जयस्तुतिः अथवा शिवचामरस्तोत्रम् Jaya Stuti

जय सर्वजनाधीश जय गौरीपते शिव ।जय देव महादेव जयगङ्गाधरेश्वर ॥ १॥

jaya sarvajanādhīśa jaya gaurīpate śiva |jaya deva mahādeva jayagaṅgādhareśvara || 1||

जय दग्धपुराध्यक्ष जय कालान्तकारक ।जय कामविरामेश जय भक्तानुकम्पक ॥ २॥

jaya dagdhapurādhyakṣa jaya kālāntakāraka |jaya kāmavirāmeśa jaya bhaktānukampaka || 2||

जय त्रैलोक्यसंरक्षिन् जय निर्गुण सद्गुण ।जयानन्तगुणारम्भ जय घोर महेश्वर ॥ ३॥

jaya trailokyasaṃrakṣin jaya nirguṇa sadguṇa |jayānantaguṇārambha jaya ghora maheśvara || 3||

जय चन्द्रकलाक्रान्त जय नागेन्द्रभूषण ।जय पुङ्गवसत्केतो जय त्र्यक्ष महेश्वर ॥ ४॥

jaya candrakalākrānta jaya nāgendrabhūṣaṇa |jaya puṅgavasatketo jaya tryakṣa maheśvara || 4||

जयान्तकरिपो शम्भो जय ब्रह्मादिकारण ।जय पञ्चकलातीत जय शूलिन्कपालभृत् ॥ ५॥

jayāntakaripo śambho jaya brahmādikāraṇa |jaya pañcakalātīta jaya śūlinkapālabhṛt || 5||

जयोपेन्द्रेन्द्रचन्द्राद्य जय नन्द्यादिवन्दित ।जयानेकगणाधीश जय स्वामिन् महेश्वर ॥ ६॥

jayopendrendracandrādya jaya nandyādivandita |jayānekagaṇādhīśa jaya svāmin maheśvara || 6||

जय विश्वाद्य विश्वेश जय विश्वैककारण ।जय विश्वसृजां मुख्य जय विश्वस्य सद्गुरो ॥ ७॥

jaya viśvādya viśveśa jaya viśvaikakāraṇa |jaya viśvasṛjāṃ mukhya jaya viśvasya sadguro || 7||

जय निरामय जय सुधामय जय धृतामृतदीधितेजय हतान्तक जय कृतान्तक जय पुरान्तक सद्गते ।जय परापर जय दयापर जय नतार्पितसद्गतेजय जितस्मर जय महेश्वर जय जय त्रिजगत्पते ॥ ८॥

jaya nirāmaya jaya sudhāmaya jaya dhṛtāmṛtadīdhitejaya hatāntaka jaya kṛtāntaka jaya purāntaka sadgate |jaya parāpara jaya dayāpara jaya natārpitasadgatejaya jitasmara jaya maheśvara jaya jaya trijagatpate || 8||

इति जयस्तुतिः समाप्ता ।

iti jayastutiḥ samāptā |