सीताष्टोत्तरशतनामस्तोत्रम् १ Sitashtottarashatanama Stotram

अथ श्रीमदानन्दरामायणान्तर्गत श्रीसीताष्टोत्तरशतनाम स्तोत्रम् ॥

atha śrīmadānandarāmāyaṇāntargata śrīsītāṣṭottaraśatanāma stotram ||

अगस्तिरुवाचएवं सुतीष्ण सीतायाः कवचं ते मयेरितं ।अतः परं श्रुणुष्वान्यत् सीतायाः स्तोत्र मुत्तमं ॥ १यस्मिनष्टोत्तरशतं सीतानामानि सन्ति हि ।अष्टोत्तरशतं सीता नाम्नां स्तोत्र मनुत्तमम् ॥ २ये पठन्ति नरास्त्वत्र तेषां च सफलो भवः ।ते धन्या मानवा लोके ते वैकुण्ठं व्रजन्ति हि ॥ ३

agastiruvācaevaṃ sutīṣṇa sītāyāḥ kavacaṃ te mayeritaṃ |ataḥ paraṃ śruṇuṣvānyat sītāyāḥ stotra muttamaṃ || 1yasminaṣṭottaraśataṃ sītānāmāni santi hi |aṣṭottaraśataṃ sītā nāmnāṃ stotra manuttamam || 2ye paṭhanti narāstvatra teṣāṃ ca saphalo bhavaḥ |te dhanyā mānavā loke te vaikuṇṭhaṃ vrajanti hi || 3

न्यासः।अस्य श्री सीतानामाष्टोत्तरशतमन्त्रस्यअगस्त्य ऋषिः ।अनुष्टुप् छन्दः ।रमेति बीजं ।मातुलिङ्गीति शक्तिः ।पद्माक्षजेति कीलकं ।अवनिजेत्यस्त्रं ।जनकजेति कवचं ।मूलकासुर मर्दिनीति परमो मन्त्रः ।श्री सीतारामचन्द्र प्रीत्यर्थं सकल कामना सिद्ध्यर्थंजपे विनियोगः ॥

nyāsaḥ|asya śrī sītānāmāṣṭottaraśatamantrasyaagastya ṛṣiḥ |anuṣṭup chandaḥ |rameti bījaṃ |mātuliṅgīti śaktiḥ |padmākṣajeti kīlakaṃ |avanijetyastraṃ |janakajeti kavacaṃ |mūlakāsura mardinīti paramo mantraḥ |śrī sītārāmacandra prītyarthaṃ sakala kāmanā siddhyarthaṃjape viniyogaḥ ||

करन्यासः ॥ॐ सीतायै अङ्गुष्ठाभ्यां नमः ।

karanyāsaḥ ||oṃ sītāyai aṅguṣṭhābhyāṃ namaḥ |

ॐ रमायै तर्जनीभ्यां नमः ।

oṃ ramāyai tarjanībhyāṃ namaḥ |

ॐ मातुलिङ्ग्यै मध्यमाभ्यां नमः ।

oṃ mātuliṅgyai madhyamābhyāṃ namaḥ |

ॐ पद्माक्षजायै अनामिकाभ्यां नमः ।

oṃ padmākṣajāyai anāmikābhyāṃ namaḥ |

ॐ अवनिजायै कनिष्ठिकाभ्यां नमः ।

oṃ avanijāyai kaniṣṭhikābhyāṃ namaḥ |

ॐ जनकजायै करतल करपृष्ठाभ्यां नमः ॥

oṃ janakajāyai karatala karapṛṣṭhābhyāṃ namaḥ ||

अङ्गन्यासः ॥ॐ सीतायै हृदयाय नमः ।

aṅganyāsaḥ ||oṃ sītāyai hṛdayāya namaḥ |

ॐ रमायै शिरसे स्वाहा ।ॐ मातुलिङ्ग्यै शिखायै वषट् ।ॐ पद्माक्षजायै नेत्रत्रयाय वौषट् ।ॐ जनकात्मजायै अस्त्राय फट् ।ॐ मूलकासुरमर्दिन्यै इति दिग्बन्धः ॥

oṃ ramāyai śirase svāhā |oṃ mātuliṅgyai śikhāyai vaṣaṭ |oṃ padmākṣajāyai netratrayāya vauṣaṭ |oṃ janakātmajāyai astrāya phaṭ |oṃ mūlakāsuramardinyai iti digbandhaḥ ||

अथ ध्यानम् ॥वामाङ्गे रघुनायकस्य रुचिरे या संस्थिता शोभनाया विप्राधिप यान रम्य नयना या विप्रपालानना ।विद्युत्पुञ्ज विराजमान वसना भक्तार्ति सङ्खण्डनाश्रीमद् राघव पादपद्मयुगळ न्यस्तेक्षणा सावतु ॥

atha dhyānam ||vāmāṅge raghunāyakasya rucire yā saṃsthitā śobhanāyā viprādhipa yāna ramya nayanā yā viprapālānanā |vidyutpuñja virājamāna vasanā bhaktārti saṅkhaṇḍanāśrīmad rāghava pādapadmayugaḷa nyastekṣaṇā sāvatu ||

श्री सीता जानकी देवी वैदेही राघवप्रिया ।रमावनिसुता रामा राक्षसान्त प्रकारिणी ॥ १रत्नगुप्ता मातुलिङ्गी मैथिली भक्ततोषदा ।पद्माक्षजा कञ्जनेत्रा स्मितास्या नूपुरस्वना ॥ २वैकुण्ठनिलया मा श्रीः मुक्तिदा कामपूरणी ।नृपात्मजा हेमवर्णा मृदुलाङ्गी सुभाषिणी ॥ ३कुशाम्बिका दिव्यदाच लवमाता मनोहरा ।हनूमद् वन्दितपदा मुग्धा केयूर धारिणी ॥ ४अशोकवन मध्यस्था रावणादिग मोहिनी ।विमानसंस्थिता सुभ्रू सुकेशी रशनान्विता ॥ ५रजोरूपा सत्वरूपा तामसी वह्निवसिनी ।हेममृगासक्त चित्ता वाल्मीकाश्रम वासिनी ॥ ६पतिव्रता महामाया पीतकौशेय वासिनी ।मृगनेत्रा च बिम्बोष्ठी धनुर्विद्या विशारदा ॥ ७सौम्यरूपा दशरथस्नुषा चामर वीजिता ।सुमेधा दुहिता दिव्यरूपा त्रैलोक्यपालिनि ॥ ८अन्नपूर्णा महालक्ष्मीः धीर्लज्जा च सरस्वती ।शान्तिः पुष्टिः शमा गौरी प्रभायोध्या निवासिनी ॥ ९वसन्तशीलता गौरी स्नान सन्तुष्ट मानसा ।रमानाम भद्रसंस्था हेमकुम्भ पयोधरा ॥ १०सुरार्चिता धृतिः कान्तिः स्मृतिर्मेधा विभावरी ।लघूदरा वरारोहा हेमकङ्कण मण्डिता ॥ ११द्विज पत्न्यर्पित निजभूषा राघव तोषिणी ।श्रीराम सेवन रता रत्न ताटङ्क धारिणी ॥ १२रामावामाङ्ग संस्था च रामचन्द्रैक रञ्जिनी ।सरयूजल सङ्क्रीडा कारिणी राममोहिनी ॥ १३सुवर्ण तुलिता पुण्या पुण्यकीर्तिः कलावती ।कलकण्ठा कम्बुकण्ठा रम्भोरूर्गजगामिनी ॥ १४रामार्पितमना रामवन्दिता रामवल्लभा ।श्रीरामपद चिह्नाङ्गा राम रामेति भाषिणी ॥ १५रामपर्यङ्क शयना रामाङ्घ्रि क्षालिणी वरा ।कामधेन्वन्न सन्तुष्टा मातुलिङ्ग कराधृता ॥ १६दिव्यचन्दन संस्था श्री मूलकासुर मर्दिनी ।एवं अष्टोत्तरशतं सीतानाम्नां सुपुण्यदम् ॥ १७ये पठन्ति नरा भूम्यां ते धन्याः स्वर्गगामिनः ।अष्टोत्तरशतं नाम्नां सीतायाः स्तोत्रमुत्तमम् ॥ १८जपनीयं प्रयत्नेन सर्वदा भक्ति पूर्वकं ।सन्ति स्तोत्राण्यनेका नि पुण्यदानि महान्ति च ॥ १९नानेन सदृशानीह तानि सर्वाणि भूसुर ।स्तोत्राणामुत्तमं चेदं भुक्ति मुक्ति प्रदं नृणाम् ॥ २०एवं सुतीष्ण ते प्रोक्तं अष्टोत्तरशतं शुभं ।सीतानाम्नां पुण्यदञ्च श्रवणान् मङ्गळ प्रदम् ॥ २१नरैः प्रातः समुत्थाय पठितव्यं प्रयत्नतः ।सीता पूजन कालेपि सर्व वाञ्छितदायकम् ॥ २२

śrī sītā jānakī devī vaidehī rāghavapriyā |ramāvanisutā rāmā rākṣasānta prakāriṇī || 1ratnaguptā mātuliṅgī maithilī bhaktatoṣadā |padmākṣajā kañjanetrā smitāsyā nūpurasvanā || 2vaikuṇṭhanilayā mā śrīḥ muktidā kāmapūraṇī |nṛpātmajā hemavarṇā mṛdulāṅgī subhāṣiṇī || 3kuśāmbikā divyadāca lavamātā manoharā |hanūmad vanditapadā mugdhā keyūra dhāriṇī || 4aśokavana madhyasthā rāvaṇādiga mohinī |vimānasaṃsthitā subhrū sukeśī raśanānvitā || 5rajorūpā satvarūpā tāmasī vahnivasinī |hemamṛgāsakta cittā vālmīkāśrama vāsinī || 6pativratā mahāmāyā pītakauśeya vāsinī |mṛganetrā ca bimboṣṭhī dhanurvidyā viśāradā || 7saumyarūpā daśarathasnuṣā cāmara vījitā |sumedhā duhitā divyarūpā trailokyapālini || 8annapūrṇā mahālakṣmīḥ dhīrlajjā ca sarasvatī |śāntiḥ puṣṭiḥ śamā gaurī prabhāyodhyā nivāsinī || 9vasantaśīlatā gaurī snāna santuṣṭa mānasā |ramānāma bhadrasaṃsthā hemakumbha payodharā || 10surārcitā dhṛtiḥ kāntiḥ smṛtirmedhā vibhāvarī |laghūdarā varārohā hemakaṅkaṇa maṇḍitā || 11dvija patnyarpita nijabhūṣā rāghava toṣiṇī |śrīrāma sevana ratā ratna tāṭaṅka dhāriṇī || 12rāmāvāmāṅga saṃsthā ca rāmacandraika rañjinī |sarayūjala saṅkrīḍā kāriṇī rāmamohinī || 13suvarṇa tulitā puṇyā puṇyakīrtiḥ kalāvatī |kalakaṇṭhā kambukaṇṭhā rambhorūrgajagāminī || 14rāmārpitamanā rāmavanditā rāmavallabhā |śrīrāmapada cihnāṅgā rāma rāmeti bhāṣiṇī || 15rāmaparyaṅka śayanā rāmāṅghri kṣāliṇī varā |kāmadhenvanna santuṣṭā mātuliṅga karādhṛtā || 16divyacandana saṃsthā śrī mūlakāsura mardinī |evaṃ aṣṭottaraśataṃ sītānāmnāṃ supuṇyadam || 17ye paṭhanti narā bhūmyāṃ te dhanyāḥ svargagāminaḥ |aṣṭottaraśataṃ nāmnāṃ sītāyāḥ stotramuttamam || 18japanīyaṃ prayatnena sarvadā bhakti pūrvakaṃ |santi stotrāṇyanekā ni puṇyadāni mahānti ca || 19nānena sadṛśānīha tāni sarvāṇi bhūsura |stotrāṇāmuttamaṃ cedaṃ bhukti mukti pradaṃ nṛṇām || 20evaṃ sutīṣṇa te proktaṃ aṣṭottaraśataṃ śubhaṃ |sītānāmnāṃ puṇyadañca śravaṇān maṅgaḷa pradam || 21naraiḥ prātaḥ samutthāya paṭhitavyaṃ prayatnataḥ |sītā pūjana kālepi sarva vāñchitadāyakam || 22

इति श्रीशतकोटि रामचरितान्तर्गतश्रीमदानन्दरामायणे वाल्मिकीये मनोहरकाण्डेसीताष्टोत्तरशतनाम स्तोत्रं सम्पूर्णम् ॥

iti śrīśatakoṭi rāmacaritāntargataśrīmadānandarāmāyaṇe vālmikīye manoharakāṇḍesītāṣṭottaraśatanāma stotraṃ sampūrṇam ||