shivastutiH (3) Bhadrapadamasakrite Shiva Stuti Masa6

(शिवरहस्यान्तर्गते महादेवाख्ये)शिवगौरीसंवादेसुपर्वगन्धर्वसुपूजितायविसर्ग निरर्ग सर्गादिविधानकारिणे ।भर्गाय शर्वाय च सर्वगायनमो नमस्तेऽन्तकगर्वहारिणे ॥ ५९॥

(śivarahasyāntargate mahādevākhye)śivagaurīsaṃvādesuparvagandharvasupūjitāyavisarga nirarga sargādividhānakāriṇe |bhargāya śarvāya ca sarvagāyanamo namaste'ntakagarvahāriṇe || 59||

गुहवहभोजन मौलिमणिप्रियशङ्कर पुरहर शं कुरु मे ।तुङ्गवृषाधिपलिङ्ग सदोज्जवलभव भवभयहर कुरु करुणाम् ॥ ६०॥

guhavahabhojana maulimaṇipriyaśaṅkara purahara śaṃ kuru me |tuṅgavṛṣādhipaliṅga sadojjavalabhava bhavabhayahara kuru karuṇām || 60||

कालकाल सुतमालकण्ठज्वालकील गरलाशन शम्भो ।व्यालमाल सुकपालकपाणेकोलदन्तहरणाय नमस्ते ॥ ६१॥

kālakāla sutamālakaṇṭhajvālakīla garalāśana śambho |vyālamāla sukapālakapāṇekoladantaharaṇāya namaste || 61||

भालनेत्र सुपवित्रवराङ्गो(ङ्ग)द्धारपात्र धृतगाङ्गरयश्च ।पद्ममित्रकृतनेत्र कलत्राधीङ्गपात्र परिपाहि गिरित्र ॥ ६२॥

bhālanetra supavitravarāṅgo(ṅga)ddhārapātra dhṛtagāṅgarayaśca |padmamitrakṛtanetra kalatrādhīṅgapātra paripāhi giritra || 62||

अण्ड खण्डविधिमुण्डवराण्डोद्भाण्डषण्डविधिमुण्डकरण्ड ।कुण्डलीशकृतकुण्डलगण्डखाण्डकोशकलिताखिलपाल ॥ ६३॥

aṇḍa khaṇḍavidhimuṇḍavarāṇḍodbhāṇḍaṣaṇḍavidhimuṇḍakaraṇḍa |kuṇḍalīśakṛtakuṇḍalagaṇḍakhāṇḍakośakalitākhilapāla || 63||

एवं स्तुवन्भाद्रपदे भद्राणि लभते नरः ।दत्वा शाम्भववर्याणां कृष्णगोमिथुनं शिवे ॥ ६४॥

evaṃ stuvanbhādrapade bhadrāṇi labhate naraḥ |datvā śāmbhavavaryāṇāṃ kṛṣṇagomithunaṃ śive || 64||

सदक्षिणं सवत्सं च हुत्वा होमं विधानतः ।मासं नक्ताशनो भूयाद्भवभक्तो जितेन्द्रियः ॥ ६५॥

sadakṣiṇaṃ savatsaṃ ca hutvā homaṃ vidhānataḥ |māsaṃ naktāśano bhūyādbhavabhakto jitendriyaḥ || 65||

मासान्ते भाद्रपौर्णम्यामेवं पूज्य महेश्वरम् ।स्वयं भुञ्जीत सहितो बान्धवैर्बन्धमुक्तये ॥ ६६॥

māsānte bhādrapaurṇamyāmevaṃ pūjya maheśvaram |svayaṃ bhuñjīta sahito bāndhavairbandhamuktaye || 66||

एवं भाद्रपदे मासे सम्पूज्य परमेश्वरम् ।यात्यन्ते वंशसाहस्रैर्वरैर्यानैर्मनोहरैः ॥ ६७॥

evaṃ bhādrapade māse sampūjya parameśvaram |yātyante vaṃśasāhasrairvarairyānairmanoharaiḥ || 67||

गीतवादित्रनिनदैर्विरजोऽम्बरवाससा ।गन्धचन्दनमाल्यादि दिव्यस्रगनुलेपनः ॥ ६८॥

gītavāditraninadairvirajo'mbaravāsasā |gandhacandanamālyādi divyasraganulepanaḥ || 68||

दोधूयमानश्चमरैर्वीजितो व्यजनादिभिः ।विहार्यैव पदादूर्ध्वं याति मत्सदनं शिवे ॥ ६९॥

dodhūyamānaścamarairvījito vyajanādibhiḥ |vihāryaiva padādūrdhvaṃ yāti matsadanaṃ śive || 69||

तत्र मे गणपैः सार्धं मोदते कालमक्षयम् ॥ ७०॥

tatra me gaṇapaiḥ sārdhaṃ modate kālamakṣayam || 70||

॥ इति शिवरहस्यान्तर्गते ईश्वरप्रोक्तं भाद्रपदमासकृते शिवस्तुतिः सम्पूर्णा ॥॥ श्रीशिवरहस्यम् । महादेवाख्यः एकादशमांशः । अध्यायः १९ भाद्रपदार्चनम् । ५९७०॥

|| iti śivarahasyāntargate īśvaraproktaṃ bhādrapadamāsakṛte śivastutiḥ sampūrṇā |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 19 bhādrapadārcanam | 5970||

– ॥ श्रीशिवरहस्यम् ।महादेवाख्यः एकादशमांशः ।अध्यायः १९ भाद्रपदार्चनम् ।५९-७०॥

– || śrīśivarahasyam |mahādevākhyaḥ ekādaśamāṃśaḥ |adhyāyaḥ 19 bhādrapadārcanam | 59-70||