शिवकामसुन्दरीत्रिशतनामस्तोत्रम् Shri Shivakamasundari Trishati Nama Stotram

पूर्वपीठिकाकैलासमध्यशृङ्गाग्रे कल्पवृक्षादिसङ्कुले ।नानामृगगणाकीर्णे मन्दमारुतवीजिते ॥ १॥

pūrvapīṭhikākailāsamadhyaśṛṅgāgre kalpavṛkṣādisaṅkule |nānāmṛgagaṇākīrṇe mandamārutavījite || 1||

पक्षिवृन्दरवोद्भूतमदनाधिक्यवैभवे ।शृङ्गारविपिने यासा पद्माकरसरस्तटे ॥ २॥

pakṣivṛndaravodbhūtamadanādhikyavaibhave |śṛṅgāravipine yāsā padmākarasarastaṭe || 2||

चिन्तामणिशिलाक्लृप्तहर्म्यप्राकारशोभिते ।मणिमण्डपमध्ये च दिव्यसिंहासने शुभे ॥ ३॥

cintāmaṇiśilāklṛptaharmyaprākāraśobhite |maṇimaṇḍapamadhye ca divyasiṃhāsane śubhe || 3||

आसीनं लीलया जातु महादेवं स्मिताननम् ।प्रणिपत्य मुदा गौरी प्रोवाच वचनं मधु ॥ ४॥

āsīnaṃ līlayā jātu mahādevaṃ smitānanam |praṇipatya mudā gaurī provāca vacanaṃ madhu || 4||

श्रीगौर्युवाचदेवदेव महादेव नाथ सर्वज्ञ सर्वग ।लोके व्याधिदरिद्राद्यैः पिशाचाद्यैश्च पीडिताः ॥ ५॥

śrīgauryuvācadevadeva mahādeva nātha sarvajña sarvaga |loke vyādhidaridrādyaiḥ piśācādyaiśca pīḍitāḥ || 5||

सर्वे जनाः कथं तेभ्यो मुच्येरन् परमेश्वर ।तदुपायं वदेशान लोकान् उद्धर्तुं आदरात् ॥ ६॥

sarve janāḥ kathaṃ tebhyo mucyeran parameśvara |tadupāyaṃ vadeśāna lokān uddhartuṃ ādarāt || 6||

इति पृष्टो गिरिजया शिवः सङ्कल्पवर्जितः ।भद्रे साधु त्वया पृष्टं सर्वलोकहिताय माम् ॥ ७॥

iti pṛṣṭo girijayā śivaḥ saṅkalpavarjitaḥ |bhadre sādhu tvayā pṛṣṭaṃ sarvalokahitāya mām || 7||

वक्ष्याम्युपायं दारिद्र्यभयव्याधिविनाशनम् ।धनधान्यायुरारोग्यधर्मकामार्थमोक्षदम् ॥ ८॥

vakṣyāmyupāyaṃ dāridryabhayavyādhivināśanam |dhanadhānyāyurārogyadharmakāmārthamokṣadam || 8||

विद्याकीर्तिकरं नॄणां पठनादस्य सिद्धिदम् ।नाम्नां त्रिशतसङ्ख्याकं स्तोत्रं मन्त्राक्षराङ्कितम् ॥ ९॥

vidyākīrtikaraṃ nṝṇāṃ paṭhanādasya siddhidam |nāmnāṃ triśatasaṅkhyākaṃ stotraṃ mantrākṣarāṅkitam || 9||

शिवकामसुन्दरीदेव्याः शिवायाः परमेश्वरि ।कथयामि तव स्नेहान्न प्रकाश्यं कदाचन ॥ १०॥

śivakāmasundarīdevyāḥ śivāyāḥ parameśvari |kathayāmi tava snehānna prakāśyaṃ kadācana || 10||

गोपनीयं प्रयत्नेन मर्मस्थलवदीश्वरि ।शिरोऽपि दातुं युक्तं हि न तद्दातुं प्रयत्नतः ॥ ११॥

gopanīyaṃ prayatnena marmasthalavadīśvari |śiro'pi dātuṃ yuktaṃ hi na taddātuṃ prayatnataḥ || 11||

ऋषिर्ब्रह्माऽस्य गायत्रीच्छन्दः श्रीसुन्दरी शिवा ।सहस्रनामवत्सर्वं कराङ्गन्यासकौ चरेत् ॥ १२॥

ṛṣirbrahmā'sya gāyatrīcchandaḥ śrīsundarī śivā |sahasranāmavatsarvaṃ karāṅganyāsakau caret || 12||

देवता कथिता चास्य स्तोत्रस्य हि वरानने ।जितेन्द्रियो जितक्रोधश्चिन्तयेत् सुन्दरीं हृदि ॥ १३॥

devatā kathitā cāsya stotrasya hi varānane |jitendriyo jitakrodhaścintayet sundarīṃ hṛdi || 13||

॥ ध्यानम् ॥उद्यद्भास्करसन्निभां द्विनयनां हेमानानाब्जां चतुर्हस्तैरम्बुजस्रक्शुकं कटिकरं सम्बिभ्रतीं शूलिनः ।नृत्ताडम्बरधूर्वहां शिवमयीं पद्मासनाध्यासिनींध्यायेऽहं परमेश्वरीं हृदि सदा श्रीब्रह्यजायां शिवाम् ॥ १४॥

|| dhyānam ||udyadbhāskarasannibhāṃ dvinayanāṃ hemānānābjāṃ caturhastairambujasrakśukaṃ kaṭikaraṃ sambibhratīṃ śūlinaḥ |nṛttāḍambaradhūrvahāṃ śivamayīṃ padmāsanādhyāsinīṃdhyāye'haṃ parameśvarīṃ hṛdi sadā śrībrahyajāyāṃ śivām || 14||

शिवकामसुन्दरीं श्यामां शिवां शिवकरीं शुभाम् ।शिवकामकोष्ठनिलयां ध्यायेऽहं शिवमोहिनीम् ॥ १५॥

śivakāmasundarīṃ śyāmāṃ śivāṃ śivakarīṃ śubhām |śivakāmakoṣṭhanilayāṃ dhyāye'haṃ śivamohinīm || 15||

चिन्तितार्थफलदायिनीमुमां चित्तरङ्गतलनित्यवासिनीम् ।चित्सभेश महिषीं सदाशिवां चिन्तयामि शिवकामसुन्दरीम् ॥ १६॥

cintitārthaphaladāyinīmumāṃ cittaraṅgatalanityavāsinīm |citsabheśa mahiṣīṃ sadāśivāṃ cintayāmi śivakāmasundarīm || 16||

इति ध्यात्वा महादेवीं मनसाभ्यर्च्य साधकः ।लमित्यादिमवर्णैश्च पञ्च पूजाः ततः परम् ॥ततः पठेत्स्तोत्रराजं सर्वसौभाग्यवर्धकम् ॥ १७॥

iti dhyātvā mahādevīṃ manasābhyarcya sādhakaḥ |lamityādimavarṇaiśca pañca pūjāḥ tataḥ param ||tataḥ paṭhetstotrarājaṃ sarvasaubhāgyavardhakam || 17||

अथ त्रिशतनामस्तोत्रम् ।ओतप्रोताण्डनिवहाऽप्योजस्वत्योघपूजिता ।ओङ्कारगृहकर्पूरदीपिका चौदनप्रिया ॥ १॥

atha triśatanāmastotram |otaprotāṇḍanivahā'pyojasvatyoghapūjitā |oṅkāragṛhakarpūradīpikā caudanapriyā || 1||

ओङ्कारपञ्जरशुकी चोङ्कारमनुवादिनी ।ओङ्कारमध्यनिलयाऽप्योजोनाथसमर्चिता ॥ २॥

oṅkārapañjaraśukī coṅkāramanuvādinī |oṅkāramadhyanilayā'pyojonāthasamarcitā || 2||

ओङ्कारवाच्या चोङ्कारमुख्या चोङ्काररूपिणी ।ओङ्कारशुक्तिकामुक्तामणिश्चोङ्कारशब्दिता ॥ ३॥

oṅkāravācyā coṅkāramukhyā coṅkārarūpiṇī |oṅkāraśuktikāmuktāmaṇiścoṅkāraśabditā || 3||

चक्रहस्ता चतुर्वेदवेद्या चामीकरासना ।चक्रायितसखीवृन्दा चन्द्रमण्डलमध्यगा ॥ ४॥

cakrahastā caturvedavedyā cāmīkarāsanā |cakrāyitasakhīvṛndā candramaṇḍalamadhyagā || 4||

चञ्च्वग्रजितबिम्बाभशुकसङ्गीतमोदिनी ।चण्डकोदण्डनिर्मुक्तबाणच्छन्नदिगन्तरा ॥ ५॥

cañcvagrajitabimbābhaśukasaṅgītamodinī |caṇḍakodaṇḍanirmuktabāṇacchannadigantarā || 5||

चण्डकोपारुणमुखी चण्डभैरवमोहिनी ।चण्डताण्डवपाण्डित्यप्रकाशनपटीयसी ॥ ६॥

caṇḍakopāruṇamukhī caṇḍabhairavamohinī |caṇḍatāṇḍavapāṇḍityaprakāśanapaṭīyasī || 6||

चण्डनागपरीताङ्गी चण्डदैत्यशिरोहरा ।चण्डमार्त्ताण्डधिक्कारिचन्द्रहासकराम्बुजा ॥ ७॥

caṇḍanāgaparītāṅgī caṇḍadaityaśiroharā |caṇḍamārttāṇḍadhikkāricandrahāsakarāmbujā || 7||

चण्डरावशिवावृन्दनिर्जिताम्भोधिनिस्स्वना ।चतुराननसम्पूज्या चतुरा चतुरार्चिता ॥ ८॥

caṇḍarāvaśivāvṛndanirjitāmbhodhinissvanā |caturānanasampūjyā caturā caturārcitā || 8||

चन्द्रिकासितदंष्ट्राग्रा चन्दनद्रवभूषिता ।चम्पकाशोकपुन्नागपुष्पमालालसत्कचा ॥ ९॥

candrikāsitadaṃṣṭrāgrā candanadravabhūṣitā |campakāśokapunnāgapuṣpamālālasatkacā || 9||

चराचरोद्भवा चारुहासा चर्माम्बरप्रिया ।चापबाणगदाखड्गशङ्खचक्रलसत्करा ॥ १०॥

carācarodbhavā cāruhāsā carmāmbarapriyā |cāpabāṇagadākhaḍgaśaṅkhacakralasatkarā || 10||

चामरग्राहिणीवाणीरमेन्द्राणीसमावृता ।चामुण्डा चण्डिका चण्डमुण्डासुरविनाशिनी ॥ ११॥

cāmaragrāhiṇīvāṇīramendrāṇīsamāvṛtā |cāmuṇḍā caṇḍikā caṇḍamuṇḍāsuravināśinī || 11||

चारुहीरमणीभास्वत्किरीटा चक्रवर्तिनी ।चित्रलेखा चित्ररथा चित्रलेखापितॄ(पती)डिता ॥ १२॥

cāruhīramaṇībhāsvatkirīṭā cakravartinī |citralekhā citrarathā citralekhāpitṝ(patī)ḍitā || 12||

चित्रसेनस्तुता चित्रयुद्धनिर्जितदानवा ।चित्रांशुका चित्रकर्मा चित्रानक्षत्रपूजिता ॥ १३॥

citrasenastutā citrayuddhanirjitadānavā |citrāṃśukā citrakarmā citrānakṣatrapūjitā || 13||

चिदानन्दप्रदा चित्रा चित्रनृत्तपरायणा ।चिन्ताधिकप्रदा चिन्त्या चिदम्बरनिवासिनी ॥ १४॥

cidānandapradā citrā citranṛttaparāyaṇā |cintādhikapradā cintyā cidambaranivāsinī || 14||

चिरञ्जीविसमाराध्या चिन्मयी चिद्विलासिनी ।चिरन्तनी चिदाकाशमध्यगा चित्स्वरूपिणी ॥ १५॥

cirañjīvisamārādhyā cinmayī cidvilāsinī |cirantanī cidākāśamadhyagā citsvarūpiṇī || 15||

चिम्बीजा चणकप्रीता चणन्नूपुरपादुका ।डाकिनी डमरुस्वानभीषणा डाकिनीश्वरी ॥ १६॥

cimbījā caṇakaprītā caṇannūpurapādukā |ḍākinī ḍamarusvānabhīṣaṇā ḍākinīśvarī || 16||

डाडिमीकुसुमप्रीता डाडिमीमधुलम्पटा ।डामरी डामरीतन्त्ररूपा डुण्डिसमर्चिता ॥ १७॥

ḍāḍimīkusumaprītā ḍāḍimīmadhulampaṭā |ḍāmarī ḍāmarītantrarūpā ḍuṇḍisamarcitā || 17||

डामरीमुख्यशक्त्यौघपरिष्कृतनिकेतना ।डम्बाडम्बमनोहारी डिम्बोन्मत्तविनाशिनी ॥ १८॥

ḍāmarīmukhyaśaktyaughapariṣkṛtaniketanā |ḍambāḍambamanohārī ḍimbonmattavināśinī || 18||

ढक्काध्वनिसमुत्पन्नशब्दसर्वस्वतन्त्रिणी ।ढक्कानिनदसम्मुह्यद्देवराजाभयङ्करी ॥ १९॥

ḍhakkādhvanisamutpannaśabdasarvasvatantriṇī |ḍhakkāninadasammuhyaddevarājābhayaṅkarī || 19||

नकुलीध्वस्तनागालिर्नकुली नकुलेश्वरी ।नखाग्रविलसद्विष्णुदशाकारा नटेश्वरी ॥ २०॥

nakulīdhvastanāgālirnakulī nakuleśvarī |nakhāgravilasadviṣṇudaśākārā naṭeśvarī || 20||

नटराजाङ्गना नाट्यकोविदा नागरार्चिता ।नम्रदिक्पालवनिता नमदानन्ददायिनी ॥ २१॥

naṭarājāṅganā nāṭyakovidā nāgarārcitā |namradikpālavanitā namadānandadāyinī || 21||

नरकत्राणनोद्युक्ता नन्द्यावर्तसुमप्रिया ।नरसिंहगलोन्मुक्तरुधिरास्वादनप्रिया ॥ २२॥

narakatrāṇanodyuktā nandyāvartasumapriyā |narasiṃhagalonmuktarudhirāsvādanapriyā || 22||

नागकन्यापरिवृता नागासुरविमर्दिनी ।नागाननसुता नागवाहा नरशवासना ॥ २३॥

nāgakanyāparivṛtā nāgāsuravimardinī |nāgānanasutā nāgavāhā naraśavāsanā || 23||

नाद ब्रह्ममयी नित्यनिर्वाणसुखदायिनी ।नाममन्त्रजपप्रीतिकारिणी नागभूषणा ॥ २४॥

nāda brahmamayī nityanirvāṇasukhadāyinī |nāmamantrajapaprītikāriṇī nāgabhūṣaṇā || 24||

नामरूपधरा नानावेदशास्रार्थदर्शिनी ।नारायणी नामरूपवर्जिता नरवाहना ॥ २५॥

nāmarūpadharā nānāvedaśāsrārthadarśinī |nārāyaṇī nāmarūpavarjitā naravāhanā || 25||

नारी नरेन्द्रसम्पूज्या नगराजनिकेतना ।नालीकलोचना नन्दिविद्या नगसुता नटी ॥ २६॥

nārī narendrasampūjyā nagarājaniketanā |nālīkalocanā nandividyā nagasutā naṭī || 26||

नासास्तब्धमरुच्चण्डवेगा नगरपालिनी ।निर्मला निरहङ्कारा निजभक्ताखिलेष्टदा ॥ २७॥

nāsāstabdhamaruccaṇḍavegā nagarapālinī |nirmalā nirahaṅkārā nijabhaktākhileṣṭadā || 27||

निस्सारा नियतिर्नित्या निर्लोभा निरवग्रहा ।नौकारूढा नीतसुधावार्धिभक्तजनप्रिया ॥ २८॥

nissārā niyatirnityā nirlobhā niravagrahā |naukārūḍhā nītasudhāvārdhibhaktajanapriyā || 28||

वृन्दानाथशिरोहर्त्री वृन्दामोहितमाधवा ।वृन्दारकवधूवृन्दसेनास्तिमिततापसा ॥ २९॥

vṛndānāthaśirohartrī vṛndāmohitamādhavā |vṛndārakavadhūvṛndasenāstimitatāpasā || 29||

वृन्दारकारिदर्पघ्नी बृहत्सेनासमावृता ।वृन्दारकेशविलसद्वेणुनादकृतादरा ॥ ३०॥

vṛndārakāridarpaghnī bṛhatsenāsamāvṛtā |vṛndārakeśavilasadveṇunādakṛtādarā || 30||

बृहच्छूलशिरः प्रोतशुम्भदैत्यभयङ्करी ।बृहतीक्कणनोद्युक्तनारदर्षिसमर्चिता ॥ ३१॥

bṛhacchūlaśiraḥ protaśumbhadaityabhayaṅkarī |bṛhatīkkaṇanodyuktanāradarṣisamarcitā || 31||

बृहन्मद्दलभृच्चक्रपाणिसन्नुतवैभवा ।बृहस्पतिसमाराध्या ब्राह्मी ब्रह्मैक्यरूपिणी ॥ ३२॥

bṛhanmaddalabhṛccakrapāṇisannutavaibhavā |bṛhaspatisamārādhyā brāhmī brahmaikyarūpiṇī || 32||

ब्रह्मजा बृहदैश्वर्यदायिनी ब्रूम्मनुप्रिया ।ब्रह्मजाया ब्रह्मबीजा ब्रह्माणी ब्रह्मवादिनी ॥ ३३॥

brahmajā bṛhadaiśvaryadāyinī brūmmanupriyā |brahmajāyā brahmabījā brahmāṇī brahmavādinī || 33||

ब्रह्मज्ञा ब्रह्मजननी ब्रह्मज्ञानप्रदायिनी ।ब्रह्मदेवलयासक्तताण्डवोद्दण्डपण्डिता ॥ ३४॥

brahmajñā brahmajananī brahmajñānapradāyinī |brahmadevalayāsaktatāṇḍavoddaṇḍapaṇḍitā || 34||

ब्रह्मपञ्चकसंरूढा ब्रह्माण्डान्तकराम्बुजा ।ब्रह्ममाया ब्रह्मशीर्षमालामण्डनमण्डिता ॥ ३५॥

brahmapañcakasaṃrūḍhā brahmāṇḍāntakarāmbujā |brahmamāyā brahmaśīrṣamālāmaṇḍanamaṇḍitā || 35||

ब्रह्मयज्ञपराधीनहृदया ब्रह्मवित्प्रिया ।ब्रह्मविद्या बृहद्रूपा बृहती ब्राह्मणप्रिया ॥ ३६॥

brahmayajñaparādhīnahṛdayā brahmavitpriyā |brahmavidyā bṛhadrūpā bṛhatī brāhmaṇapriyā || 36||

ब्रह्मविष्णुमुखोद्गीतवैभवा ब्राह्मणार्चिता ।ब्रह्मशीर्षहरा ब्रह्मकपालवरधारिणी ॥ ३७॥

brahmaviṣṇumukhodgītavaibhavā brāhmaṇārcitā |brahmaśīrṣaharā brahmakapālavaradhāriṇī || 37||

ब्रह्महीनमखासक्तदक्षमुख्यविनाकृता ।ब्रह्माण्डनिवहोद्भेदताण्डवेश्वरवादिनी ॥ ३८॥

brahmahīnamakhāsaktadakṣamukhyavinākṛtā |brahmāṇḍanivahodbhedatāṇḍaveśvaravādinī || 38||

ब्रह्माण्डसाक्षिणी ब्रह्ममोदिनी ब्रह्म एव च ।ब्राह्मी माहेश्वरीमुख्यशक्तिव्याप्त सभाङ्गणा ॥ ३९॥

brahmāṇḍasākṣiṇī brahmamodinī brahma eva ca |brāhmī māheśvarīmukhyaśaktivyāpta sabhāṅgaṇā || 39||

मदिरास्वादरसिका मधुरा मधुवैरिणी ।मनोतिगा मनोगम्या मतङ्गतनया मधुः ॥ ४०॥

madirāsvādarasikā madhurā madhuvairiṇī |manotigā manogamyā mataṅgatanayā madhuḥ || 40||

मनोवागपरिच्छिन्ना महात्रिपुरसुन्दरी ।मन्त्रिणी मन्त्रतन्त्रज्ञा महागायत्रिरूपिणी ॥ ४१॥

manovāgaparicchinnā mahātripurasundarī |mantriṇī mantratantrajñā mahāgāyatrirūpiṇī || 41||

महती मदनानन्दकारिणी मनुपूजिता ।महनीया मही मन्दगमना मधुरस्वना ॥ ४२॥

mahatī madanānandakāriṇī manupūjitā |mahanīyā mahī mandagamanā madhurasvanā || 42||

महर्षिगणसम्पूज्या महाराज्ञी मनोन्मनी ।महाकाली महालक्ष्मीः महावाणी महाकृतिः ॥ ४३॥

maharṣigaṇasampūjyā mahārājñī manonmanī |mahākālī mahālakṣmīḥ mahāvāṇī mahākṛtiḥ || 43||

महादेवाङ्कपर्यङ्का महावाक्यार्थगोचरा ।महादेवी महोत्साहा मरालीगतिदेशिका ॥ ४४॥

mahādevāṅkaparyaṅkā mahāvākyārthagocarā |mahādevī mahotsāhā marālīgatideśikā || 44||

महामणिघटाकारकिरीटा मञ्जुभाषिणी ।महामाया महाघोरस्वप्नवाराहिरूपिणी ॥ ४५॥

mahāmaṇighaṭākārakirīṭā mañjubhāṣiṇī |mahāmāyā mahāghorasvapnavārāhirūpiṇī || 45||

महामारी महातिल्ववनमध्यनिकेतना ।महाश्मशाननटनरसिका मधुपायिनी ॥ ४६॥

mahāmārī mahātilvavanamadhyaniketanā |mahāśmaśānanaṭanarasikā madhupāyinī || 46||

महिमालब्धसिद्धीन्द्रमुख्यादृष्टस्वरूपिणी ।माणिक्यवीणासंलापा मारान्तकविमोहिनी ॥ ४७॥

mahimālabdhasiddhīndramukhyādṛṣṭasvarūpiṇī |māṇikyavīṇāsaṃlāpā mārāntakavimohinī || 47||

माणिभद्रस्तुता मान्या मानिनी मानवर्जिता ।माध्यन्दिनफणीशानजैमिनिस्तुतनर्तना ॥ ४८॥

māṇibhadrastutā mānyā māninī mānavarjitā |mādhyandinaphaṇīśānajaiministutanartanā || 48||

मारी मातङ्गिनी माता महाशैलशरीरजा ।मांसपूजापरा मांसभक्षिणी माषलम्पटा ॥ ४९॥

mārī mātaṅginī mātā mahāśailaśarīrajā |māṃsapūjāparā māṃsabhakṣiṇī māṣalampaṭā || 49||

माहेन्द्रजालचतुरा महादुर्गा महेश्वरी ।मीनाक्षी मिथुनाकारा मदनी मादिपञ्चका ॥ ५०॥

māhendrajālacaturā mahādurgā maheśvarī |mīnākṣī mithunākārā madanī mādipañcakā || 50||

मुकुन्दसहजा मुद्रामुख्या मूकत्वनाशिनी ।मुक्ताहारलसद्ग्रीवा मुचुकुन्दनृपार्चिता ॥ ५१॥

mukundasahajā mudrāmukhyā mūkatvanāśinī |muktāhāralasadgrīvā mucukundanṛpārcitā || 51||

मुदिता मुण्डशयनी मुक्तिदा मुरशासना ।मूर्ता मूर्खत्वशमनी मूलविद्यास्वरूपिणी ॥ ५२॥

muditā muṇḍaśayanī muktidā muraśāsanā |mūrtā mūrkhatvaśamanī mūlavidyāsvarūpiṇī || 52||

मूलाधारादिषट्चक्रनिलया मूलमन्त्रवित् ।मूम्बीजा मूर्धसम्बद्धपुष्पमालाविराजिता ॥ ५३॥

mūlādhārādiṣaṭcakranilayā mūlamantravit |mūmbījā mūrdhasambaddhapuṣpamālāvirājitā || 53||

मृडानी मृगयासक्ता मृगेन्द्रार्द्राजिनच्छदा ।मोहान्धकारमार्ताण्डा मोक्षदानपरायणा ॥ ५४॥

mṛḍānī mṛgayāsaktā mṛgendrārdrājinacchadā |mohāndhakāramārtāṇḍā mokṣadānaparāyaṇā || 54||

मोदिनीपृष्टवाग्देवताष्टकस्तुतवैभवा ।शिवकामसुन्दरी देवी शिवदा शिववामगा ॥ ५५॥

modinīpṛṣṭavāgdevatāṣṭakastutavaibhavā |śivakāmasundarī devī śivadā śivavāmagā || 55||

हयाननमुखोद्भूतपुराणमहिमोज्ज्वला ।हयारूढादिसंसेव्या हीरदंष्ट्रा हलायुधा ॥ ५६॥

hayānanamukhodbhūtapurāṇamahimojjvalā |hayārūḍhādisaṃsevyā hīradaṃṣṭrā halāyudhā || 56||

हरमानससम्मोहशृङ्गाररसवारिधिः ।हरलीलाविनोदज्ञा हारिणी हरिणेक्षणा ॥ ५७॥

haramānasasammohaśṛṅgārarasavāridhiḥ |haralīlāvinodajñā hāriṇī hariṇekṣaṇā || 57||

हराग्निदग्धकन्दर्पजीवनापाङ्गलोचना ।हरार्धाङ्गहरा हेयदेयोपादेयवर्जिता ॥ ५८॥

harāgnidagdhakandarpajīvanāpāṅgalocanā |harārdhāṅgaharā heyadeyopādeyavarjitā || 58||

हराङ्कनिलया हृद्या हृदयाकाशमध्यगा ।हरिणाङ्कधरा हादिविद्या हरिसहोदरी ॥ ५९॥

harāṅkanilayā hṛdyā hṛdayākāśamadhyagā |hariṇāṅkadharā hādividyā harisahodarī || 59||

हरिद्राचूर्णसम्पूर्णचरणा ह्रीम्मनुप्रिया ।हरिनाभिसरोजोद्यत्पद्म संस्तुतयोगिनी ॥ ६०॥

haridrācūrṇasampūrṇacaraṇā hrīmmanupriyā |harinābhisarojodyatpadma saṃstutayoginī || 60||

हरिब्रह्मादिमकुटनीराजितपदाम्बुजा ।हरिब्रह्मेन्द्रविनुता हेलानिर्जितदानवा ॥ ६१॥

haribrahmādimakuṭanīrājitapadāmbujā |haribrahmendravinutā helānirjitadānavā || 61||

हरिशङ्करसम्मुह्यद्दारुकारण्यतापसा ।हरेन्द्वमृतसञ्जीवद्ब्रह्मशीर्षालिगायका ॥ ६२॥

hariśaṅkarasammuhyaddārukāraṇyatāpasā |harendvamṛtasañjīvadbrahmaśīrṣāligāyakā || 62||

हर्यक्षवाहनारूढा हेलाकलितविग्रहा ।हाकिनी हलिकृष्णेड्या हंसमन्त्रस्वरूपिणी ॥ ६३॥

haryakṣavāhanārūḍhā helākalitavigrahā |hākinī halikṛṣṇeḍyā haṃsamantrasvarūpiṇī || 63||

हारायितफणीरत्नन प्रभाजितहिमांशुका ।हालाहलाग्रिसन्तप्तदेवत्राणामृतेश्वरी ॥ ६४॥

hārāyitaphaṇīratnana prabhājitahimāṃśukā |hālāhalāgrisantaptadevatrāṇāmṛteśvarī || 64||

हासोद्यत्कालिकाभुक्तरक्तबीजासुरा हरा ।हाहाकाररवाक्रन्दन्महिषासुरमर्दिनी ॥ ६५॥

hāsodyatkālikābhuktaraktabījāsurā harā |hāhākāraravākrandanmahiṣāsuramardinī || 65||

हिमाद्रितनया हंसवाहा हानिविवर्जिता ।हेमघण्टालिझङ्कारजितकल्पाशनिध्वनिः ॥ ६६॥

himādritanayā haṃsavāhā hānivivarjitā |hemaghaṇṭālijhaṅkārajitakalpāśanidhvaniḥ || 66||

हेमपद्मधरा हस्तचतुरा हेमकञ्चुकी ।हेमाद्रितुङ्गशृङ्गाग्रमणिमण्डपमध्यगा ॥ह्रीम्बीजेत्यन्तनाम्नां च त्रिशतं कथितं तव ॥ ६७॥

hemapadmadharā hastacaturā hemakañcukī |hemādrituṅgaśṛṅgāgramaṇimaṇḍapamadhyagā ||hrīmbījetyantanāmnāṃ ca triśataṃ kathitaṃ tava || 67||

उत्तरपीठिकाशिवकामसुन्दरीनामान्येतानि शुभदानि हि ।सर्वसौभाग्यदं पुण्यं विघ्नध्वान्तनभोमणिम् ॥ ६८॥

uttarapīṭhikāśivakāmasundarīnāmānyetāni śubhadāni hi |sarvasaubhāgyadaṃ puṇyaṃ vighnadhvāntanabhomaṇim || 68||

आयुष्करं कीर्तिकरं तुष्टिदं पुष्टिदं प्रिये ।विद्याबुद्धिप्रदं नृणां सकृत्स्मरणमात्रतः ॥ ६९॥

āyuṣkaraṃ kīrtikaraṃ tuṣṭidaṃ puṣṭidaṃ priye |vidyābuddhipradaṃ nṛṇāṃ sakṛtsmaraṇamātrataḥ || 69||

यो जपित्वा महामन्त्रं शिवकाम्याः सहस्रकम् ।त्रिशतं वा यथाशक्ति पठेत्सर्वार्थदायकम् ॥ ७०॥

yo japitvā mahāmantraṃ śivakāmyāḥ sahasrakam |triśataṃ vā yathāśakti paṭhetsarvārthadāyakam || 70||

यदिष्टं सा ददात्येव सद्य एव न संशयः ।शुक्रवारे तथा भौमवारे पर्वणि वा प्रिये ॥ ७१॥

yadiṣṭaṃ sā dadātyeva sadya eva na saṃśayaḥ |śukravāre tathā bhaumavāre parvaṇi vā priye || 71||

कृष्णाङ्गारचतुर्दश्यामष्टम्यां च विशेषतः ।पद्मैर्वाऽन्यसुमैर्बिल्वैर्हरिद्राकुङ्कुमैः प्रिये ॥ ७२॥

kṛṣṇāṅgāracaturdaśyāmaṣṭamyāṃ ca viśeṣataḥ |padmairvā'nyasumairbilvairharidrākuṅkumaiḥ priye || 72||

एभिः समर्चयेद्देवीं नामभिः साधकोत्तमः ।मूर्तौ वा यन्त्रराजे वा घटे वाऽऽवाह्य सुन्दरीम् ॥ ७३॥

ebhiḥ samarcayeddevīṃ nāmabhiḥ sādhakottamaḥ |mūrtau vā yantrarāje vā ghaṭe vā''vāhya sundarīm || 73||

अचिरादेव विन्देत वागीशत्वं सुलोचने ।श्रीशत्वं सर्वसिद्धीनां नायकत्वं लभेद् धुवम् ॥ ७४॥

acirādeva vindeta vāgīśatvaṃ sulocane |śrīśatvaṃ sarvasiddhīnāṃ nāyakatvaṃ labhed dhuvam || 74||

भूतप्रेतपिशाचानां स्मरणाद् भीतिकारणम् ।यो विप्रश्शान्तहृदयो नित्यं निष्कामनायुतः ॥ ७५॥

bhūtapretapiśācānāṃ smaraṇād bhītikāraṇam |yo vipraśśāntahṛdayo nityaṃ niṣkāmanāyutaḥ || 75||

आवर्तयेदिदं स्तोत्रं तस्य श्रीमत्कृपाबलात् ।इह भुक्त्वाऽखिलान् भोगान् सोऽन्ते जन्मादिवर्जितम् ॥ ७६॥

āvartayedidaṃ stotraṃ tasya śrīmatkṛpābalāt |iha bhuktvā'khilān bhogān so'nte janmādivarjitam || 76||

जीवब्रह्मैक्यचिद्रूपपदं प्राप्नोत्यसंशयः ।एतत्स्तोत्रोपमं स्तोत्रं नान्यदस्ति हि सुव्रते ॥ ७७॥

jīvabrahmaikyacidrūpapadaṃ prāpnotyasaṃśayaḥ |etatstotropamaṃ stotraṃ nānyadasti hi suvrate || 77||

मयापि तत्फलं वक्तुं न शक्यं केन वा शिवे ।तस्मादिदं गोपनीयं च प्रकाश्यं प्रयत्नतः ।किं भूयश्श्रोतुकामासि शृङ्गाराब्धिसुधाकरे ॥ ७८॥

mayāpi tatphalaṃ vaktuṃ na śakyaṃ kena vā śive |tasmādidaṃ gopanīyaṃ ca prakāśyaṃ prayatnataḥ |kiṃ bhūyaśśrotukāmāsi śṛṅgārābdhisudhākare || 78||

इति भृङ्गिरिटिसंहितायां शक्त्युत्कर्षप्रकरणे शिवगौरीसंवादेश्री शिवकामसुन्दरीत्रिशतनामस्तोत्रं सम्पूर्णम् ॥

iti bhṛṅgiriṭisaṃhitāyāṃ śaktyutkarṣaprakaraṇe śivagaurīsaṃvādeśrī śivakāmasundarītriśatanāmastotraṃ sampūrṇam ||