पठितसिद्धसारस्वतस्तवः (2) Pathita Siddha Sarasvata Stavah

ॐ नमः शारदायै ।व्याप्तानन्तसमस्तलोकनिकरैङ्कारा समस्ता स्थिरायाऽऽराध्या गुरुभिर्गुरोरपि गुरुर्देवैस्तु या वन्द्यते ।देवानामपि देवता वितरता वाग्देवता देवतास्वाहान्तः क्षिप ॐ यतः स्तवमुखं यस्याः स मन्त्रो वरः ॥ १॥

oṃ namaḥ śāradāyai |vyāptānantasamastalokanikaraiṅkārā samastā sthirāyā''rādhyā gurubhirgurorapi gururdevaistu yā vandyate |devānāmapi devatā vitaratā vāgdevatā devatāsvāhāntaḥ kṣipa oṃ yataḥ stavamukhaṃ yasyāḥ sa mantro varaḥ || 1||

ॐ ह्रीं श्रीं प्रथमा प्रसिद्धमहिमा सन्तप्तचित्ते हिमासौं ऐं मध्यहिता जगत्त्रयहिता सर्वज्ञनाथा हिता ।ह्रीं क्लीं ब्लीं चरमा गुणानुपरमा जायेत यस्या रमाविद्यैषा वषडिन्द्रगीःपतिकरी वाणीं स्तुवे तामहम् ॥ २॥

oṃ hrīṃ śrīṃ prathamā prasiddhamahimā santaptacitte himāsauṃ aiṃ madhyahitā jagattrayahitā sarvajñanāthā hitā |hrīṃ klīṃ blīṃ caramā guṇānuparamā jāyeta yasyā ramāvidyaiṣā vaṣaḍindragīḥpatikarī vāṇīṃ stuve tāmaham || 2||

ॐ कर्णे वरकर्णभूषिततनुः कर्णेऽथ कर्णेश्वरीह्रींस्वाहान्तपदां समस्तविपदां छेत्री पदं सम्पदाम् ।संसारार्णवतारिणी विजयते विद्यावदाते शुभेयस्याः सा पदवी सदा शिवपुरे देवीवतंसीकृता ॥ ३॥

oṃ karṇe varakarṇabhūṣitatanuḥ karṇe'tha karṇeśvarīhrīṃsvāhāntapadāṃ samastavipadāṃ chetrī padaṃ sampadām |saṃsārārṇavatāriṇī vijayate vidyāvadāte śubheyasyāḥ sā padavī sadā śivapure devīvataṃsīkṛtā || 3||

सर्वाचारविचारिणी प्रतरिणी नौर्वाग्भवाब्धौ नृणांवीणावेणुवरक्वणातिसुभगा दुःखाद्रिविद्राविणी ।सा वाणी प्रवणा महागुणगणा न्यायप्रवीणाऽमलंशेते या तरणीरणीसु निपुणा जैनी पुनातु ध्रुवम् ॥ ४॥

sarvācāravicāriṇī pratariṇī naurvāgbhavābdhau nṛṇāṃvīṇāveṇuvarakvaṇātisubhagā duḥkhādrividrāviṇī |sā vāṇī pravaṇā mahāguṇagaṇā nyāyapravīṇā'malaṃśete yā taraṇīraṇīsu nipuṇā jainī punātu dhruvam || 4||

ॐ ह्रीम्बीजमुखा विधूतविमुखा संसेविता सन्मुखाऐं क्लीं सौं सहिता सुरेन्द्रमहिता विद्वज्जनेभ्यो हिता ।विद्या विस्फुरति स्फुटं हितरतिर्यस्या विशुद्धा मतिःसा ब्राह्मी जिनवक्त्रवज्रललने लीनाऽतिलीनातु माम् ॥ ५॥

oṃ hrīmbījamukhā vidhūtavimukhā saṃsevitā sanmukhāaiṃ klīṃ sauṃ sahitā surendramahitā vidvajjanebhyo hitā |vidyā visphurati sphuṭaṃ hitaratiryasyā viśuddhā matiḥsā brāhmī jinavaktravajralalane līnā'tilīnātu mām || 5||

ॐ अर्हन्मुखपद्मवासिनि शुभे ज्वालासहस्रांशुभेपापप्रक्षयकारिणि श्रुतधरे पापं दहत्याशुभे ।क्षां क्षीं क्षूं वरबीजदुग्धधवले वं वं व हं स्वावहाश्रीवाग्देव्यमृतोद्भवे यदि भवे मन्मानसे सा भवे ॥ ६॥

oṃ arhanmukhapadmavāsini śubhe jvālāsahasrāṃśubhepāpaprakṣayakāriṇi śrutadhare pāpaṃ dahatyāśubhe |kṣāṃ kṣīṃ kṣūṃ varabījadugdhadhavale vaṃ vaṃ va haṃ svāvahāśrīvāgdevyamṛtodbhave yadi bhave manmānase sā bhave || 6||

हस्ते शर्मदपुस्तिकां विदधती शतपत्रकं चापरंलोकानां सुखदं प्रभूतवरदं सज्ज्ञानमुद्रं परम् ।तुभ्यं बालमृणालकन्दललसल्लीलाविलोलं करंप्रख्याता श्रुतदेवता विदधती सौख्यं नृणां सूनृतम् ॥ ७॥

haste śarmadapustikāṃ vidadhatī śatapatrakaṃ cāparaṃlokānāṃ sukhadaṃ prabhūtavaradaṃ sajjñānamudraṃ param |tubhyaṃ bālamṛṇālakandalalasallīlāvilolaṃ karaṃprakhyātā śrutadevatā vidadhatī saukhyaṃ nṛṇāṃ sūnṛtam || 7||

हंसोहंसोऽतिगर्व वहति हि विधृता यन्मयैषा मयैषायन्त्रं यन्त्रं यदेतत् स्फुटति सिततरां सैव यक्षावयक्षा ।साध्वी साध्वी शठार्या प्रविधृतभुवना दुर्धरा या धरायादेवी देवीजनार्घ्या रमतु मम सदा मानसे मानसे सा ॥ ८॥

haṃsohaṃso'tigarva vahati hi vidhṛtā yanmayaiṣā mayaiṣāyantraṃ yantraṃ yadetat sphuṭati sitatarāṃ saiva yakṣāvayakṣā |sādhvī sādhvī śaṭhāryā pravidhṛtabhuvanā durdharā yā dharāyādevī devījanārghyā ramatu mama sadā mānase mānase sā || 8||

स्पष्टपाठं पठत्येतद् ध्यानेन पटुनाऽष्टकम् ।अजस्रं यो जनस्तस्य भवन्त्युत्तमसम्पदः ॥ ९॥

spaṣṭapāṭhaṃ paṭhatyetad dhyānena paṭunā'ṣṭakam |ajasraṃ yo janastasya bhavantyuttamasampadaḥ || 9||

॥ इति पठितसिद्धसारस्वतस्तवः सम्पूर्णः ॥

|| iti paṭhitasiddhasārasvatastavaḥ sampūrṇaḥ ||