बटुकभैरवस्तवराजः Batukabhairava Shtavarajah

उक्तं च रुद्रयामले ।आचम्य प्राणानायम्य ।मेरुपृष्ठे सुखासीनं देवदेव त्रिलोचनम् ।शङ्करं परिपप्रच्छ पार्वती परमेश्वरम् ॥ १॥

uktaṃ ca rudrayāmale |ācamya prāṇānāyamya |merupṛṣṭhe sukhāsīnaṃ devadeva trilocanam |śaṅkaraṃ paripapraccha pārvatī parameśvaram || 1||

श्रीपार्वत्युवाच ।भगवन्सर्वधर्मज्ञ सर्वशास्त्रागमादिषु ।आपदुद्धारकं मन्त्रं सर्वसिद्धिप्रदं नृणाम् ॥ २॥

śrīpārvatyuvāca |bhagavansarvadharmajña sarvaśāstrāgamādiṣu |āpaduddhārakaṃ mantraṃ sarvasiddhipradaṃ nṛṇām || 2||

सर्वेषां चैव भूतानां हितार्थ वाञ्छितं मया ।विशेषतस्तु राज्ञां वै शान्तिपुष्टिप्रदायकम् ॥ ३॥

sarveṣāṃ caiva bhūtānāṃ hitārtha vāñchitaṃ mayā |viśeṣatastu rājñāṃ vai śāntipuṣṭipradāyakam || 3||

प्रसाधनमिति वा पाठः ।अङ्गन्यासकरन्यासदेहन्याससमन्वितम् ।वक्तुमर्हसि देवेश मम हर्षविवर्द्धनम् ॥ ४॥

prasādhanamiti vā pāṭhaḥ |aṅganyāsakaranyāsadehanyāsasamanvitam |vaktumarhasi deveśa mama harṣavivarddhanam || 4||

ईश्वर उवाच ।शृणु देवि महामन्त्रमापदुद्धरहेतुकम् ।सर्वदुःखप्रशमनं सर्वशत्रुविनाशनम् ॥ ५॥

īśvara uvāca |śṛṇu devi mahāmantramāpaduddharahetukam |sarvaduḥkhapraśamanaṃ sarvaśatruvināśanam || 5||

अपस्मारादिरोगाणां ज्वरादीनां विशेषतः ।नाशनं स्मृतिमात्रेण मन्त्रराजमिमं प्रिये ॥ ६॥

apasmārādirogāṇāṃ jvarādīnāṃ viśeṣataḥ |nāśanaṃ smṛtimātreṇa mantrarājamimaṃ priye || 6||

ग्रहराजभयानां च नाशनं सुखवर्द्धनम् ।स्नेहाद्वक्ष्यामि ते मन्त्रं सर्वसारमिमं प्रिये ॥ ७॥

graharājabhayānāṃ ca nāśanaṃ sukhavarddhanam |snehādvakṣyāmi te mantraṃ sarvasāramimaṃ priye || 7||

सर्वकामार्थदं मन्त्रं राजभोगप्रदं नृणाम् ।आपदुद्धारमन्त्रस्य मूलविद्यां शृणु प्रिये ॥ ८॥

sarvakāmārthadaṃ mantraṃ rājabhogapradaṃ nṛṇām |āpaduddhāramantrasya mūlavidyāṃ śṛṇu priye || 8||

यस्य संस्मरणादेव भूतानां नाशनं वरम् ।प्रणवं पूर्वमुद्धृत्य देवीप्रणवमुद्धरेत् ॥ ९॥

yasya saṃsmaraṇādeva bhūtānāṃ nāśanaṃ varam |praṇavaṃ pūrvamuddhṛtya devīpraṇavamuddharet || 9||

बटुकायेति वै पश्चादापदुद्धारणाय च ।कुरु द्वयं ततः पश्चाद्बटुकाय पुनर्वदेत् ॥ १०॥

baṭukāyeti vai paścādāpaduddhāraṇāya ca |kuru dvayaṃ tataḥ paścādbaṭukāya punarvadet || 10||

देवीप्रणवमुद्धृत्य मन्त्रोद्धारमिम प्रिये ।एकविंशतिवर्णास्तु मन्त्रे सत्यं प्रकाशितः ॥ ११॥

devīpraṇavamuddhṛtya mantroddhāramima priye |ekaviṃśativarṇāstu mantre satyaṃ prakāśitaḥ || 11||

यन्त्रोद्धारमिमं देवि त्रैलोक्ये चातिदुर्लभम् ।तद्यन्त्रं च प्रवक्ष्यामि यन्त्रे देवं च पूजयेत् ॥ १२॥

yantroddhāramimaṃ devi trailokye cātidurlabham |tadyantraṃ ca pravakṣyāmi yantre devaṃ ca pūjayet || 12||

त्रिकोणं श्च तथा दत्त्वा षट्कोणं च ततो न्यसेत् ।ततश्च वलये कुर्याच्चतुष्कोण ततश्चरेत् ॥ १३॥

trikoṇaṃ śca tathā dattvā ṣaṭkoṇaṃ ca tato nyaset |tataśca valaye kuryāccatuṣkoṇa tataścaret || 13||

मन्त्रं दलं समारभ्य मन्त्राक्षराणि पूरयेत् ।उपरि तानि सव्येन सर्वाणि पूरयेत् क्रमात् ॥ १४॥

mantraṃ dalaṃ samārabhya mantrākṣarāṇi pūrayet |upari tāni savyena sarvāṇi pūrayet kramāt || 14||

उर्वरितदले तत्र लक्ष्मीबीजं न्यसेत्सदा ।दिक्पालाश्चसमारोप्यकोणेऽष्टभैर्वान् लिखेत् ॥ १५॥

urvaritadale tatra lakṣmībījaṃ nyasetsadā |dikpālāścasamāropyakoṇe'ṣṭabhairvān likhet || 15||

एवं यन्त्रं च सम्पूज्य स्वस्थो भूत्वा जपेन्नरः ।मन्त्राक्षराणां सङ्ख्याकैस्तन्तुभिर्ब्रह्मसूत्रजैः ।वर्त्ति दत्त्वा घृतेनैव दीपं तत्र प्रदापयेत् ॥ १६॥

evaṃ yantraṃ ca sampūjya svastho bhūtvā japennaraḥ |mantrākṣarāṇāṃ saṅkhyākaistantubhirbrahmasūtrajaiḥ |vartti dattvā ghṛtenaiva dīpaṃ tatra pradāpayet || 16||

दीप दानमन्त्रो यथा ।ॐ ह्रीं श्रीं क्लीं ह्रीं श्रीं बं सर्वज्ञाय महाबलपराक्रमाय बटुकायइमं दीपं गृहाण सर्वकार्यार्थसाधकाय दुष्टान्नाशय दुष्टान्नाशयत्रासय त्रासय सर्वतो मम रक्षां कुरु कुरु फट् स्वाहा ॥ १७॥

dīpa dānamantro yathā |oṃ hrīṃ śrīṃ klīṃ hrīṃ śrīṃ baṃ sarvajñāya mahābalaparākramāya baṭukāyaimaṃ dīpaṃ gṛhāṇa sarvakāryārthasādhakāya duṣṭānnāśaya duṣṭānnāśayatrāsaya trāsaya sarvato mama rakṣāṃ kuru kuru phaṭ svāhā || 17||

त्रिराचम्य च मन्त्रैश्च हस्तं प्रक्षाल्य वै तदा ।हस्ते जलं ततो गृह्य विनियोगं पठेद्द्वयम् ॥ १८॥

trirācamya ca mantraiśca hastaṃ prakṣālya vai tadā |haste jalaṃ tato gṛhya viniyogaṃ paṭheddvayam || 18||

अप्रकाश्यमिमं मन्त्रं सर्वशक्तिसमन्वितम् ।स्मरणादेव मन्त्रस्य भूतप्रेतपिशाचकाः ॥ १९॥

aprakāśyamimaṃ mantraṃ sarvaśaktisamanvitam |smaraṇādeva mantrasya bhūtapretapiśācakāḥ || 19||

विद्रवन्त्यतिमीता वै कालरुद्रादिव प्रजाः ।पठेद्वा पाठयेद्वापि पूजयेद्वापि पुस्तकम् ॥ २०॥

vidravantyatimītā vai kālarudrādiva prajāḥ |paṭhedvā pāṭhayedvāpi pūjayedvāpi pustakam || 20||

नाग्निचोरभयं तत्र ग्रहराजभयं तथा ।न च मारीभयं क्वापि सर्वत्र सुख भाग्भवेत् ॥ २१॥

nāgnicorabhayaṃ tatra graharājabhayaṃ tathā |na ca mārībhayaṃ kvāpi sarvatra sukha bhāgbhavet || 21||

आयुरारोग्यमैश्वर्यं पुत्रपौत्रादिसम्पदः ।भवन्ति सततं तस्य पुस्तकस्यापि पूजनात् ॥ २२॥

āyurārogyamaiśvaryaṃ putrapautrādisampadaḥ |bhavanti satataṃ tasya pustakasyāpi pūjanāt || 22||

पार्वत्युवाच ।य एष भैरवो नाम आपदुद्धारको मतः ।त्वया च कथितो देव भैरवः कल्प उत्तमः ॥ २३॥

pārvatyuvāca |ya eṣa bhairavo nāma āpaduddhārako mataḥ |tvayā ca kathito deva bhairavaḥ kalpa uttamaḥ || 23||

तस्य नामसहस्राणि प्रयुतान्यर्बुदानि च ।सारसुद्धृत्य तेषां वै नामाष्टशतकं वद ॥ २४॥

tasya nāmasahasrāṇi prayutānyarbudāni ca |sārasuddhṛtya teṣāṃ vai nāmāṣṭaśatakaṃ vada || 24||

यानि सङ्कीर्तयन्मर्त्यः सर्वदुःखविवर्जितः ।सर्वान्कामानवाप्नोति साधकः सिद्धिमेव च ॥ २५॥

yāni saṅkīrtayanmartyaḥ sarvaduḥkhavivarjitaḥ |sarvānkāmānavāpnoti sādhakaḥ siddhimeva ca || 25||

ईश्वर उवाच ।शृणु देवि प्रवक्ष्यामि भैरवस्य महात्मनः ।आपदुद्धारणस्येह नामाष्टशतमुत्तमम् ॥ २६॥

īśvara uvāca |śṛṇu devi pravakṣyāmi bhairavasya mahātmanaḥ |āpaduddhāraṇasyeha nāmāṣṭaśatamuttamam || 26||

सर्वपापहरं पुण्यं सर्वापद्विनिवारणम् ।सर्वकामार्थदं देवि साधकानां सुखावहम् ॥ २७॥

sarvapāpaharaṃ puṇyaṃ sarvāpadvinivāraṇam |sarvakāmārthadaṃ devi sādhakānāṃ sukhāvaham || 27||

सर्वमङ्गलमाङ्गल्यं सर्वोपद्रवनाशनम् ।आयुष्करं पुष्टिकरं श्रीकरं च यशस्करम् ॥ २८॥

sarvamaṅgalamāṅgalyaṃ sarvopadravanāśanam |āyuṣkaraṃ puṣṭikaraṃ śrīkaraṃ ca yaśaskaram || 28||

नामाष्टशतकस्यास्य छन्दोऽनुष्टुप् प्रकीर्तितम् ।बृहदारण्यको नाम ऋषिर्देवोऽथ भैरवः ॥ २९॥

nāmāṣṭaśatakasyāsya chando'nuṣṭup prakīrtitam |bṛhadāraṇyako nāma ṛṣirdevo'tha bhairavaḥ || 29||

अष्टबाहुत्रिनयनं बीजशक्ती समीरिते ।ॐ कीलकं शेषमिष्टसिद्धौ तु विनियोजयेत् ॥ ३०॥

aṣṭabāhutrinayanaṃ bījaśaktī samīrite |oṃ kīlakaṃ śeṣamiṣṭasiddhau tu viniyojayet || 30||

सर्वकामार्थसिद्।ह्ध्यर्थं विनियोगः प्रकीर्तितः ।आदौ कृत्वा पडङ्गं च ह्रां वां बीजादिनिर्मितिम् ॥ ३१॥

sarvakāmārthasid|hdhyarthaṃ viniyogaḥ prakīrtitaḥ |ādau kṛtvā paḍaṅgaṃ ca hrāṃ vāṃ bījādinirmitim || 31||

अङ्गुष्ठादिकरान्तं च यथोक्त हृदयादिकम् ।न्यासं कुर्याच्च विधिवद्भक्त्या भैरवतुष्टये ॥ ३२॥

aṅguṣṭhādikarāntaṃ ca yathokta hṛdayādikam |nyāsaṃ kuryācca vidhivadbhaktyā bhairavatuṣṭaye || 32||

सद्योजातादिभिर्मन्त्रैः कनिष्ठिकादिपूर्वकम् ।देहाङ्गन्यासकं चैव पूर्व कुर्याच्च साधकः ॥ ३३॥

sadyojātādibhirmantraiḥ kaniṣṭhikādipūrvakam |dehāṅganyāsakaṃ caiva pūrva kuryācca sādhakaḥ || 33||

यथाकामनया ध्यात्वा ध्यानं च त्रिविधं यतः ।आद्यन्ते स्तोत्रपाठस्य मूलमन्त्रं जपेन्नरः ॥ ३४॥

yathākāmanayā dhyātvā dhyānaṃ ca trividhaṃ yataḥ |ādyante stotrapāṭhasya mūlamantraṃ japennaraḥ || 34||

अष्टोत्तरशतं धीमान्यथासङ्ख्यमथापि वा ।जपान्तेऽप्युत्तरन्यासाः कर्तव्या जपसिद्धये ॥ ३५॥

aṣṭottaraśataṃ dhīmānyathāsaṅkhyamathāpi vā |japānte'pyuttaranyāsāḥ kartavyā japasiddhaye || 35||

एवं न्यासविधिं देवि भैरवस्य महात्मनः ।नामाष्टशतकं पश्चाज्जपेदापन्निवारकम् ॥ ३६॥

evaṃ nyāsavidhiṃ devi bhairavasya mahātmanaḥ |nāmāṣṭaśatakaṃ paścājjapedāpannivārakam || 36||

स्थानेषु येषु नामानि शृणु मत्प्राणवल्लभे ।अथ देहन्यासनामानि ।भैरवं मूर्ध्नि विन्यस्य ललाटे भीमदर्शनम् ॥ ३७॥

sthāneṣu yeṣu nāmāni śṛṇu matprāṇavallabhe |atha dehanyāsanāmāni |bhairavaṃ mūrdhni vinyasya lalāṭe bhīmadarśanam || 37||

अक्ष्णोर्भूताश्रयं न्यस्य कर्णयोर्भूतनायकम् ।नासिकायां त्रिशूलं च जिह्वायां रक्तपं न्यसेत् ॥ ३८॥

akṣṇorbhūtāśrayaṃ nyasya karṇayorbhūtanāyakam |nāsikāyāṃ triśūlaṃ ca jihvāyāṃ raktapaṃ nyaset || 38||

कण्ठमध्ये नागहारं नागहारोपवीतकम् ।क्षेत्रज्ञं करयोर्मध्ये क्षेत्रपालं हृदि न्यसेत् ॥ ३९॥

kaṇṭhamadhye nāgahāraṃ nāgahāropavītakam |kṣetrajñaṃ karayormadhye kṣetrapālaṃ hṛdi nyaset || 39||

क्षेत्रदं नाभिदेशे तु कट्यां सर्वाघनाशनम् ।त्रिनेत्रमूवर्विन्यस्य जङ्घयो रक्तपायिनम् ॥ ४०॥

kṣetradaṃ nābhideśe tu kaṭyāṃ sarvāghanāśanam |trinetramūvarvinyasya jaṅghayo raktapāyinam || 40||

पादयोर्देवदेवेशं सर्वाङ्गे बटुकं न्यसेत् ।एवं न्यासविधिं कृत्वा स साक्षाद्भैरवो भवेत् ॥ ४१॥

pādayordevadeveśaṃ sarvāṅge baṭukaṃ nyaset |evaṃ nyāsavidhiṃ kṛtvā sa sākṣādbhairavo bhavet || 41||

अथातः सम्प्रवक्ष्यामि अङ्गुली न्यासमुत्तमम् ।न्यसेद्भैरवमङ्गुष्ठे तर्जन्यां भीमदर्शनम् ॥ ४२॥

athātaḥ sampravakṣyāmi aṅgulī nyāsamuttamam |nyasedbhairavamaṅguṣṭhe tarjanyāṃ bhīmadarśanam || 42||

भूतश्रेष्ठं मध्यमायामनाम्यां भूतनायकम् ।कनिष्ठि काय क्षत्रियं क्षेत्रपालं करद्वये ॥ ४३॥

bhūtaśreṣṭhaṃ madhyamāyāmanāmyāṃ bhūtanāyakam |kaniṣṭhi kāya kṣatriyaṃ kṣetrapālaṃ karadvaye || 43||

क्षेत्रज्ञं दिग्दिशायां वै भैरवं सर्वतः पुनः ।अथाङ्गन्यासाः ।भैरवं शिरसि न्यस्य ललाटे भीमदर्शनम् ॥ ४४॥

kṣetrajñaṃ digdiśāyāṃ vai bhairavaṃ sarvataḥ punaḥ |athāṅganyāsāḥ |bhairavaṃ śirasi nyasya lalāṭe bhīmadarśanam || 44||

नेत्रयोर्भूतहननं सारमेयानुगं भ्रुवोः ।कर्णयोर्भूतनाथं च प्रेतवाहं कपोलयोः ॥ ४५॥

netrayorbhūtahananaṃ sārameyānugaṃ bhruvoḥ |karṇayorbhūtanāthaṃ ca pretavāhaṃ kapolayoḥ || 45||

नासापुटोष्ठयोश्चैव भस्माङ्गसर्पभूषणम् ।अनादिनाथमास्ये च शक्तिहस्तं गले न्यसेत् ॥ ४६॥

nāsāpuṭoṣṭhayoścaiva bhasmāṅgasarpabhūṣaṇam |anādināthamāsye ca śaktihastaṃ gale nyaset || 46||

स्कन्धयोर्दैत्यशमनं बाह्वोरतुलतेजसम् ।पाण्योः कपालिनं न्यस्य हृदये मुण्डमालिनम् ॥ ४७॥

skandhayordaityaśamanaṃ bāhvoratulatejasam |pāṇyoḥ kapālinaṃ nyasya hṛdaye muṇḍamālinam || 47||

शान्तं वक्षस्थले न्यस्य स्तनयोः कामचारिणम् ।उदरे च सदा तुष्टं क्षेत्रेशं पार्श्वयोस्तथा ॥ ४८॥

śāntaṃ vakṣasthale nyasya stanayoḥ kāmacāriṇam |udare ca sadā tuṣṭaṃ kṣetreśaṃ pārśvayostathā || 48||

क्षेत्रपालं पृष्ठदेशे क्षेत्रज्ञं नाभिदेशके ।पापौघनाशनं कट्यां बटुकं लिङ्गदेशके ॥ ४९॥

kṣetrapālaṃ pṛṣṭhadeśe kṣetrajñaṃ nābhideśake |pāpaughanāśanaṃ kaṭyāṃ baṭukaṃ liṅgadeśake || 49||

गुदे रक्षाकरं न्यस्य तथोवों रक्तपायिनम् ।जानुनोर्घुर्घुरारावं जङ्घयो रक्तपायिनम् ॥ ५०॥

gude rakṣākaraṃ nyasya tathovoṃ raktapāyinam |jānunorghurghurārāvaṃ jaṅghayo raktapāyinam || 50||

गुल्फयोः पादुकासिद्धं पादपृष्ठे सुरेश्वरम् ।आपादमस्तकं चैव आपदुद्धारकं तथा ॥ ५१॥

gulphayoḥ pādukāsiddhaṃ pādapṛṣṭhe sureśvaram |āpādamastakaṃ caiva āpaduddhārakaṃ tathā || 51||

ओं ह्रीं क्ष्मौं ब्रौं ह्रीं ॐ स्वाहा आपदुद्धारणभैरवाय नमः ॥ ॥अनेन व्यापकम् ।पूर्वं डमरुहस्तं च दक्षिणे दण्डधारिणम् ।खड्गहस्तं पश्चिमायां घण्टावादिनमुत्तरे ॥ ५२॥

oṃ hrīṃ kṣmauṃ brauṃ hrīṃ oṃ svāhā āpaduddhāraṇabhairavāya namaḥ || ||anena vyāpakam |pūrvaṃ ḍamaruhastaṃ ca dakṣiṇe daṇḍadhāriṇam |khaḍgahastaṃ paścimāyāṃ ghaṇṭāvādinamuttare || 52||

आग्रेय्यामग्निवर्णे च नैरृत्यां च दिगम्बरम् ।वायव्यां सर्वभूतस्थमीशान्यां चाष्टसिद्धिदम् ॥ ५३॥

āgreyyāmagnivarṇe ca nairṛtyāṃ ca digambaram |vāyavyāṃ sarvabhūtasthamīśānyāṃ cāṣṭasiddhidam || 53||

ऊर्ध्वे खेचारिणं न्यस्य पाताले रौद्ररूपिणम् ।एवं विन्यस्य देहेषु कगङ्गेषु ततो न्यसेत् ॥ ५४॥

ūrdhve khecāriṇaṃ nyasya pātāle raudrarūpiṇam |evaṃ vinyasya deheṣu kagaṅgeṣu tato nyaset || 54||

रुद्रमङ्गुष्ठयोर्न्यस्य तर्जन्योस्तु शिखीसखम् ।शिवं मध्यमयोर्न्यस्यानामिक्योस्तु त्रिशूलिनम् ॥ ५५॥

rudramaṅguṣṭhayornyasya tarjanyostu śikhīsakham |śivaṃ madhyamayornyasyānāmikyostu triśūlinam || 55||

ब्रह्माणं तु कनिष्ठायां तलयोस्त्रिपुरान्तकम् ।मांसाशिनं कराये तु करपृष्ठे दिगम्बरम् ॥ ५६॥

brahmāṇaṃ tu kaniṣṭhāyāṃ talayostripurāntakam |māṃsāśinaṃ karāye tu karapṛṣṭhe digambaram || 56||

हृदये भूतनाथाय आदिनाथाय मूर्द्धनि ।आनन्दपदपूर्वाय नाथायाथ शिखासु च ॥ ५७॥

hṛdaye bhūtanāthāya ādināthāya mūrddhani |ānandapadapūrvāya nāthāyātha śikhāsu ca || 57||

सिद्धशाबरनाथाय कवचे विन्यसेत्तथा ।सहजानन्दनाथाय न्यसेन्नेत्रत्रये तथा ॥ ५८॥

siddhaśābaranāthāya kavace vinyasettathā |sahajānandanāthāya nyasennetratraye tathā || 58||

श्रीमदानन्दनाथाय अस्त्रे चैव प्रयोजयेत् ।बीजपूर्वोद्धृतं मन्त्रं न्यासं कुर्याद्विचक्षणः ॥ ५९॥

śrīmadānandanāthāya astre caiva prayojayet |bījapūrvoddhṛtaṃ mantraṃ nyāsaṃ kuryādvicakṣaṇaḥ || 59||

देवीबीजादृते ब्रूयात्सिद्धिर्भवति नान्यथा ।एवं न्यासविधिं कृत्वा ध्यायेच्च तदनन्तरम् ॥ ६०॥

devībījādṛte brūyātsiddhirbhavati nānyathā |evaṃ nyāsavidhiṃ kṛtvā dhyāyecca tadanantaram || 60||

ध्यानं तस्य प्रवक्ष्यामि यथा ध्यात्वा पठेन्नरः ॥ ६१॥

dhyānaṃ tasya pravakṣyāmi yathā dhyātvā paṭhennaraḥ || 61||

अथ त्रिगुणात्मकं ध्यानम् ।शुद्धस्फटिकसङ्काशं सहस्रादित्यवर्चसम् ।नीलजीमूत सङ्काशं नीलाञ्जनसमप्रभम् ॥ ६२॥

atha triguṇātmakaṃ dhyānam |śuddhasphaṭikasaṅkāśaṃ sahasrādityavarcasam |nīlajīmūta saṅkāśaṃ nīlāñjanasamaprabham || 62||

अष्टबाहुं त्रिनयनं चतुर्बाहुं द्विवाहुकम् ।दंष्ट्राकरालवदनं नृपुरारावसङ्कुलम् ॥ ६३॥

aṣṭabāhuṃ trinayanaṃ caturbāhuṃ dvivāhukam |daṃṣṭrākarālavadanaṃ nṛpurārāvasaṅkulam || 63||

भुजङ्गमेखलं देवमग्निवर्णशिरोरुहम् ।दिगम्बर कुमारेशं बटुकाख्यं महाबलम् ॥ ६४॥

bhujaṅgamekhalaṃ devamagnivarṇaśiroruham |digambara kumāreśaṃ baṭukākhyaṃ mahābalam || 64||

खट्वाङ्गमसिपाशं च शूलं दक्षिणभागतः ।डमरुं च कपालं च वरदं भुजगं तथा ॥ ६५॥

khaṭvāṅgamasipāśaṃ ca śūlaṃ dakṣiṇabhāgataḥ |ḍamaruṃ ca kapālaṃ ca varadaṃ bhujagaṃ tathā || 65||

आत्मवर्णसमोपेतं सारमेयसमन्वितम् ॥ ६६॥

ātmavarṇasamopetaṃ sārameyasamanvitam || 66||

अथ सात्त्विकं ध्यानम् ।वन्दे बालं स्फटिकसदृशं कुण्डलोद्भासिताङ्गंदिव्याकल्पैर्नवमणिमयैः किङ्किणीनूपुराढ्यैः ।दीप्ताकारं विशदवदनं सुप्रसन्नं त्रिनेत्रंहस्ताग्राभ्यां बटुकसदृशं शूलदण्डोपधानम् ॥ ६७॥

atha sāttvikaṃ dhyānam |vande bālaṃ sphaṭikasadṛśaṃ kuṇḍalodbhāsitāṅgaṃdivyākalpairnavamaṇimayaiḥ kiṅkiṇīnūpurāḍhyaiḥ |dīptākāraṃ viśadavadanaṃ suprasannaṃ trinetraṃhastāgrābhyāṃ baṭukasadṛśaṃ śūladaṇḍopadhānam || 67||

अथ राजसं ध्यानम् ।उद्यद्भास्करसन्निभं त्रिनयनं रक्ताङ्गरागस्त्रजंस्मेरास्यं वरदं कपालमभयं शूलं दधानं करैः ।नीलग्रीवमुदारभूषणयुतं शीतांशुखण्डोज्ज्वलंबन्धूकारुणवाससं भयहरं देवं सदा भावये ॥ ६८॥

atha rājasaṃ dhyānam |udyadbhāskarasannibhaṃ trinayanaṃ raktāṅgarāgastrajaṃsmerāsyaṃ varadaṃ kapālamabhayaṃ śūlaṃ dadhānaṃ karaiḥ |nīlagrīvamudārabhūṣaṇayutaṃ śītāṃśukhaṇḍojjvalaṃbandhūkāruṇavāsasaṃ bhayaharaṃ devaṃ sadā bhāvaye || 68||

अथ तामसं ध्यानम् ।ध्यायेन्नीलादिकान्तं शशि शकलघरं मुण्डमालं महेशंदिग्वस्त्र पिङ्गकेशं डमरुमथ सृणिं खड्गपाशाभयानि ।नागं घण्टां कपालं करसरसिरुहैर्बिभ्रतं भीमदंष्ट्रंदिव्याकल्पं त्रिनेत्रं मणिमयविलसकिङ्किणीनूपुराढयम् ॥ ६९॥

atha tāmasaṃ dhyānam |dhyāyennīlādikāntaṃ śaśi śakalagharaṃ muṇḍamālaṃ maheśaṃdigvastra piṅgakeśaṃ ḍamarumatha sṛṇiṃ khaḍgapāśābhayāni |nāgaṃ ghaṇṭāṃ kapālaṃ karasarasiruhairbibhrataṃ bhīmadaṃṣṭraṃdivyākalpaṃ trinetraṃ maṇimayavilasakiṅkiṇīnūpurāḍhayam || 69||

अथ साधारणं ध्यानम् ।करकलितकपालः कुण्डलीदण्डपाणिस्तरुणतिमिरनीलो व्यालयज्ञोपवीती ।ऋतुसमयसपर्याविघ्नविच्छेदहेतुर्जयति बटुकनाथः सिद्धिदः साधकानाम् ॥ ७०॥

atha sādhāraṇaṃ dhyānam |karakalitakapālaḥ kuṇḍalīdaṇḍapāṇistaruṇatimiranīlo vyālayajñopavītī |ṛtusamayasaparyāvighnavicchedaheturjayati baṭukanāthaḥ siddhidaḥ sādhakānām || 70||

आनीलकुन्तलमलक्तकरक्तवर्णं मौनीकृतं कृतमनोज्ञ मुखारविन्दम् ।कल्याणकीर्तिकमनीयकपालपाणिं वन्दे महाबटुकनाथमभीष्टसिद्।ह्ध्यै ॥ ७१॥

ānīlakuntalamalaktakaraktavarṇaṃ maunīkṛtaṃ kṛtamanojña mukhāravindam |kalyāṇakīrtikamanīyakapālapāṇiṃ vande mahābaṭukanāthamabhīṣṭasid|hdhyai || 71||

आननसर्वगीर्वाणशिरोभृगाङ्गसङ्गिनम् ।भैरवस्य पदाम्भोजं भूयोऽस्य नौमि भूतये ॥ ७२॥

ānanasarvagīrvāṇaśirobhṛgāṅgasaṅginam |bhairavasya padāmbhojaṃ bhūyo'sya naumi bhūtaye || 72||

ध्यात्वा जपेत्सुसन्दृष्टः सर्वान्कामानवाप्नुयात् ।आयुरारोग्यमैश्वर्यं सिद्धार्थे विनियोजयेत् ॥ ७३॥

dhyātvā japetsusandṛṣṭaḥ sarvānkāmānavāpnuyāt |āyurārogyamaiśvaryaṃ siddhārthe viniyojayet || 73||

साधकः सर्वलोकेषु सत्यं सत्यं न संशयः ।लक्षवारं जपेन्मन्त्रं होमं कुर्याद्यथाविधि ॥ ७४॥

sādhakaḥ sarvalokeṣu satyaṃ satyaṃ na saṃśayaḥ |lakṣavāraṃ japenmantraṃ homaṃ kuryādyathāvidhi || 74||

ॐ अस्य श्री बटुकभैरवस्तोत्रमन्त्रस्य बृहदारण्यक ऋषिः ।अनुष्टुप छन्दः । श्रीबटुकभैरवो देवता ।अष्टबाहुमिति बीजम् ।त्रिनयनमिति शक्तिः ।प्रणवः कीलकम् ।ममाभीष्टसिद्।ह्ध्यर्थे जपे विनियोगः ।बृहदारण्यकऋषये नमः शिरसि ।अनुष्टुप्छन्दसे नमः मुखे ।बटुकभैरवदेवतायै नमः हृदये ।अष्टबाहुमिति बीजाय नमः गुह्ये ।त्रिनयनमिति शक्तये नमः पादयोः ।ॐ कीलकाय नमः नाभौ ।ॐ विनियोगाय नमः सर्वाङ्गे ।ॐ ह्रां बां ईशानः सर्वविद्यानामीश्वरः सर्वभूतानांब्रह्माधिपतिर्ब्रह्मणोऽधिपतिर्ब्रह्मा शिवो मे अस्तु सदाशिवोम् ।अङ्गुष्ठाभ्यां नमः ।ॐ ह्रीं बीं तत्पुरुषाय विद्महे महादेवाय धीमहि ।तन्नो रुद्रः प्रचोदयात् ।तर्जनीभ्यां नमः ॥ॐ हूं बूं अघोरेभ्योऽथ घोरेभ्यो घोरघोरतरेभ्यः ।सर्वेभ्यः सर्वशर्वेभ्यो नमस्ते अस्तु रुद्ररूपेभ्यः ।मध्यमाभ्यां नमः ॥ॐ हैं बैं वामदेवाय नमो ज्येष्ठाय नमः श्रेष्ठाय नमो रुद्रायनमः कालाय नमः कलविकरणाय नमो बलविकरणाय नमो बलायनमो बलप्रमथनाय नमः सर्वभूतदमनाय नमो मनोन्मनाय नमः ।अनामिकाभ्यां नमः ॥ॐ ह्रौं बौं सद्योजातं प्रपद्यामि सद्योजाताय वै नमोनमः ।कनिष्ठिकाभ्यां नमः ॥ॐ ह्रः बः पञ्चवक्राय महादेवाय नमः ।करतलकरपृष्ठाभ्यां नमः ।अथ हृदयादिन्यासः ।ॐ ह्रां बां ईशानः हृदयाय नमः ।ॐ ह्रीं बीं तत्पुरुषाय शिरसे स्वाहा ।ॐ हूं बूं अघोराय शिखायै वैषट् ॥ॐ ह्रैं बैं वामदेवाय कवचाय हुम् ।ॐ ह्रौं बौं सद्योजाताय नेत्रत्रयाय वौषट् ।ॐ ह्रः बः पञ्चवक्राय महादेवाय नमः अस्त्राय फट् ।अथ देहन्यासः ।ॐ ह्रीं भैरवाय नमः मूर्ध्नि ।ॐ ह्रीं भीमदर्शनाय नमः ललाटे ।ॐ ह्रीं भूताश्रयाय नेत्रयोः ।ॐ ह्रीं भूतनायकाय कर्णयोः ॐ ह्रीं त्रिशूलाय नासिकायाम् ।ॐ ह्रीं रक्तपाय जिह्वायाम् ।ॐ ह्रीं नागहारनागयज्ञोपवीतिने कण्ठमध्ये ।ॐ ह्रीं क्षेत्रज्ञाय करयोः ।ॐ ह्रीं क्षेत्रपालाय हृदये ।ॐ ह्रीं क्षेत्रदाय नाभौ ।ॐ ह्रीं सर्वाघनाशनाय कट्याम् ।ॐ ह्रीं त्रिनेत्राय ऊर्वोः ।ॐ ह्रीं रक्तपायिने जङ्घयोः ।ॐ ह्रीं देवदेवेशाय सर्वाङ्गे ।अथ करन्यासःॐ ह्रीं भैरवाय अङ्गुष्ठाभ्यां नमः ॥ॐ ह्रीं भीमदर्शनाय तर्जनीभ्यां नमः ॥ॐ ह्रीं भूतश्रेष्ठाय मध्यमाभ्यां नमः ॥ॐ ह्रीं भूतनायकाय अनामिकाभ्यां नमः ॥ॐ ह्रीं क्षत्रियाय कनिष्ठिकाभ्यां नमः ॥ॐ ह्रीं क्षेत्रपालाय करतलकरपृष्ठाभ्यां नमः ॥ॐ ह्रीं क्षेत्रज्ञाय दिग्दिशायाम् ।ॐ भैरवाय सर्वाङ्गे ।अथाङ्गन्यासः ।ॐ ह्रीं भैरवाय शिरसि ।ॐ ह्रीं भीमदर्शनाय ललाटे ।ॐ ह्रीं भूतहननाय नेत्रयोः ।ॐ ह्रीं सारमेयानुगाय भ्रुवोः ।ॐ ह्रीं भूतनाथाय कर्णयोः ।ॐ ह्रीं प्रेतवाहकाय कपोलयोः ।ॐ ह्रीं भस्माङ्गाय नासापुटे ।ॐ ह्रीं सर्पभूषणाय ओष्ठयोः ।ॐ ह्रीं आदिनाथाय मुखे ।ॐ ह्रीं शक्तिहस्ताय गले ।ॐ ह्रीं दैत्यशमनाय स्कन्धयोः ।ॐ ह्रीं अतुलतेजसे बाह्वोः ।ॐ ह्रीं कपालिने करयोः ।ॐ ह्रीं मुण्डमालिने नमः हृदये ।ॐ ह्रीं शान्ताय वक्षस्थले ।ॐ ह्रीं कामचारिणे नम स्तनयोः ।ॐ ह्रीं सदातुष्टाय उदरे ।ॐ ह्रीं क्षेत्रेशाय पार्श्वयोः ।ॐ ह्रीं क्षेत्रपालाय पृष्ठे ।ॐ ह्रीं क्षेत्रज्ञाय नाभौ ।ॐ ह्रीं पापौघनाशनाय कट्याम् ।ॐ ह्रीं बटुकाय लिङ्गे ॥ॐ ह्रीं रक्षाकराय गुदे ॥ॐ ह्रीं रक्तलोचनाय ऊर्वोः ।ॐ ह्रीं घुर्घुराय जानुनोः ॥ॐ ह्रीं रक्तपायिने० जङ्घयोः ॥ॐ ह्रीं सिद्धपादुकाय गुल्फयोः ॥ॐ ह्रीं सुरेश्वराय पादपृष्ठे ॥ॐ ह्रीं आपदुद्धारकाय आपादतलमस्तकपर्यन्त न्यसेत् ।ॐ ह्रीं क्ष्म्रौं बौं ह्रीं ॐ स्वाहा आपदुद्धारणभैरवाय नमः ।अनेन सर्वाङ्गे व्यापकं कुर्यात् ।अथ दिङ्न्यासः ।ॐ ह्रीं डमरुहस्ताय नमः पूर्वे ।ॐ ह्रीं दण्डधारिणे नमः दक्षिणे ॥ॐ ह्रीं खड्गहस्ताय पश्चिमे ॥ॐ ह्रीं घण्टावादिने उत्तरे ॥ॐ ह्रीं अग्निवणीय आग्नेय्याम् ॥ॐ ह्रीं दिगम्बराय निरृत्ये ॥ॐ ह्रीं सर्वभूतस्थाय वायव्ये ॥ॐ ह्रीं अष्टसिद्धिदाय ईशान्ये ॥ॐ ह्रीं खेचारिणे ऊर्ध्वम् ।ॐ ह्रीं रौद्ररूपिणे पाताले ।अथ करन्यासः ॥ॐ ह्रीं भैरवाय अङ्गुष्ठाभ्यां नमः ॥ॐ ह्रीं भीमदर्शनाय तर्जनीभ्यां नमः ॥ॐ ह्रीं भूतश्रेष्ठाय मध्यमाभ्यां नमः ॥ॐ ह्रीं भूतनायकाय अनामिकाभ्यां नमः ॥ॐ ह्रीं क्षत्रियाय कनिष्ठिकाभ्यां नमः ॥ॐ ह्रीं क्षेत्रपालाय करतलकरपृष्ठाभ्यां नमः ॥ॐ ह्रीं रुद्राय नमः अङ्गुष्ठाभ्याम् ॥ॐ ह्रीं शिखीसखाय नमः तर्जनीभ्याम् ॥ॐ ह्रीं शिवाय नमः मध्यमाभ्याम् ॥ॐ ह्रीं त्रिशूलिने नमः अनामिकाभ्याम् ॥ॐ ह्रीं ब्रह्मणे नमः कनिष्ठिकाभ्याम् ॥ॐ ह्रीं त्रिपुरान्तकाय नमः करतलयोः ।ॐ ह्रीं मांसाशिने नमः कराग्रेषु ।ॐ ह्रीं दिगम्बराय नमः करपृष्ठयोः ।अथ षडङ्गन्यासः ।ॐ ह्रीं भूतनाथाय नमः हृदये ।ॐ ह्रीं आदिनाथाय मूर्धनि ।ॐ ह्रीं आनन्दनाथाय शिरसे स्वाहा ॥ॐ ह्रीं सिद्धशाबरनाथाय कवचाय हुम् ॥ॐ ह्रीं सहजानन्दनाथाय नेत्रत्रयाय वौषट् ॥ॐ ह्रीं श्रीआनन्दनाथाय अस्त्राय फट् ॥ॐ अस्य श्रीबटुकभैरवमन्त्रस्य बृहदारण्यक ऋषिः ।अनुष्टुप् छन्दः ।श्रीबटुकभैरवो देवता ।बं बीजम् ।ह्रीं शक्तिः ।ॐ कीलकम् ।श्रीबटुकभैरव प्रसादसिद्धयर्थं स्तोत्रादौअष्टोत्तरशतमूलमन्त्रजपे विनियोगः ।अथ मन्त्रन्यासः ।ॐ ह्रीं अङ्गुः ।ॐ बटुकाय न० ॐ आपदुद्धारणाय० म० ॐ कुरुकुरु अ०॥ ?अथ सकलमनोरथप्राप्त्यर्थमिदं ध्यानम् ।शुद्धस्फटिकसङ्काशं सहस्रादित्यवर्चसम् ।नीलजीमूतसङ्काशं नीलाञ्जनसमप्रभम् ॥ ७५॥

oṃ asya śrī baṭukabhairavastotramantrasya bṛhadāraṇyaka ṛṣiḥ |anuṣṭupa chandaḥ | śrībaṭukabhairavo devatā |aṣṭabāhumiti bījam |trinayanamiti śaktiḥ |praṇavaḥ kīlakam |mamābhīṣṭasid|hdhyarthe jape viniyogaḥ |bṛhadāraṇyakaṛṣaye namaḥ śirasi |anuṣṭupchandase namaḥ mukhe |baṭukabhairavadevatāyai namaḥ hṛdaye |aṣṭabāhumiti bījāya namaḥ guhye |trinayanamiti śaktaye namaḥ pādayoḥ |oṃ kīlakāya namaḥ nābhau |oṃ viniyogāya namaḥ sarvāṅge |oṃ hrāṃ bāṃ īśānaḥ sarvavidyānāmīśvaraḥ sarvabhūtānāṃbrahmādhipatirbrahmaṇo'dhipatirbrahmā śivo me astu sadāśivom |aṅguṣṭhābhyāṃ namaḥ |oṃ hrīṃ bīṃ tatpuruṣāya vidmahe mahādevāya dhīmahi |tanno rudraḥ pracodayāt |tarjanībhyāṃ namaḥ ||oṃ hūṃ būṃ aghorebhyo'tha ghorebhyo ghoraghoratarebhyaḥ |sarvebhyaḥ sarvaśarvebhyo namaste astu rudrarūpebhyaḥ |madhyamābhyāṃ namaḥ ||oṃ haiṃ baiṃ vāmadevāya namo jyeṣṭhāya namaḥ śreṣṭhāya namo rudrāyanamaḥ kālāya namaḥ kalavikaraṇāya namo balavikaraṇāya namo balāyanamo balapramathanāya namaḥ sarvabhūtadamanāya namo manonmanāya namaḥ |anāmikābhyāṃ namaḥ ||oṃ hrauṃ bauṃ sadyojātaṃ prapadyāmi sadyojātāya vai namonamaḥ |kaniṣṭhikābhyāṃ namaḥ ||oṃ hraḥ baḥ pañcavakrāya mahādevāya namaḥ |karatalakarapṛṣṭhābhyāṃ namaḥ |atha hṛdayādinyāsaḥ |oṃ hrāṃ bāṃ īśānaḥ hṛdayāya namaḥ |oṃ hrīṃ bīṃ tatpuruṣāya śirase svāhā |oṃ hūṃ būṃ aghorāya śikhāyai vaiṣaṭ ||oṃ hraiṃ baiṃ vāmadevāya kavacāya hum |oṃ hrauṃ bauṃ sadyojātāya netratrayāya vauṣaṭ |oṃ hraḥ baḥ pañcavakrāya mahādevāya namaḥ astrāya phaṭ |atha dehanyāsaḥ |oṃ hrīṃ bhairavāya namaḥ mūrdhni |oṃ hrīṃ bhīmadarśanāya namaḥ lalāṭe |oṃ hrīṃ bhūtāśrayāya netrayoḥ |oṃ hrīṃ bhūtanāyakāya karṇayoḥ oṃ hrīṃ triśūlāya nāsikāyām |oṃ hrīṃ raktapāya jihvāyām |oṃ hrīṃ nāgahāranāgayajñopavītine kaṇṭhamadhye |oṃ hrīṃ kṣetrajñāya karayoḥ |oṃ hrīṃ kṣetrapālāya hṛdaye |oṃ hrīṃ kṣetradāya nābhau |oṃ hrīṃ sarvāghanāśanāya kaṭyām |oṃ hrīṃ trinetrāya ūrvoḥ |oṃ hrīṃ raktapāyine jaṅghayoḥ |oṃ hrīṃ devadeveśāya sarvāṅge |atha karanyāsaḥoṃ hrīṃ bhairavāya aṅguṣṭhābhyāṃ namaḥ ||oṃ hrīṃ bhīmadarśanāya tarjanībhyāṃ namaḥ ||oṃ hrīṃ bhūtaśreṣṭhāya madhyamābhyāṃ namaḥ ||oṃ hrīṃ bhūtanāyakāya anāmikābhyāṃ namaḥ ||oṃ hrīṃ kṣatriyāya kaniṣṭhikābhyāṃ namaḥ ||oṃ hrīṃ kṣetrapālāya karatalakarapṛṣṭhābhyāṃ namaḥ ||oṃ hrīṃ kṣetrajñāya digdiśāyām |oṃ bhairavāya sarvāṅge |athāṅganyāsaḥ |oṃ hrīṃ bhairavāya śirasi |oṃ hrīṃ bhīmadarśanāya lalāṭe |oṃ hrīṃ bhūtahananāya netrayoḥ |oṃ hrīṃ sārameyānugāya bhruvoḥ |oṃ hrīṃ bhūtanāthāya karṇayoḥ |oṃ hrīṃ pretavāhakāya kapolayoḥ |oṃ hrīṃ bhasmāṅgāya nāsāpuṭe |oṃ hrīṃ sarpabhūṣaṇāya oṣṭhayoḥ |oṃ hrīṃ ādināthāya mukhe |oṃ hrīṃ śaktihastāya gale |oṃ hrīṃ daityaśamanāya skandhayoḥ |oṃ hrīṃ atulatejase bāhvoḥ |oṃ hrīṃ kapāline karayoḥ |oṃ hrīṃ muṇḍamāline namaḥ hṛdaye |oṃ hrīṃ śāntāya vakṣasthale |oṃ hrīṃ kāmacāriṇe nama stanayoḥ |oṃ hrīṃ sadātuṣṭāya udare |oṃ hrīṃ kṣetreśāya pārśvayoḥ |oṃ hrīṃ kṣetrapālāya pṛṣṭhe |oṃ hrīṃ kṣetrajñāya nābhau |oṃ hrīṃ pāpaughanāśanāya kaṭyām |oṃ hrīṃ baṭukāya liṅge ||oṃ hrīṃ rakṣākarāya gude ||oṃ hrīṃ raktalocanāya ūrvoḥ |oṃ hrīṃ ghurghurāya jānunoḥ ||oṃ hrīṃ raktapāyine0 jaṅghayoḥ ||oṃ hrīṃ siddhapādukāya gulphayoḥ ||oṃ hrīṃ sureśvarāya pādapṛṣṭhe ||oṃ hrīṃ āpaduddhārakāya āpādatalamastakaparyanta nyaset |oṃ hrīṃ kṣmrauṃ bauṃ hrīṃ oṃ svāhā āpaduddhāraṇabhairavāya namaḥ |anena sarvāṅge vyāpakaṃ kuryāt |atha diṅnyāsaḥ |oṃ hrīṃ ḍamaruhastāya namaḥ pūrve |oṃ hrīṃ daṇḍadhāriṇe namaḥ dakṣiṇe ||oṃ hrīṃ khaḍgahastāya paścime ||oṃ hrīṃ ghaṇṭāvādine uttare ||oṃ hrīṃ agnivaṇīya āgneyyām ||oṃ hrīṃ digambarāya nirṛtye ||oṃ hrīṃ sarvabhūtasthāya vāyavye ||oṃ hrīṃ aṣṭasiddhidāya īśānye ||oṃ hrīṃ khecāriṇe ūrdhvam |oṃ hrīṃ raudrarūpiṇe pātāle |atha karanyāsaḥ ||oṃ hrīṃ bhairavāya aṅguṣṭhābhyāṃ namaḥ ||oṃ hrīṃ bhīmadarśanāya tarjanībhyāṃ namaḥ ||oṃ hrīṃ bhūtaśreṣṭhāya madhyamābhyāṃ namaḥ ||oṃ hrīṃ bhūtanāyakāya anāmikābhyāṃ namaḥ ||oṃ hrīṃ kṣatriyāya kaniṣṭhikābhyāṃ namaḥ ||oṃ hrīṃ kṣetrapālāya karatalakarapṛṣṭhābhyāṃ namaḥ ||oṃ hrīṃ rudrāya namaḥ aṅguṣṭhābhyām ||oṃ hrīṃ śikhīsakhāya namaḥ tarjanībhyām ||oṃ hrīṃ śivāya namaḥ madhyamābhyām ||oṃ hrīṃ triśūline namaḥ anāmikābhyām ||oṃ hrīṃ brahmaṇe namaḥ kaniṣṭhikābhyām ||oṃ hrīṃ tripurāntakāya namaḥ karatalayoḥ |oṃ hrīṃ māṃsāśine namaḥ karāgreṣu |oṃ hrīṃ digambarāya namaḥ karapṛṣṭhayoḥ |atha ṣaḍaṅganyāsaḥ |oṃ hrīṃ bhūtanāthāya namaḥ hṛdaye |oṃ hrīṃ ādināthāya mūrdhani |oṃ hrīṃ ānandanāthāya śirase svāhā ||oṃ hrīṃ siddhaśābaranāthāya kavacāya hum ||oṃ hrīṃ sahajānandanāthāya netratrayāya vauṣaṭ ||oṃ hrīṃ śrīānandanāthāya astrāya phaṭ ||oṃ asya śrībaṭukabhairavamantrasya bṛhadāraṇyaka ṛṣiḥ |anuṣṭup chandaḥ |śrībaṭukabhairavo devatā |baṃ bījam |hrīṃ śaktiḥ |oṃ kīlakam |śrībaṭukabhairava prasādasiddhayarthaṃ stotrādauaṣṭottaraśatamūlamantrajape viniyogaḥ |atha mantranyāsaḥ |oṃ hrīṃ aṅguḥ |oṃ baṭukāya na0 oṃ āpaduddhāraṇāya0 ma0 oṃ kurukuru a0|| ?atha sakalamanorathaprāptyarthamidaṃ dhyānam |śuddhasphaṭikasaṅkāśaṃ sahasrādityavarcasam |nīlajīmūtasaṅkāśaṃ nīlāñjanasamaprabham || 75||

अष्टबाहुं त्रिनयनं चतुर्बाहुं द्विबाहुकम् ।दंष्ट्राकरालवदनं नूपुरारावसङ्कुलम ॥ ७६॥

aṣṭabāhuṃ trinayanaṃ caturbāhuṃ dvibāhukam |daṃṣṭrākarālavadanaṃ nūpurārāvasaṅkulama || 76||

भुजङ्गमखिलं देवमग्निवर्णशिरोरुहम् ।दिगम्बरं कुमारेशं बटुकाख्यं महाबलम् ॥ ७७॥

bhujaṅgamakhilaṃ devamagnivarṇaśiroruham |digambaraṃ kumāreśaṃ baṭukākhyaṃ mahābalam || 77||

खट्वाङ्गमसिपाशं च शूलं दक्षिणभागतः ।डमरूं च कपालं च वरदं भुजगं तथा ।आत्मवर्णसमोपेतं सारमेयसमन्वितम् ॥ ७८॥

khaṭvāṅgamasipāśaṃ ca śūlaṃ dakṣiṇabhāgataḥ |ḍamarūṃ ca kapālaṃ ca varadaṃ bhujagaṃ tathā |ātmavarṇasamopetaṃ sārameyasamanvitam || 78||

एवं ध्यात्वा ओं ह्रीं भैरव भयकरहर मां रक्षरक्ष हुं फट् स्वाहा ॥इति मन्त्रेण प्रार्थयित्वा पूर्वोक्तयन्त्रपीठे आवाहनादिमुद्रा प्रदर्शयेत् ।षोडशोपचारैरभ्यर्चयेत् ।अथ बलिदानम् ।शुद्धासन उपविश्य ।हां हीं कुं एभिर्बीजैः त्रिभिराचम्य मूलेन प्राणायामं कृत्वादेशकालौ सङ्कीर्त्य ।ममासुकफलावाप्तये श्रीबटुकप्रीतये बलिदानमहं करिष्ये ।इति सङ्कप्य ।गणपतिं दुर्गां रक्तैश्चन्दनाक्षतपुष्पैरभ्यर्च्य देवस्याग्रे त्रिकोणंचतुरस्रं मण्डलं कृत्वा तत्र गन्धाद्यैरभ्यर्च्य पात्रस्थंकवलाकारं सम्पादितं बलिं निधाय गन्धपुष्पाभ्यां मूलान्ते बलिरूपाय नमः इति बलिं सम्पूज्य देवं तत्र सञ्चित्य सम्पूज्य हस्ते जलमादाय मूलमन्त्रमुच्चार्य जलं भूमौ निक्षिप्य स्वहस्ते बलिमादाय देवाय समर्पयेत् । ततः सङ्कल्पं कुर्यात् ।मम सकलकामना सिद्धयर्थेश्रीबटुकभैरवस्तोत्रस्यैकादशसहस्रपुरश्चरणाङ्गत्वेनप्रतिस्तोत्रं मूलमन्त्रस्योत्तरशत सङ्ख्याजपसम्पुटितपंचाशत्सङ्ख्यापाठमहं करिष्ये वा यथाशक्त्यैकप्रभृतिपाठमहंकरिष्ये । मूलमन्त्रमष्टोत्तरशतवारं जपेत् ।मूलमन्त्रः ।ओं ह्रीं बटुकाय आपदुद्धारणाय कुरुकुरु बटुकाय ह्रीं ओम् ॥एवं अष्टोत्तरशतमूलमंलत्रजपकृतेन श्रीबटुकभैरवः प्रीयताम् ।बटुकाय नमस्कृत्य पञ्चोपचारैः सम्पूज्य स्तोत्रं पठेत् ।ॐ ह्रीं भैरवो भूतनाथश्च भूतात्मा भूतभावनः ।क्षेत्रदः क्षेत्रपालश्च क्षेत्रज्ञः क्षत्रियो विराट् ॥ ७९॥

evaṃ dhyātvā oṃ hrīṃ bhairava bhayakarahara māṃ rakṣarakṣa huṃ phaṭ svāhā ||iti mantreṇa prārthayitvā pūrvoktayantrapīṭhe āvāhanādimudrā pradarśayet |ṣoḍaśopacārairabhyarcayet |atha balidānam |śuddhāsana upaviśya |hāṃ hīṃ kuṃ ebhirbījaiḥ tribhirācamya mūlena prāṇāyāmaṃ kṛtvādeśakālau saṅkīrtya |mamāsukaphalāvāptaye śrībaṭukaprītaye balidānamahaṃ kariṣye |iti saṅkapya |gaṇapatiṃ durgāṃ raktaiścandanākṣatapuṣpairabhyarcya devasyāgre trikoṇaṃcaturasraṃ maṇḍalaṃ kṛtvā tatra gandhādyairabhyarcya pātrasthaṃkavalākāraṃ sampāditaṃ baliṃ nidhāya gandhapuṣpābhyāṃ mūlānte balirūpāya namaḥ iti baliṃ sampūjya devaṃ tatra sañcitya sampūjya haste jalamādāya mūlamantramuccārya jalaṃ bhūmau nikṣipya svahaste balimādāya devāya samarpayet | tataḥ saṅkalpaṃ kuryāt |mama sakalakāmanā siddhayartheśrībaṭukabhairavastotrasyaikādaśasahasrapuraścaraṇāṅgatvenapratistotraṃ mūlamantrasyottaraśata saṅkhyājapasampuṭitapaṃcāśatsaṅkhyāpāṭhamahaṃ kariṣye vā yathāśaktyaikaprabhṛtipāṭhamahaṃkariṣye | mūlamantramaṣṭottaraśatavāraṃ japet |mūlamantraḥ |oṃ hrīṃ baṭukāya āpaduddhāraṇāya kurukuru baṭukāya hrīṃ om ||evaṃ aṣṭottaraśatamūlamaṃlatrajapakṛtena śrībaṭukabhairavaḥ prīyatām |baṭukāya namaskṛtya pañcopacāraiḥ sampūjya stotraṃ paṭhet |oṃ hrīṃ bhairavo bhūtanāthaśca bhūtātmā bhūtabhāvanaḥ |kṣetradaḥ kṣetrapālaśca kṣetrajñaḥ kṣatriyo virāṭ || 79||

श्मशानवासी मांसाशी खर्प राशी स्मरान्तकृत् ।रक्तपः पानपः सिद्धः सिद्धिदः सिद्धसेवितः ॥ ८०॥

śmaśānavāsī māṃsāśī kharpa rāśī smarāntakṛt |raktapaḥ pānapaḥ siddhaḥ siddhidaḥ siddhasevitaḥ || 80||

कङ्कालः कालशमनः कलाकाष्ठातनुः कविः ।त्रिनेत्रो बहुनेत्रश्च तथा पिङ्गललोचनः ॥ ८१॥

kaṅkālaḥ kālaśamanaḥ kalākāṣṭhātanuḥ kaviḥ |trinetro bahunetraśca tathā piṅgalalocanaḥ || 81||

शूलपाणिः खड्डपाणिः कङ्काली धूम्रलोचनः ।अभीरुर्भैरवीनाथो भूतपो योगिनीपतिः ॥ ८२॥

śūlapāṇiḥ khaḍḍapāṇiḥ kaṅkālī dhūmralocanaḥ |abhīrurbhairavīnātho bhūtapo yoginīpatiḥ || 82||

धनदो धनहारी च धनवान्प्रीतिभावितः ।नागहारो नागपाशो व्योमकेशः कपालभृत् ॥ ८३॥

dhanado dhanahārī ca dhanavānprītibhāvitaḥ |nāgahāro nāgapāśo vyomakeśaḥ kapālabhṛt || 83||

कालः कपालमाली च कमनीयः कलानिधिः ।त्रिलोचनो ज्वलन्नेत्रस्त्रिशिखी च त्रिलोकपः ॥ ८४॥

kālaḥ kapālamālī ca kamanīyaḥ kalānidhiḥ |trilocano jvalannetrastriśikhī ca trilokapaḥ || 84||

त्रिनेत्रतनयो डिम्भः शान्त शान्तजनप्रियः ।बटुको बटुवेशश्च खट्वाङ्गवरधारकः ॥ ८५॥

trinetratanayo ḍimbhaḥ śānta śāntajanapriyaḥ |baṭuko baṭuveśaśca khaṭvāṅgavaradhārakaḥ || 85||

भूताध्यक्षः पशुपतिर्भिक्षुकः परिचारकः ।धूर्तो दिगम्बरः शूरो हरिण पाण्डुलोचनः ॥ ८६॥

bhūtādhyakṣaḥ paśupatirbhikṣukaḥ paricārakaḥ |dhūrto digambaraḥ śūro hariṇa pāṇḍulocanaḥ || 86||

प्रशान्तः शान्तिदः सिद्धः शङ्करः प्रियबान्धवः ।अष्टमूर्तिर्निधीशश्च ज्ञानचक्षुस्तपोमयः ॥ ८७॥

praśāntaḥ śāntidaḥ siddhaḥ śaṅkaraḥ priyabāndhavaḥ |aṣṭamūrtirnidhīśaśca jñānacakṣustapomayaḥ || 87||

अष्टाधारः षडाधारः सर्पयुक्तः शिखीसखः ।भूधरो भूधराधीशो भूपतिर्भूधरात्मजः ॥ ८८॥

aṣṭādhāraḥ ṣaḍādhāraḥ sarpayuktaḥ śikhīsakhaḥ |bhūdharo bhūdharādhīśo bhūpatirbhūdharātmajaḥ || 88||

कङ्कालधारी मुण्डी च नागयज्ञोपवीतवान् ।जृम्भणो मोहन स्तम्भी मारणः क्षोभणस्तथा ॥ ८९॥

kaṅkāladhārī muṇḍī ca nāgayajñopavītavān |jṛmbhaṇo mohana stambhī māraṇaḥ kṣobhaṇastathā || 89||

शुद्धनीलाञ्जनप्रख्यो दैत्यहामुण्डभूषितः ।बलिभुग्बलिभुड्नाथो बालो बालपराक्रमः ॥ ९०॥

śuddhanīlāñjanaprakhyo daityahāmuṇḍabhūṣitaḥ |balibhugbalibhuḍnātho bālo bālaparākramaḥ || 90||

सर्वापत्तारणो दुर्गो दुष्टभूतनिषेवितः ।कामी कलानिधिः कान्तः कामिनीवशद्वशी ॥ ९१॥

sarvāpattāraṇo durgo duṣṭabhūtaniṣevitaḥ |kāmī kalānidhiḥ kāntaḥ kāminīvaśadvaśī || 91||

सर्वसिद्धिप्रदो वैद्यो प्रभुर्विष्णुरितीव हि ।अष्टोत्तरशतं नाम्नां भैरवस्य महात्मनः ॥ ९२॥

sarvasiddhiprado vaidyo prabhurviṣṇuritīva hi |aṣṭottaraśataṃ nāmnāṃ bhairavasya mahātmanaḥ || 92||

मया ते कथितं देवि रहस्यं सर्वकामदम् ।य इदं पठति स्तोत्रं नामाष्टशतमुत्तमम् ॥ ९३॥

mayā te kathitaṃ devi rahasyaṃ sarvakāmadam |ya idaṃ paṭhati stotraṃ nāmāṣṭaśatamuttamam || 93||

न तस्य दुरितं किञ्चिन्न च भूतभयं तथा ।न च मारीभयं तस्य गृहराजभयं तथा ॥ ९४॥

na tasya duritaṃ kiñcinna ca bhūtabhayaṃ tathā |na ca mārībhayaṃ tasya gṛharājabhayaṃ tathā || 94||

न शत्रुभ्यो भयं क्वापि प्राप्नुयान्मानवः क्वचित् ।पातकानां भयं नैव पठेत्स्तोत्रमनुत्तमम् ॥ ९५॥

na śatrubhyo bhayaṃ kvāpi prāpnuyānmānavaḥ kvacit |pātakānāṃ bhayaṃ naiva paṭhetstotramanuttamam || 95||

मारीभये राजभये तथा चौराग्निजे भये ।उत्पत्तिके महाघोरे तथा दुःस्वप्नदर्शने ॥ ९६॥

mārībhaye rājabhaye tathā caurāgnije bhaye |utpattike mahāghore tathā duḥsvapnadarśane || 96||

बन्धने च तथा घोरे पठेत्स्तोत्रमनन्यधीः ।सर्वे प्रशमनं याति भयं भैरवकीर्तनात् ॥ ९७॥

bandhane ca tathā ghore paṭhetstotramananyadhīḥ |sarve praśamanaṃ yāti bhayaṃ bhairavakīrtanāt || 97||

एकादशसहस्रं तु पुरश्चरणमुच्यते ।यस्त्रिसन्ध्यं पठेद्देवि संवत्सरमतन्द्रितः ॥ ९८॥

ekādaśasahasraṃ tu puraścaraṇamucyate |yastrisandhyaṃ paṭheddevi saṃvatsaramatandritaḥ || 98||

स सिद्धिं प्राप्नुयादिष्टां दुर्लभामपि मानवः ।षण्मासं भूमिकामस्तु जपित्वा प्राप्नुयान्महीम् ॥ ९९॥

sa siddhiṃ prāpnuyādiṣṭāṃ durlabhāmapi mānavaḥ |ṣaṇmāsaṃ bhūmikāmastu japitvā prāpnuyānmahīm || 99||

राजशत्रुविनाशाय जपेन्मासाष्टकं पुनः ।रात्रौ वारत्रयं चैव नाशयत्येव शात्रवान् ॥ १००॥

rājaśatruvināśāya japenmāsāṣṭakaṃ punaḥ |rātrau vāratrayaṃ caiva nāśayatyeva śātravān || 100||

जपेन्मासत्रयं मर्त्यो राजानं वशमानयेत् ।धनार्थी च सुतार्थी च दारार्थी यस्तु मानवः ॥ १०१॥

japenmāsatrayaṃ martyo rājānaṃ vaśamānayet |dhanārthī ca sutārthī ca dārārthī yastu mānavaḥ || 101||

जपेन्मासत्रयं देवि वारमेकं तथा निशि ।धनं पुत्रं तथा दारान्प्राप्नुयान्नात्र संशयः ॥ १०२॥

japenmāsatrayaṃ devi vāramekaṃ tathā niśi |dhanaṃ putraṃ tathā dārānprāpnuyānnātra saṃśayaḥ || 102||

रोगी रोगात्प्रमुच्येत बद्धो मुच्येत बन्धनात् ।भीतो भयात्प्रमुच्येत देवि सत्यं न संशयः ॥ १०३॥

rogī rogātpramucyeta baddho mucyeta bandhanāt |bhīto bhayātpramucyeta devi satyaṃ na saṃśayaḥ || 103||

निगडैश्चापि बद्धौ यः कारागारे निपातितः ।शृङ्खलाबन्धनं प्राप्तं पठेच्चैव दिवानिशम् ॥ १०४॥

nigaḍaiścāpi baddhau yaḥ kārāgāre nipātitaḥ |śṛṅkhalābandhanaṃ prāptaṃ paṭheccaiva divāniśam || 104||

यं यं चिन्तयते कामं तं तं प्राप्नोति निश्चितम् ।अप्रकाश्यं परं गुह्यं न देयं यस्य कस्यचित् ॥ १०५॥

yaṃ yaṃ cintayate kāmaṃ taṃ taṃ prāpnoti niścitam |aprakāśyaṃ paraṃ guhyaṃ na deyaṃ yasya kasyacit || 105||

सुकुलीनाय शान्ताय ॠजवे दम्भवर्जिते ।दद्यात्स्तोत्रमिदं पुण्यं सर्वकामफलप्रदम् ॥ १०६॥

sukulīnāya śāntāya ṝjave dambhavarjite |dadyātstotramidaṃ puṇyaṃ sarvakāmaphalapradam || 106||

इति श्रुत्वा ततो देवी नामाष्टशतमुत्तमम् ।जजाप परया भक्त्या सदा सर्वेश्वरेश्वरि ॥ १०७॥

iti śrutvā tato devī nāmāṣṭaśatamuttamam |jajāpa parayā bhaktyā sadā sarveśvareśvari || 107||

भैरवस्य प्रदृष्टोऽभूत्सर्वलोकमहेश्वरः ।वरं ददाति भक्तेभ्यो पठेत्स्तोत्रमनन्यधीः ॥ १०८॥

bhairavasya pradṛṣṭo'bhūtsarvalokamaheśvaraḥ |varaṃ dadāti bhaktebhyo paṭhetstotramananyadhīḥ || 108||

सन्तोषं परमं प्राप्य भैरवस्य महात्मनः ॥ १०९॥

santoṣaṃ paramaṃ prāpya bhairavasya mahātmanaḥ || 109||

वारं वारं भुवनजननी प्रोच्यते साधुवादःसत्यं सत्यं जगति सकले भैरवो देव एकः ।यां यां सिद्धिं भुवनजठरे कामयेन्मानवो यस्तां तां सिद्धिं वितरति सदा भैरवः सुप्रसन्नः ॥ ११०॥

vāraṃ vāraṃ bhuvanajananī procyate sādhuvādaḥsatyaṃ satyaṃ jagati sakale bhairavo deva ekaḥ |yāṃ yāṃ siddhiṃ bhuvanajaṭhare kāmayenmānavo yastāṃ tāṃ siddhiṃ vitarati sadā bhairavaḥ suprasannaḥ || 110||

पाणिभ्यां परितः प्रपीड्य सुदृढं निश्चोत्य निश्चोत्य चब्रह्माण्डं सकलं प्रचालितरसालोच्चैः फलाभं मुहुः ।पायम्पायमपाययत्रिजगति उन्मत्तवत्तै रसेर्नृत्यंस्ताण्डवमम्बरेण शिरसा पायान्महाभैरवः ॥ १११॥

pāṇibhyāṃ paritaḥ prapīḍya sudṛḍhaṃ niścotya niścotya cabrahmāṇḍaṃ sakalaṃ pracālitarasāloccaiḥ phalābhaṃ muhuḥ |pāyampāyamapāyayatrijagati unmattavattai rasernṛtyaṃstāṇḍavamambareṇa śirasā pāyānmahābhairavaḥ || 111||

बिभ्राणः शुभ्रवर्णं द्विगुणनवभुजं पञ्चवक्त्रं त्रिनेत्रंज्ञानं मुद्रेन्द्रशस्त्रं सविषमसुतकं (१)शङ्खभैषज्यचापम् ।शूलं खट्वाङ्गबाणान्डमरुमसिगदावह्निमारोग्यमालामिष्टाभीतिं च दोर्भिर्जयति खलु महाभैरवः सर्वसिद्।ह्ध्यै ॥ ११२॥

bibhrāṇaḥ śubhravarṇaṃ dviguṇanavabhujaṃ pañcavaktraṃ trinetraṃjñānaṃ mudrendraśastraṃ saviṣamasutakaṃ (1)śaṅkhabhaiṣajyacāpam |śūlaṃ khaṭvāṅgabāṇānḍamarumasigadāvahnimārogyamālāmiṣṭābhītiṃ ca dorbhirjayati khalu mahābhairavaḥ sarvasid|hdhyai || 112||

क्वाकाशः क्व समीरणः क्व दहनः क्वापश्च विश्वं भरःक्व ब्रह्मा क्व जनार्दनः क्व तरणिः क्वेन्दुश्च देवासुराः ।कल्पान्तेभदिशाटनप्रमुदितः श्रीसिद्धयोगीश्वरोक्रीडानाटकनायको विजयते देवो महाभैरवः ॥ ११३॥

kvākāśaḥ kva samīraṇaḥ kva dahanaḥ kvāpaśca viśvaṃ bharaḥkva brahmā kva janārdanaḥ kva taraṇiḥ kvenduśca devāsurāḥ |kalpāntebhadiśāṭanapramuditaḥ śrīsiddhayogīśvarokrīḍānāṭakanāyako vijayate devo mahābhairavaḥ || 113||

लिखित्वा परया भक्त्या भैरवस्तोत्रमुत्तमम् ।अष्टानां ब्राह्मणानां च देयं पुस्तकमादरात् ॥ ११४॥

likhitvā parayā bhaktyā bhairavastotramuttamam |aṣṭānāṃ brāhmaṇānāṃ ca deyaṃ pustakamādarāt || 114||

यान्यान्समीहते कामांस्तांस्तान्माप्नोत्यसंशयम् ।इह लोके सुखं प्राप्य पुस्तकस्य प्रसादतः ।शिवलोकमनु प्राप्य शिवेन सह मोदते ॥ ११५॥

yānyānsamīhate kāmāṃstāṃstānmāpnotyasaṃśayam |iha loke sukhaṃ prāpya pustakasya prasādataḥ |śivalokamanu prāpya śivena saha modate || 115||

लिखित्वा भूर्जपत्रे तु त्रिलोहपरिवेष्टितम् ।सौम्ये च वस्तुवसने कर्पटे च सुशोभने ॥ ११६॥

likhitvā bhūrjapatre tu trilohapariveṣṭitam |saumye ca vastuvasane karpaṭe ca suśobhane || 116||

करे बाहौ गले कट्यां मूर्ध्नि त्रिलोह गोपितम् ।यस्तु धारयते स्तोत्रं सर्वत्र जयमाप्नुयात् ॥ ११७॥

kare bāhau gale kaṭyāṃ mūrdhni triloha gopitam |yastu dhārayate stotraṃ sarvatra jayamāpnuyāt || 117||

इति श्रीहरिकृष्णविनिर्मिते बृहज्ज्योतिषार्णवे धर्मस्कन्धेउपासनास्तबके श्रीबटुकभैरवोपासनाध्यायेरुद्रयामलोक्तापदुद्धारक श्री बटुकभैरवस्तोत्रनिरूपणंनाम प्रकरणमेकादशम् ॥ ११॥

iti śrīharikṛṣṇavinirmite bṛhajjyotiṣārṇave dharmaskandheupāsanāstabake śrībaṭukabhairavopāsanādhyāyerudrayāmaloktāpaduddhāraka śrī baṭukabhairavastotranirūpaṇaṃnāma prakaraṇamekādaśam || 11||