गौरीगिरीशकल्याणस्तवः Shri Gaurigirishakalyanastavah

(श्रीशृङ्गगिरौ श्रीभवानीमलहानिकरेश्वरकल्याणोत्सवे)चन्द्रार्धप्रविभासिमस्तकतटौ तन्द्राविहीनौ सदाभक्तौघप्रतिपालने निजतनुच्छायाजितार्कायुतौ ।शृङ्गाद्रिस्थविवाहमण्डपगतौ कारुण्यवारान्निधीकल्याणं तनुतां समस्तजगतां गौरीगिरीशौ मुदा ॥ १॥

(śrīśṛṅgagirau śrībhavānīmalahānikareśvarakalyāṇotsave)candrārdhapravibhāsimastakataṭau tandrāvihīnau sadābhaktaughapratipālane nijatanucchāyājitārkāyutau |śṛṅgādristhavivāhamaṇḍapagatau kāruṇyavārānnidhīkalyāṇaṃ tanutāṃ samastajagatāṃ gaurīgirīśau mudā || 1||

अन्योन्यार्चनतत्परौ मधुरवाक्सतोषितान्योन्यकौचन्द्रार्धाञ्चितशेखरौ प्रणमतामिष्टार्थदौ सत्वरम् ।शृङ्गाहिस्थविवाहमण्डपगतौ शृङ्गारजन्मावनीकल्पाणं तनुतां समस्तजगतां गौरीगिरीशौ मुदा ॥ २॥

anyonyārcanatatparau madhuravāksatoṣitānyonyakaucandrārdhāñcitaśekharau praṇamatāmiṣṭārthadau satvaram |śṛṅgāhisthavivāhamaṇḍapagatau śṛṅgārajanmāvanīkalpāṇaṃ tanutāṃ samastajagatāṃ gaurīgirīśau mudā || 2||

कामापत्तिविभूतिकारणदृशौ सोमार्धभूषोज्ज्वलौसामाम्नायसुगीयमानचरितौ रामार्चिताङ्घ्रिद्वयौ ।शृङ्गाद्रिस्थविवाहमण्डपगतौ माणिक्यभूषान्वितौकल्याणं तनुतां समस्तजगतां गौरीगिरीशौ मुदा ॥ ३॥

kāmāpattivibhūtikāraṇadṛśau somārdhabhūṣojjvalausāmāmnāyasugīyamānacaritau rāmārcitāṅghridvayau |śṛṅgādristhavivāhamaṇḍapagatau māṇikyabhūṣānvitaukalyāṇaṃ tanutāṃ samastajagatāṃ gaurīgirīśau mudā || 3||

सौन्दर्येण परस्परं प्रमुदितावन्योन्यचित्तस्थितौराकाचन्द्रसमानवक्त्रकमलौ पाकाब्जकालङ्कृतौ ।शृङ्गाद्रिस्थविवाहमण्डपगतौ तुङ्गातटावासिनौकल्याणं तनुतां समस्तजगतां गौरीगिरीशौ मुदा ॥ ४॥

saundaryeṇa parasparaṃ pramuditāvanyonyacittasthitaurākācandrasamānavaktrakamalau pākābjakālaṅkṛtau |śṛṅgādristhavivāhamaṇḍapagatau tuṅgātaṭāvāsinaukalyāṇaṃ tanutāṃ samastajagatāṃ gaurīgirīśau mudā || 4||

सिंहोक्षाग्र्यगती महोन्नतपदं सम्प्रापयन्तौ नतानंहोराशिनिवारणैकनिपुणौ ब्रह्मेन्द्रविष्ण्वर्चितौ ।शृङ्गाद्रिस्थविवाहमण्डपगतौ गाङ्गेयभूषोज्ज्वलौकल्याणं तनुतां समस्तजगतां गौरीगिरीशौ मुदा ॥ ५॥

siṃhokṣāgryagatī mahonnatapadaṃ samprāpayantau natānaṃhorāśinivāraṇaikanipuṇau brahmendraviṣṇvarcitau |śṛṅgādristhavivāhamaṇḍapagatau gāṅgeyabhūṣojjvalaukalyāṇaṃ tanutāṃ samastajagatāṃ gaurīgirīśau mudā || 5||

कस्तूरीघनसारचर्चिततनू प्रस्तूयमानौ सुरैरस्तूक्त्या प्रणतेष्टपूरणकरौ वस्तूपलब्धिप्रदौ ।शृङ्गाद्रिस्थविवाहमण्डपगतावङ्गावधूतेन्दुभौकल्याणं तनुतां समस्तजगतां गौरीगिरीशौ मुदा ॥ ६॥

kastūrīghanasāracarcitatanū prastūyamānau surairastūktyā praṇateṣṭapūraṇakarau vastūpalabdhipradau |śṛṅgādristhavivāhamaṇḍapagatāvaṅgāvadhūtendubhaukalyāṇaṃ tanutāṃ samastajagatāṃ gaurīgirīśau mudā || 6||

वाणीनिर्जितहंसकोकिलरवौ पाणीकृताम्भोरुहौवेणीकेशविनिर्जिताहिचपलौ क्षोणीसमानक्षमौ ।शृङ्गाद्रिस्थविवाहमण्डपगतौ तुङ्गेष्टजालप्रदौकल्याणं तनुतां समस्तजगतां गौरीगिरीशौ मुदा ॥ ७॥

vāṇīnirjitahaṃsakokilaravau pāṇīkṛtāmbhoruhauveṇīkeśavinirjitāhicapalau kṣoṇīsamānakṣamau |śṛṅgādristhavivāhamaṇḍapagatau tuṅgeṣṭajālapradaukalyāṇaṃ tanutāṃ samastajagatāṃ gaurīgirīśau mudā || 7||

दम्भाहङ्कृतिदोषशून्यपुरुषैः सम्भावनीयौ सदाजम्भारातिमुखामरेन्द्रविनुतौ कुम्भात्मजाद्यर्चितौ ।शृङ्गाद्रिस्थविवाहमण्डपगतौ वाग्दानदीक्षाधरौकल्याणं तनुतां समस्तजगतां गौरीगिरीशौ मुदा ॥ ८॥

dambhāhaṅkṛtidoṣaśūnyapuruṣaiḥ sambhāvanīyau sadājambhārātimukhāmarendravinutau kumbhātmajādyarcitau |śṛṅgādristhavivāhamaṇḍapagatau vāgdānadīkṣādharaukalyāṇaṃ tanutāṃ samastajagatāṃ gaurīgirīśau mudā || 8||

शापानुग्रहशक्तिदाननिपुणौ तापापनोदक्षमौसोपानक्रमतोऽधिकारिभिरनुप्राप्यौ क्षमासागरौ ।शृङ्गाद्रिस्थविवाहमण्डपगतौ लावण्यपाथोनिधीकल्याणं तनुतां समस्तजगतां गौरीगिरीशौ मुदा ॥ ९॥

śāpānugrahaśaktidānanipuṇau tāpāpanodakṣamausopānakramato'dhikāribhiranuprāpyau kṣamāsāgarau |śṛṅgādristhavivāhamaṇḍapagatau lāvaṇyapāthonidhīkalyāṇaṃ tanutāṃ samastajagatāṃ gaurīgirīśau mudā || 9||

शोणाम्भोरुहतुल्यपादयुगलौ बाणार्चनातोषितौवीणाधृन्मुनिगीयमानविभवौ बालारुणाभाम्बरौ ।शृङ्गाद्रिस्थविवाहमण्डपगतौ तुल्याधिकैर्वर्जितौकल्याणं तनुतां समस्तजगतां गौरागिरीशौ मुदा ॥ १०॥

śoṇāmbhoruhatulyapādayugalau bāṇārcanātoṣitauvīṇādhṛnmunigīyamānavibhavau bālāruṇābhāmbarau |śṛṅgādristhavivāhamaṇḍapagatau tulyādhikairvarjitaukalyāṇaṃ tanutāṃ samastajagatāṃ gaurāgirīśau mudā || 10||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितः श्रीगौरीगिरीशकल्याणस्तवः सम्पूर्णः ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaḥ śrīgaurīgirīśakalyāṇastavaḥ sampūrṇaḥ |