बटुकभैरवकवचम् २ Batukabhairavakavacham 2

देव्युवाच ।देवदेव जगन्नाथ त्रिनाथ श्रीत्रिलोचन ।भवत्प्रसादाद्भगवन्भैरवस्य महात्मनः ॥ १॥

devyuvāca |devadeva jagannātha trinātha śrītrilocana |bhavatprasādādbhagavanbhairavasya mahātmanaḥ || 1||

कवचं श्रोतुमिच्छामि त्वत्स्नेहातिशयादहम् ।शिव उवाच ।प्राणिनां रक्षणार्थं च ब्रवीमि सुमुखे गुणान् ॥ २॥

kavacaṃ śrotumicchāmi tvatsnehātiśayādaham |śiva uvāca |prāṇināṃ rakṣaṇārthaṃ ca bravīmi sumukhe guṇān || 2||

वर्मणो भैरवस्यास्य शिवब्रह्मा ऋषिः स्मृतः ।छन्दोनुष्टुप् तथा देवो भैरवो बटुकात्मजः ॥ ३॥

varmaṇo bhairavasyāsya śivabrahmā ṛṣiḥ smṛtaḥ |chandonuṣṭup tathā devo bhairavo baṭukātmajaḥ || 3||

ऐश्वर्यस्याभिवृद्।ह्ध्यर्थमिष्टार्थं च नियुज्यते ॥ ४॥

aiśvaryasyābhivṛd|hdhyarthamiṣṭārthaṃ ca niyujyate || 4||

शूलखड्गडमरूलसत्करं सव्यहस्तमपरं करोज्ज्वलम् ।सन्ततं हृदि भजामि भैरवं स्वाधिरूढमधिकारसिद्धये ॥ ६॥

śūlakhaḍgaḍamarūlasatkaraṃ savyahastamaparaṃ karojjvalam |santataṃ hṛdi bhajāmi bhairavaṃ svādhirūḍhamadhikārasiddhaye || 6||

दिग्वाससं कमलपत्रविशालनेत्रंभस्माङ्गरागमभयं प्रभुमादिदेवम् ।ध्यायामि तं बटुकनाथमहर्निशं मेसर्वार्थसिद्धिमतुलां कृपया दिशन्तम् ॥ ६॥

digvāsasaṃ kamalapatraviśālanetraṃbhasmāṅgarāgamabhayaṃ prabhumādidevam |dhyāyāmi taṃ baṭukanāthamaharniśaṃ mesarvārthasiddhimatulāṃ kṛpayā diśantam || 6||

एवं ध्यात्वा तु देवेशं बटुकाख्यं महाबलम् ।उच्चरेत्कवचं पश्चाद्देवताभीष्टसिद्धिदम् ॥ ७॥

evaṃ dhyātvā tu deveśaṃ baṭukākhyaṃ mahābalam |uccaretkavacaṃ paścāddevatābhīṣṭasiddhidam || 7||

ॐ शिरो मे भैरवः पातु भालं पुरनिषूदनः ।दृशौ पातु त्रिनेत्रो मे श्रवणं नीलकण्ठकः ॥ ८॥

oṃ śiro me bhairavaḥ pātu bhālaṃ puraniṣūdanaḥ |dṛśau pātu trinetro me śravaṇaṃ nīlakaṇṭhakaḥ || 8||

दिग्वासा मे पातु कण्टं नासिकामगन्यभाक् ।औष्ठौ त्रिपुरघाती मे जिह्वां पातु कपालधृक् ॥ ९॥

digvāsā me pātu kaṇṭaṃ nāsikāmaganyabhāk |auṣṭhau tripuraghātī me jihvāṃ pātu kapāladhṛk || 9||

दन्तान्पातु क्रतुध्वंसी चिबुकं भूतवासकः ।कपाली पातु मे ग्रीवां स्कन्धौ पातु गजां तकः ॥ १०॥

dantānpātu kratudhvaṃsī cibukaṃ bhūtavāsakaḥ |kapālī pātu me grīvāṃ skandhau pātu gajāṃ takaḥ || 10||

भुजौ मे पातु कौमारो हृदयं क्षेत्रपालकः ।अभीरुमें स्तनौ पातु वक्षः पातु महेश्वरः ॥ ११॥

bhujau me pātu kaumāro hṛdayaṃ kṣetrapālakaḥ |abhīrumeṃ stanau pātu vakṣaḥ pātu maheśvaraḥ || 11||

कुक्षौ मे पातु संहर्ता नाभिं मे षण्मुखप्रियः ।भूतनाथः कटिं पातु गुह्यं पातु जटाधरः ॥ १२॥

kukṣau me pātu saṃhartā nābhiṃ me ṣaṇmukhapriyaḥ |bhūtanāthaḥ kaṭiṃ pātu guhyaṃ pātu jaṭādharaḥ || 12||

ऊरू पातु वृषारूढो जानुनी भूतभावनः ।श्मशानवासी मे पातु पातु सर्वाङ्गमीश्वरः ॥ १३॥

ūrū pātu vṛṣārūḍho jānunī bhūtabhāvanaḥ |śmaśānavāsī me pātu pātu sarvāṅgamīśvaraḥ || 13||

य इदं कवचं देवि पठेत्प्रयतमानसः ।तस्यैश्वर्याभिवृद्।ह्ध्यर्थं न ददाम्यहम् ॥ १४॥

ya idaṃ kavacaṃ devi paṭhetprayatamānasaḥ |tasyaiśvaryābhivṛd|hdhyarthaṃ na dadāmyaham || 14||

रोगार्तो मुच्यते रोगात्पुत्रार्थी लभते सुतान् ।जपित्वा श्रद्धया कन्या आयुष्मन्तं पतिं लभेत् ॥ १५॥

rogārto mucyate rogātputrārthī labhate sutān |japitvā śraddhayā kanyā āyuṣmantaṃ patiṃ labhet || 15||

विद्याविनयसम्पन्नं सुकुलीनं सुरूपिणम् ।जपित्वा विधवा नारी वैधव्यं नाप्नुयात्क्वचित् ॥ १६॥

vidyāvinayasampannaṃ sukulīnaṃ surūpiṇam |japitvā vidhavā nārī vaidhavyaṃ nāpnuyātkvacit || 16||

जपित्वा कवचं प्रातर्मुच्यते नात्र संशयः ।नास्ति तस्यापमृत्युश्चाकालमृत्युः कदाचन ॥ १७॥

japitvā kavacaṃ prātarmucyate nātra saṃśayaḥ |nāsti tasyāpamṛtyuścākālamṛtyuḥ kadācana || 17||

इह लोके सुखं भुक्त्वा पुत्रपौत्रैः सुबान्धवैः ।अन्ते कैलासमाविश्य मम पादतलं व्रजेत् ॥ १८॥

iha loke sukhaṃ bhuktvā putrapautraiḥ subāndhavaiḥ |ante kailāsamāviśya mama pādatalaṃ vrajet || 18||

तस्मात्सर्वप्रयत्नेन जपेन्नित्यमतन्द्रितः ॥ १९॥

tasmātsarvaprayatnena japennityamatandritaḥ || 19||

ये भक्तियुक्ताः कवचं पठन्ति ते वै कुले स्वे कुलिनो वसन्ति ।तेजोधिकं विंशतिसङ्ख्यया दिने कैलासमाप्नोति मम प्रसादात् ॥ २०॥

ye bhaktiyuktāḥ kavacaṃ paṭhanti te vai kule sve kulino vasanti |tejodhikaṃ viṃśatisaṅkhyayā dine kailāsamāpnoti mama prasādāt || 20||

एतत्ते कथितं देवि यन्मां त्वं परिपृच्छसि ।त्वत्स्नेहातिशयादुक्तं कवचं भैरवात्मकम् ॥ २१॥

etatte kathitaṃ devi yanmāṃ tvaṃ paripṛcchasi |tvatsnehātiśayāduktaṃ kavacaṃ bhairavātmakam || 21||

इति श्रीहरिकृष्णविनिर्मिते बृहज्ज्योतिषार्णवे धर्मस्कन्धेउपसनास्तबके श्रीबटुकभैरवोपासनाध्याये श्रीबटुकभैरवकाचनिरूपणं नाम प्रकरणं चतुर्थम् ॥ ४॥

iti śrīharikṛṣṇavinirmite bṛhajjyotiṣārṇave dharmaskandheupasanāstabake śrībaṭukabhairavopāsanādhyāye śrībaṭukabhairavakācanirūpaṇaṃ nāma prakaraṇaṃ caturtham || 4||