मेनकानन्दिनीस्तोत्रम् Shri Menakanandini Stotram

गीर्वाणाखिलसम्पदम्बुजवनप्रोन्मूलनाकौतुकिप्रौढोन्मत्तकरीन्द्रसैरिभवधक्रीडाप्रसन्नानना ।देवैराप्तमनोरथैरतिगतक्लेशैर्मुहुर्वन्दिताविश्वत्राणपरायणा विजयते श्रीमेनकानन्दिनी ॥ १॥

gīrvāṇākhilasampadambujavanapronmūlanākautukiprauḍhonmattakarīndrasairibhavadhakrīḍāprasannānanā |devairāptamanorathairatigatakleśairmuhurvanditāviśvatrāṇaparāyaṇā vijayate śrīmenakānandinī || 1||

निःशेषामरवाहिनीकरिघटाशार्दूलविक्रीडितप्रौढाहङ्कृतिचण्डमुण्डहननेनाह्लादयन्ती सुरान् ।भक्ताभीष्टविधानकल्पलतिका कारुण्यवारान्निधिःश्रीश्रीकण्ठगृहप्रभा विजयते श्रीमेनकानन्दिनी ॥ २॥

niḥśeṣāmaravāhinīkarighaṭāśārdūlavikrīḍitaprauḍhāhaṅkṛticaṇḍamuṇḍahananenāhlādayantī surān |bhaktābhīṣṭavidhānakalpalatikā kāruṇyavārānnidhiḥśrīśrīkaṇṭhagṛhaprabhā vijayate śrīmenakānandinī || 2||

लीलोन्मूलितदानवारिनिकराखण्डप्रतापोन्मदोद्गर्जच्छुम्भनिशुम्भदैत्यमृगयाहर्षस्मितास्याम्बुजा ।इन्द्रोपेन्द्रसमर्चिताङ्घ्रिकमला वन्दारुचिन्तामणिःश्रीमच्छम्भुकुटुम्बिनी विजयते श्रीमेनकानन्दिनी ॥ ३॥

līlonmūlitadānavārinikarākhaṇḍapratāponmadodgarjacchumbhaniśumbhadaityamṛgayāharṣasmitāsyāmbujā |indropendrasamarcitāṅghrikamalā vandārucintāmaṇiḥśrīmacchambhukuṭumbinī vijayate śrīmenakānandinī || 3||

या शक्तिर्मधुकैटभादिहनने विष्णुं चकारास्पदंगीर्वाणाधिपतिं निलिम्पबलभिद्वृत्रादिकोन्मूलने ।देवद्रावणविश्रुतासुरवधे दैत्यारिसेनापतिंसा बाधौघविनाशिनी विजयते श्रीमेनकानन्दिनी ॥ ४॥

yā śaktirmadhukaiṭabhādihanane viṣṇuṃ cakārāspadaṃgīrvāṇādhipatiṃ nilimpabalabhidvṛtrādikonmūlane |devadrāvaṇaviśrutāsuravadhe daityārisenāpatiṃsā bādhaughavināśinī vijayate śrīmenakānandinī || 4||

श्रद्धा तर्कवतां क्षमा बलवतां सम्पद्वतां नम्रताशान्तिः सन्त्यजतां धृतिः प्रयततां भक्तिर्भवे जानताम् ।याऽऽपन्नार्तिहरा हराभिलषिता तापत्रयोन्मूलिनीसा सौभाग्यविधायिनी विजयते श्रीमेनकानन्दिनी ॥ ५॥

śraddhā tarkavatāṃ kṣamā balavatāṃ sampadvatāṃ namratāśāntiḥ santyajatāṃ dhṛtiḥ prayatatāṃ bhaktirbhave jānatām |yā''pannārtiharā harābhilaṣitā tāpatrayonmūlinīsā saubhāgyavidhāyinī vijayate śrīmenakānandinī || 5||

यामाहुर्निगमाः सदादिवचनैः सृष्टेः पुरा केवलांया चेतोतिगतप्रपञ्चरचनामन्यानपेक्षा व्यधात् ।अन्ते स्वात्मनि सन्निवेश्य निखिलं तिष्ठत्यखिन्नप्रभासा प्रत्यक्चितिरच्युता विजयते श्रीमेनकानन्दिनी ॥ ६॥

yāmāhurnigamāḥ sadādivacanaiḥ sṛṣṭeḥ purā kevalāṃyā cetotigataprapañcaracanāmanyānapekṣā vyadhāt |ante svātmani sanniveśya nikhilaṃ tiṣṭhatyakhinnaprabhāsā pratyakcitiracyutā vijayate śrīmenakānandinī || 6||

शैलेन्द्रजास्तवमिमं व्यदधात्प्रबोधानन्दो गिरीन्द्रतनयाकरुणैकपात्रः ।आनन्दसन्ततिमयं तनुतान्नराणांगौरीपदाम्बुजमधुव्रतमानसानाम् ॥ ७॥

śailendrajāstavamimaṃ vyadadhātprabodhānando girīndratanayākaruṇaikapātraḥ |ānandasantatimayaṃ tanutānnarāṇāṃgaurīpadāmbujamadhuvratamānasānām || 7||

इति श्रीमत्परमहंसपरिव्राजकाचार्यस्वामिप्रकाशानन्दपुरीविरचितंश्रीमेनकानन्दिनीस्तोत्रं समाप्तम् ॥

iti śrīmatparamahaṃsaparivrājakācāryasvāmiprakāśānandapurīviracitaṃśrīmenakānandinīstotraṃ samāptam ||