श्यामलासहस्रनामस्तोत्रम् Shri Shyamalasahasranamastotram

नामसारस्तवःसर्वशृङ्गारशोभाढ्यां तुङ्गपीनपयोधराम् ।गङ्गाधरप्रियां देवीं मातङ्गीं नौमि सन्ततम् ॥ १॥

nāmasārastavaḥsarvaśṛṅgāraśobhāḍhyāṃ tuṅgapīnapayodharām |gaṅgādharapriyāṃ devīṃ mātaṅgīṃ naumi santatam || 1||

श्रीमद्वैकुण्ठनिलयं श्रीपतिं सिद्धसेवितम् ।कदाचित्स्वप्रियं लक्ष्मीर्नारायणमपृच्छत ॥ २॥

śrīmadvaikuṇṭhanilayaṃ śrīpatiṃ siddhasevitam |kadācitsvapriyaṃ lakṣmīrnārāyaṇamapṛcchata || 2||

लक्ष्मीरुवाचकिं जप्यं परमं नॄणां भोगमोक्षफलप्रदम् ।सर्ववश्यकरं चैव सर्वैश्वर्यप्रदायकम् ॥ ३॥

lakṣmīruvācakiṃ japyaṃ paramaṃ nṝṇāṃ bhogamokṣaphalapradam |sarvavaśyakaraṃ caiva sarvaiśvaryapradāyakam || 3||

सर्वरक्षाकरं चैव सर्वत्र विजयप्रदम् ।ब्रह्मज्ञानप्रदं पुंसां तन्मे ब्रूहि जनार्दन ॥ ४॥

sarvarakṣākaraṃ caiva sarvatra vijayapradam |brahmajñānapradaṃ puṃsāṃ tanme brūhi janārdana || 4||

भगवानुवाचनामसारस्तवं पुण्यं पठेन्नित्यं प्रयत्नतः ।तेन प्रीता श्यामलाम्बा त्वद्वशं कुरुते जगत् ॥ ५॥

bhagavānuvācanāmasārastavaṃ puṇyaṃ paṭhennityaṃ prayatnataḥ |tena prītā śyāmalāmbā tvadvaśaṃ kurute jagat || 5||

तन्त्रेषु ललितादीनां शक्तीनां नामकोशतः ।सारमुद्धृत्य रचितो नामसारस्तवो ह्ययम् ॥ ६॥

tantreṣu lalitādīnāṃ śaktīnāṃ nāmakośataḥ |sāramuddhṛtya racito nāmasārastavo hyayam || 6||

नामसारस्तवं मह्यं दत्तवान् परमेश्वरः ।तव नामसहस्रं तत् श्यामलाया वदाम्यहम् ॥ ७॥

nāmasārastavaṃ mahyaṃ dattavān parameśvaraḥ |tava nāmasahasraṃ tat śyāmalāyā vadāmyaham || 7||

विनियोगः ॥अस्य श्रीश्यामलापरमेश्वरीनामसाहस्रस्तोत्रमाला मन्त्रस्य,सदाशिव ऋषिः । अनुष्टुप्छन्दः ।श्रीराजराजेश्वरी श्यामला परमेश्वरी देवता ।चतुर्विधपुरुषार्थसिद्ध्यर्थे नामपारायणे विनियोगः ।ध्यानम् ॥ध्यायेऽहं रत्नपीठे शुककलपठितं शृण्वतीं श्यामगात्रींन्यस्तैकाङ्घ्रीं सरोजे शशिशकलधरां वल्लकीं वादयन्तीम् ।कल्हाराबद्धमौलिं नियमितलसच्चूलिकां रक्तवस्त्रांमातङ्गीं भूषिताङ्गीं मधुमदमुदितां चित्रकोद्भासिफालाम् ॥पञ्चपूजा ।अथ सहस्रनामस्तोत्रम् ।ॐ ।सौभाग्यलक्ष्मीः सौन्दर्यनिधिः समरसप्रिया ।सर्वकल्याणनिलया सर्वेशी सर्वमङ्गला ॥ १॥

viniyogaḥ ||asya śrīśyāmalāparameśvarīnāmasāhasrastotramālā mantrasya,sadāśiva ṛṣiḥ | anuṣṭupchandaḥ |śrīrājarājeśvarī śyāmalā parameśvarī devatā |caturvidhapuruṣārthasiddhyarthe nāmapārāyaṇe viniyogaḥ |dhyānam ||dhyāye'haṃ ratnapīṭhe śukakalapaṭhitaṃ śṛṇvatīṃ śyāmagātrīṃnyastaikāṅghrīṃ saroje śaśiśakaladharāṃ vallakīṃ vādayantīm |kalhārābaddhamauliṃ niyamitalasaccūlikāṃ raktavastrāṃmātaṅgīṃ bhūṣitāṅgīṃ madhumadamuditāṃ citrakodbhāsiphālām ||pañcapūjā |atha sahasranāmastotram |oṃ |saubhāgyalakṣmīḥ saundaryanidhiḥ samarasapriyā |sarvakalyāṇanilayā sarveśī sarvamaṅgalā || 1||

सर्ववश्यकरी सर्वा सर्वमङ्गलदायिनी ।सर्वविद्यादानदक्षा सङ्गीतोपनिषत्प्रिया ॥ २॥

sarvavaśyakarī sarvā sarvamaṅgaladāyinī |sarvavidyādānadakṣā saṅgītopaniṣatpriyā || 2||

सर्वभूतहृदावासा सर्वगीर्वाणपूजिता ।समृद्धा सङ्गमुदिता सर्वलोकैकसंश्रया ॥ ३॥

sarvabhūtahṛdāvāsā sarvagīrvāṇapūjitā |samṛddhā saṅgamuditā sarvalokaikasaṃśrayā || 3||

सप्तकोटिमहामन्त्रस्वरूपा सर्वसाक्षिणी ।सर्वाङ्गसुन्दरी सर्वगता सत्यस्वरूपिणी ॥ ४॥

saptakoṭimahāmantrasvarūpā sarvasākṣiṇī |sarvāṅgasundarī sarvagatā satyasvarūpiṇī || 4||

समा समयसंवेद्या समयज्ञा सदाशिवा ।सङ्गीतरसिका सर्वकलामयशुकप्रिया ॥ ५॥

samā samayasaṃvedyā samayajñā sadāśivā |saṅgītarasikā sarvakalāmayaśukapriyā || 5||

चन्दनालेपदिग्धाङ्गी सच्चिदानन्दरूपिणी ।कदम्बवाटीनिलया कमलाकान्तसेविता ॥ ६॥

candanālepadigdhāṅgī saccidānandarūpiṇī |kadambavāṭīnilayā kamalākāntasevitā || 6||

कटाक्षोत्पन्नकन्दर्पा कटाक्षितमहेश्वरा ।कल्याणी कमलासेव्या कल्याणाचलवासिनी ॥ ७॥

kaṭākṣotpannakandarpā kaṭākṣitamaheśvarā |kalyāṇī kamalāsevyā kalyāṇācalavāsinī || 7||

कान्ता कन्दर्पजननी करुणारससागरा ।कलिदोषहरा काम्या कामदा कामवर्धिनी ॥ ८॥

kāntā kandarpajananī karuṇārasasāgarā |kalidoṣaharā kāmyā kāmadā kāmavardhinī || 8||

कदम्बकलिकोत्तंसा कदम्बकुसुमाप्रिया ।कदम्बमूलरसिका कामाक्षी कमलानना ॥ ९॥

kadambakalikottaṃsā kadambakusumāpriyā |kadambamūlarasikā kāmākṣī kamalānanā || 9||

कम्बुकण्ठी कलालापा कमलासनपूजिता ।कात्यायनी केलिपरा कमलाक्षसहोदरी ॥ १०॥

kambukaṇṭhī kalālāpā kamalāsanapūjitā |kātyāyanī keliparā kamalākṣasahodarī || 10||

कमलाक्षी कलारूपा कोकाकारकुचद्वया ।कोकिला कोकिलारावा कुमारजननी शिवा ॥ ११॥

kamalākṣī kalārūpā kokākārakucadvayā |kokilā kokilārāvā kumārajananī śivā || 11||

सर्वज्ञा सन्ततोन्मत्ता सर्वैश्वर्यप्रदायिनी ।सुधाप्रिया सुराराध्या सुकेशी सुरसुन्दरी ॥ १२॥

sarvajñā santatonmattā sarvaiśvaryapradāyinī |sudhāpriyā surārādhyā sukeśī surasundarī || 12||

शोभना शुभदा शुद्धा शुद्धचित्तैकवासिनी ।वेदवेद्या वेदमयी विद्याधरगणार्चिता ॥ १३॥

śobhanā śubhadā śuddhā śuddhacittaikavāsinī |vedavedyā vedamayī vidyādharagaṇārcitā || 13||

वेदान्तसारा विश्वेशी विश्वरूपा विरूपिणी ।विरूपाक्षप्रिया विद्या विन्ध्याचलनिवासिनी ॥ १४॥

vedāntasārā viśveśī viśvarūpā virūpiṇī |virūpākṣapriyā vidyā vindhyācalanivāsinī || 14||

वीणावादविनोदज्ञा वीणागानविशारदा ।वीणावती बिन्दुरूपा ब्रह्माणी ब्रह्मरूपिणी ॥ १५॥

vīṇāvādavinodajñā vīṇāgānaviśāradā |vīṇāvatī bindurūpā brahmāṇī brahmarūpiṇī || 15||

पार्वती परमाऽचिन्त्या पराशक्तिः परात्परा ।परानन्दा परेशानी परविद्या परापरा ॥ १६॥

pārvatī paramā'cintyā parāśaktiḥ parātparā |parānandā pareśānī paravidyā parāparā || 16||

भक्तप्रिया भक्तिगम्या भक्तानां परमा गतिः ।भव्या भवप्रिया भीरुर्भवसागरतारिणी ॥ १७॥

bhaktapriyā bhaktigamyā bhaktānāṃ paramā gatiḥ |bhavyā bhavapriyā bhīrurbhavasāgaratāriṇī || 17||

भयघ्नी भावुका भव्या भामिनी भक्तपालिनी ।भेदशून्या भेदहन्त्री भावना मुनिभाविता ॥ १८॥

bhayaghnī bhāvukā bhavyā bhāminī bhaktapālinī |bhedaśūnyā bhedahantrī bhāvanā munibhāvitā || 18||

माया महेश्वरी मान्या मातङ्गी मलयालया ।महनीया मदोन्मत्ता मन्त्रिणी मन्त्रनायिका ॥ १९॥

māyā maheśvarī mānyā mātaṅgī malayālayā |mahanīyā madonmattā mantriṇī mantranāyikā || 19||

महाऽऽनन्दा मनोगम्या मतङ्गकुलमण्डना ।मनोज्ञा मानिनी माध्वी सिन्धुमध्यकृतालया ॥ २०॥

mahā''nandā manogamyā mataṅgakulamaṇḍanā |manojñā māninī mādhvī sindhumadhyakṛtālayā || 20||

मधुप्रीता नीलकचा माध्वीरसमदालसा ।पूर्णचन्द्राभवदना पूर्णा पुण्यफलप्रदा ॥ २१॥

madhuprītā nīlakacā mādhvīrasamadālasā |pūrṇacandrābhavadanā pūrṇā puṇyaphalapradā || 21||

पुलोमजार्चिता पूज्या पुरुषार्थप्रदायिनी ।नारायणी नादरूपा नादब्रह्मस्वरूपिणी ॥ २२॥

pulomajārcitā pūjyā puruṣārthapradāyinī |nārāyaṇī nādarūpā nādabrahmasvarūpiṇī || 22||

नित्या नवनवाकारा नित्यानन्दा निराकुला ।निटिलाक्षप्रिया नेत्री नीलेन्दीवरलोचना ॥ २३॥

nityā navanavākārā nityānandā nirākulā |niṭilākṣapriyā netrī nīlendīvaralocanā || 23||

तमालकोमलाकारा तरुणी तनुमध्यमा ।तटित्पिशङ्गवसना तटित्कोटिसभद्युतिः ॥ २४॥

tamālakomalākārā taruṇī tanumadhyamā |taṭitpiśaṅgavasanā taṭitkoṭisabhadyutiḥ || 24||

मधुरा मङ्गला मेध्या मधुपानप्रिया सखी ।चित्कला चारुवदना सुखरूपा सुखप्रदा ॥ २५॥

madhurā maṅgalā medhyā madhupānapriyā sakhī |citkalā cāruvadanā sukharūpā sukhapradā || 25||

कूटस्था कौलिनी कूर्मपीठस्था कुटिलालका ।शान्ता शान्तिमती शान्तिः श्यामला श्यामलाकृतिः ॥ २६॥

kūṭasthā kaulinī kūrmapīṭhasthā kuṭilālakā |śāntā śāntimatī śāntiḥ śyāmalā śyāmalākṛtiḥ || 26||

शङ्खिनी शङ्करी शैवी शङ्खकुण्डलमण्डिता ।कुन्ददन्ता कोमलाङ्गी कुमारी कुलयोगिनी ॥ २७॥

śaṅkhinī śaṅkarī śaivī śaṅkhakuṇḍalamaṇḍitā |kundadantā komalāṅgī kumārī kulayoginī || 27||

निर्गर्भयोगिनीसेव्या निरन्तररतिप्रिया ।शिवदूती शिवकरी जटिला जगदाश्रया ॥ । २८॥

nirgarbhayoginīsevyā nirantararatipriyā |śivadūtī śivakarī jaṭilā jagadāśrayā || | 28||

शाम्भवी योगिनिलया परचैतन्यरूपिणी ।दहराकाशनिलया दण्डिनीपरिपूजिता ॥ २९॥

śāmbhavī yoginilayā paracaitanyarūpiṇī |daharākāśanilayā daṇḍinīparipūjitā || 29||

सम्पत्करीगजारूढा सान्द्रानन्दा सुरेश्वरी ।चम्पकोद्भासितकचा चन्द्रशेखरवल्लभा ॥ ३०॥

sampatkarīgajārūḍhā sāndrānandā sureśvarī |campakodbhāsitakacā candraśekharavallabhā || 30||

चारुरूपा चारुदन्ती चन्द्रिका शम्भुमोहिनी ।विमला विदुषी वाणी कमला कमलासना ॥ ३१॥

cārurūpā cārudantī candrikā śambhumohinī |vimalā viduṣī vāṇī kamalā kamalāsanā || 31||

करुणापूर्णहृदया कामेशी कम्बुकन्धरा ।राजराजेश्वरी राजमातङ्गी राजवल्लभा ॥ ३२॥

karuṇāpūrṇahṛdayā kāmeśī kambukandharā |rājarājeśvarī rājamātaṅgī rājavallabhā || 32||

सचिवा सचिवेशानी सचिवत्वप्रदायिनी ।पञ्चबाणार्चिता बाला पञ्चमी परदेवता ॥ ३३॥

sacivā saciveśānī sacivatvapradāyinī |pañcabāṇārcitā bālā pañcamī paradevatā || 33||

उमा महेश्वरी गौरी सङ्गीतज्ञा सरस्वती ।कविप्रिया काव्यकला कलौ सिद्धिप्रदायिनी ॥ ३४॥

umā maheśvarī gaurī saṅgītajñā sarasvatī |kavipriyā kāvyakalā kalau siddhipradāyinī || 34||

ललितामन्त्रिणी रम्या ललिताराज्यपालिनी ।ललितासेवनपरा ललिताज्ञावशंवदा ॥ ३५॥

lalitāmantriṇī ramyā lalitārājyapālinī |lalitāsevanaparā lalitājñāvaśaṃvadā || 35||

ललिताकार्यचतुरा ललिताभक्तपालिनी ।ललितार्धासनारूढा लावण्यरसशेवधिः ॥ ३६॥

lalitākāryacaturā lalitābhaktapālinī |lalitārdhāsanārūḍhā lāvaṇyarasaśevadhiḥ || 36||

रञ्जनी लालितशुका लसच्चूलीवरान्विता ।रागिणी रमणी रामा रती रतिसुखप्रदा ॥ ३७॥

rañjanī lālitaśukā lasaccūlīvarānvitā |rāgiṇī ramaṇī rāmā ratī ratisukhapradā || 37||

भोगदा भोग्यदा भूमिप्रदा भूषणशालिनी ।पुण्यलभ्या पुण्यकीर्तिः पुरन्दरपुरेश्वरी ॥ ३८॥

bhogadā bhogyadā bhūmipradā bhūṣaṇaśālinī |puṇyalabhyā puṇyakīrtiḥ purandarapureśvarī || 38||

भूमाऽऽनन्दा भूतिकरी क्लीङ्कारी क्लिन्नरूपिणी ।भानुमण्डलमध्यस्था भामिनी भारती धृतिः ॥ ३९॥

bhūmā''nandā bhūtikarī klīṅkārī klinnarūpiṇī |bhānumaṇḍalamadhyasthā bhāminī bhāratī dhṛtiḥ || 39||

नारायणार्चिता नाथा नादिनी नादरूपिणी ।पञ्चकोणास्थिता लक्ष्मीः पुराणी पुररूपिणी ॥ ४०॥

nārāyaṇārcitā nāthā nādinī nādarūpiṇī |pañcakoṇāsthitā lakṣmīḥ purāṇī purarūpiṇī || 40||

चक्रस्थिता चक्ररूपा चक्रिणी चक्रनायिका ।षट्चक्रमण्डलान्तःस्था ब्रह्मचक्रनिवासिनी ॥ ४१॥

cakrasthitā cakrarūpā cakriṇī cakranāyikā |ṣaṭcakramaṇḍalāntaḥsthā brahmacakranivāsinī || 41||

अन्तरभ्यर्चनप्रीता बहिरर्चनलोलुपा ।पञ्चाशत्पीठमध्यस्था मातृकावर्णरूपिणी ॥ ४२॥

antarabhyarcanaprītā bahirarcanalolupā |pañcāśatpīṭhamadhyasthā mātṛkāvarṇarūpiṇī || 42||

महादेवी महाशक्तिः महामाया महामतिः ।महारूपा महादीप्तिः महालावण्यशालिनी ॥ ४३॥

mahādevī mahāśaktiḥ mahāmāyā mahāmatiḥ |mahārūpā mahādīptiḥ mahālāvaṇyaśālinī || 43||