पार्वतीस्तोत्रम् २ Shri Parvati Stotram

बालार्कायुतसत्प्रभां करतले लोलम्बमालाकुलांमाला सन्दधतीं मनोहरतनुं मन्दस्मितोद्यन्मुखीम् ।मन्दं मन्दमुपेयुषीं वरयितुं शम्भुं जगन्मोहिनींवन्दे देवमुनीन्द्रवन्दितपदामिष्टार्थदां पार्वतीम् ॥ १॥

bālārkāyutasatprabhāṃ karatale lolambamālākulāṃmālā sandadhatīṃ manoharatanuṃ mandasmitodyanmukhīm |mandaṃ mandamupeyuṣīṃ varayituṃ śambhuṃ jaganmohinīṃvande devamunīndravanditapadāmiṣṭārthadāṃ pārvatīm || 1||

हेमाभां मतिवागतीतगुणशीलानल्पशिल्पाकृतिंप्रेमारोहमनोहरां करलसत्कल्याणदामाञ्चिताम् ।श्यामामीश्वरमुद्यतां वरयितुं त्रैलोक्यसम्मोहिनींकामापादनकल्पवल्लिमनिशं वन्दे परां देवताम् ॥ २॥

hemābhāṃ mativāgatītaguṇaśīlānalpaśilpākṛtiṃpremārohamanoharāṃ karalasatkalyāṇadāmāñcitām |śyāmāmīśvaramudyatāṃ varayituṃ trailokyasammohinīṃkāmāpādanakalpavallimaniśaṃ vande parāṃ devatām || 2||

करधृतवरमाल्या सर्वरक्ताङ्गभूषानिखिलनयनचेतोहारिरूपाग्र्यवेषा वेषा ।भवतु भवदभीष्टप्राप्तये शैलकन्यापुरुषयुवतिवश्याकृष्टिनित्यप्रगल्भा ॥ ३॥

karadhṛtavaramālyā sarvaraktāṅgabhūṣānikhilanayanacetohārirūpāgryaveṣā veṣā |bhavatu bhavadabhīṣṭaprāptaye śailakanyāpuruṣayuvativaśyākṛṣṭinityapragalbhā || 3||

हेमाद्रौ हेमपीठे नतनिखिलसुरैरीड्यमानां विराजत्पुष्पेष्विष्वासपाशाङ्कुशकरकमलां रक्तवेषाभिरक्ताम् ।दिक्षूद्यद्भिश्चतुर्भिर्मणिमयकलशैः पञ्चशक्त्यञ्चितैः स्वर्वृक्षैः क्लृप्ताभिषेकां भजत भगवतीं भूतिदामन्त्ययामे ॥ ४॥

hemādrau hemapīṭhe natanikhilasurairīḍyamānāṃ virājatpuṣpeṣviṣvāsapāśāṅkuśakarakamalāṃ raktaveṣābhiraktām |dikṣūdyadbhiścaturbhirmaṇimayakalaśaiḥ pañcaśaktyañcitaiḥ svarvṛkṣaiḥ klṛptābhiṣekāṃ bhajata bhagavatīṃ bhūtidāmantyayāme || 4||

चक्रं शङ्खमसिं च चर्म सशरं चापं गदां शूलकंबिभ्राणां वरदाभयामृतघटान् रत्नौघपात्रं तथा ।भूषाभिर्मकुटादिभिस्त्रिनयनां पीताम्बरामम्बिकांध्यायेच्चन्द्रकलासितां सुरगणैरीड्यां जगन्मङ्गलाम् ॥ ५॥

cakraṃ śaṅkhamasiṃ ca carma saśaraṃ cāpaṃ gadāṃ śūlakaṃbibhrāṇāṃ varadābhayāmṛtaghaṭān ratnaughapātraṃ tathā |bhūṣābhirmakuṭādibhistrinayanāṃ pītāmbarāmambikāṃdhyāyeccandrakalāsitāṃ suragaṇairīḍyāṃ jaganmaṅgalām || 5||

श्रीकैलासे शुकाद्यैः शिवकरवटमूले निषण्णो निषेव्यःकृत्वोरौ वामपादं किसलयमृदुलं दक्षिणे दक्षवैरी ।बिभ्राणो दोर्भिरक्षस्त्रजममृतघटं पुस्तकं ज्ञानमुद्रांभूयाद्भुक्त्यै च मुक्त्यै मम रजतनिभो दक्षिणामूर्तिशन्भुः ॥ ६॥

śrīkailāse śukādyaiḥ śivakaravaṭamūle niṣaṇṇo niṣevyaḥkṛtvorau vāmapādaṃ kisalayamṛdulaṃ dakṣiṇe dakṣavairī |bibhrāṇo dorbhirakṣastrajamamṛtaghaṭaṃ pustakaṃ jñānamudrāṃbhūyādbhuktyai ca muktyai mama rajatanibho dakṣiṇāmūrtiśanbhuḥ || 6||

इति श्रीपार्वतीस्तोत्रं सम्पूर्णम् ।

iti śrīpārvatīstotraṃ sampūrṇam |