सरस्वत्यष्टोत्तरशतनामस्तोत्रम् Shri Sarasvatyashtottarashatanama Stotram

सरस्वती महाभद्रा महामाया वरप्रदा ।श्रीप्रदा पद्मनिलया पद्माक्षी पद्मवक्त्रका ॥ १॥शिवानुजा पुस्तकभृत् ज्ञानमुद्रा रमा परा ।कामरूपा महाविद्या महापातकनाशिनी ॥ २॥महाश्रया मालिनी च महाभोगा महाभुजा ।महाभागा महोत्साहा दिव्याङ्गा सुरवन्दिता ॥ ३॥महाकाली महापाशा महाकारा महाङ्कुशा ।पीता च विमला विश्वा विद्युन्माला च वैष्णवी ॥ ४॥चन्द्रिका चन्द्रवदना चन्द्रलेखाविभूषिता ।सावित्री सुरसा देवी दिव्यालङ्कारभूषिता ॥ ५॥वाग्देवी वसुधा तीव्रा महाभद्रा महाबला ।भोगदा भारती भामा गोविन्दा गोमती शिवा ॥ ६॥जटिला विन्ध्यवासा च विन्ध्याचलविराजिता ।चण्डिका वैष्णवी ब्राह्मी ब्रह्मज्ञानैकसाधना ॥ ७॥सौदामिनी सुधामूर्तिस्सुभद्रा सुरपूजिता ।सुवासिनी सुनासा च विनिद्रा पद्मलोचना ॥ ८॥विद्यारूपा विशालाक्षी ब्रह्मजाया महाफला ।त्रयीमूर्तिः त्रिकालज्ञा त्रिगुणा शास्त्ररूपिणी ॥ ९॥शुम्भासुरप्रमथिनी शुभदा च स्वरात्मिका ।रक्तबीजनिहंत्री च चामुण्डा चाम्बिका तथा ॥ १०॥मुण्डकायप्रहरणा धूम्रलोचनमर्दना ।सर्वदेवस्तुता सौम्या सुरासुरनमस्कृता ॥ ११॥कालरात्री कलाधारा रूपसौभाग्यदायिनी ।वाग्देवी च वरारोहा वाराही वारिजासना ॥ १२॥चित्राम्बरा चित्रगन्धा चित्रमाल्यविभूषिता ।कान्ता कामप्रदा वन्द्या विद्याधरसुपूजिता ॥ १३॥ विद्याधरी सुपूजिता

sarasvatī mahābhadrā mahāmāyā varapradā |śrīpradā padmanilayā padmākṣī padmavaktrakā || 1||śivānujā pustakabhṛt jñānamudrā ramā parā |kāmarūpā mahāvidyā mahāpātakanāśinī || 2||mahāśrayā mālinī ca mahābhogā mahābhujā |mahābhāgā mahotsāhā divyāṅgā suravanditā || 3||mahākālī mahāpāśā mahākārā mahāṅkuśā |pītā ca vimalā viśvā vidyunmālā ca vaiṣṇavī || 4||candrikā candravadanā candralekhāvibhūṣitā |sāvitrī surasā devī divyālaṅkārabhūṣitā || 5||vāgdevī vasudhā tīvrā mahābhadrā mahābalā |bhogadā bhāratī bhāmā govindā gomatī śivā || 6||jaṭilā vindhyavāsā ca vindhyācalavirājitā |caṇḍikā vaiṣṇavī brāhmī brahmajñānaikasādhanā || 7||saudāminī sudhāmūrtissubhadrā surapūjitā |suvāsinī sunāsā ca vinidrā padmalocanā || 8||vidyārūpā viśālākṣī brahmajāyā mahāphalā |trayīmūrtiḥ trikālajñā triguṇā śāstrarūpiṇī || 9||śumbhāsurapramathinī śubhadā ca svarātmikā |raktabījanihaṃtrī ca cāmuṇḍā cāmbikā tathā || 10||muṇḍakāyapraharaṇā dhūmralocanamardanā |sarvadevastutā saumyā surāsuranamaskṛtā || 11||kālarātrī kalādhārā rūpasaubhāgyadāyinī |vāgdevī ca varārohā vārāhī vārijāsanā || 12||citrāmbarā citragandhā citramālyavibhūṣitā |kāntā kāmapradā vandyā vidyādharasupūjitā || 13|| vidyādharī supūjitā

श्वेतानना नीलभुजा चतुर्वर्गफलप्रदा ।चतुराननसाम्राज्या रक्तमद्या निरञ्जना ॥ १४॥हंसासना नीलजङ्घा ब्रह्मविष्णुशिवात्मिका ।एवं सरस्वतीदेव्या नाम्नामष्टोत्तरं शतम् ॥ १५॥

śvetānanā nīlabhujā caturvargaphalapradā |caturānanasāmrājyā raktamadyā nirañjanā || 14||haṃsāsanā nīlajaṅghā brahmaviṣṇuśivātmikā |evaṃ sarasvatīdevyā nāmnāmaṣṭottaraṃ śatam || 15||

इति श्री सरस्वत्यष्टोत्तरशतनामस्तोत्रं सम्पूर्णम् ॥

iti śrī sarasvatyaṣṭottaraśatanāmastotraṃ sampūrṇam ||