जगदम्बास्तुतिः ३ Shri Jagadamba Stuti

ॐ नमः श्रीजगदम्बायै ।ॐ विश्वेश्वरी निखिलदेव महर्षिपूज्यासिंहासना त्रिनयना भुजगोपवीता ।शङ्खाम्बुजास्यऽमृतकुम्भक पञ्चशाखाराज्ञी सदा भगवती भवतु प्रसन्ना ॥ १॥

oṃ namaḥ śrījagadambāyai |oṃ viśveśvarī nikhiladeva maharṣipūjyāsiṃhāsanā trinayanā bhujagopavītā |śaṅkhāmbujāsya'mṛtakumbhaka pañcaśākhārājñī sadā bhagavatī bhavatu prasannā || 1||

जन्माटवी प्रदहने दववह्निभूतातत्पाद पङ्कजरजोगत चेतसां या ।श्रेयोवतां सुकृतिनां भवपाशभेत्रीराज्ञी सदा भगवती भवतु प्रसन्ना ॥ २॥

janmāṭavī pradahane davavahnibhūtātatpāda paṅkajarajogata cetasāṃ yā |śreyovatāṃ sukṛtināṃ bhavapāśabhetrīrājñī sadā bhagavatī bhavatu prasannā || 2||

देव्या यया दनुजराक्षसदुष्टचेतोन्यग्भावितं चरणनूपुरशिञ्जितेन ।इन्द्रादिदेव हृदयं प्रविकासयन्तीराज्ञी सदा भगवती भवतु प्रसन्ना ॥ ३॥

devyā yayā danujarākṣasaduṣṭacetonyagbhāvitaṃ caraṇanūpuraśiñjitena |indrādideva hṛdayaṃ pravikāsayantīrājñī sadā bhagavatī bhavatu prasannā || 3||

दुःखार्णवे हि पतितं शरणागतं याचोद्धृ त्य सा नयति धाम परं दयाब्धिः ।विष्णुगजेन्द्रमिव भीतभयापहर्त्रीराज्ञी सदा भगवती भवतु प्रसन्ना ॥ ४॥

duḥkhārṇave hi patitaṃ śaraṇāgataṃ yācoddhṛ tya sā nayati dhāma paraṃ dayābdhiḥ |viṣṇugajendramiva bhītabhayāpahartrīrājñī sadā bhagavatī bhavatu prasannā || 4||

यस्या विचित्रमखिलं हि जगत्प्रपञ्चंकुक्षो विलीनमपि सृष्टिविसृष्टिरूपात् ।आविर्भवत्यविरतं चिदचित्स्वभावंराज्ञी सदा भगवती भवतु प्रसन्ना ॥ ५॥

yasyā vicitramakhilaṃ hi jagatprapañcaṃkukṣo vilīnamapi sṛṣṭivisṛṣṭirūpāt |āvirbhavatyavirataṃ cidacitsvabhāvaṃrājñī sadā bhagavatī bhavatu prasannā || 5||

यत्पाद पंङ्कजरजः कणज प्रसादात्योगीश्वरैर्विगत कल्मषमानसैस्तत् ।प्राप्त पदं जनिविनाशहरं परं साराज्ञी सदा भगवती भवतु प्रसन्ना ॥ ६॥

yatpāda paṃṅkajarajaḥ kaṇaja prasādātyogīśvarairvigata kalmaṣamānasaistat |prāpta padaṃ janivināśaharaṃ paraṃ sārājñī sadā bhagavatī bhavatu prasannā || 6||

यत्पादपङ्कज रजांसि मनोमलानिसम्मार्जयन्ति शिवविष्णु विरिञ्चिदेवैः ।मृग्यान्यऽपश्चिमतनोः प्रणुतानि माताराज्ञी सदा भगवती भवतु प्रसन्ना ॥ ७॥

yatpādapaṅkaja rajāṃsi manomalānisammārjayanti śivaviṣṇu viriñcidevaiḥ |mṛgyānya'paścimatanoḥ praṇutāni mātārājñī sadā bhagavatī bhavatu prasannā || 7||

यत्पाद चिन्तन दिवाकर रश्मिमालाचान्तर्बहिश्करणवर्ग सरोजषण्डम् ।ज्ञानोदये सति विकास्य तमोपहर्त्रीराज्ञी सदा भगवती भवतु प्रसन्ना ॥ ८॥

yatpāda cintana divākara raśmimālācāntarbahiśkaraṇavarga sarojaṣaṇḍam |jñānodaye sati vikāsya tamopahartrīrājñī sadā bhagavatī bhavatu prasannā || 8||

यद दर्शनामृतनदी महदोघयुक्तासम्प्लावयत्यखिल भेदगुहास्वऽनन्ता ।तृष्णाहरा सुकृतिनां भवतापहर्त्रीराज्ञी सदा भगवती भवतु प्रसन्ना ॥ ९॥

yada darśanāmṛtanadī mahadoghayuktāsamplāvayatyakhila bhedaguhāsva'nantā |tṛṣṇāharā sukṛtināṃ bhavatāpahartrīrājñī sadā bhagavatī bhavatu prasannā || 9||

हंसस्थिता सकलशब्दमयी भवानीवाग्वादिनी हृदय पुष्कर चारिणीया ।हंसीव हंसरजनीश्वर वह्निनेत्राराज्ञी सदा भगवती भवतु प्रसन्ना ॥ १०॥

haṃsasthitā sakalaśabdamayī bhavānīvāgvādinī hṛdaya puṣkara cāriṇīyā |haṃsīva haṃsarajanīśvara vahninetrārājñī sadā bhagavatī bhavatu prasannā || 10||

या सोमसूर्यवपुषा सततं सरन्तीमूलाश्रयात्तडिदिवाऽऽविधरन्ध्रमीढया ।मध्यस्थिता सकलनाडिसमूह पूर्णाराज्ञी सदा भगवती भवतु प्रसन्ना ॥ ११॥

yā somasūryavapuṣā satataṃ sarantīmūlāśrayāttaḍidivā''vidharandhramīḍhayā |madhyasthitā sakalanāḍisamūha pūrṇārājñī sadā bhagavatī bhavatu prasannā || 11||

चैतन्यपूरित समस्त जगद्विचित्रामातृप्रमेय परिमाणातया चकास्ति ।या पूर्णवृत्यहमिति स्वपदाधिरूढाराज्ञी सदा भगवती भवतु प्रसन्ना ॥ १२॥

caitanyapūrita samasta jagadvicitrāmātṛprameya parimāṇātayā cakāsti |yā pūrṇavṛtyahamiti svapadādhirūḍhārājñī sadā bhagavatī bhavatu prasannā || 12||

या चित्क्रमाक्रमतया प्रविभातिनित्यास्वातन्त्र्यश क्तिरमला गतभेदभावा ।स्वात्मस्वरूप सुविमर्शपरैः सुगम्याराज्ञी सदा भगवती भवतु प्रसन्ना ॥ १३॥

yā citkramākramatayā pravibhātinityāsvātantryaśa ktiramalā gatabhedabhāvā |svātmasvarūpa suvimarśaparaiḥ sugamyārājñī sadā bhagavatī bhavatu prasannā || 13||

या कृत्यपञ्चक निभालन लालसैस्तैःसन्दृश्यते निखिलवेद्यगतापि शश्वत् ।सान्तर्धृता परप्रमातृपदं विशन्तीराज्ञी सदा भगवती भवतु प्रसन्ना ॥ १४॥

yā kṛtyapañcaka nibhālana lālasaistaiḥsandṛśyate nikhilavedyagatāpi śaśvat |sāntardhṛtā parapramātṛpadaṃ viśantīrājñī sadā bhagavatī bhavatu prasannā || 14||

यानुत्तरात्मनि पदे परमाऽमृताब्धौस्वातन्त्र्यशक्तिलहरीव बहिः सरन्ती ।संलीयते वरसतः स्वपदे सभावाराज्ञी सदा भगवती भवतु प्रसन्ना ॥ १५॥

yānuttarātmani pade paramā'mṛtābdhausvātantryaśaktilaharīva bahiḥ sarantī |saṃlīyate varasataḥ svapade sabhāvārājñī sadā bhagavatī bhavatu prasannā || 15||

मेरोः सदैव हि दरीषुविचित्रवाग्भिःगायन्ति यां भगवती परिवादिनीभिः ।विद्याधरा हि पुलकाङ्कित विग्रहाः साराज्ञी सदा भगवती भवतु प्रसन्ना ॥ १६॥

meroḥ sadaiva hi darīṣuvicitravāgbhiḥgāyanti yāṃ bhagavatī parivādinībhiḥ |vidyādharā hi pulakāṅkita vigrahāḥ sārājñī sadā bhagavatī bhavatu prasannā || 16||

राज्ञीं सदा भगवतीं मनसा स्मरामिराज्ञीं सदा भगवतीं वचसा गृणामि ।राज्ञीं सदा भगवतीं शिरसा नमामिराज्ञीं सदा भगवतीं शरणं प्रदद्ये ॥ १७॥

rājñīṃ sadā bhagavatīṃ manasā smarāmirājñīṃ sadā bhagavatīṃ vacasā gṛṇāmi |rājñīṃ sadā bhagavatīṃ śirasā namāmirājñīṃ sadā bhagavatīṃ śaraṇaṃ pradadye || 17||

राज्ञ्याः स्तोत्रमिन्द पुण्यं यः पठेद्भक्तिमान्नरःनित्यं देव्याः प्रसादेन शिवसायुज्यमाप्नुयात् ॥ १८॥

rājñyāḥ stotraminda puṇyaṃ yaḥ paṭhedbhaktimānnaraḥnityaṃ devyāḥ prasādena śivasāyujyamāpnuyāt || 18||

श्रीजगदम्बास्तुतीराजानकविद्याधरविरचिताशुभदा बोभूयात् इति शिवम् ॥जय देहाद्रिकुञ्जान्तर्निकूजञ्जीव जीवक ।जय सन्मानसव्योमविलासिवर सारस ॥

śrījagadambāstutīrājānakavidyādharaviracitāśubhadā bobhūyāt iti śivam ||jaya dehādrikuñjāntarnikūjañjīva jīvaka |jaya sanmānasavyomavilāsivara sārasa ||