वासरसरस्वतीस्तोत्रम् Shri Vasara Sarasvati Stotram

शरच्चन्द्रवक्त्रां लसत्पद्महस्तां सरोजाभनेत्रां स्फुरद्रत्नमौलिम् ।घनाकारवेणीं निराकारवृत्तिं भजे शारदां वासरापीठवासाम् ॥ १॥

śaraccandravaktrāṃ lasatpadmahastāṃ sarojābhanetrāṃ sphuradratnamaulim |ghanākāraveṇīṃ nirākāravṛttiṃ bhaje śāradāṃ vāsarāpīṭhavāsām || 1||

धराभारपोषां सुरानीकवन्द्यां मृणालीलसद्बाहुकेयूरयुक्ताम् ।त्रिलोकैकसाक्षीमुदारस्तनाढ्यां भजे शारदां वासरापीठवासाम् ॥ २॥

dharābhārapoṣāṃ surānīkavandyāṃ mṛṇālīlasadbāhukeyūrayuktām |trilokaikasākṣīmudārastanāḍhyāṃ bhaje śāradāṃ vāsarāpīṭhavāsām || 2||

दुरासारसंसारतीर्थाङ्घ्रिपोतां क्वणत्स्वर्णमाणिक्यहाराभिरामाम् ।शरच्चन्द्रिकाधौतवासोलसन्तीं भजे शारदां वासरापीठवासाम् ॥ ३॥

durāsārasaṃsāratīrthāṅghripotāṃ kvaṇatsvarṇamāṇikyahārābhirāmām |śaraccandrikādhautavāsolasantīṃ bhaje śāradāṃ vāsarāpīṭhavāsām || 3||

विरिञ्चीन्द्रविष्ण्वादियोगीन्द्र पूज्यां प्रसन्नां विपन्नार्तिनाशां शरण्याम् ।त्रिलोकाधिनाथाधिनाथां त्रिशून्यां भजे शारदां वासरापीठवासाम् ॥ ४॥

viriñcīndraviṣṇvādiyogīndra pūjyāṃ prasannāṃ vipannārtināśāṃ śaraṇyām |trilokādhināthādhināthāṃ triśūnyāṃ bhaje śāradāṃ vāsarāpīṭhavāsām || 4||

अनन्तामगम्यामनाद्यामभाव्यामभेद्यामदाह्यामलेप्यामरूपाम् ।अशोष्यामसङ्गामदेहामवाच्यां भजे शारदां वासरापीठवासाम् ॥ ५॥

anantāmagamyāmanādyāmabhāvyāmabhedyāmadāhyāmalepyāmarūpām |aśoṣyāmasaṅgāmadehāmavācyāṃ bhaje śāradāṃ vāsarāpīṭhavāsām || 5||

मनोवागतीतामनाम्नीमखण्डामभिन्नात्मिकामद्वयां स्वप्रकाशाम् ।चिदानन्दकन्दां परञ्ज्योतिरूपां भजे शारदां वासरापीठवासाम् ॥ ६॥

manovāgatītāmanāmnīmakhaṇḍāmabhinnātmikāmadvayāṃ svaprakāśām |cidānandakandāṃ parañjyotirūpāṃ bhaje śāradāṃ vāsarāpīṭhavāsām || 6||

सदानन्दरूपां शुभायोगरूपामशेषात्मिकां निर्गुणां निर्विकाराम् ।महावाक्यवेद्यां विचारप्रसङ्गां भजे शारदां वासरापीठवासाम् ॥ ७॥

sadānandarūpāṃ śubhāyogarūpāmaśeṣātmikāṃ nirguṇāṃ nirvikārām |mahāvākyavedyāṃ vicāraprasaṅgāṃ bhaje śāradāṃ vāsarāpīṭhavāsām || 7||

इमं स्तवं पठेद्यस्तु त्रिकालं भक्तिसंयुतः ।शारदासाम्यमाप्नोति गृहे स्थित्वाज्ञ सम्भवम् ॥ ८॥ ??

imaṃ stavaṃ paṭhedyastu trikālaṃ bhaktisaṃyutaḥ |śāradāsāmyamāpnoti gṛhe sthitvājña sambhavam || 8|| ??

॥ इति श्री ब्रह्माण्डपुराणान्तर्गत वाल्मीकिकृतश्रीवासरसरस्वतीस्तोत्रं सम्पूर्णम् ॥

|| iti śrī brahmāṇḍapurāṇāntargata vālmīkikṛtaśrīvāsarasarasvatīstotraṃ sampūrṇam ||