रुद्रस्तोत्रम् Ajagararupadvijakritam Rudra Stotram

अजगर उवाच ।सदैव्यं प्रधानं परं ज्योतिरूपं निराकारमव्यक्तमानन्दनित्यम् ।त्रिधा तत्तु जातं त्रिलिङ्गैक्यभिन्नं पुमान्सत्त्वरूपो रजोरूपनारी ।तयोर्यत्तु शेषं तमोरूपमेव ततश्शेषनाम्ने नमस्ते नमस्ते ॥ ४॥

ajagara uvāca |sadaivyaṃ pradhānaṃ paraṃ jyotirūpaṃ nirākāramavyaktamānandanityam |tridhā tattu jātaṃ triliṅgaikyabhinnaṃ pumānsattvarūpo rajorūpanārī |tayoryattu śeṣaṃ tamorūpameva tataśśeṣanāmne namaste namaste || 4||

रजश्चादिभूतो गुणस्यैव माया तथा मध्यभूतो नरस्सत्त्वरूपम् ।तथैवान्तभूतो नपुंस्कं तमोवत्सदैवाद्य नागेश तुभ्यं नमस्ते ॥ ५॥

rajaścādibhūto guṇasyaiva māyā tathā madhyabhūto narassattvarūpam |tathaivāntabhūto napuṃskaṃ tamovatsadaivādya nāgeśa tubhyaṃ namaste || 5||

नराधाररूपो भवान्कालकर्ता नराकर्षणस्त्वं हि सङ्कर्षणश्च ।रमन्ते मुनीशास्त्वयि ब्रह्मधाम्नि नमस्ते नमस्ते पुनस्ते नमोऽस्तु ।नराङ्गेषु चाधारभूता शिवा या स्मृता योगनिद्रा हि शक्तिस्त्वदीया ॥ ६॥

narādhārarūpo bhavānkālakartā narākarṣaṇastvaṃ hi saṅkarṣaṇaśca |ramante munīśāstvayi brahmadhāmni namaste namaste punaste namo'stu |narāṅgeṣu cādhārabhūtā śivā yā smṛtā yoganidrā hi śaktistvadīyā || 6||

इति भविष्यपुराणे प्रतिसर्गपर्वणि चतुर्थखण्डे एकोदशाध्यायान्तर्गतंअजगररूपद्विजकृतं रुद्रस्तोत्रं समाप्तम् ।भविष्यपुराण । प्रतिसर्गपर्व । चतुर्थखण्ड । अध्याय ११/४६॥भविष्यपुराण । प्रतिसर्गपर्व । चतुर्थखण्ड । अध्याय ११/४-६॥

iti bhaviṣyapurāṇe pratisargaparvaṇi caturthakhaṇḍe ekodaśādhyāyāntargataṃajagararūpadvijakṛtaṃ rudrastotraṃ samāptam |bhaviṣyapurāṇa | pratisargaparva | caturthakhaṇḍa | adhyāya 11/46||bhaviṣyapurāṇa | pratisargaparva | caturthakhaṇḍa | adhyāya 11/4-6||