रघुवीर गद्यम् अथवा श्रीमहावीरवैभवम् Raghuvira Gadyam

जयत्याश्रितसंत्रासध्वान्तविध्वंसनोदयः ।प्रभावान् सीतया देव्या परमव्योमभास्करः ॥बालकाण्डम्जय जय महावीर !महाधीर धौरेय !देवासुर समर समय समुदित निखिल निर्जर निर्धारित निरवधिक माहात्म्य !दशवदन दमित दैवत परिषदभ्यर्थित दाशरथिभाव !दिनकर कुल कमल दिवाकर !दिविषदधिपति रण सहचरण चतुर दशरथ चरमऋण विमोचन !कोसलसुता कुमारभाव कञ्चुकित कारणाकार !कौमार केळि गोपायित कौशिकाध्वर !रणाध्वर धुर्य भव्य दिव्यास्त्र वृन्द वन्दित !प्रणत जन विमत विमथन दुर्लळित दोर्लळित !तनुतर विशिख विताडन विघटित विशरारु शरारु ताटका ताटकेय !जडकिरण शकलधर जटिल नटपति मकुट तट नटनपटुविबुधसरिद्।हतिबहुल मधुगलन ललितपदनलिनरजौपमृदित निजवृजिन जहदुपलतनुरुचिरपरममुनि वरयुवति नुत !कुशिकसुतकथित विदित नव विविध कथ !मैथिल नगर सुलोचना लोचन चकोर चन्द्र !खण्डपरशु कोदण्ड प्रकाण्ड खण्डन शौण्ड भुजदण्ड !चण्डकर किरणमण्डल बोधित पुण्डरीक वन रुचि लुण्टाक लोचन !मोचित जनक हृदय शङ्कातङ्क !परिहृत निखिल नरपति वरण जनकदुहित कुचतट विहरणसमुचित करतल !शतकोटि शतगुण कठिन परशु धर मुनिवर कर धृतदुरवनमतमनिज धनुराकर्षण प्रकाशित पारमेष्ठ्य !क्रतुहर शिखरि कन्दुक विहृत्युन्मुख जगदरुन्तुदजितहरिदन्तिदन्त दन्तुरोदन्त दशवदन दमन कुशल दशशतभुजमुखनृपति कुलरुधिरझर (भर) भरित पृथुतर तटाकतर्पितपितृक भृगुपति सुगति विहति कर नत परुडिषु परिघ !अयोध्याकाण्डम्अनृत भय मुषित हृदय पितृ वचन पालन प्रतिज्ञावज्ञातयौवराज्य !निषाद राज सौहृद सूचित सौशील्य सागर !भरद्वाज शासनपरिगृहीत विचित्र चित्रकूट गिरि कटकतट रम्यावसथ !अनन्य शासनीय !प्रणत भरत मकुटतट सुघटित पादुकाग्र्याभिषेक निर्वर्तितसर्वलोक योगक्षेम !पिशित रुचि विहित दुरित वलमथन तनय बलिभुगनुगति सरभसशयन तृणशकल परिपतन भय चकित सकल सुरमुनिवरबहुमत महास्त्र सामर्थ्य !द्रुहिण हर वलमथन दुरालक्ष्य शर लक्ष्य !आरण्यकाण्डम्दण्डका तपोवन जङ्गम पारिजात !विराध हरिण शार्दूल !विलुलित बहुफल मख कलम रजनिचर मृग मृगयानम्भसंभृतचीरभृदनुरोध !त्रिशिरः शिरस्त्रितय तिमिर निरास वासरकर !दूषण जलनिधि शोषण तोषित ऋषिगण घोषित विजय घोषण !खरतर खर तरु खण्डन चण्ड पवन !द्विसप्त रक्षःसहस्र नलवन विलोलन महाकलभ !असहाय शूर !अनपाय साहस !महित महामृध दर्शन मुदित मैथिली दृढतर परिरम्भण (महामृध?)विभवविरोपित विकट वीरव्रण !मारीच माया मृग चर्म परिकर्मित निर्भर दर्भास्तरण !विक्रम यशो लाभ विक्रीत जीवित गृघ्रराजदेह दिधक्षालक्षितभक्तजन दाक्षिण्य !कल्पित विबुधभाव कबन्धाभिनन्दित !अवन्ध्य महिम मुनिजन भजन मुषित हृदय कलुष शबरीमोक्षसाक्षिभूत !किष्किन्धाकाण्डम्प्रभञ्जनतनय भावुक भाषित रञ्जित हृदय !तरणिसुत शरणागतिपरतन्त्रीकृत स्वातन्त्र्य !दृढ घटित कैलास कोटि विकट दुन्दुभि कङ्काल कूट दूर विक्षेपदक्षदक्षिणेतर पादाङ्गुष्ठ दर चलन विश्वस्त सुहृदाशय !अतिपृथुल बहु विटपि गिरि धरणि विवर युगपदुदय विवृत चित्रपुङ्ख वैचित्र्य !विपुल भुज शैल मूल निबिड निपीडित रावण रणरणक जनक चतुरुदधिविहरण चतुर कपिकुल पति हृदय विशाल शिलातलदारण दारुण शिलीमुख !सुन्दरकाण्डम्अपार पारावार परिखा परिवृत परपुर परिसृत दव दहनजवनपवनभव कपिवर परिष्वङ्ग भावित सर्वस्व दान !युद्धकाण्डम्अहित सहोदर रक्षः परिग्रह विसंवादिविविध सचिव विप्रलम्भ समयसंरम्भ समुज्जृम्भित सर्वेश्वर भाव !सकृत्प्रपन्न जन संरक्षण दीक्षित !वीर !सत्यव्रत !प्रतिशयन भूमिका भूषित पयोधि पुलिन !प्रलय शिखि परुष विशिख शिखा शोषिताकूपार वारि पूर !प्रबल रिपु कलह कुतुक चटुल कपिकुल करतल तूलीतुलितहृत गिरिनिकर साधितसेतुपध सीमा सीमन्तित समुद्र !द्रुत गति तरु मृग वरूथिनी निरुद्ध लङ्कावरोध वेपथु लास्य लीलोपदेशदेशिक धनुर्ज्याघोष !गगनचर कनकगिरि गरिमधर निगममय निजगरुड गरुदनिल लव गलितविषवदन शर कदन !अकृत चर वनचर रण करण वैलक्ष्य कूणिताक्ष बहुविध रक्षोबलाध्यक्ष वक्षः कवाट पाटन पटिम साटोप कोपावलेप !कटुरटद् अटनि टङ्कृति चटुल कठोर कार्मुक !विशङ्कट विशिख विताडन विघटित मकुट विह्वल विश्रवस्तनयविश्रमसमय विश्राणन विख्यात विक्रम !कुम्भकर्ण कुल गिरि विदलन दम्भोलि भूत निःशङ्क कङ्कपत्र !अभिचरण हुतवह परिचरण विघटन सरभस परिपतद् अपरिमितकपिबलजलधिलहरि कलकलरव कुपित मघवजिदभिहननकृदनुज साक्षिकराक्षस द्वन्द्वयुद्ध !अप्रतिद्वन्द्व पौरुष !त्र्यम्बक समधिक घोरास्त्राडम्बर !सारथि हृत रथ सत्रप शात्रव सत्यापित प्रताप !शितशरकृतलवनदशमुख मुख दशक निपतन पुनरुदय दरगलित जनितदर तरल हरिहय नयन नलिनवन रुचिखचित खतल निपतित सुरतरु कुसुम विततिसुरभित रथ पथ !अखिल जगदधिक भुज बल वर बल दशलपन लपन दशक लवनजनित कदनपरवश रजनिचर युवति विलपन वचन समविषय निगम शिखर निकरमुखर मुख मुनिवर परिपणित!अभिगत शतमख हुतवह पितृपति निरृति वरुण पवन धनदगिरिशप्रमुखसुरपति नुति मुदित !अमित मति विधि विदित कथित निज विभव जलधि पृषत लव !विगत भय विबुध विबोधित वीर शयन शायित वानर पृतनौघ !स्व समय विघटित सुघटित सहृदय सहधर्मचारिणीक !विभीषण वशंवदीकृत लङ्कैश्वर्य !निष्पन्न कृत्य !ख पुष्पित रिपु पक्ष !पुष्पक रभस गति गोष्पदीकृत गगनार्णव !प्रतिज्ञार्णव तरण कृत क्षण भरत मनोरथ संहित सिंहासनाधिरूढ !स्वामिन् !राघव सिंह !उत्तरकाण्डम्हाटक गिरि कटक लडह पाद पीठ निकट तट परिलुठित निखिलनृपति किरीटकोटि विविध मणि गण किरण निकर नीराजितचरण राजीव !दिव्य भौमायोध्याधिदैवत !पितृ वध कुपित परशुधर मुनि विहित नृप हनन कदन पूर्वकालप्रभवशत गुण प्रतिष्ठापित धार्मिक राज वंश !शुभ चरित रत भरत खर्वित गर्व गन्धर्व यूथ गीत विजय गाथाशत !शासित मधुसुत शत्रुघ्न सेवित !कुश लव परिगृहीत कुल गाथा विशेष !विधि वश परिणमदमर भणिति कविवर रचित निज चरितनिबन्धन निशमननिर्वृत !सर्व जन सम्मानित !पुनरुपस्थापित विमान वर विश्राणन प्रीणित वैश्रवण विश्रावित यशःप्रपञ्च !पञ्चतापन्न मुनिकुमार सञ्जीवनामृत !त्रेतायुग प्रवर्तित कार्तयुग वृत्तान्त !अविकल बहुसुवर्ण हयमख सहस्र निर्वहण निर्वर्तितनिजवर्णाश्रम धर्म !सर्व कर्म समाराध्य !सनातन धर्म !साकेत जनपद जनि धनिक जङ्गम तदितर जन्तु जात दिव्य गति दान दर्शित नित्यनिस्सीम वैभव !भव तपन तापित भक्तजन भद्राराम !श्री रामभद्र !नमस्ते पुनस्ते नमः ॥

jayatyāśritasaṃtrāsadhvāntavidhvaṃsanodayaḥ |prabhāvān sītayā devyā paramavyomabhāskaraḥ ||bālakāṇḍamjaya jaya mahāvīra !mahādhīra dhaureya !devāsura samara samaya samudita nikhila nirjara nirdhārita niravadhika māhātmya !daśavadana damita daivata pariṣadabhyarthita dāśarathibhāva !dinakara kula kamala divākara !diviṣadadhipati raṇa sahacaraṇa catura daśaratha caramaṛṇa vimocana !kosalasutā kumārabhāva kañcukita kāraṇākāra !kaumāra keḷi gopāyita kauśikādhvara !raṇādhvara dhurya bhavya divyāstra vṛnda vandita !praṇata jana vimata vimathana durlaḷita dorlaḷita !tanutara viśikha vitāḍana vighaṭita viśarāru śarāru tāṭakā tāṭakeya !jaḍakiraṇa śakaladhara jaṭila naṭapati makuṭa taṭa naṭanapaṭuvibudhasarid|hatibahula madhugalana lalitapadanalinarajaupamṛdita nijavṛjina jahadupalatanuruciraparamamuni varayuvati nuta !kuśikasutakathita vidita nava vividha katha !maithila nagara sulocanā locana cakora candra !khaṇḍaparaśu kodaṇḍa prakāṇḍa khaṇḍana śauṇḍa bhujadaṇḍa !caṇḍakara kiraṇamaṇḍala bodhita puṇḍarīka vana ruci luṇṭāka locana !mocita janaka hṛdaya śaṅkātaṅka !parihṛta nikhila narapati varaṇa janakaduhita kucataṭa viharaṇasamucita karatala !śatakoṭi śataguṇa kaṭhina paraśu dhara munivara kara dhṛtaduravanamatamanija dhanurākarṣaṇa prakāśita pārameṣṭhya !kratuhara śikhari kanduka vihṛtyunmukha jagadaruntudajitaharidantidanta danturodanta daśavadana damana kuśala daśaśatabhujamukhanṛpati kularudhirajhara (bhara) bharita pṛthutara taṭākatarpitapitṛka bhṛgupati sugati vihati kara nata paruḍiṣu parigha !ayodhyākāṇḍamanṛta bhaya muṣita hṛdaya pitṛ vacana pālana pratijñāvajñātayauvarājya !niṣāda rāja sauhṛda sūcita sauśīlya sāgara !bharadvāja śāsanaparigṛhīta vicitra citrakūṭa giri kaṭakataṭa ramyāvasatha !ananya śāsanīya !praṇata bharata makuṭataṭa sughaṭita pādukāgryābhiṣeka nirvartitasarvaloka yogakṣema !piśita ruci vihita durita valamathana tanaya balibhuganugati sarabhasaśayana tṛṇaśakala paripatana bhaya cakita sakala suramunivarabahumata mahāstra sāmarthya !druhiṇa hara valamathana durālakṣya śara lakṣya !āraṇyakāṇḍamdaṇḍakā tapovana jaṅgama pārijāta !virādha hariṇa śārdūla !vilulita bahuphala makha kalama rajanicara mṛga mṛgayānambhasaṃbhṛtacīrabhṛdanurodha !triśiraḥ śirastritaya timira nirāsa vāsarakara !dūṣaṇa jalanidhi śoṣaṇa toṣita ṛṣigaṇa ghoṣita vijaya ghoṣaṇa !kharatara khara taru khaṇḍana caṇḍa pavana !dvisapta rakṣaḥsahasra nalavana vilolana mahākalabha !asahāya śūra !anapāya sāhasa !mahita mahāmṛdha darśana mudita maithilī dṛḍhatara parirambhaṇa (mahāmṛdha?)vibhavaviropita vikaṭa vīravraṇa !mārīca māyā mṛga carma parikarmita nirbhara darbhāstaraṇa !vikrama yaśo lābha vikrīta jīvita gṛghrarājadeha didhakṣālakṣitabhaktajana dākṣiṇya !kalpita vibudhabhāva kabandhābhinandita !avandhya mahima munijana bhajana muṣita hṛdaya kaluṣa śabarīmokṣasākṣibhūta !kiṣkindhākāṇḍamprabhañjanatanaya bhāvuka bhāṣita rañjita hṛdaya !taraṇisuta śaraṇāgatiparatantrīkṛta svātantrya !dṛḍha ghaṭita kailāsa koṭi vikaṭa dundubhi kaṅkāla kūṭa dūra vikṣepadakṣadakṣiṇetara pādāṅguṣṭha dara calana viśvasta suhṛdāśaya !atipṛthula bahu viṭapi giri dharaṇi vivara yugapadudaya vivṛta citrapuṅkha vaicitrya !vipula bhuja śaila mūla nibiḍa nipīḍita rāvaṇa raṇaraṇaka janaka caturudadhiviharaṇa catura kapikula pati hṛdaya viśāla śilātaladāraṇa dāruṇa śilīmukha !sundarakāṇḍamapāra pārāvāra parikhā parivṛta parapura parisṛta dava dahanajavanapavanabhava kapivara pariṣvaṅga bhāvita sarvasva dāna !yuddhakāṇḍamahita sahodara rakṣaḥ parigraha visaṃvādivividha saciva vipralambha samayasaṃrambha samujjṛmbhita sarveśvara bhāva !sakṛtprapanna jana saṃrakṣaṇa dīkṣita !vīra !satyavrata !pratiśayana bhūmikā bhūṣita payodhi pulina !pralaya śikhi paruṣa viśikha śikhā śoṣitākūpāra vāri pūra !prabala ripu kalaha kutuka caṭula kapikula karatala tūlītulitahṛta girinikara sādhitasetupadha sīmā sīmantita samudra !druta gati taru mṛga varūthinī niruddha laṅkāvarodha vepathu lāsya līlopadeśadeśika dhanurjyāghoṣa !gaganacara kanakagiri garimadhara nigamamaya nijagaruḍa garudanila lava galitaviṣavadana śara kadana !akṛta cara vanacara raṇa karaṇa vailakṣya kūṇitākṣa bahuvidha rakṣobalādhyakṣa vakṣaḥ kavāṭa pāṭana paṭima sāṭopa kopāvalepa !kaṭuraṭad aṭani ṭaṅkṛti caṭula kaṭhora kārmuka !viśaṅkaṭa viśikha vitāḍana vighaṭita makuṭa vihvala viśravastanayaviśramasamaya viśrāṇana vikhyāta vikrama !kumbhakarṇa kula giri vidalana dambholi bhūta niḥśaṅka kaṅkapatra !abhicaraṇa hutavaha paricaraṇa vighaṭana sarabhasa paripatad aparimitakapibalajaladhilahari kalakalarava kupita maghavajidabhihananakṛdanuja sākṣikarākṣasa dvandvayuddha !apratidvandva pauruṣa !tryambaka samadhika ghorāstrāḍambara !sārathi hṛta ratha satrapa śātrava satyāpita pratāpa !śitaśarakṛtalavanadaśamukha mukha daśaka nipatana punarudaya daragalita janitadara tarala harihaya nayana nalinavana rucikhacita khatala nipatita surataru kusuma vitatisurabhita ratha patha !akhila jagadadhika bhuja bala vara bala daśalapana lapana daśaka lavanajanita kadanaparavaśa rajanicara yuvati vilapana vacana samaviṣaya nigama śikhara nikaramukhara mukha munivara paripaṇita!abhigata śatamakha hutavaha pitṛpati nirṛti varuṇa pavana dhanadagiriśapramukhasurapati nuti mudita !amita mati vidhi vidita kathita nija vibhava jaladhi pṛṣata lava !vigata bhaya vibudha vibodhita vīra śayana śāyita vānara pṛtanaugha !sva samaya vighaṭita sughaṭita sahṛdaya sahadharmacāriṇīka !vibhīṣaṇa vaśaṃvadīkṛta laṅkaiśvarya !niṣpanna kṛtya !kha puṣpita ripu pakṣa !puṣpaka rabhasa gati goṣpadīkṛta gaganārṇava !pratijñārṇava taraṇa kṛta kṣaṇa bharata manoratha saṃhita siṃhāsanādhirūḍha !svāmin !rāghava siṃha !uttarakāṇḍamhāṭaka giri kaṭaka laḍaha pāda pīṭha nikaṭa taṭa pariluṭhita nikhilanṛpati kirīṭakoṭi vividha maṇi gaṇa kiraṇa nikara nīrājitacaraṇa rājīva !divya bhaumāyodhyādhidaivata !pitṛ vadha kupita paraśudhara muni vihita nṛpa hanana kadana pūrvakālaprabhavaśata guṇa pratiṣṭhāpita dhārmika rāja vaṃśa !śubha carita rata bharata kharvita garva gandharva yūtha gīta vijaya gāthāśata !śāsita madhusuta śatrughna sevita !kuśa lava parigṛhīta kula gāthā viśeṣa !vidhi vaśa pariṇamadamara bhaṇiti kavivara racita nija caritanibandhana niśamananirvṛta !sarva jana sammānita !punarupasthāpita vimāna vara viśrāṇana prīṇita vaiśravaṇa viśrāvita yaśaḥprapañca !pañcatāpanna munikumāra sañjīvanāmṛta !tretāyuga pravartita kārtayuga vṛttānta !avikala bahusuvarṇa hayamakha sahasra nirvahaṇa nirvartitanijavarṇāśrama dharma !sarva karma samārādhya !sanātana dharma !sāketa janapada jani dhanika jaṅgama taditara jantu jāta divya gati dāna darśita nityanissīma vaibhava !bhava tapana tāpita bhaktajana bhadrārāma !śrī rāmabhadra !namaste punaste namaḥ ||

चतुर्मुखेश्वरमुखैः पुत्र पौत्रादि शालिने ।नमः सीता समेताय रामाय गृहमेधिने ॥

caturmukheśvaramukhaiḥ putra pautrādi śāline |namaḥ sītā sametāya rāmāya gṛhamedhine ||

कविकथक सिंहकथितंकठोर सुकुमार गुम्फ गम्भीरम् ।भव भय भेषजमेतत्पठत महावीर वैभवं सुधियः ॥

kavikathaka siṃhakathitaṃkaṭhora sukumāra gumpha gambhīram |bhava bhaya bheṣajametatpaṭhata mahāvīra vaibhavaṃ sudhiyaḥ ||

सर्वं श्री कृष्णार्पणमस्तु

sarvaṃ śrī kṛṣṇārpaṇamastu

स्चोलर्, अल्सो क्नोव्न् अस् ष्रि निगमान्त महा देशिकन्, अल्सो

scolar, also knovn as ṣri nigamānta mahā deśikan, also