पार्वतीस्तोत्रम् Pradyumnakritam Parvati Stotram

प्रद्युम्न उवाच ।ॐ नमः कात्यायन्यै गुहस्य जनन्यै नमः ।नमस्त्रैलोक्यमायायै कात्यायन्यै नमो नमः ॥ १॥

pradyumna uvāca |oṃ namaḥ kātyāyanyai guhasya jananyai namaḥ |namastrailokyamāyāyai kātyāyanyai namo namaḥ || 1||

नमः शत्रुविनाशिन्यै नमो गार्ग्यै गिरीशये ।नमस्ये शुम्भहननीं निशुम्भहृदिदारणीम् ॥ २॥

namaḥ śatruvināśinyai namo gārgyai girīśaye |namasye śumbhahananīṃ niśumbhahṛdidāraṇīm || 2||

कालरात्रिं नमस्येऽहं कुमारीं चापि नित्यशः ।कान्तारवासिनीं देवीं नमस्यामि कृताञ्जलिः ॥ ३॥

kālarātriṃ namasye'haṃ kumārīṃ cāpi nityaśaḥ |kāntāravāsinīṃ devīṃ namasyāmi kṛtāñjaliḥ || 3||

विन्ध्यवासिनीं दुर्गघ्नीं रणदुर्गां रणप्रियाम् ।नमस्यामि महादेवीं जयां च विजयां तथा ॥ ४॥

vindhyavāsinīṃ durgaghnīṃ raṇadurgāṃ raṇapriyām |namasyāmi mahādevīṃ jayāṃ ca vijayāṃ tathā || 4||

अपराजितां नमस्येऽहमजितां शत्रुतापनीम् ।घण्टाहस्तां नमस्यामि घण्टामालाकुलां तथा ॥ ५॥

aparājitāṃ namasye'hamajitāṃ śatrutāpanīm |ghaṇṭāhastāṃ namasyāmi ghaṇṭāmālākulāṃ tathā || 5||

त्रिशूलिनीं नमस्यामि महिषासुरघातिनीम् ।सिंहवाहां नमस्यामि सिंहप्रवरकेतनाम् ॥ ६॥

triśūlinīṃ namasyāmi mahiṣāsuraghātinīm |siṃhavāhāṃ namasyāmi siṃhapravaraketanām || 6||

एकानंशां(?) नमस्यामि गायत्रीं यज्ञसत्क्रियाम् ।सावित्रीं चापि विप्राणां नमस्येऽहं कृताञ्जलिः ।रक्ष मां देवि सततं संग्रामे विजयं कुरु ॥ ७॥

ekānaṃśāṃ(?) namasyāmi gāyatrīṃ yajñasatkriyām |sāvitrīṃ cāpi viprāṇāṃ namasye'haṃ kṛtāñjaliḥ |rakṣa māṃ devi satataṃ saṃgrāme vijayaṃ kuru || 7||

इति हरिवंशान्तर्गतं प्रद्युम्नकृतं पार्वतीस्तोत्रं सम्पूर्णम् ।हरिवंश । अनुबन्ध परिशिष्ट । अध्याय अ३०\।३६१॥हरिवंश । अनुबन्ध – परिशिष्ट । अध्याय अ३०।३६१॥

iti harivaṃśāntargataṃ pradyumnakṛtaṃ pārvatīstotraṃ sampūrṇam |harivaṃśa | anubandha pariśiṣṭa | adhyāya a30\|361||harivaṃśa | anubandha – pariśiṣṭa | adhyāya a30|361||