पार्वत्यष्टकम् Shri Parvatyashtakam

ॐ श्रीगणेशाय नमः ।महारजतचेलया महितमल्लिकामालयातुलारहितफालया तुलितवारिभृज्जालया ।शिवाभिमतशीलया शिशिरभानुचूडालयामहीध्रवरबालया मम हृतं मनो लीलया ॥ १॥

oṃ śrīgaṇeśāya namaḥ |mahārajatacelayā mahitamallikāmālayātulārahitaphālayā tulitavāribhṛjjālayā |śivābhimataśīlayā śiśirabhānucūḍālayāmahīdhravarabālayā mama hṛtaṃ mano līlayā || 1||

नमज्जनभवान्तया नलिनशोभिनेत्रान्तयानिरीतिकृदुदन्तया निजनिवासवेदान्तया ।लसच्छुकशकुन्तया ललितकुन्दजिद्दन्तयामनो मम हृतं तया मनसिजान्तकृत्कान्तया ॥ २॥

namajjanabhavāntayā nalinaśobhinetrāntayānirītikṛdudantayā nijanivāsavedāntayā |lasacchukaśakuntayā lalitakundajiddantayāmano mama hṛtaṃ tayā manasijāntakṛtkāntayā || 2||

सुर्वर्णसुमनासया सुरमहीधरावासयाशशाङ्करुचिहासया शरबिषक्तबाणासया ।कृपाकलितदासया कृतजगत्त्रयोल्लासयाविभिन्नपुरशासया विवशितोऽहमत्रासया ॥ ३॥

survarṇasumanāsayā suramahīdharāvāsayāśaśāṅkarucihāsayā śarabiṣaktabāṇāsayā |kṛpākalitadāsayā kṛtajagattrayollāsayāvibhinnapuraśāsayā vivaśito'hamatrāsayā || 3||

कचालिजितभृङ्गया कमलजित्त्वरापाङ्गयाकुतूहलिकुरङ्गया कुचयुगे महातुङ्गया ।कनद्रुचितरङ्गया कलितविद्विषद्भङ्गयाप्रसक्तहरसङ्गया परवशोऽस्मि वामाङ्गया ॥ ४॥

kacālijitabhṛṅgayā kamalajittvarāpāṅgayākutūhalikuraṅgayā kucayuge mahātuṅgayā |kanadrucitaraṅgayā kalitavidviṣadbhaṅgayāprasaktaharasaṅgayā paravaśo'smi vāmāṅgayā || 4||

वतंसितकदम्बया वदनलोभिलोलम्बयाकरादृतकलम्बया क्रमविधूतकादम्बया ।प्रणम्रधृतशम्बया प्रकटिताखिललम्बयाहृतोऽस्मि जगदम्बया हृतशशाङ्कभृद्बिम्बया ॥ ५॥

vataṃsitakadambayā vadanalobhilolambayākarādṛtakalambayā kramavidhūtakādambayā |praṇamradhṛtaśambayā prakaṭitākhilalambayāhṛto'smi jagadambayā hṛtaśaśāṅkabhṛdbimbayā || 5||

जनीलसदहार्यया जनिमतां मनोधार्ययासुरारिवधकार्यया सुकृतिवैदितौदार्यया ।परित्रयिविचार्यया प्रियकवृक्षभूचर्ययाप्रकाशितहृदार्यया पशुपतेरहं भार्यया ॥ ६॥

janīlasadahāryayā janimatāṃ manodhāryayāsurārivadhakāryayā sukṛtivaiditaudāryayā |paritrayivicāryayā priyakavṛkṣabhūcaryayāprakāśitahṛdāryayā paśupaterahaṃ bhāryayā || 6||

प्रणम्रसुरवर्गया प्रकटितात्मभूसर्गयास्तुवानमुनिगर्गया स्तुतिकृदर्पितस्वर्गया ।हिमाद्रिकुलनिर्गया हिततरत्नयीमार्गयामदाकुलितभर्गया मनसि मे स्थितं दुर्गया ॥ ७॥

praṇamrasuravargayā prakaṭitātmabhūsargayāstuvānamunigargayā stutikṛdarpitasvargayā |himādrikulanirgayā hitataratnayīmārgayāmadākulitabhargayā manasi me sthitaṃ durgayā || 7||

पुरो नटितरम्भया पुरहरे स्थितारम्भयासमग्रकुचकुम्भया सकलवन्द्यवाग्गुम्भया ।शराहतनिशुम्भया शमितदुर्जनोज्जृम्भयाभवाम्यहमदम्भया परवशो गणेड्डिम्भया ॥ ८॥

puro naṭitarambhayā purahare sthitārambhayāsamagrakucakumbhayā sakalavandyavāggumbhayā |śarāhataniśumbhayā śamitadurjanojjṛmbhayābhavāmyahamadambhayā paravaśo gaṇeḍḍimbhayā || 8||

इति पार्वत्यष्टकं सम्पूर्णम् ॥

iti pārvatyaṣṭakaṃ sampūrṇam ||