मच्चित्ते सन्निधिं कुरु Machchitte Sannidhim Kuru

सरस्वति नमस्तुभ्यं सर्वपापविनाशिके ।शारदे मायिके देवि ! मच्चित्ते सन्निधिं कुरु ॥ १॥

sarasvati namastubhyaṃ sarvapāpavināśike |śārade māyike devi ! maccitte sannidhiṃ kuru || 1||

मातृरूपेण भूतेषु सततं संस्थिता हृदि ।सर्वेषां सौख्यलाभाय देवि तुभ्यं नमो नमः ॥ २॥

mātṛrūpeṇa bhūteṣu satataṃ saṃsthitā hṛdi |sarveṣāṃ saukhyalābhāya devi tubhyaṃ namo namaḥ || 2||

पद्मनाभप्रिये देवि पद्मपीठसुसंस्थिते ।पद्मगन्धेन सम्पन्ने पद्माक्षि ! पाहि मां सदा ॥ ३॥

padmanābhapriye devi padmapīṭhasusaṃsthite |padmagandhena sampanne padmākṣi ! pāhi māṃ sadā || 3||

शुभ्रवस्त्रप्रिये देवि रत्नहारविभूषिते ।शरच्चन्द्रोज्वले धन्ये चन्द्रिकाधवलप्रभे ॥ ४॥

śubhravastrapriye devi ratnahāravibhūṣite |śaraccandrojvale dhanye candrikādhavalaprabhe || 4||

कमण्डलुमक्षमालाञ्च धारयन्ती करेषु या ।सा मे चित्ततमः हन्तु सर्वपापानि सर्वदा ॥ ५॥

kamaṇḍalumakṣamālāñca dhārayantī kareṣu yā |sā me cittatamaḥ hantu sarvapāpāni sarvadā || 5||

चलत्पद्मविलोलाक्षि ! विमले विश्वरक्षिके ।विलोलाक्षियुगे पुण्ये मच्चित्ते सन्निधिं कुरु ॥ ६॥

calatpadmavilolākṣi ! vimale viśvarakṣike |vilolākṣiyuge puṇye maccitte sannidhiṃ kuru || 6||

ब्रह्मणा शङ्करणापि विष्णुना चापि पूजिते ।सर्वदेवकुलै र्नित्यं पूजिते जगदम्बिके ॥ ७॥

brahmaṇā śaṅkaraṇāpi viṣṇunā cāpi pūjite |sarvadevakulai rnityaṃ pūjite jagadambike || 7||

जाड्यापहारिके देवि कष्टसङ्कटनाशिके ।शिष्टानां जनजालानां रक्षिके शक्तिरुपिणि ॥ ८॥

jāḍyāpahārike devi kaṣṭasaṅkaṭanāśike |śiṣṭānāṃ janajālānāṃ rakṣike śaktirupiṇi || 8||

शिवे च शिवदे देवि शिवचित्तनिवासिनि ।शिवेतरविनाशाय शैलपुत्रि ! नमो नमः ॥ ९॥

śive ca śivade devi śivacittanivāsini |śivetaravināśāya śailaputri ! namo namaḥ || 9||

पाहि पाहि सदा पाहि पावनेष्वतिपावने ।पापान्मां मोचय भद्रे परमानन्ददायिके ॥ १०॥

pāhi pāhi sadā pāhi pāvaneṣvatipāvane |pāpānmāṃ mocaya bhadre paramānandadāyike || 10||

विजयन् वि\। पट्टाम्बि

vijayan vi\| paṭṭāmbi