रत्नगर्भा धरा सुस्मिता श्यामला, संस्कृतं बोधकं भारतं भूतले Ratnagarbha Dhara Susmita Shyamala

रत्नगर्भा धरा सुस्मिता श्यामलादिव्यतीर्थास्तटाः पर्वताः सिन्धवः ।निर्झराः वाटिकाश्चात्र देवालयाःभव्यमेतत्प्रियं भारतं भूतले ॥ १॥

ratnagarbhā dharā susmitā śyāmalādivyatīrthāstaṭāḥ parvatāḥ sindhavaḥ |nirjharāḥ vāṭikāścātra devālayāḥbhavyametatpriyaṃ bhārataṃ bhūtale || 1||

वेदशास्त्राणि साहित्यकाव्यानि वायत्र यच्छन्ति लोकाय सत्प्रेरणम् ।रम्यरामायणं श्रीमहाभारतंराष्ट्रमेतद्वरं भारतं भूतले ॥ २॥

vedaśāstrāṇi sāhityakāvyāni vāyatra yacchanti lokāya satpreraṇam |ramyarāmāyaṇaṃ śrīmahābhārataṃrāṣṭrametadvaraṃ bhārataṃ bhūtale || 2||

यत्र देवी सती शारदा जानकीचानुसूया शिवा द्रौपदी पद्मिनी ।सन्ति सर्वा इमाः वत्सलाः मातरःशक्तियुक्तं शिव भारतं भूतले ॥ ३॥

yatra devī satī śāradā jānakīcānusūyā śivā draupadī padminī |santi sarvā imāḥ vatsalāḥ mātaraḥśaktiyuktaṃ śiva bhārataṃ bhūtale || 3||

रामकृष्णौ हरी वर्धमानो जिनोगौतमः शङ्करः पाणिनिर्नानकः ।श्री दयानन्द साधुश्च देशेभवनदेशिकानामिदं भारतं भूतले ॥ ४॥

rāmakṛṣṇau harī vardhamāno jinogautamaḥ śaṅkaraḥ pāṇinirnānakaḥ |śrī dayānanda sādhuśca deśebhavanadeśikānāmidaṃ bhārataṃ bhūtale || 4||

भारतीयाः स्वभावेन शान्तिप्रियाःज्ञानविज्ञानसेवारताः कर्मठाः ।मानवी भावना भासते संस्कृतौसत्यसंशोधकं भारतं भूतले ॥ ५॥

bhāratīyāḥ svabhāvena śāntipriyāḥjñānavijñānasevāratāḥ karmaṭhāḥ |mānavī bhāvanā bhāsate saṃskṛtausatyasaṃśodhakaṃ bhārataṃ bhūtale || 5||

आचार्य राधाकृष्ण मनोडी

ācārya rādhākṛṣṇa manoḍī