरो गजः ।गजाननप्रियो गीतो गानी स्नानार्चनप्रियः ॥ १३॥

krūro dhūrto viyogī ca saṅgī gaṅgādharo gajaḥ |gajānanapriyo gīto gānī snānārcanapriyaḥ || 13||

परमः पीवराङ्गश्च पार्वतीवल्लभो महान् ।परात्मको विराड्धौम्यः वानरोऽमितकर्मकृत् ॥ १४॥

paramaḥ pīvarāṅgaśca pārvatīvallabho mahān |parātmako virāḍdhaumyaḥ vānaro'mitakarmakṛt || 14||

चिदानन्दी चारुरूपो गारुडो गरुडप्रियः ।नन्दीश्वरो नयो नागो नागालङ्कारमण्डितः ॥ १५॥

cidānandī cārurūpo gāruḍo garuḍapriyaḥ |nandīśvaro nayo nāgo nāgālaṅkāramaṇḍitaḥ || 15||

नागहारो महानागो गोधरो गोपतिस्तपः ।त्रिलोचनस्त्रिलोकेशस्त्रिमूर्तिस्त्रिपुरान्तकः ॥ १६॥

nāgahāro mahānāgo godharo gopatistapaḥ |trilocanastrilokeśastrimūrtistripurāntakaḥ || 16||

त्रिधामयो लोकमयो लोकैकव्यसनापहः ।व्यसनी तोषितः शम्भुस्त्रिधारूपस्त्रिवर्णभाक् ॥ १७॥

tridhāmayo lokamayo lokaikavyasanāpahaḥ |vyasanī toṣitaḥ śambhustridhārūpastrivarṇabhāk || 17||

त्रिज्योतिस्त्रिपुरीनाथस्त्रिधाशान्तस्त्रिधागतिः ।त्रिधागुणी विश्वकर्ता विश्वभर्ता अधिपूरुषः ॥ १८॥ (त्रिपूरुषः)

trijyotistripurīnāthastridhāśāntastridhāgatiḥ |tridhāguṇī viśvakartā viśvabhartā adhipūruṣaḥ || 18|| (tripūruṣaḥ)

उमेशो वासुकिर्वीरो वैनतेयो विचारकृत् ।विवेकाक्षो विशालाक्षोऽविधिर्विधिरनुत्तमः ॥ १९॥

umeśo vāsukirvīro vainateyo vicārakṛt |vivekākṣo viśālākṣo'vidhirvidhiranuttamaḥ || 19||

विद्यानिधिः सरोजाक्षो निःस्मरः स्मरनाशनः ।स्मृतिमान् स्मृतिदः स्मार्तो ब्रह्मा ब्रह्मविदां वरः ॥ २०॥

vidyānidhiḥ sarojākṣo niḥsmaraḥ smaranāśanaḥ |smṛtimān smṛtidaḥ smārto brahmā brahmavidāṃ varaḥ || 20||

ब्राह्मव्रती ब्रह्मचारी चतुरश्चतुराननः ।चलाचलोऽचलगतिर्वेगी वीराधिपो वरः ॥ २१॥

brāhmavratī brahmacārī caturaścaturānanaḥ |calācalo'calagatirvegī vīrādhipo varaḥ || 21||

सर्ववासः सर्वगतिः सर्वमान्यः सनातनः ।सर्वव्यापी सर्वरूपः सागरश्च समेश्वरः ॥ २२॥

sarvavāsaḥ sarvagatiḥ sarvamānyaḥ sanātanaḥ |sarvavyāpī sarvarūpaḥ sāgaraśca sameśvaraḥ || 22||

समनेत्रः समद्युतिः समकायः सरोवरः ।सरस्वान् सत्यवाक् सत्यः सत्यरूपः सुधीः सुखी ॥ २३॥

samanetraḥ samadyutiḥ samakāyaḥ sarovaraḥ |sarasvān satyavāk satyaḥ satyarūpaḥ sudhīḥ sukhī || 23||

स्वराट् सत्यः सत्यमती रुद्रो रौद्रवपुर्वसुः ।वसुमान् वसुधानाथो वसुरूपो वसुप्रदः ॥ २४॥

svarāṭ satyaḥ satyamatī rudro raudravapurvasuḥ |vasumān vasudhānātho vasurūpo vasupradaḥ || 24||

ईशानः सर्वदेवानामीशानः सर्वबोधिनाम् ।ईशोऽवशेषोऽवयवी शेषशायी श्रियः पतिः ॥ २५॥

īśānaḥ sarvadevānāmīśānaḥ sarvabodhinām |īśo'vaśeṣo'vayavī śeṣaśāyī śriyaḥ patiḥ || 25||

इन्द्रश्चन्द्रावतंसी च चराचरजगत्स्थितिः ।स्थिरः स्थाणुरणुः पीनः पीनवक्षाः परात्परः ॥ २६॥

indraścandrāvataṃsī ca carācarajagatsthitiḥ |sthiraḥ sthāṇuraṇuḥ pīnaḥ pīnavakṣāḥ parātparaḥ || 26||

पीनरूपो जटाधारी जटाजूटसमाकुलः ।पशुरूपः पशुपतिः पशुज्ञानी पयोनिधिः ॥ २७॥

pīnarūpo jaṭādhārī jaṭājūṭasamākulaḥ |paśurūpaḥ paśupatiḥ paśujñānī payonidhiḥ || 27||

वेद्यो वैद्यो वेदमयो विधिज्ञो विधिमान् मृडः ।शूली शुभङ्करः शोभ्यः शुभकर्ता शचीपतिः ॥ २८॥

vedyo vaidyo vedamayo vidhijño vidhimān mṛḍaḥ |śūlī śubhaṅkaraḥ śobhyaḥ śubhakartā śacīpatiḥ || 28||

शशाङ्कधवलः स्वामी वज्री शङ्खी गदाधरः ।चतुर्भुजश्चाष्टभुजः सहस्रभुजमण्डितः ॥ २९॥

śaśāṅkadhavalaḥ svāmī vajrī śaṅkhī gadādharaḥ |caturbhujaścāṣṭabhujaḥ sahasrabhujamaṇḍitaḥ || 29||

स्रुवहस्तो दीर्घकेशो दीर्घो दम्भविवर्जितः ।देवो महोदधिर्दिव्यो दिव्यकीर्तिर्दिवाकरः ॥ ३०॥

sruvahasto dīrghakeśo dīrgho dambhavivarjitaḥ |devo mahodadhirdivyo divyakīrtirdivākaraḥ || 30||

उग्ररूप उग्रपतिरुग्रवक्षास्तपोमयः ।तपस्वी जटिलस्तापी तापहा तापवर्जितः ॥ ३१॥

ugrarūpa ugrapatirugravakṣāstapomayaḥ |tapasvī jaṭilastāpī tāpahā tāpavarjitaḥ || 31||

हविर्हरो हयपतिर्हयदो हरिमण्डितः ।हरिवाही महौजस्को नित्यो नित्यात्मकोऽनलः ॥ ३२॥

havirharo hayapatirhayado harimaṇḍitaḥ |harivāhī mahaujasko nityo nityātmako'nalaḥ || 32||

सम्मानी संसृतिर्हारी सर्गी सन्निधिरन्वयः ।विद्याधरो विमानी च वैमानिकवरप्रदः ॥ ३३॥

sammānī saṃsṛtirhārī sargī sannidhiranvayaḥ |vidyādharo vimānī ca vaimānikavarapradaḥ || 33||

वाचस्पतिर्वसासारो वामाचारी बलन्धरः ।वाग्भवो वासवो वायुर्वासनाबीजमण्डितः ॥ ३४॥

vācaspatirvasāsāro vāmācārī balandharaḥ |vāgbhavo vāsavo vāyurvāsanābījamaṇḍitaḥ || 34||

वासी कोलशृतिर्दक्षो दक्षयज्ञविनाशनः ।दाक्षो दौर्भाग्यहा दैत्यमर्दनो भोगवर्धनः ॥ ३५॥

vāsī kolaśṛtirdakṣo dakṣayajñavināśanaḥ |dākṣo daurbhāgyahā daityamardano bhogavardhanaḥ || 35||

भोगी रोगहरो हेयो हारी हरिविभूषणः ।बहुरूपो बहुमतिर्बहुवित्तो विचक्षणः ॥ ३६॥

bhogī rogaharo heyo hārī harivibhūṣaṇaḥ |bahurūpo bahumatirbahuvitto vicakṣaṇaḥ || 36||

नृत्तकृच्चित्तसन्तोषो नृत्तगीतविशारदः ।शरद्वर्णविभूषाढ्यो गलदग्धोऽघनाशनः ॥ ३७॥

nṛttakṛccittasantoṣo nṛttagītaviśāradaḥ |śaradvarṇavibhūṣāḍhyo galadagdho'ghanāśanaḥ || 37||

नागी नागमयोऽनन्तोऽनन्तरूपः पिनाकभृत् ।नटनो हाटकेशानो वरीयांश्च विवर्णभृत् ॥ ३८॥

nāgī nāgamayo'nanto'nantarūpaḥ pinākabhṛt |naṭano hāṭakeśāno varīyāṃśca vivarṇabhṛt || 38||

झाङ्कारी टङ्कहस्तश्च पाशी शार्ङ्गी शशिप्रभः ।सहस्ररूपो समगुः साधूनामभयप्रदः ॥ ३९॥

jhāṅkārī ṭaṅkahastaśca pāśī śārṅgī śaśiprabhaḥ |sahasrarūpo samaguḥ sādhūnāmabhayapradaḥ || 39||

साधुसेव्यः साधुगतिः सेवाफलप्रदो विभुः ।सुमहा मद्यपो मत्तो मत्तमूर्तिः सुमन्तकः ॥ ४०॥

sādhusevyaḥ sādhugatiḥ sevāphalaprado vibhuḥ |sumahā madyapo matto mattamūrtiḥ sumantakaḥ || 40||

कीली लीलाकरो लान्तः भवबन्धैकमोचनः ।रोचिष्णुर्विष्णुरच्युत अमूर्तो नूतनो नवः ॥ ४१॥

kīlī līlākaro lāntaḥ bhavabandhaikamocanaḥ |rociṣṇurviṣṇuracyuta amūrto nūtano navaḥ || 41||

न्यग्रोधरूपो भयदो भयहाऽभीतिधारणः ।धरणीधरसेव्यश्च धराधरसुतापतिः ॥ ४२॥

nyagrodharūpo bhayado bhayahā'bhītidhāraṇaḥ |dharaṇīdharasevyaśca dharādharasutāpatiḥ || 42||

धराधरोऽन्धकरिपुर्विज्ञानी मोहवर्जितः ।स्थाणुकेशो जटी ग्राम्यो ग्रामारामो रमाप्रियः ॥ ४३॥

dharādharo'ndhakaripurvijñānī mohavarjitaḥ |sthāṇukeśo jaṭī grāmyo grāmārāmo ramāpriyaḥ || 43||

प्रियकृत् प्रियरूपश्च विप्रयोगी प्रतापनः ।प्रभाकरः प्रभादीप्तो मन्युमानवनीश्वरः ॥ ४४॥

priyakṛt priyarūpaśca viprayogī pratāpanaḥ |prabhākaraḥ prabhādīpto manyumānavanīśvaraḥ || 44||

तीक्ष्णबाहुस्तीक्ष्णकरस्तीक्ष्णांशुस्तीक्ष्णलोचनः ।तीक्ष्णचित्तस्त्रयीरूपस्त्रयीमूर्तिस्त्रयीतनुः ॥ ४५॥

tīkṣṇabāhustīkṣṇakarastīkṣṇāṃśustīkṣṇalocanaḥ |tīkṣṇacittastrayīrūpastrayīmūrtistrayītanuḥ || 45||

हविर्भुघविषां ज्योतिर्हालाहलो हलीपतिः ।हविष्मल्लोचनो हालामयो हरितरूपभृत् ॥ ४६॥

havirbhughaviṣāṃ jyotirhālāhalo halīpatiḥ |haviṣmallocano hālāmayo haritarūpabhṛt || 46||

म्रदिमाऽऽम्रमयो वृक्षो हुताशो हुतभुग्गुणी ।गुणज्ञो गरुडो गानतत्परो विक्रमी क्रमी ॥ ४७॥

mradimā''mramayo vṛkṣo hutāśo hutabhugguṇī |guṇajño garuḍo gānatatparo vikramī kramī || 47||

क्रमेश्वरः क्रमकरः क्रमिकृत् क्लान्तमानसः ।महातेजा महामारो मोहितो मोहवल्लभः ॥ ४८॥

krameśvaraḥ kramakaraḥ kramikṛt klāntamānasaḥ |mahātejā mahāmāro mohito mohavallabhaḥ || 48||

मनस्वी त्रिदशो बालो बालापतिरघापहः ।बाल्यो रिपुहरो हार्यो गविर्गविमतोऽगुणः ॥ ४९॥

manasvī tridaśo bālo bālāpatiraghāpahaḥ |bālyo ripuharo hāryo gavirgavimato'guṇaḥ || 49||

सगुणो वित्तराड्वीर्यो विरोचनो विभावसुः ।मालामयो माधवश्च विकर्तनोऽविकत्थनः ॥ ५०॥

saguṇo vittarāḍvīryo virocano vibhāvasuḥ |mālāmayo mādhavaśca vikartano'vikatthanaḥ || 50||

मानकृन्मुक्तिदोऽतुल्यो मुख्यः शत्रुभयङ्करः ।हिरण्यरेताः सुभगः सतीनाथः सिरापतिः ॥ ५१॥

mānakṛnmuktido'tulyo mukhyaḥ śatrubhayaṅkaraḥ |hiraṇyaretāḥ subhagaḥ satīnāthaḥ sirāpatiḥ || 51||

मेढ्री मैनाकभगिनीपतिरुत्तमरूपभृत् ।आदित्यो दितिजेशानो दितिपुत्रक्षयङ्करः ॥ ५२॥

meḍhrī mainākabhaginīpatiruttamarūpabhṛt |ādityo ditijeśāno ditiputrakṣayaṅkaraḥ || 52||

वसुदेवो महाभाग्यो विश्वावसुर्वसुप्रियः ।समुद्रोऽमिततेजाश्च खगेन्द्रो विशिखी शिखी ॥ ५३॥

vasudevo mahābhāgyo viśvāvasurvasupriyaḥ |samudro'mitatejāśca khagendro viśikhī śikhī || 53||

गरुत्मान् वज्रहस्तश्च पौलोमीनाथ ईश्वरः ।यज्ञपेयो वाजपेयः शतक्रतुः शताननः ॥ ५४॥

garutmān vajrahastaśca paulomīnātha īśvaraḥ |yajñapeyo vājapeyaḥ śatakratuḥ śatānanaḥ || 54||

प्रतिष्ठस्तीव्रविस्रम्भी गम्भीरो भाववर्धनः ।गायिष्ठो मधुरालापो मधुमत्तश्च माधवः ॥ ५५॥

pratiṣṭhastīvravisrambhī gambhīro bhāvavardhanaḥ |gāyiṣṭho madhurālāpo madhumattaśca mādhavaḥ || 55||

मायात्मा भोगिनां त्राता नाकिनामिष्टदायकः ।नाकेन्द्रो जनको जन्यः स्तम्भनो रम्भनाशनः ॥ ५६॥

māyātmā bhogināṃ trātā nākināmiṣṭadāyakaḥ |nākendro janako janyaḥ stambhano rambhanāśanaḥ || 56||

शङ्कर ईश्वर ईशः शर्वरीपतिशेखरः ।लिङ्गाध्यक्षः सुराध्यक्षो वेदाध्यक्षो विचारकः ॥ ५७॥

śaṅkara īśvara īśaḥ śarvarīpatiśekharaḥ |liṅgādhyakṣaḥ surādhyakṣo vedādhyakṣo vicārakaḥ || 57||

भर्गोऽनर्घ्यो नरेशानो नरवाहनसेवितः ।चतुरो भविता भावी भावदो भवभीतिहा ॥ ५८॥

bhargo'narghyo nareśāno naravāhanasevitaḥ |caturo bhavitā bhāvī bhāvado bhavabhītihā || 58||

भूतेशो महितो रामो विरामो रात्रिवल्लभः ।मङ्गलो धरणीपुत्रो धन्यो बुद्धिविवर्धनः ॥ ५९॥

bhūteśo mahito rāmo virāmo rātrivallabhaḥ |maṅgalo dharaṇīputro dhanyo buddhivivardhanaḥ || 59||

जयी जीवेश्वरो जारो जाठरो जह्नुतापनः ।जह्नुकन्याधरः कल्पो वत्सरो मासरूपधृत् ॥ ६०॥

jayī jīveśvaro jāro jāṭharo jahnutāpanaḥ |jahnukanyādharaḥ kalpo vatsaro māsarūpadhṛt || 60||

ऋतुरृभुसुताध्यक्षो विहारी विहगाधिपः ।शुक्लाम्बरो नीलकण्ठः शुक्लो भृगुसुतो भगः ॥ ६१॥

ṛturṛbhusutādhyakṣo vihārī vihagādhipaḥ |śuklāmbaro nīlakaṇṭhaḥ śuklo bhṛgusuto bhagaḥ || 61||

शान्तः शिवप्रदोऽभेद्योऽभेदकृच्छान्तकृत् पतिः ।नाथो दान्तो भिक्षुरूपी दातृश्रेष्ठो विशाम्पतिः ॥ ६२॥

śāntaḥ śivaprado'bhedyo'bhedakṛcchāntakṛt patiḥ |nātho dānto bhikṣurūpī dātṛśreṣṭho viśāmpatiḥ || 62||

कुमारः क्रोधनः क्रोधी विरोधी विग्रही रसः ।नीरसः सरसः सिद्धो वृषणी वृषघातनः ॥ ६३॥

kumāraḥ krodhanaḥ krodhī virodhī vigrahī rasaḥ |nīrasaḥ sarasaḥ siddho vṛṣaṇī vṛṣaghātanaḥ || 63||

पञ्चास्यः षण्मुखश्चैव विमुखः सुमुखीप्रियः ।दुर्मुखो दुर्जयो दुःखी सुखी सुखविलासदः ॥ ६४॥

pañcāsyaḥ ṣaṇmukhaścaiva vimukhaḥ sumukhīpriyaḥ |durmukho durjayo duḥkhī sukhī sukhavilāsadaḥ || 64||

पात्री पौत्री पवित्रश्च भूतात्मा पूतनान्तकः ।अक्षरं परमं तत्त्वं बलवान् बलघातनः ॥ ६५॥

pātrī pautrī pavitraśca bhūtātmā pūtanāntakaḥ |akṣaraṃ paramaṃ tattvaṃ balavān balaghātanaḥ || 65||

भल्ली भौलिर्भवाभावो भावाभावविमोचनः ।नारायणो मुक्तकेशो दिग्देवो धर्मनायकः ॥ ६६॥

bhallī bhaulirbhavābhāvo bhāvābhāvavimocanaḥ |nārāyaṇo muktakeśo digdevo dharmanāyakaḥ || 66||

कारामोक्षप्रदोऽजेयो महाङ्गः सामगायनः ।तत्सङ्गमो नामकारी चारी स्मरनिषूदनः ॥ ६७॥

kārāmokṣaprado'jeyo mahāṅgaḥ sāmagāyanaḥ |tatsaṅgamo nāmakārī cārī smaraniṣūdanaḥ || 67||

कृष्णः कृष्णाम्बरः स्तुत्यस्तारावर्णस्त्रपाकुलः ।त्रपावान् दुर्गतित्राता दुर्गमो दुर्गघातनः ॥ ६८॥

kṛṣṇaḥ kṛṣṇāmbaraḥ stutyastārāvarṇastrapākulaḥ |trapāvān durgatitrātā durgamo durgaghātanaḥ || 68||

महापादो विपादश्च विपदां नाशको नरः ।महाबाहुर्महोरस्को महानन्दप्रदायकः ॥ ६९॥

mahāpādo vipādaśca vipadāṃ nāśako naraḥ |mahābāhurmahorasko mahānandapradāyakaḥ || 69||

महानेत्रो महादाता नानाशास्त्रविचक्षणः ।महामूर्धा महादन्तो महाकर्णो महोरगः ॥ ७०॥

mahānetro mahādātā nānāśāstravicakṣaṇaḥ |mahāmūrdhā mahādanto mahākarṇo mahoragaḥ || 70||

महाचक्षुर्महानासो महाग्रीवो दिगालयः ।दिग्वासा दितिजेशानो मुण्डी मुण्डाक्षसूत्रधृत् ॥ ७१॥

mahācakṣurmahānāso mahāgrīvo digālayaḥ |digvāsā ditijeśāno muṇḍī muṇḍākṣasūtradhṛt || 71||

श्मशाननिलयोऽरागी महाकटिरनूतनः ।पुराणपुरुषोऽपारः परमात्मा महाकरः ॥ ७२॥

śmaśānanilayo'rāgī mahākaṭiranūtanaḥ |purāṇapuruṣo'pāraḥ paramātmā mahākaraḥ || 72||

महालस्यो महाकेशो महोष्ठो मोहनो विराट् ।महामुखो महाजङ्घो मण्डली कुण्डली नटः ॥ ७३॥

mahālasyo mahākeśo mahoṣṭho mohano virāṭ |mahāmukho mahājaṅgho maṇḍalī kuṇḍalī naṭaḥ || 73||

असपत्नः पत्रकरः पात्रहस्तश्च पाटवः ।लालसः सालसः सालः कल्पवृक्षश्च कम्पितः ॥ ७४॥

asapatnaḥ patrakaraḥ pātrahastaśca pāṭavaḥ |lālasaḥ sālasaḥ sālaḥ kalpavṛkṣaśca kampitaḥ || 74||

कम्पहा कल्पनाहारी महाकेतुः कठोरकः ।अनलः पवनः पाठः पीठस्थः पीठरूपकः ॥ ७५॥

kampahā kalpanāhārī mahāketuḥ kaṭhorakaḥ |analaḥ pavanaḥ pāṭhaḥ pīṭhasthaḥ pīṭharūpakaḥ || 75||

पाटीनः कुलिशी पीनो मेरुधामा महागुणी ।महातूणीरसंयुक्तो देवदानवदर्पहा ॥ ७६॥

pāṭīnaḥ kuliśī pīno merudhāmā mahāguṇī |mahātūṇīrasaṃyukto devadānavadarpahā || 76||

अथर्वशीर्षः सोम्यास्यः ऋक्सहस्रामितेक्षणः ।यजुःसाममुखो गुह्यो यजुर्वेदविचक्षणः ॥ ७७॥

atharvaśīrṣaḥ somyāsyaḥ ṛksahasrāmitekṣaṇaḥ |yajuḥsāmamukho guhyo yajurvedavicakṣaṇaḥ || 77||

याज्ञिको यज्ञरूपश्च यज्ञज्ञो धरणीपतिः । (यज्ञघ्नो)जङ्गमी भङ्गदो भाषादक्षोऽभिगमदर्शनः ॥ ७८॥

yājñiko yajñarūpaśca yajñajño dharaṇīpatiḥ | (yajñaghno)jaṅgamī bhaṅgado bhāṣādakṣo'bhigamadarśanaḥ || 78||

अगम्यः सुगमः खर्वः खेटी खट्वाननो नयः । (खेटाननो)अमोघार्थः सिन्धुपतिः सैन्धवः सानुमध्यगः ॥ ७९॥

agamyaḥ sugamaḥ kharvaḥ kheṭī khaṭvānano nayaḥ | (kheṭānano)amoghārthaḥ sindhupatiḥ saindhavaḥ sānumadhyagaḥ || 79||

प्रतापी प्रजयी प्रातर्मध्याह्नसायमध्वरः ।त्रिकालज्ञः सुगणकः पुष्करस्थः परोपकृत् ॥ ८०॥

pratāpī prajayī prātarmadhyāhnasāyamadhvaraḥ |trikālajñaḥ sugaṇakaḥ puṣkarasthaḥ paropakṛt || 80||

उपकर्तापहर्ता च घृणी रणजयप्रदः ।धर्मी चर्माम्बरश्चारुरूपश्चारुविशोषणः ॥ ८१॥

upakartāpahartā ca ghṛṇī raṇajayapradaḥ |dharmī carmāmbaraścārurūpaścāruviśoṣaṇaḥ || 81||

नक्तञ्चरःकालवशी वशी वशिवरोऽवशः ।वश्यो वश्यकरो भस्मशायी भस्मविलेपनः ॥ ८२॥

naktañcaraḥkālavaśī vaśī vaśivaro'vaśaḥ |vaśyo vaśyakaro bhasmaśāyī bhasmavilepanaḥ || 82||

भस्माङ्गी मलिनाङ्गश्च मालामण्डितमूर्धजः ।गणकार्यः कुलाचारः सर्वाचारः सखा समः ॥ ८३॥

bhasmāṅgī malināṅgaśca mālāmaṇḍitamūrdhajaḥ |gaṇakāryaḥ kulācāraḥ sarvācāraḥ sakhā samaḥ || 83||

सुकुरो गोत्रभिद्गोप्ता भीमरूपो भयानकः । (मकरो)अरुणश्चैकचिन्त्यश्च त्रिशङ्कुः शङ्कुधारणः ॥ ८४॥

sukuro gotrabhidgoptā bhīmarūpo bhayānakaḥ | (makaro)aruṇaścaikacintyaśca triśaṅkuḥ śaṅkudhāraṇaḥ || 84||

आश्रमी ब्राह्मणो वज्री क्षत्रियः कार्यहेतुकः ।वैश्यः शूद्रः कपोतस्थः त्वष्टा तुष्टो रुषाकुलः ॥ ८५॥

āśramī brāhmaṇo vajrī kṣatriyaḥ kāryahetukaḥ |vaiśyaḥ śūdraḥ kapotasthaḥ tvaṣṭā tuṣṭo ruṣākulaḥ || 85||

रोगी रोगापहः शूरः कपिलः कपिनायकः ।पिनाकी चाष्टमूर्तिश्च क्षितिमान् धृतिमांस्तथा ॥ ८६॥

rogī rogāpahaḥ śūraḥ kapilaḥ kapināyakaḥ |pinākī cāṣṭamūrtiśca kṣitimān dhṛtimāṃstathā || 86||

जलमूर्तिर्वायुमूर्तिर्हुताशः सोममूर्तिमान् ।सूर्यदेवो यजमान आकाशः परमेश्वरः ॥ ८७॥

jalamūrtirvāyumūrtirhutāśaḥ somamūrtimān |sūryadevo yajamāna ākāśaḥ parameśvaraḥ || 87||

भवहा भवमूर्तिश्च भूतात्मा भूतभावनः ।भवः शर्वस्तथा रुद्रः पशुनाथश्च शङ्करः ॥ ८८॥

bhavahā bhavamūrtiśca bhūtātmā bhūtabhāvanaḥ |bhavaḥ śarvastathā rudraḥ paśunāthaśca śaṅkaraḥ || 88||

गिरिजो गिरिजानाथो गिरीन्द्रश्च महेश्वरः ।गिरीशः खण्डहस्तश्च महानुग्रो गणेश्वरः ॥ ८९॥

girijo girijānātho girīndraśca maheśvaraḥ |girīśaḥ khaṇḍahastaśca mahānugro gaṇeśvaraḥ || 89||

भीमः कपर्दी भीतिज्ञः खण्डपश्चण्डविक्रमः ।खड्गभृत् खण्डपरशुः कृत्तिवासा विषापहः ॥ ९०॥

bhīmaḥ kapardī bhītijñaḥ khaṇḍapaścaṇḍavikramaḥ |khaḍgabhṛt khaṇḍaparaśuḥ kṛttivāsā viṣāpahaḥ || 90||

कङ्कालः कलनाकारः श्रीकण्ठो नीललोहितः ।गणेश्वरो गुणी नन्दी धर्मराजो दुरन्तकः ॥ ९१॥

kaṅkālaḥ kalanākāraḥ śrīkaṇṭho nīlalohitaḥ |gaṇeśvaro guṇī nandī dharmarājo durantakaḥ || 91||

भृङ्गीरिटिः रसासारो दयालू रूपमण्डितः ।अमृतः कालरुद्रश्च कालाग्निः शशिशेखरः ॥ ९२॥

bhṛṅgīriṭiḥ rasāsāro dayālū rūpamaṇḍitaḥ |amṛtaḥ kālarudraśca kālāgniḥ śaśiśekharaḥ || 92||

सद्योजातः स्वर्णमुञ्जमेखली दुर्निमित्तहृत् ।दुःस्वप्नहृत् प्रसहनो गुणिनादप्रतिष्ठितः ॥ ९३॥

sadyojātaḥ svarṇamuñjamekhalī durnimittahṛt |duḥsvapnahṛt prasahano guṇinādapratiṣṭhitaḥ || 93||

शुक्लस्त्रिशुक्लः सम्पन्नः शुचिर्भूतनिषेवितः ।यज्ञरूपो यज्ञमुखो यजमानेष्टदः शुचिः ॥ ९४॥

śuklastriśuklaḥ sampannaḥ śucirbhūtaniṣevitaḥ |yajñarūpo yajñamukho yajamāneṣṭadaḥ śuciḥ || 94||

धृतिमान् मतिमान् दक्षो दक्षयज्ञविघातकः ।नागहारी भस्मधारी भूतिभूषितविग्रहः ॥ ९५॥

dhṛtimān matimān dakṣo dakṣayajñavighātakaḥ |nāgahārī bhasmadhārī bhūtibhūṣitavigrahaḥ || 95||

कपाली कुण्डली भर्गः भक्तार्तिभञ्जनो विभुः ।वृषध्वजो वृषारूढो धर्मवृषविवर्धकः ॥ ९६॥

kapālī kuṇḍalī bhargaḥ bhaktārtibhañjano vibhuḥ |vṛṣadhvajo vṛṣārūḍho dharmavṛṣavivardhakaḥ || 96||

महाबलः सर्वतीर्थः सर्वलक्षणलक्षितः ।सहस्रबाहुः सर्वाङ्गः शरण्यः सर्वलोककृत् ॥ ९७॥

mahābalaḥ sarvatīrthaḥ sarvalakṣaṇalakṣitaḥ |sahasrabāhuḥ sarvāṅgaḥ śaraṇyaḥ sarvalokakṛt || 97||

पवित्रस्त्रिककुन्मन्त्रः कनिष्ठः कृष्णपिङ्गलः ।ब्रह्मदण्डविनिर्माता शतघ्नीपाशशक्तिमान् ॥ ९८॥

pavitrastrikakunmantraḥ kaniṣṭhaḥ kṛṣṇapiṅgalaḥ |brahmadaṇḍavinirmātā śataghnīpāśaśaktimān || 98||

पद्मगर्भो महागर्भो ब्रह्मगर्भो जलोद्भवः ।देवासुरविनिर्माता देवासुरपरायणः ॥ ९९॥

padmagarbho mahāgarbho brahmagarbho jalodbhavaḥ |devāsuravinirmātā devāsuraparāyaṇaḥ || 99||

देवासुरगुरुर्देवो देवासुरनमस्कृतः ।गुहप्रियो गणसेव्यः पवित्रः सर्वपावनः ॥ १००॥

devāsuragururdevo devāsuranamaskṛtaḥ |guhapriyo gaṇasevyaḥ pavitraḥ sarvapāvanaḥ || 100||

ललाटाक्षो विश्वदेवो दमनः श्वेतपिङ्गलः ।विमुक्तिर्मुक्तितेजस्को भक्तानां परमा गतिः ॥ १०१॥

lalāṭākṣo viśvadevo damanaḥ śvetapiṅgalaḥ |vimuktirmuktitejasko bhaktānāṃ paramā gatiḥ || 101||

देवातिदेवो देवर्षिर्देवासुरवरप्रदः ।कैलासगिरिवासी च हिमवद्गिरिसंश्रयः ॥ १०२॥

devātidevo devarṣirdevāsuravarapradaḥ |kailāsagirivāsī ca himavadgirisaṃśrayaḥ || 102||

नाथपूज्यः सिद्धनृत्यो नवनाथसमर्चितः ।कपर्दी कल्पकृद्रुद्रः सुमना धर्मवत्सलः ॥ १०३॥

nāthapūjyaḥ siddhanṛtyo navanāthasamarcitaḥ |kapardī kalpakṛdrudraḥ sumanā dharmavatsalaḥ || 103||

वृषाकपिः कल्पकर्ता नियतात्मा निराकुलः ।नीलकण्ठो धनाध्यक्षो नाथः प्रमथनायकः ॥ १०४॥

vṛṣākapiḥ kalpakartā niyatātmā nirākulaḥ |nīlakaṇṭho dhanādhyakṣo nāthaḥ pramathanāyakaḥ || 104||

अनादिरन्तरहितो भूतिदो भूतिविग्रहः ।सेनाकल्पो महाकल्पो योगो युगकरो हरिः ॥ १०५॥

anādirantarahito bhūtido bhūtivigrahaḥ |senākalpo mahākalpo yogo yugakaro hariḥ || 105||

युगरूपो महारूपो महागीतो महागुणः ।विसर्गो लिङ्गरूपश्च पवित्रः पापनाशनः ॥ १०६॥

yugarūpo mahārūpo mahāgīto mahāguṇaḥ |visargo liṅgarūpaśca pavitraḥ pāpanāśanaḥ || 106||

ईड्यो महेश्वरः शम्भुर्देवसिंहो नरर्षभः ।विबुधोऽग्रवरः सूक्ष्मः सर्वदेवस्तपोमयः ॥ १०७॥

īḍyo maheśvaraḥ śambhurdevasiṃho nararṣabhaḥ |vibudho'gravaraḥ sūkṣmaḥ sarvadevastapomayaḥ || 107||

सुयुक्तः शोभनो वज्री देवानां प्रभवोऽव्ययः ।गुहः कान्तो निजसर्गः पवित्रः सर्वपावनः ॥ १०८॥

suyuktaḥ śobhano vajrī devānāṃ prabhavo'vyayaḥ |guhaḥ kānto nijasargaḥ pavitraḥ sarvapāvanaḥ || 108||

शृङ्गी शृङ्गप्रियो बभ्रू राजराजो निरामयः ।देवासुरगणाध्यक्षो नियमेन्द्रियवर्धनः ॥ १०९॥

śṛṅgī śṛṅgapriyo babhrū rājarājo nirāmayaḥ |devāsuragaṇādhyakṣo niyamendriyavardhanaḥ || 109||

त्रिपुरान्तक श्रीकण्ठस्त्रिनेत्रः पञ्चवक्त्रकः । (ईशानस्त्रिनेत्रः)कालहृत् केवलात्मा च ऋग्यजुःसामवेदवान् ॥ ११०॥

tripurāntaka śrīkaṇṭhastrinetraḥ pañcavaktrakaḥ | (īśānastrinetraḥ)kālahṛt kevalātmā ca ṛgyajuḥsāmavedavān || 110||

ईशानः सर्वभूतानामीश्वरः सर्वरक्षसाम् ।ब्रह्मणोऽधिपतिर्ब्रह्म ब्रह्मणोऽधिपतिस्तथा ॥ १११॥

īśānaḥ sarvabhūtānāmīśvaraḥ sarvarakṣasām |brahmaṇo'dhipatirbrahma brahmaṇo'dhipatistathā || 111||

ब्रह्मा शिवः सदानन्दी सदानन्दः सदाशिवः ।मेषस्वरूपश्चार्वङ्गो गायत्रीरूपधारणः ॥ ११२॥

brahmā śivaḥ sadānandī sadānandaḥ sadāśivaḥ |meṣasvarūpaścārvaṅgo gāyatrīrūpadhāraṇaḥ || 112||

अघोरेभ्योऽथ घोरेभ्यो घोरघोरतराय च ।सर्वतः सर्वसर्वेभ्यो नमस्ते रुद्ररूपिणे ॥ ११३॥

aghorebhyo'tha ghorebhyo ghoraghoratarāya ca |sarvataḥ sarvasarvebhyo namaste rudrarūpiṇe || 113||

वामदेवस्तथा ज्येष्ठः श्रेष्ठः कालकरालकः ।महाकालो भैरवेशो वेशी कलविकारणः ॥ ११४॥

vāmadevastathā jyeṣṭhaḥ śreṣṭhaḥ kālakarālakaḥ |mahākālo bhairaveśo veśī kalavikāraṇaḥ || 114||

बलविकारणो बालो बलप्रमथनस्तथा ।सर्वभूतादिदमनो देवदेवो मनोन्मनः ॥ ११५॥

balavikāraṇo bālo balapramathanastathā |sarvabhūtādidamano devadevo manonmanaḥ || 115||

सद्योजातं प्रपद्यामि सद्योजाताय वै नमः ।भवे भवे नातिभवे भवस्व मां भवोद्भव ॥ ११६॥

sadyojātaṃ prapadyāmi sadyojātāya vai namaḥ |bhave bhave nātibhave bhavasva māṃ bhavodbhava || 116||

भावनो भवनो भाव्यो बलकारी परं पदम् ।परः शिवः परो ध्येयः परं ज्ञानं परात्परः ॥ ११७॥

bhāvano bhavano bhāvyo balakārī paraṃ padam |paraḥ śivaḥ paro dhyeyaḥ paraṃ jñānaṃ parātparaḥ || 117||

परावरः पलाशी च मांसाशी वैष्णवोत्तमः ।ॐ ऐं ह्रीं श्रीं ह्सौः देवो ॐ श्रीं हौं भैरवोत्तमः ॥ ११८॥

parāvaraḥ palāśī ca māṃsāśī vaiṣṇavottamaḥ |oṃ aiṃ hrīṃ śrīṃ hsauḥ devo oṃ śrīṃ hauṃ bhairavottamaḥ || 118||

ॐ ह्रां नमः शिवायेति मन्त्रो वटुवरायुधः ।ॐ ह्रीं सदाशिवः ॐ ह्रीं आपदुद्धारणो मनुः ॥ ११९॥

oṃ hrāṃ namaḥ śivāyeti mantro vaṭuvarāyudhaḥ |oṃ hrīṃ sadāśivaḥ oṃ hrīṃ āpaduddhāraṇo manuḥ || 119||

ॐ ह्रीं महाकरालास्यः ॐ ह्रीं बटुकभैरवः ।भगवांस्त्र्यम्बक ॐ ह्रीं ॐ ह्रीं चन्द्रार्धशेखरः ॥ १२०॥

oṃ hrīṃ mahākarālāsyaḥ oṃ hrīṃ baṭukabhairavaḥ |bhagavāṃstryambaka oṃ hrīṃ oṃ hrīṃ candrārdhaśekharaḥ || 120||

ॐ ह्रीं सं जटिलो धूम्रो ॐ ह्रीं त्रिपुरघातकः ।ह्रां ह्रीं ह्रूं हरिवामाङ्ग ॐ ह्रीं ह्रूं ह्रीं त्रिलोचनः ॥ १२१॥

oṃ hrīṃ saṃ jaṭilo dhūmro oṃ hrīṃ tripuraghātakaḥ |hrāṃ hrīṃ hrūṃ harivāmāṅga oṃ hrīṃ hrūṃ hrīṃ trilocanaḥ || 121||

ॐ वेदरूपो वेदज्ञ ऋग्यजुःसाममूर्तिमान् ।रुद्रो घोररवोऽघोरो ॐ क्ष्म्यूं अघोरभैरवः ॥ १२२॥

oṃ vedarūpo vedajña ṛgyajuḥsāmamūrtimān |rudro ghoraravo'ghoro oṃ kṣmyūṃ aghorabhairavaḥ || 122||

ओंजुं सः पीयूषसक्तोऽमृताध्यक्षोऽमृतालसः ।ॐ त्र्यम्बकं यजामहे सुगन्धिं पुष्टिवर्धनम् ॥ १२३॥

oṃjuṃ saḥ pīyūṣasakto'mṛtādhyakṣo'mṛtālasaḥ |oṃ tryambakaṃ yajāmahe sugandhiṃ puṣṭivardhanam || 123||

उर्वारुकमिव बन्धनान्मृत्योर्मुक्षीय माऽमृतात् ।ॐ हौं जूं सः ॐभूर्भुवः स्वः ॐजूंसः मृत्युञ्जयः ।(पातु मां सर्वदेवेशो मृत्युञ्जयः सदाशिवः ॥ १२४॥)

urvārukamiva bandhanānmṛtyormukṣīya mā'mṛtāt |oṃ hauṃ jūṃ saḥ oṃbhūrbhuvaḥ svaḥ oṃjūṃsaḥ mṛtyuñjayaḥ |(pātu māṃ sarvadeveśo mṛtyuñjayaḥ sadāśivaḥ || 124||)

इदं नाम्नां सहस्रं तु रहस्यं परमाद्भुतम् ।सर्वस्वं नाकिनां देवि जन्तूनां भुवि का कथा ॥ १२५॥

idaṃ nāmnāṃ sahasraṃ tu rahasyaṃ paramādbhutam |sarvasvaṃ nākināṃ devi jantūnāṃ bhuvi kā kathā || 125||

तव भक्त्या मयाऽऽख्यातं त्रिषु लोकेषु दुर्लभम् ।गोप्यं सहस्रनामेदं साक्षादमृतरूपकम् ॥ १२६॥

tava bhaktyā mayā''khyātaṃ triṣu lokeṣu durlabham |gopyaṃ sahasranāmedaṃ sākṣādamṛtarūpakam || 126||

यः पठेत् पाठयेद्वापि श्रावयेच्छृणुयात् तथा ।मृत्युञ्जयस्य देवस्य फलं तस्य शिवे शृणु ॥ १२७॥

yaḥ paṭhet pāṭhayedvāpi śrāvayecchṛṇuyāt tathā |mṛtyuñjayasya devasya phalaṃ tasya śive śṛṇu || 127||

लक्ष्म्या कृष्णो धिया जीवो प्रतापेन दिवाकरः ।तेजसा वह्निदेवस्तु कवित्वे चैव भार्गवः ॥ १२८॥

lakṣmyā kṛṣṇo dhiyā jīvo pratāpena divākaraḥ |tejasā vahnidevastu kavitve caiva bhārgavaḥ || 128||

शौर्येण हरिसङ्काशो नीत्यं द्रुहिणसन्निभः ।ईश्वरत्वेन देवेशि मत्समः किमतःपरम् ॥ १२९॥

śauryeṇa harisaṅkāśo nītyaṃ druhiṇasannibhaḥ |īśvaratvena deveśi matsamaḥ kimataḥparam || 129||

यः पठेदर्धरात्रे च साधको धैर्यसंयुतः ।पठेत् सहस्रनामेदं सिद्धिमाप्नोति साधकः ॥ १३०॥

yaḥ paṭhedardharātre ca sādhako dhairyasaṃyutaḥ |paṭhet sahasranāmedaṃ siddhimāpnoti sādhakaḥ || 130||

चतुष्पथे चैकलिङ्गे मरुदेशे वनेऽजने ।श्मशाने प्रान्तरे दुर्गे पाठात् सिद्धिर्न संशयः ॥ १३१॥

catuṣpathe caikaliṅge marudeśe vane'jane |śmaśāne prāntare durge pāṭhāt siddhirna saṃśayaḥ || 131||

नौकायां चौरसङ्घे च सङ्कटे प्राणसङ्क्षये ।यत्र यत्र भये प्राप्ते विषवह्निभयादिषु ॥ १३२॥

naukāyāṃ caurasaṅghe ca saṅkaṭe prāṇasaṅkṣaye |yatra yatra bhaye prāpte viṣavahnibhayādiṣu || 132||

पठेत् सहस्रनामाशु मुच्यते नात्र संशयः ।भौमावस्यां निशीथे च गत्वा प्रेतालयं सुधीः ॥ १३३॥

paṭhet sahasranāmāśu mucyate nātra saṃśayaḥ |bhaumāvasyāṃ niśīthe ca gatvā pretālayaṃ sudhīḥ || 133||

पठित्वा स भवेद्देवि साक्षादिन्द्रोऽर्चितः सुरैः ।शनौ दर्शदिने देवि निशायां सरितस्तटे ॥ १३४॥

paṭhitvā sa bhaveddevi sākṣādindro'rcitaḥ suraiḥ |śanau darśadine devi niśāyāṃ saritastaṭe || 134||

पठेन्नामसहस्रं वै जपेदष्टोत्तरं शतम् ।सुदर्शनो भवेदाशु मृत्युञ्जयप्रसादतः ॥ १३५॥

paṭhennāmasahasraṃ vai japedaṣṭottaraṃ śatam |sudarśano bhavedāśu mṛtyuñjayaprasādataḥ || 135||

दिगम्बरो मुक्तकेशः साधको दशधा पठेत् ।इह लोके भवेद्राजा परे मुक्तिर्भविष्यति ॥ १३६॥

digambaro muktakeśaḥ sādhako daśadhā paṭhet |iha loke bhavedrājā pare muktirbhaviṣyati || 136||

इदं रहस्यं परमं भक्त्या तव मयोदितम् ।मन्त्रगर्भं मनुमयं न चाख्येयं दुरात्मने ॥ १३७॥

idaṃ rahasyaṃ paramaṃ bhaktyā tava mayoditam |mantragarbhaṃ manumayaṃ na cākhyeyaṃ durātmane || 137||

नो दद्यात् परशिष्येभ्यः पुत्रेभ्योऽपि विशेषतः ।रहस्यं मम सर्वस्वं गोप्यं गुप्ततरं कलौ ॥ १३८॥

no dadyāt paraśiṣyebhyaḥ putrebhyo'pi viśeṣataḥ |rahasyaṃ mama sarvasvaṃ gopyaṃ guptataraṃ kalau || 138||

षण्मुखस्यापि नो वाच्यं गोपनीयं तथात्मनः ।दुर्जनाद्रक्षणीयं च पठनीयमहर्निशम् ॥ १३९॥

ṣaṇmukhasyāpi no vācyaṃ gopanīyaṃ tathātmanaḥ |durjanādrakṣaṇīyaṃ ca paṭhanīyamaharniśam || 139||

श्रोतव्यं साधकमुखाद्रक्षणीयं स्वपुत्रवत् ।॥ इति श्रीरुद्रयामले तन्त्रे श्रीदेवीरहस्येमृत्युञ्जयसहस्रनामं सम्पूर्णम् ॥

śrotavyaṃ sādhakamukhādrakṣaṇīyaṃ svaputravat ||| iti śrīrudrayāmale tantre śrīdevīrahasyemṛtyuñjayasahasranāmaṃ sampūrṇam ||