विधिमानसहंसास्तोत्रम् Shri Vidhimanasahamsastotram

पापिषु प्रथमतो गणनीयं पुण्यवज्जनसुदूरगतं माम् ।नागराजमिव पङ्कजचक्षुर्वाणि पाहि विधिमानसहंसे ॥ १॥

pāpiṣu prathamato gaṇanīyaṃ puṇyavajjanasudūragataṃ mām |nāgarājamiva paṅkajacakṣurvāṇi pāhi vidhimānasahaṃse || 1||

मांसरक्तमलपूर्णशरीरे पूतिगन्धनिलयेऽस्थिरवर्ये ।आत्मबुद्धिमचलां दधतं मां वाणि पाहि विधिमानसहंसे ॥ २॥

māṃsaraktamalapūrṇaśarīre pūtigandhanilaye'sthiravarye |ātmabuddhimacalāṃ dadhataṃ māṃ vāṇi pāhi vidhimānasahaṃse || 2||

मोहलोभमुखरोगविशीर्णं जन्ममृत्युभयतप्तहृदब्जम् ।शान्तिदान्तिमुखमातृविहीनं वाणि पाहि विधिमानसहंसे ॥ ३॥

mohalobhamukharogaviśīrṇaṃ janmamṛtyubhayataptahṛdabjam |śāntidāntimukhamātṛvihīnaṃ vāṇi pāhi vidhimānasahaṃse || 3||

वेदशीर्षपरिशीलनशून्यं पादपद्मनमनेऽप्यलसं ते ।पाणिपङ्कजलसच्छुकबाले वाणि पाहि विधिमानसहंसे ॥ ४॥

vedaśīrṣapariśīlanaśūnyaṃ pādapadmanamane'pyalasaṃ te |pāṇipaṅkajalasacchukabāle vāṇi pāhi vidhimānasahaṃse || 4||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितं श्रीविधिमानसहंसास्तोत्रं सम्पूर्णम् ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaṃ śrīvidhimānasahaṃsāstotraṃ sampūrṇam |