शारदास्तवः ३ Shri Sharada Stavah 3

(शिष्याशीर्वचनात्मकस्तवाः)श्रीरामलक्ष्मणाविव सौहार्दं प्राप्य सुस्थिरं सुचिरम् ।श्रीचामराजपुत्रौ जीयास्तां शारदाम्ब तव कृपया ॥ १॥

(śiṣyāśīrvacanātmakastavāḥ)śrīrāmalakṣmaṇāviva sauhārdaṃ prāpya susthiraṃ suciram |śrīcāmarājaputrau jīyāstāṃ śāradāmba tava kṛpayā || 1||

भारति सम्पद्भरितौ बुद्।ह्ध्या चैवातितीक्ष्णया पूर्णौ ।आयुष्मन्तौ सुखिनौ भूयास्तां चामराजसुकुमारौ ॥ २॥

bhārati sampadbharitau bud|hdhyā caivātitīkṣṇayā pūrṇau |āyuṣmantau sukhinau bhūyāstāṃ cāmarājasukumārau || 2||

राज्याभिवृद्धिमतुलां प्रापय्याश्वेभपत्तिवृद्धिं च ।पालय कमलजजाये चामक्षितिपालवर्यसुकुमारौ ॥ ३॥

rājyābhivṛddhimatulāṃ prāpayyāśvebhapattivṛddhiṃ ca |pālaya kamalajajāye cāmakṣitipālavaryasukumārau || 3||

गजतुरगवाहनस्थावपि रथमध्येषु सुस्थितौ वाणि ।संरक्ष सन्ततं बहुकरुणे श्रीचामराजसुकुमारौ ॥ ४॥

gajaturagavāhanasthāvapi rathamadhyeṣu susthitau vāṇi |saṃrakṣa santataṃ bahukaruṇe śrīcāmarājasukumārau || 4||

देवद्विजगुरुभक्तिं सुदृढां दत्त्वा च विनयसम्पत्तिम् ।पालय पद्मजमानिनि सततं श्रीचामराजसुकुमारौ ॥ ५॥

devadvijagurubhaktiṃ sudṛḍhāṃ dattvā ca vinayasampattim |pālaya padmajamānini satataṃ śrīcāmarājasukumārau || 5||

गिरिसानुषु गहनेष्वपि मार्गेष्वनिशं समस्तदेशेषु ।सर्वापद्।ह्भ्यः पालय विधिभामिनि चामराजसुकुमारौ ॥ ६॥

girisānuṣu gahaneṣvapi mārgeṣvaniśaṃ samastadeśeṣu |sarvāpad|hbhyaḥ pālaya vidhibhāmini cāmarājasukumārau || 6||

वाक्पाटवमतिदृढतां नीरोगत्वं च वपुषि सुयशश्च ।दत्त्वाब्जयोनिजाये कारुण्यात्पाहि चामनृपपुत्रौ ॥ ७॥

vākpāṭavamatidṛḍhatāṃ nīrogatvaṃ ca vapuṣi suyaśaśca |dattvābjayonijāye kāruṇyātpāhi cāmanṛpaputrau || 7||

वश्यान्विधाय नृपतीन्दत्त्वा चैकातपत्रसाम्राज्यम् ।श्रीचक्रकृतनिवासे वाण्यव चामावनीपसुकुमारौ ॥ ८॥

vaśyānvidhāya nṛpatīndattvā caikātapatrasāmrājyam |śrīcakrakṛtanivāse vāṇyava cāmāvanīpasukumārau || 8||

श्रीनाथमुखनिषेव्ये श्रीविद्यादानदक्षपदविनुते ।श्रीशारदाम्ब पाहि श्रीमन्तौ चामराजसुकुमारौ ॥ ९॥

śrīnāthamukhaniṣevye śrīvidyādānadakṣapadavinute |śrīśāradāmba pāhi śrīmantau cāmarājasukumārau || 9||

वाणि तावकविलाससमुत्थौ पाणिनिर्जितपयोरुहगर्वौ ।सामवेदनुतदिव्यचरित्रे चामभूपतनयौ परिपाहि ॥ १०॥

vāṇi tāvakavilāsasamutthau pāṇinirjitapayoruhagarvau |sāmavedanutadivyacaritre cāmabhūpatanayau paripāhi || 10||

यद्यस्ति मयि कृपा तव विनुता स्तुत्यानया गिरां देवि ।शिष्याविमौ मदीयौ पाहि श्रीचामराजसुकुमारौ ॥ ११॥

yadyasti mayi kṛpā tava vinutā stutyānayā girāṃ devi |śiṣyāvimau madīyau pāhi śrīcāmarājasukumārau || 11||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितः शारदास्तवः (३) सम्पूर्णः ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaḥ śāradāstavaḥ (3) sampūrṇaḥ |