वाणीशरणागतिस्तोत्रम् Shri Vanisharanagatistotram

वेणीं सितेतरसमीरणभोजितुल्यांवाणीं च केकिकुलगर्वहरां वहन्तीम् ।श्रोणीं गिरिस्मयविभेदचणां दधानांवाणीमनन्यशरणः शरणं प्रपद्ये ॥ १॥

veṇīṃ sitetarasamīraṇabhojitulyāṃvāṇīṃ ca kekikulagarvaharāṃ vahantīm |śroṇīṃ girismayavibhedacaṇāṃ dadhānāṃvāṇīmananyaśaraṇaḥ śaraṇaṃ prapadye || 1||

वाचः प्रयत्नमनपेक्ष्य मुखारविन्दाद्वाताहताब्धिलहरीमदहारदक्षाः ।वादेषु यत्करुणया प्रगलन्ति तां त्वांवाणीमनन्यशरणः शरणं प्रपद्ये ॥ २॥

vācaḥ prayatnamanapekṣya mukhāravindādvātāhatābdhilaharīmadahāradakṣāḥ |vādeṣu yatkaruṇayā pragalanti tāṃ tvāṃvāṇīmananyaśaraṇaḥ śaraṇaṃ prapadye || 2||

राकाशशाङ्कसदृशाननपङ्कजातांशोकापहारचतुराङ्घ्रिसरोजपूजाम् ।पाकारिमुख्यदिविषत्प्रवरेड्यमानांवाणीमनन्यशरणः शरणं प्रपद्ये ॥ ३॥

rākāśaśāṅkasadṛśānanapaṅkajātāṃśokāpahāracaturāṅghrisarojapūjām |pākārimukhyadiviṣatpravareḍyamānāṃvāṇīmananyaśaraṇaḥ śaraṇaṃ prapadye || 3||

बालोडुपप्रविलसत्कचमध्यभागांनीलोत्पलप्रतिभटाक्षिविराजमानाम् ।कालोन्मिषत्किसलयारुणपादपद्मांवाणीमनन्यशरणः शरणं प्रपद्ये ॥ ४॥

bāloḍupapravilasatkacamadhyabhāgāṃnīlotpalapratibhaṭākṣivirājamānām |kālonmiṣatkisalayāruṇapādapadmāṃvāṇīmananyaśaraṇaḥ śaraṇaṃ prapadye || 4||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितं श्रीवाणीशरणागतिस्तोत्रं सम्पूर्णम् ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaṃ śrīvāṇīśaraṇāgatistotraṃ sampūrṇam |