शारदाष्टकम् ३ Shri Sharada Ashtakam

सकलनिगमसारे वेदवेदान्तवेद्येप्रणतजनमनोज्ञे शृङ्गपूर्वासचित्ते ।निखिलसुकविगीते शङ्करास्याब्जहंसेत्वमिह करुणया मां शारदे पाहि नित्यम् ॥ १॥

sakalanigamasāre vedavedāntavedyepraṇatajanamanojñe śṛṅgapūrvāsacitte |nikhilasukavigīte śaṅkarāsyābjahaṃsetvamiha karuṇayā māṃ śārade pāhi nityam || 1||

विधिवदननिवासे चारुचन्द्राभवक्त्रेसकलविबुधवन्द्ये सर्वलोकैकमान्ये ।वचसि रुचिरशक्तेर्दानशीले ममाम्बत्वमिह करुणया मां शारदे पाहि नित्यम् ॥ २॥

vidhivadananivāse cārucandrābhavaktresakalavibudhavandye sarvalokaikamānye |vacasi ruciraśakterdānaśīle mamāmbatvamiha karuṇayā māṃ śārade pāhi nityam || 2||

निजशिशुसमवायानक्षरारम्भकार्येप्रतिदिनमवलोक्य स्वच्छविद्या ददासि ।विधिहरिहरमुख्यास्त्वत्प्रसादाज्जयन्तित्वमिह करुणया मां शारदे पाहि नित्यम् ॥ ३॥

nijaśiśusamavāyānakṣarārambhakāryepratidinamavalokya svacchavidyā dadāsi |vidhihariharamukhyāstvatprasādājjayantitvamiha karuṇayā māṃ śārade pāhi nityam || 3||

कनककलशरम्ये दक्षिणाम्नायपीठेमणिगणयुतहारैर्भूषिता पट्टवस्त्रैः ।गुरुवरकरपद्मेनार्चिता दिव्यमन्त्रैःत्वमिह करुणया मां शारदे पाहि नित्यम् ॥ ४॥

kanakakalaśaramye dakṣiṇāmnāyapīṭhemaṇigaṇayutahārairbhūṣitā paṭṭavastraiḥ |guruvarakarapadmenārcitā divyamantraiḥtvamiha karuṇayā māṃ śārade pāhi nityam || 4||

करितुरगसुवाद्यैर्नृत्यसङ्गीतघोषैःपरमगुरुवरेण्यैर्भक्तवृन्दैश्च युक्ता ।निरुपमरथमध्ये दिव्यरूपा व्रजन्तीत्वमिह करुणया मां शारदे पाहि नित्यम् ॥ ५॥

karituragasuvādyairnṛtyasaṅgītaghoṣaiḥparamaguruvareṇyairbhaktavṛndaiśca yuktā |nirupamarathamadhye divyarūpā vrajantītvamiha karuṇayā māṃ śārade pāhi nityam || 5||

तव पदयुगलं हि प्रत्यहं प्राप्य भक्ताःभजननमनपूजा भक्तिभावैर्विधाय ।सकलपुरुषकाम्यं प्राप्नुवन्तीह मातर्त्वमिह करुणया मां शारदे पाहि नित्यम् ॥ ६॥

tava padayugalaṃ hi pratyahaṃ prāpya bhaktāḥbhajananamanapūjā bhaktibhāvairvidhāya |sakalapuruṣakāmyaṃ prāpnuvantīha mātartvamiha karuṇayā māṃ śārade pāhi nityam || 6||

प्रथमनमनयोग्यं शक्तियुक्तं गणेशंनतिरतबटुवृन्दाः पूजयन्ति प्रदोषे ।तदनु निखिलकाम्यं वीक्ष्य तेभ्यो ददासित्वमिह करुणया मां शारदे पाहि नित्यम् ॥ ७॥

prathamanamanayogyaṃ śaktiyuktaṃ gaṇeśaṃnatiratabaṭuvṛndāḥ pūjayanti pradoṣe |tadanu nikhilakāmyaṃ vīkṣya tebhyo dadāsitvamiha karuṇayā māṃ śārade pāhi nityam || 7||

श्रुतिनिगदितयागान् कुर्वते श्रद्धदानाःबहुविधधनधान्यान्यर्पयन्त्यत्र केचित् ।कथमहमतिदीनः शक्तिहीनो भजेयंत्वमिह करुणया मां शारदे पाहि नित्यम् ॥ ८॥

śrutinigaditayāgān kurvate śraddhadānāḥbahuvidhadhanadhānyānyarpayantyatra kecit |kathamahamatidīnaḥ śaktihīno bhajeyaṃtvamiha karuṇayā māṃ śārade pāhi nityam || 8||

इति शृङ्गगिरिस्थस्य राष्ट्रियसंस्कृतसंस्थानान्तर्गतस्यराजीवगान्धीपरिसरस्य प्राचार्यैः आचार्यैःए\। पि\। सच्चिदानन्दौडुपवर्यैः विरचितं शारदाष्टकं सम्पूर्णम् ।रचयिता ए\। पि\। सच्चिदानन्द उडुपवर्यः प्राचार्यः,राजीवगान्धीपरिसरः, शृङ्गगिरिःगायनः आयुष्मान् चिन्मयभट्टः

iti śṛṅgagiristhasya rāṣṭriyasaṃskṛtasaṃsthānāntargatasyarājīvagāndhīparisarasya prācāryaiḥ ācāryaiḥe\| pi\| saccidānandauḍupavaryaiḥ viracitaṃ śāradāṣṭakaṃ sampūrṇam |racayitā e\| pi\| saccidānanda uḍupavaryaḥ prācāryaḥ,rājīvagāndhīparisaraḥ, śṛṅgagiriḥgāyanaḥ āyuṣmān cinmayabhaṭṭaḥ