राजश्यामलारहस्योपनिषत् Rajashyamalarahasya Upanishad

ॐ स्वस्ति न इन्द्रो वृद्धश्रवाः स्वस्ति नः पूषा विश्ववेदाः ।स्वस्ति नस्तार्क्ष्यो अरिष्टनेमिः स्वस्ति नो बृहस्पतिर्दधातु ॥ॐ शान्तिः शान्तिः शान्तिः ।ॐ रत्नसानुशिखरेष्वासीनं श्रीराजश्यामलारहस्योपनिषद्वेत्तारंमतङ्गऋषिं गुरुं कूचिमारः प्रोवाच । मतङ्ग भगवन् गुरोराजश्यामलारहस्योपनिषदं मेऽनुब्रूहि । मतङ्गभगवान् कूचिमारंस होवाच । ते राजश्यामलारहस्योपनिषदमुपदिशामि ॥

oṃ svasti na indro vṛddhaśravāḥ svasti naḥ pūṣā viśvavedāḥ |svasti nastārkṣyo ariṣṭanemiḥ svasti no bṛhaspatirdadhātu ||oṃ śāntiḥ śāntiḥ śāntiḥ |oṃ ratnasānuśikhareṣvāsīnaṃ śrīrājaśyāmalārahasyopaniṣadvettāraṃmataṅgaṛṣiṃ guruṃ kūcimāraḥ provāca | mataṅga bhagavan gurorājaśyāmalārahasyopaniṣadaṃ me'nubrūhi | mataṅgabhagavān kūcimāraṃsa hovāca | te rājaśyāmalārahasyopaniṣadamupadiśāmi ||

अथातः श्रीराजश्यामलारहस्योपनिषदं व्याख्यास्यामः ।मन्त्रजपाधिकरणन्यासाधिकरणस्तोत्राधिकरणपूजाधिकरणमैथुनाधिकरणैःपञ्चभिर्ब्राह्मणो भोगमोक्षमाप्नोति । गुरोरनुज्ञयाश्रीराजश्यामलामन्त्रं नित्यं सहस्रसङ्ख्यया त्रिशतेनवाऽष्टाविंशदुत्तरशतेन वा जप्त्वा मन्त्रसिद्धिर्भवति ।शुक्रवारे भार्याजगन्मोहनचक्रे त्रिशतं मन्त्रजपेन मन्त्रसिद्धिः ।पुरश्चरणसिद्धिर्भवति । नवाशीतिन्यासानां न्यसनेन देवताशरीरीभवति । नवाशीतिन्यासानां न्यसनेन सर्वदेवैर्नमस्कृतो भवति ।नवाशीतिन्यासानां शरीरे न्यसनेन गन्धर्वकन्याभिः पूजितो भवति ।नवाशीतिन्यासानां न्यसनेन देवस्त्रीभोगमाप्नोति । रम्भासम्भोगमाप्नोति ।नवाशीतिन्यासानां न्यसनेन देवतारूपमाप्नोति । देवताशरीरी भूत्वाविमानवान् भवति । विमानमारुह्य स्वर्गं गच्छति । स्वर्गं प्राप्यतद्भोगमाप्नोति । जगन्मोहनचक्रे पाटलकुसुमैः सहस्रसङ्ख्ययापूजिता श्रीराजश्यामला कामितार्थप्रदा मङ्गलप्रदा भवति । वर्षर्तौश्रावणे मासि सर्वरात्रिषु भार्याजगन्मोहनचक्रे चम्पककुसुमैःसहस्रसङ्ख्यया पूजिता श्रीराजश्यामलाऽऽरोग्यप्रदा भवति । तत्रशुक्रवारे पूजिता महालक्ष्मीप्रदा भवति । शुक्रवारयुतायां पौर्णमास्यांभार्याजगन्मोहनचक्रे शतसङ्ख्यया श्रीराजश्यामलाम्बां पूजयन्देहान्तरे रम्भासम्भोगमश्नुते । भाद्रपदे मासि महालक्ष्मीव्रतदिनेषुभार्याजगन्मोहनचक्रे श्रीराजश्यामलाम्बां जाजीकुसुमैः पूजयन् मानवोमहदैश्वर्यमाप्नोति । शरत्काले सर्वरात्रिषु भार्याजगन्मोहनचक्रेनीलोत्पलैः सहस्रसङ्ख्यया श्यामलां पूजयन् महाभोगमश्नुते ।शुक्रवारयुतायां पौर्णमास्यां भार्याजगन्मोहनचक्रेश्रीराजश्यामलां पूजयन् कल्हारैः शचीभोगमश्नुते ।हेमन्तकाले सर्वरात्रिषु भार्याजगन्मोहनचक्रे जवन्तीकुसुमैःसहस्रसङ्ख्यया पूजयन् वरुणदेवेन कनकच्छत्री भवति ।मार्गशीर्षे पौर्णमास्यां भार्याजगन्मोहनचक्रे कुसुम्भपुष्पैःपूजयन् मानवो देवेन्द्रैश्वर्यमाप्नोति । माघ्यां शुक्रवारयुक्तायांभार्याजगन्मोहनचक्रे द्वन्द्वमल्लिकाकुड्मलैः सहस्रसङ्ख्ययापूजयन् मानवो राजस्त्रीसम्भोगमाप्नोति । सर्वदा पुष्पिण्यां भार्यायांजगन्मोहनचक्रे वसन्तपुष्पैः पूजयन् मानवो देवतात्वमश्नुते ।चतुर्थ्यां शुक्रवारयुक्तायां भार्याजगन्मोहनचक्रे देवतां श्यामलांजपन् परशिवत्वमाप्नोति । श्रीराजश्यामलाम्बायाः पञ्चदशस्तोत्राणांपारायणेन देवतासन्तुष्टिर्भवति । मङ्गलप्रदा राजवशंकरी चभवति । देवतासान्निध्यमाप्नोति । सन्निधानेन सर्वनिवृत्तिर्भवति ।सर्वमङ्गलमाप्नोति । सर्वदेवनमस्कृतो भवति । सर्वे राजानोवश्या भवन्ति । रम्भादिभिः पूजितो भवति । स्वर्गभोगमाप्नोति ।गुरोरनुज्ञया शुक्रवारे दिवा रात्रौ च चम्पकतैलाद्यैः कृतस्नातांसर्वालङ्कारभूषितां शुभ्रवस्त्रधरां श्रीचन्दनविलिप्ताङ्गींकस्तूरीतिलकोपेतां कुङ्कुमलिप्तकुचभारां पुष्पदामयुक्तधम्मिल्लांताम्बूलपूरितमुखीं स्वेदबिन्दूल्लसन्मुखीं बिम्बोष्ठीं कुन्दरदनांकम्बुकण्ठीं मञ्जुहासां यौवनोन्मत्तां कञ्जलोचनां पृथुनितम्बांराजरम्भोरुं सम्पूर्णचन्द्रवदनां सम्भोगेच्छां शुकवाणींसङ्गीतरसिकां कुरवकरसाञ्चितपाणिपादां वशवर्तिनींभार्यां पुष्पशय्यायामुत्तानशायिनीं कृत्वा दर्पणवन्निर्मलंजगन्मोहनचक्रं गन्धद्रव्येण धूपदीपैश्च परिमलीकृतंकुङ्कुममिलितैर्मल्लिकाकुड्मलैः शरसङ्ख्यया पूजयन् ब्राह्मणोदेवभोगमाप्नोति । वसन्तनवरात्रिषु भार्याजगन्मोहनचक्रेमल्लिकाकुड्मलैः सहस्रनामभिः रहस्यनामभिश्च पूजिताराजश्यामला राजवशङ्करी भवति । शुक्रवासरयुक्तायां सप्तम्यांरात्रौ भार्याया जगन्मोहनचक्रे प्रथमयामे कल्हारपुष्पैःसहस्रनामभिर्देवतां पूजयन् देवतासालोक्यमाप्नोति । तस्यामेव द्वितीययामेभार्याजगन्मोहनचक्रे पारिजातपुष्पैः सहस्रनामभिः पूजयन्देवतासामीप्यमाप्नोति । तस्यामेव तृतीययामे भार्याजगन्मोहनचक्रेमन्दारपुष्पैः सहस्रनामभिः पूजयन् देवतासारूप्यमाप्नोति । तस्यामेवचतुर्थयामे जगन्मोहनचक्रे चम्पकपुष्पैः सहस्रनामभिः पूजयन्देवतासायुज्यमाप्नोति । सर्वरात्रिषु जगन्मोहनचक्रे मल्लिकाकुड्मलैःपूजिता श्यामला कामितार्थप्रदा भवति । ग्रीष्मकाले सर्वरात्रिषुश्रीचन्दनविलिप्तभार्याजगन्मोहनचक्रं पूजयन् सर्वसिद्धिमाप्नोति ।दूर्वाभिः पूजयन् महदायुष्यमश्नुते । अष्टम्यां शुक्रवासरयुक्तायांरात्रौ जगन्मोहनचक्रे राजश्यामलाम्बां श्रीचन्दनेन पूजयन् मानवोगन्धलिप्तो जगन्मोहको भवति । महानवम्यां शुक्रवासरयुक्तायां रात्रौजगन्मोहनचक्रे कुङ्कुमाक्षतैर्देवतां पूजयित्वा पूजिताक्षतान् राज्ञेनिवेदयेत् । राजा दासभावमाप्नोति । त्रयोदश्यां शुक्रवासरयुक्तायांरात्रौ भार्याजगन्मोहनचक्रं पूजयन् मानवः कामसुन्दरो भवति ॥

athātaḥ śrīrājaśyāmalārahasyopaniṣadaṃ vyākhyāsyāmaḥ |mantrajapādhikaraṇanyāsādhikaraṇastotrādhikaraṇapūjādhikaraṇamaithunādhikaraṇaiḥpañcabhirbrāhmaṇo bhogamokṣamāpnoti | guroranujñayāśrīrājaśyāmalāmantraṃ nityaṃ sahasrasaṅkhyayā triśatenavā'ṣṭāviṃśaduttaraśatena vā japtvā mantrasiddhirbhavati |śukravāre bhāryājaganmohanacakre triśataṃ mantrajapena mantrasiddhiḥ |puraścaraṇasiddhirbhavati | navāśītinyāsānāṃ nyasanena devatāśarīrībhavati | navāśītinyāsānāṃ nyasanena sarvadevairnamaskṛto bhavati |navāśītinyāsānāṃ śarīre nyasanena gandharvakanyābhiḥ pūjito bhavati |navāśītinyāsānāṃ nyasanena devastrībhogamāpnoti | rambhāsambhogamāpnoti |navāśītinyāsānāṃ nyasanena devatārūpamāpnoti | devatāśarīrī bhūtvāvimānavān bhavati | vimānamāruhya svargaṃ gacchati | svargaṃ prāpyatadbhogamāpnoti | jaganmohanacakre pāṭalakusumaiḥ sahasrasaṅkhyayāpūjitā śrīrājaśyāmalā kāmitārthapradā maṅgalapradā bhavati | varṣartauśrāvaṇe māsi sarvarātriṣu bhāryājaganmohanacakre campakakusumaiḥsahasrasaṅkhyayā pūjitā śrīrājaśyāmalā''rogyapradā bhavati | tatraśukravāre pūjitā mahālakṣmīpradā bhavati | śukravārayutāyāṃ paurṇamāsyāṃbhāryājaganmohanacakre śatasaṅkhyayā śrīrājaśyāmalāmbāṃ pūjayandehāntare rambhāsambhogamaśnute | bhādrapade māsi mahālakṣmīvratadineṣubhāryājaganmohanacakre śrīrājaśyāmalāmbāṃ jājīkusumaiḥ pūjayan mānavomahadaiśvaryamāpnoti | śaratkāle sarvarātriṣu bhāryājaganmohanacakrenīlotpalaiḥ sahasrasaṅkhyayā śyāmalāṃ pūjayan mahābhogamaśnute |śukravārayutāyāṃ paurṇamāsyāṃ bhāryājaganmohanacakreśrīrājaśyāmalāṃ pūjayan kalhāraiḥ śacībhogamaśnute |hemantakāle sarvarātriṣu bhāryājaganmohanacakre javantīkusumaiḥsahasrasaṅkhyayā pūjayan varuṇadevena kanakacchatrī bhavati |mārgaśīrṣe paurṇamāsyāṃ bhāryājaganmohanacakre kusumbhapuṣpaiḥpūjayan mānavo devendraiśvaryamāpnoti | māghyāṃ śukravārayuktāyāṃbhāryājaganmohanacakre dvandvamallikākuḍmalaiḥ sahasrasaṅkhyayāpūjayan mānavo rājastrīsambhogamāpnoti | sarvadā puṣpiṇyāṃ bhāryāyāṃjaganmohanacakre vasantapuṣpaiḥ pūjayan mānavo devatātvamaśnute |caturthyāṃ śukravārayuktāyāṃ bhāryājaganmohanacakre devatāṃ śyāmalāṃjapan paraśivatvamāpnoti | śrīrājaśyāmalāmbāyāḥ pañcadaśastotrāṇāṃpārāyaṇena devatāsantuṣṭirbhavati | maṅgalapradā rājavaśaṃkarī cabhavati | devatāsānnidhyamāpnoti | sannidhānena sarvanivṛttirbhavati |sarvamaṅgalamāpnoti | sarvadevanamaskṛto bhavati | sarve rājānovaśyā bhavanti | rambhādibhiḥ pūjito bhavati | svargabhogamāpnoti |guroranujñayā śukravāre divā rātrau ca campakatailādyaiḥ kṛtasnātāṃsarvālaṅkārabhūṣitāṃ śubhravastradharāṃ śrīcandanaviliptāṅgīṃkastūrītilakopetāṃ kuṅkumaliptakucabhārāṃ puṣpadāmayuktadhammillāṃtāmbūlapūritamukhīṃ svedabindūllasanmukhīṃ bimboṣṭhīṃ kundaradanāṃkambukaṇṭhīṃ mañjuhāsāṃ yauvanonmattāṃ kañjalocanāṃ pṛthunitambāṃrājarambhoruṃ sampūrṇacandravadanāṃ sambhogecchāṃ śukavāṇīṃsaṅgītarasikāṃ kuravakarasāñcitapāṇipādāṃ vaśavartinīṃbhāryāṃ puṣpaśayyāyāmuttānaśāyinīṃ kṛtvā darpaṇavannirmalaṃjaganmohanacakraṃ gandhadravyeṇa dhūpadīpaiśca parimalīkṛtaṃkuṅkumamilitairmallikākuḍmalaiḥ śarasaṅkhyayā pūjayan brāhmaṇodevabhogamāpnoti | vasantanavarātriṣu bhāryājaganmohanacakremallikākuḍmalaiḥ sahasranāmabhiḥ rahasyanāmabhiśca pūjitārājaśyāmalā rājavaśaṅkarī bhavati | śukravāsarayuktāyāṃ saptamyāṃrātrau bhāryāyā jaganmohanacakre prathamayāme kalhārapuṣpaiḥsahasranāmabhirdevatāṃ pūjayan devatāsālokyamāpnoti | tasyāmeva dvitīyayāmebhāryājaganmohanacakre pārijātapuṣpaiḥ sahasranāmabhiḥ pūjayandevatāsāmīpyamāpnoti | tasyāmeva tṛtīyayāme bhāryājaganmohanacakremandārapuṣpaiḥ sahasranāmabhiḥ pūjayan devatāsārūpyamāpnoti | tasyāmevacaturthayāme jaganmohanacakre campakapuṣpaiḥ sahasranāmabhiḥ pūjayandevatāsāyujyamāpnoti | sarvarātriṣu jaganmohanacakre mallikākuḍmalaiḥpūjitā śyāmalā kāmitārthapradā bhavati | grīṣmakāle sarvarātriṣuśrīcandanaviliptabhāryājaganmohanacakraṃ pūjayan sarvasiddhimāpnoti |dūrvābhiḥ pūjayan mahadāyuṣyamaśnute | aṣṭamyāṃ śukravāsarayuktāyāṃrātrau jaganmohanacakre rājaśyāmalāmbāṃ śrīcandanena pūjayan mānavogandhalipto jaganmohako bhavati | mahānavamyāṃ śukravāsarayuktāyāṃ rātraujaganmohanacakre kuṅkumākṣatairdevatāṃ pūjayitvā pūjitākṣatān rājñenivedayet | rājā dāsabhāvamāpnoti | trayodaśyāṃ śukravāsarayuktāyāṃrātrau bhāryājaganmohanacakraṃ pūjayan mānavaḥ kāmasundaro bhavati ||

चन्द्रदर्शनयुक्तायां द्वितीयायां शुक्रवारयुक्तायांभार्याजगन्मोहनचक्रे राजश्यामलाम्बां श्वेतगन्धाक्षतैःश्वेतपुष्पैश्च पूजयन् साधको देहान्ते राजा भवति ।सर्वभोगप्रदा सर्वसौभाग्यप्रदा दीर्घायुष्यप्रदा महायोगप्रदामहामङ्गलप्रदा काम्यप्रदा श्रीराजश्यामला देवेन्द्रभोगप्रदा भवति ।सर्वकाम्यरहस्यपूजान्ते मैथुनं देवताप्रीतिकरं भवति । मोक्षप्रदंभवति । स एव भोगापवर्गः । गुर्वनुज्ञया गुप्तः क्षपणको मुक्तोभवति । एवं कान्तायाः पूजिता स्वर्णचक्रे श्यामला मङ्गलप्रदाभवति । द्रोहिणां नोपदेशः । क्षपणकानां पञ्चाधिकरणैः परोमोक्षो नान्यथेति य एवं वेद । इत्युपनिषत् ॥

candradarśanayuktāyāṃ dvitīyāyāṃ śukravārayuktāyāṃbhāryājaganmohanacakre rājaśyāmalāmbāṃ śvetagandhākṣataiḥśvetapuṣpaiśca pūjayan sādhako dehānte rājā bhavati |sarvabhogapradā sarvasaubhāgyapradā dīrghāyuṣyapradā mahāyogapradāmahāmaṅgalapradā kāmyapradā śrīrājaśyāmalā devendrabhogapradā bhavati |sarvakāmyarahasyapūjānte maithunaṃ devatāprītikaraṃ bhavati | mokṣapradaṃbhavati | sa eva bhogāpavargaḥ | gurvanujñayā guptaḥ kṣapaṇako muktobhavati | evaṃ kāntāyāḥ pūjitā svarṇacakre śyāmalā maṅgalapradābhavati | drohiṇāṃ nopadeśaḥ | kṣapaṇakānāṃ pañcādhikaraṇaiḥ paromokṣo nānyatheti ya evaṃ veda | ityupaniṣat ||

इति राजश्यामलारहस्योपनिषत् समाप्ता ।

iti rājaśyāmalārahasyopaniṣat samāptā |

(शाक्तौपनिषदः)

(śāktaupaniṣadaḥ)