मृत्युलाङ्गूलोपनिषत् Mrityulangula Upanishad

अथ मृत्युलाङ्गूलं व्याख्यास्यामः । अस्य मृत्युलाङ्गूलमन्त्रस्यवसिष्ठ ऋषिः । अनुष्टुप् छन्दः । कालाग्निरुद्रो यमश्च देवता ।मृत्यूपस्थाने विनियोगः । अथातो योगजिह्वः साधुमतियोजितं स मेवाह कालं पुरुषमूर्ध्वलिङ्गं विरूपाक्षं विश्वरूपाय नमो नमः ।

atha mṛtyulāṅgūlaṃ vyākhyāsyāmaḥ | asya mṛtyulāṅgūlamantrasyavasiṣṭha ṛṣiḥ | anuṣṭup chandaḥ | kālāgnirudro yamaśca devatā |mṛtyūpasthāne viniyogaḥ | athāto yogajihvaḥ sādhumatiyojitaṃ sa mevāha kālaṃ puruṣamūrdhvaliṅgaṃ virūpākṣaṃ viśvarūpāya namo namaḥ |

पशुपतये नमः । य इदं शृणुयान्नित्यं मृत्युलाङ्गलं त्रिसन्ध्यंकीर्तयति वा स ब्रह्महत्यां व्यपोहति । सुवर्णस्तेय्यस्तेयी भवति ।गुरुदाराभिगाम्यगामी भवति । सर्वेभ्यः पातकेभ्य उपपातकेभ्यश्चसद्यो विमुक्तो भवति । सकृज्जप्तेनानेन गायत्र्याः षष्टिसहस्राणिफलितानि भवन्ति । अष्टौ ब्राह्मणान् ग्राहयित्वा ब्रह्मलोकमवाप्नोति ।यः कश्चिन्न ददाति स श्वित्री कुष्ठी कुनखी वा भवेत् । यःकश्चिद्दीयमानं न गृह्णाति सोऽन्धो बधिरो मूको वा भवति ।मृत्युमुपस्थितः षण्मासादर्वाक् । बन्धोऽयं नश्यति इत्यनेनमृत्युलाङ्गूलाख्यस्य च महामन्त्रस्य शतकृत्वो जप्तेन भगवान्धर्मराट् मम प्रीयताम् ॥

paśupataye namaḥ | ya idaṃ śṛṇuyānnityaṃ mṛtyulāṅgalaṃ trisandhyaṃkīrtayati vā sa brahmahatyāṃ vyapohati | suvarṇasteyyasteyī bhavati |gurudārābhigāmyagāmī bhavati | sarvebhyaḥ pātakebhya upapātakebhyaścasadyo vimukto bhavati | sakṛjjaptenānena gāyatryāḥ ṣaṣṭisahasrāṇiphalitāni bhavanti | aṣṭau brāhmaṇān grāhayitvā brahmalokamavāpnoti |yaḥ kaścinna dadāti sa śvitrī kuṣṭhī kunakhī vā bhavet | yaḥkaściddīyamānaṃ na gṛhṇāti so'ndho badhiro mūko vā bhavati |mṛtyumupasthitaḥ ṣaṇmāsādarvāk | bandho'yaṃ naśyati ityanenamṛtyulāṅgūlākhyasya ca mahāmantrasya śatakṛtvo japtena bhagavāndharmarāṭ mama prīyatām ||

ऋतं नष्टं यदा काले षण्मासेन मरिष्यति ।ऋतं सत्यं परं ब्रह्म पुरुषं कृष्णपिङ्गलम् ॥ऊर्ध्वलिङ्गं विरूपाक्षं विश्वरूपं नमाम्यहम् ।सत्यं तु पञ्चमे मासे परं ब्रह्म चतुर्थके ॥पुरुषं च तृतीये वा द्वितीये कृष्णपिङ्गलम् ॥ऊर्ध्वलिङ्गं तु मासेन विरूपाक्षं तदर्धके ।विश्वरूपं तृतीयेऽह्नि सद्यश्चैव नमो नमः ॥(शैवौपनिषदः)

ṛtaṃ naṣṭaṃ yadā kāle ṣaṇmāsena mariṣyati |ṛtaṃ satyaṃ paraṃ brahma puruṣaṃ kṛṣṇapiṅgalam ||ūrdhvaliṅgaṃ virūpākṣaṃ viśvarūpaṃ namāmyaham |satyaṃ tu pañcame māse paraṃ brahma caturthake ||puruṣaṃ ca tṛtīye vā dvitīye kṛṣṇapiṅgalam ||ūrdhvaliṅgaṃ tu māsena virūpākṣaṃ tadardhake |viśvarūpaṃ tṛtīye'hni sadyaścaiva namo namaḥ ||(śaivaupaniṣadaḥ)

इति मृत्युलाङ्गूलोपनिषत् समाप्ता ।

iti mṛtyulāṅgūlopaniṣat samāptā |