कालनामाष्टोत्तरसहस्रनामस्तोत्रम् Shri Bhagavan Kala Sahasra Nama Stotram

विरचयिता पं\। जलाली कौल जियालालःअथ श्री कालसहस्रनामामुखम् ।इदं श्री कालसहस्रनाम सर्व कालवादिनां कल्याणार्थे विरचितं अस्यनित्यपाठेन पाठकस्य भक्तस्य ईप्सिताभिलाषः सिद्।ह्ध्यते । कालवादिनःकालभक्ताश्च कालपूजाविषये सुपरिचिताः । आङ्गलभाषायांप्रकाशनीयाया मद्रचनाया अध्ययनेन कालवादिनां मतं स्पष्टं ज्ञायते ॥श्री कालो भीषणरूपधरो भयङ्करो महाकालो नितान्तं जीवस्यान्तकर इतिएतादृश्येन भावेन कदापि न दृष्टव्यो न च मन्तव्यः । श्रीकालस्यद्वे रूपे । भौतिकमभौतिकञ्च । द्रव्यात्मकमद्रव्यात्मकञ्च ॥भौतिकं स्पष्टम् । अभौतिकं मार्गितव्यम् । अन्तानन्त्यमस्य भौतिकंरूपं गुणञ्च । कालो हि जगत्कर्ता जगद्भर्ता जगद्धर्ता इति । हर्तृशब्देन सर्वनाशो वा मूलनाशो न विद्यते । केवलविकारो विकारस्यविकारो निरन्तरं विकारः प्रस्तूयते । एतद्भौतिकस्थूलरूपम् ॥अस्थूलं सत्यम् । अनन्तानन्त्यमभौतिकं रूपम् । तदेव ज्ञातव्यंपरिमार्गितव्यञ्च । स एव ईश्वरो यन्ता नियन्ता स्वशक्तिं खंधृत्वा पञ्चभूतानि पञ्चतत्त्वानि प्रयुनक्ति । विपर्ययविकारःपुनर्विपरिणामे विलीयति । तदुद्भवनम् । उद्भवनं सृष्टिरुच्यते ।वस्तुतो विकार उद्गीयते । अभौतिकं नित्यं सत्यं विकारहीनं शान्तिमयंसुखानन्दरूपं कालयोगिनां शाश्वतालयं यं प्राप्य कालभक्तो ननिवर्तते किन्तु तत्रैव रमते स्वेच्छया वर्तते च ॥तं भगवन्तं कालमाद्यमध्यान्तरहितं देवं दिव्यात्मशक्तिंमनसा ध्यात्वा सर्वकालभक्तानां कालवादिनां च हितार्थं एतन्नामसहस्रपाठेन प्रार्थये इति ।जलाली निवास, निवेदकः ।करणनगरश्रीनगरतः । जलाली कौल जियालालः ।अथ श्रीकालसहस्रनाम प्रारभ्यते ॥कालोऽहंअस्य श्रीकालनामाष्टोत्तरसहस्रस्य अनन्त ऋषिः, अनुष्टुप् छन्दः,अक्षरात्मा देवता । द्रव्यं बीजं। खं शक्तिः, सर्वमूलं कीलकम् ।आत्मनों वाङ्मनःकायोपार्जितमननिवारणार्थ भगवान् कालप्रीत्यर्थेअमुककामनासिद्धयर्थं पाठे होमे वा विनियोगः ॥अथ न्यासःकालोऽहं अङ्गुष्ठाभ्यां नमः इत्यादि ॥अथ प्राणायामः । कालोऽहमिति मन्त्रेण ॥अथ ध्यानम्किरीटिनं चक्रधरं चतुर्भुजन्त्रिलोचनमक्षधरं सपात्रकम् ।द्रव्यात्मकं शून्यमयं परात्परं नमामिकालं वरदं प्रसन्नमम् ॥अथ गायत्रीद्रव्यात्मकाय विद्महे । खमात्मकाय धीमहि ।तन्नः सर्वव्यापकः प्रचोदयात् ॥अथ पाठःॐ कालोऽहं कालकालोऽहं कालरूपः कलात्मकः ।कलनात्मककालज्ञः केवलः कालनायकः ॥ १॥

viracayitā paṃ\| jalālī kaula jiyālālaḥatha śrī kālasahasranāmāmukham |idaṃ śrī kālasahasranāma sarva kālavādināṃ kalyāṇārthe viracitaṃ asyanityapāṭhena pāṭhakasya bhaktasya īpsitābhilāṣaḥ sid|hdhyate | kālavādinaḥkālabhaktāśca kālapūjāviṣaye suparicitāḥ | āṅgalabhāṣāyāṃprakāśanīyāyā madracanāyā adhyayanena kālavādināṃ mataṃ spaṣṭaṃ jñāyate ||śrī kālo bhīṣaṇarūpadharo bhayaṅkaro mahākālo nitāntaṃ jīvasyāntakara itietādṛśyena bhāvena kadāpi na dṛṣṭavyo na ca mantavyaḥ | śrīkālasyadve rūpe | bhautikamabhautikañca | dravyātmakamadravyātmakañca ||bhautikaṃ spaṣṭam | abhautikaṃ mārgitavyam | antānantyamasya bhautikaṃrūpaṃ guṇañca | kālo hi jagatkartā jagadbhartā jagaddhartā iti | hartṛśabdena sarvanāśo vā mūlanāśo na vidyate | kevalavikāro vikārasyavikāro nirantaraṃ vikāraḥ prastūyate | etadbhautikasthūlarūpam ||asthūlaṃ satyam | anantānantyamabhautikaṃ rūpam | tadeva jñātavyaṃparimārgitavyañca | sa eva īśvaro yantā niyantā svaśaktiṃ khaṃdhṛtvā pañcabhūtāni pañcatattvāni prayunakti | viparyayavikāraḥpunarvipariṇāme vilīyati | tadudbhavanam | udbhavanaṃ sṛṣṭirucyate |vastuto vikāra udgīyate | abhautikaṃ nityaṃ satyaṃ vikārahīnaṃ śāntimayaṃsukhānandarūpaṃ kālayogināṃ śāśvatālayaṃ yaṃ prāpya kālabhakto nanivartate kintu tatraiva ramate svecchayā vartate ca ||taṃ bhagavantaṃ kālamādyamadhyāntarahitaṃ devaṃ divyātmaśaktiṃmanasā dhyātvā sarvakālabhaktānāṃ kālavādināṃ ca hitārthaṃ etannāmasahasrapāṭhena prārthaye iti |jalālī nivāsa, nivedakaḥ |karaṇanagaraśrīnagarataḥ | jalālī kaula jiyālālaḥ |atha śrīkālasahasranāma prārabhyate ||kālo'haṃasya śrīkālanāmāṣṭottarasahasrasya ananta ṛṣiḥ, anuṣṭup chandaḥ,akṣarātmā devatā | dravyaṃ bījaṃ| khaṃ śaktiḥ, sarvamūlaṃ kīlakam |ātmanoṃ vāṅmanaḥkāyopārjitamananivāraṇārtha bhagavān kālaprītyartheamukakāmanāsiddhayarthaṃ pāṭhe home vā viniyogaḥ ||atha nyāsaḥkālo'haṃ aṅguṣṭhābhyāṃ namaḥ ityādi ||atha prāṇāyāmaḥ | kālo'hamiti mantreṇa ||atha dhyānamkirīṭinaṃ cakradharaṃ caturbhujantrilocanamakṣadharaṃ sapātrakam |dravyātmakaṃ śūnyamayaṃ parātparaṃ namāmikālaṃ varadaṃ prasannamam ||atha gāyatrīdravyātmakāya vidmahe | khamātmakāya dhīmahi |tannaḥ sarvavyāpakaḥ pracodayāt ||atha pāṭhaḥoṃ kālo'haṃ kālakālo'haṃ kālarūpaḥ kalātmakaḥ |kalanātmakakālajñaḥ kevalaḥ kālanāyakaḥ || 1||

चिदानन्दक्रियाज्ञानमिच्छाशक्तिस्वरूपकः ।एकानेकोऽद्वयो नित्यो बुद्।ह्ध्याऽपरिमितोऽमितः ॥ २॥

cidānandakriyājñānamicchāśaktisvarūpakaḥ |ekāneko'dvayo nityo bud|hdhyā'parimito'mitaḥ || 2||

अनाद्यानन्तकूटस्थः पुराणः पुरुषोत्तमः ।शाश्वतः शाश्वतानन्दः कैवल्योऽकेवलोऽकुलः ॥ ३॥

anādyānantakūṭasthaḥ purāṇaḥ puruṣottamaḥ |śāśvataḥ śāśvatānandaḥ kaivalyo'kevalo'kulaḥ || 3||

जगदीश्वर सूत्रात्मा वेदात्मा श्रुतिपारगः ।कर्ताऽभोक्ता सदासाक्षी विधाता परमेश्वरः ॥ ४॥

jagadīśvara sūtrātmā vedātmā śrutipāragaḥ |kartā'bhoktā sadāsākṣī vidhātā parameśvaraḥ || 4||

त्रिकालस्थूलरूपज्ञस्त्रिकालभ्रमकारकः ।प्रथमः प्रथमशब्दः स्वप्रकाशः प्रकाशमान् ॥ ५॥

trikālasthūlarūpajñastrikālabhramakārakaḥ |prathamaḥ prathamaśabdaḥ svaprakāśaḥ prakāśamān || 5||

चराचरमयोऽमायी सततं मुनिचिन्तितः ।एकरूपो बृहद्रूपः सरूपो रूपवर्जितः ॥ ६॥

carācaramayo'māyī satataṃ municintitaḥ |ekarūpo bṛhadrūpaḥ sarūpo rūpavarjitaḥ || 6||

सर्वशक्तिमयदेवः सर्वात्मा सर्वतोमुखः ।परमः परमानन्दः सर्वेशः सर्वभावनः ॥ ७॥

sarvaśaktimayadevaḥ sarvātmā sarvatomukhaḥ |paramaḥ paramānandaḥ sarveśaḥ sarvabhāvanaḥ || 7||

गोपस्थो गोचरो गुप्तो गोपनीयो गुहाशयः ।सर्वत्र सर्वगः सर्वः सुगमो दुर्गमोऽगमः ॥ ८॥

gopastho gocaro gupto gopanīyo guhāśayaḥ |sarvatra sarvagaḥ sarvaḥ sugamo durgamo'gamaḥ || 8||

श्रीस्तुतः श्रीधरः श्रीदः शरणागतवत्सलः ।सर्वसिद्धिप्रदः शक्तो विशिष्टनवसिद्धिदः ॥ ९॥

śrīstutaḥ śrīdharaḥ śrīdaḥ śaraṇāgatavatsalaḥ |sarvasiddhipradaḥ śakto viśiṣṭanavasiddhidaḥ || 9||

आधिव्याधिहरईशस्तापत्रयनिवारकः ।भक्तानां परमोपायः सुखानन्दः सुखार्णवः ॥ १०॥

ādhivyādhiharaīśastāpatrayanivārakaḥ |bhaktānāṃ paramopāyaḥ sukhānandaḥ sukhārṇavaḥ || 10||

हेमवर्णश्चतुर्बाहुस्त्रिनेत्रा विशदप्रभः ।पीताम्बरः श्वेतवासा कस्तूरीकुङ्कुमप्रियः ॥ ११॥

hemavarṇaścaturbāhustrinetrā viśadaprabhaḥ |pītāmbaraḥ śvetavāsā kastūrīkuṅkumapriyaḥ || 11||

ज्ञानेश्वरो ज्ञानगम्यो ज्ञानविज्ञानचेतनः ।ज्ञानाकारो ज्ञानमूर्ति ज्ञानाज्ञानपरोऽपरः ॥ १२॥

jñāneśvaro jñānagamyo jñānavijñānacetanaḥ |jñānākāro jñānamūrti jñānājñānaparo'paraḥ || 12||

योगेन्द्रो योगिराट् योगी योगिनां शाश्वतालयः ।कोमलः कुन्तलः कान्तः कामदः कामकारकः ॥ १३॥

yogendro yogirāṭ yogī yogināṃ śāśvatālayaḥ |komalaḥ kuntalaḥ kāntaḥ kāmadaḥ kāmakārakaḥ || 13||

निर्ममो निष्क्रियोऽनन्तो निर्विकारो विकारकृत् ।निष्कलो निस्पृहो मेध्यो निष्प्रपञ्चो निरास्पदः ॥ १४॥

nirmamo niṣkriyo'nanto nirvikāro vikārakṛt |niṣkalo nispṛho medhyo niṣprapañco nirāspadaḥ || 14||

सर्वार्थः सर्वतोभद्रः सर्वकारणकारणम् ।अखिलो निखिलानन्दो बुद्धिदो बुद्धिसत्तमः ॥ १५॥

sarvārthaḥ sarvatobhadraḥ sarvakāraṇakāraṇam |akhilo nikhilānando buddhido buddhisattamaḥ || 15||

सर्वश्रेष्ठगुणोपेतः कामाचारः समन्ततः ।प्रवीणः कोविदः प्राज्ञः सर्वमङ्गलमङ्गलः ॥ १६॥

sarvaśreṣṭhaguṇopetaḥ kāmācāraḥ samantataḥ |pravīṇaḥ kovidaḥ prājñaḥ sarvamaṅgalamaṅgalaḥ || 16||

निरालम्बो निरावासो निराभासो निराश्रयः ।निरातङ्को निराकामो निराधारो निराकुलः ॥ १७॥

nirālambo nirāvāso nirābhāso nirāśrayaḥ |nirātaṅko nirākāmo nirādhāro nirākulaḥ || 17||

जगत्कर्ता जगद्भर्ता जगद्धर्ता जगत्पतिः ।जगत् त्राता जगच्छास्ता जगद्बन्धुर्जगत्पिता ॥ १८॥

jagatkartā jagadbhartā jagaddhartā jagatpatiḥ |jagat trātā jagacchāstā jagadbandhurjagatpitā || 18||

जितेन्द्रियो जितप्राणः सर्वाग्र्यः सर्वनायकः ।सर्वकामप्रदः कामः पूर्णकामः परन्तपः ॥ १९॥

jitendriyo jitaprāṇaḥ sarvāgryaḥ sarvanāyakaḥ |sarvakāmapradaḥ kāmaḥ pūrṇakāmaḥ parantapaḥ || 19||

श्वासोच्छ्वासगतिर्यन्ता प्राणायामी पुरातनः ।पञ्चप्राणपतिप्राणः प्राणदः प्राणवल्लभः ॥ २०॥

śvāsocchvāsagatiryantā prāṇāyāmī purātanaḥ |pañcaprāṇapatiprāṇaḥ prāṇadaḥ prāṇavallabhaḥ || 20||

अमूर्तोमूर्तिमान्मूर्तिस्तुरीयस्तमसःपरः ।अजेयः सर्वजिज्जेता अक्षरात्मा क्षयोऽक्षयः ॥ २१॥

amūrtomūrtimānmūrtisturīyastamasaḥparaḥ |ajeyaḥ sarvajijjetā akṣarātmā kṣayo'kṣayaḥ || 21||

स्वरव्यञ्जनवर्णात्मा शब्दो वाक्यं रसामृतम् ।वाक्पटुर्मूकवाचालो निपुणः कुशलोऽक्षमः ॥ २२॥

svaravyañjanavarṇātmā śabdo vākyaṃ rasāmṛtam |vākpaṭurmūkavācālo nipuṇaḥ kuśalo'kṣamaḥ || 22||

अजरो निर्जरोऽमर्त्यः सदास्थायी सनातनः ।अमरो विजरो भौमो नित्ययुक्तो निरञ्जनः ॥ २३॥

ajaro nirjaro'martyaḥ sadāsthāyī sanātanaḥ |amaro vijaro bhaumo nityayukto nirañjanaḥ || 23||

भीष्मरूपधरो घोरः सर्वविघ्नविनाशनः ।समुखो दुर्मुखो धीरः शोकसङ्कटहारकः ॥ २४॥

bhīṣmarūpadharo ghoraḥ sarvavighnavināśanaḥ |samukho durmukho dhīraḥ śokasaṅkaṭahārakaḥ || 24||

मन्त्रज्ञो यन्त्रतन्त्रज्ञः सर्वशास्त्रविदांवरः ।श्रुतिवेदाङ्गनिर्माता निगमागमदर्शनम् ॥ २५॥

mantrajño yantratantrajñaḥ sarvaśāstravidāṃvaraḥ |śrutivedāṅganirmātā nigamāgamadarśanam || 25||

अलोको लोकपालेशो लौकिको लोकनन्दनः ।नियन्ताऽसङ्ख्यलोकानां सलोको लोकवर्जितः ॥ २६॥

aloko lokapāleśo laukiko lokanandanaḥ |niyantā'saṅkhyalokānāṃ saloko lokavarjitaḥ || 26||

विश्वेश्वरो विश्वजीवो विश्वनेत्रो विशाम्पतिः ।पूतात्मा पूतकृत्पुण्यः पुण्यशीलः परावरः ॥ २७॥

viśveśvaro viśvajīvo viśvanetro viśāmpatiḥ |pūtātmā pūtakṛtpuṇyaḥ puṇyaśīlaḥ parāvaraḥ || 27||

भूधरो भूपति भूमा भरतो भारतेश्वरः ।अल्पो हिमालयो विन्ध्यो जलस्थलविभाजकः ॥ २८॥

bhūdharo bhūpati bhūmā bharato bhārateśvaraḥ |alpo himālayo vindhyo jalasthalavibhājakaḥ || 28||

अन्तानन्तो विशिष्टेष्टो जीवजन्तुनमस्कृतः ।सदातुष्टः सदाशान्तः सदातृप्तः सदार्चितः ॥ २९॥

antānanto viśiṣṭeṣṭo jīvajantunamaskṛtaḥ |sadātuṣṭaḥ sadāśāntaḥ sadātṛptaḥ sadārcitaḥ || 29||

महावीरो महेष्वासो महापूरुषपूर्वजः ।महादेहो महाबाहुर्महज्ज्योतिर्महद्यशः ॥ ३०॥

mahāvīro maheṣvāso mahāpūruṣapūrvajaḥ |mahādeho mahābāhurmahajjyotirmahadyaśaḥ || 30||

महासीनो महाचित्तो महासत्त्वो महातपः ।महानन्दो महाकायो महद्योनिर्महद्बलम् ॥ ३१॥

mahāsīno mahācitto mahāsattvo mahātapaḥ |mahānando mahākāyo mahadyonirmahadbalam || 31||

सत्यसङ्कल्पमारूपः सत्यकामो विभूषकः ।सत्यदेवः सत्यशीलः सत्यरूपः सुदर्शनः ॥ ३२॥

satyasaṅkalpamārūpaḥ satyakāmo vibhūṣakaḥ |satyadevaḥ satyaśīlaḥ satyarūpaḥ sudarśanaḥ || 32||

भूतस्थः सर्वभूतात्मा प्रत्यक्षोऽव्यक्तितः पृथक् ।धीमयोऽसाध्यसम्भाव्यः सत्यसन्धो महाजनः ॥ ३३॥

bhūtasthaḥ sarvabhūtātmā pratyakṣo'vyaktitaḥ pṛthak |dhīmayo'sādhyasambhāvyaḥ satyasandho mahājanaḥ || 33||

परन्ततत्त्वं परंज्ञानं परंश्रेयः परम्प्रभः ।परंसत्यं परन्धाम परंशान्तिः परम्पदम् ॥ ३४॥

parantatattvaṃ paraṃjñānaṃ paraṃśreyaḥ paramprabhaḥ |paraṃsatyaṃ parandhāma paraṃśāntiḥ parampadam || 34||

अणुरात्मा विराटात्मा सर्व्यव्यापी प्रबोधकः ।अन्तस्थः परमाकाशश्चिदाकाशनिवस्थितः ॥ ३५॥

aṇurātmā virāṭātmā sarvyavyāpī prabodhakaḥ |antasthaḥ paramākāśaścidākāśanivasthitaḥ || 35||

स्वयञ्जीवः स्वयम्बीजं स्वयमात्मा स्वयंरतः ।स्वयंस्त्रष्टा स्वयम्भर्ता स्वयंविपरिणामकः ॥ ३६॥

svayañjīvaḥ svayambījaṃ svayamātmā svayaṃrataḥ |svayaṃstraṣṭā svayambhartā svayaṃvipariṇāmakaḥ || 36||

त्रुटिः काष्ठा लवो यामः पलं प्रहरो दिनं निशा ।पक्षो मासो ऋतुर्वर्षं कल्पो वेलान्तरं युगम् ॥ ३७॥

truṭiḥ kāṣṭhā lavo yāmaḥ palaṃ praharo dinaṃ niśā |pakṣo māso ṛturvarṣaṃ kalpo velāntaraṃ yugam || 37||

स्वतन्त्रोऽनायत्तः स्वैरी आत्मतन्त्रोऽपरायतः ।सकलं सकलानन्दः परानन्दः परोदयः ॥ ३८॥

svatantro'nāyattaḥ svairī ātmatantro'parāyataḥ |sakalaṃ sakalānandaḥ parānandaḥ parodayaḥ || 38||

कामेशः कर्मठोऽकर्ता पूर्णगर्भः कृषीवलः ।स्वयङ्कर्मा स्वयम्भोक्ता स्वयन्द्रष्टा स्वयम्मयः ॥ ३९॥

kāmeśaḥ karmaṭho'kartā pūrṇagarbhaḥ kṛṣīvalaḥ |svayaṅkarmā svayambhoktā svayandraṣṭā svayammayaḥ || 39||

भूतेश्वरो भूतयोनिर्गुहाचारो गुहास्थितः ।सर्वाश्चर्यमयाश्चर्यं सर्वलोकप्रियङ्करः ॥ ४०॥

bhūteśvaro bhūtayonirguhācāro guhāsthitaḥ |sarvāścaryamayāścaryaṃ sarvalokapriyaṅkaraḥ || 40||

सुलभो दुर्लभोऽलभ्यः सबलो दुर्बलो बली ।अबला बालिका बाला प्रबलः पुरुषः पुमान् ॥ ४१॥

sulabho durlabho'labhyaḥ sabalo durbalo balī |abalā bālikā bālā prabalaḥ puruṣaḥ pumān || 41||

याचको धनवान् दीनो निर्धनो वसुमानृणी ।प्रार्थकः प्रार्थना भिक्षा भिक्षुस्त्यागी बहुप्रदः ॥ ४२॥

yācako dhanavān dīno nirdhano vasumānṛṇī |prārthakaḥ prārthanā bhikṣā bhikṣustyāgī bahupradaḥ || 42||

कठोरः कर्कशो रूक्षो दुरावासो दुरासदः ।समस्तम्लेच्छदुष्टघ्नः कृतघ्नाहितध्वंसकः ॥ ४३॥

kaṭhoraḥ karkaśo rūkṣo durāvāso durāsadaḥ |samastamlecchaduṣṭaghnaḥ kṛtaghnāhitadhvaṃsakaḥ || 43||

निस्सङ्गो निष्पदोऽपादः प्राप्योऽप्राप्यश्चलोऽचलः ।शक्तिदः कीर्तिदोऽधीशोऽलक्ष्यो लक्ष्यः सुलक्षणः ॥ ४४॥

nissaṅgo niṣpado'pādaḥ prāpyo'prāpyaścalo'calaḥ |śaktidaḥ kīrtido'dhīśo'lakṣyo lakṣyaḥ sulakṣaṇaḥ || 44||

करणं कारणं कर्म कर्माकर्मप्रवर्तकः ।बिबुधाग्रचरो ज्ञाता कार्मो मानसगोचरः ॥ ४५॥

karaṇaṃ kāraṇaṃ karma karmākarmapravartakaḥ |bibudhāgracaro jñātā kārmo mānasagocaraḥ || 45||

शब्दाशब्दमयोनादः शब्दातीतो रवात्मकः ।प्रकाशो दीप्तिर्भातेजः प्रभातीतः प्रदीप्तिमान् ॥ ४६॥

śabdāśabdamayonādaḥ śabdātīto ravātmakaḥ |prakāśo dīptirbhātejaḥ prabhātītaḥ pradīptimān || 46||

अमोघवचनो व्योम लोकमण्डलयोजकः ।त्रपिष्टो ललितोऽसक्तः स्वच्छन्दो विश्वमोहनः ॥ ४७॥

amoghavacano vyoma lokamaṇḍalayojakaḥ |trapiṣṭo lalito'saktaḥ svacchando viśvamohanaḥ || 47||

भक्तानांसुलभावाप्तिः श्रद्धास्तिक्यविवर्धकः ।मोहको लोभनं लुभ्यः स्निग्धमुग्धोऽतिसुन्दरः ॥ ४८॥

bhaktānāṃsulabhāvāptiḥ śraddhāstikyavivardhakaḥ |mohako lobhanaṃ lubhyaḥ snigdhamugdho'tisundaraḥ || 48||

सदानवः सदालोलः शुचिः श्रेष्ठो विदुत्तमः ।दिव्यभोगप्रदो भोगी भोगेन्द्रो भगवान् भगः ॥ ४९॥

sadānavaḥ sadālolaḥ śuciḥ śreṣṭho viduttamaḥ |divyabhogaprado bhogī bhogendro bhagavān bhagaḥ || 49||

आर्तदुःखहरस्त्राणो मदमोहमलापहः ।अखण्डैश्वर्यसम्पन्नः सर्वश्रेयस्पतिपतिः ॥ ५०॥

ārtaduḥkhaharastrāṇo madamohamalāpahaḥ |akhaṇḍaiśvaryasampannaḥ sarvaśreyaspatipatiḥ || 50||

सुनाथोऽनाथदीनानां सुकामःकामभोगिनाम् ।सुमन्त्रं सर्वमन्त्राणां सुतन्त्रं सर्वतन्त्रिणाम् ॥ ५१॥

sunātho'nāthadīnānāṃ sukāmaḥkāmabhoginām |sumantraṃ sarvamantrāṇāṃ sutantraṃ sarvatantriṇām || 51||

शक्तिबीजमयःशून्यः पञ्चतत्त्वपरात्परः ।नवरूपमयोज्योतिरज्योतिर्द्योतको द्युतिः ॥ ५२॥

śaktibījamayaḥśūnyaḥ pañcatattvaparātparaḥ |navarūpamayojyotirajyotirdyotako dyutiḥ || 52||

बीजरूपो महद्गर्भः स्थावरो जङ्गमोऽण्डजः ।श्रीमयो ह्रीमयः सौख्यमदोमय इदम्मयः ॥ ५३॥

bījarūpo mahadgarbhaḥ sthāvaro jaṅgamo'ṇḍajaḥ |śrīmayo hrīmayaḥ saukhyamadomaya idammayaḥ || 53||

क्षेमानन्दः क्षमाभर्ता क्षमाशीलः क्षमाऽक्षमा ।अध्यात्मविद्या विद्याग्र्यः पुराणछन्दसां वरः ॥ ५४॥

kṣemānandaḥ kṣamābhartā kṣamāśīlaḥ kṣamā'kṣamā |adhyātmavidyā vidyāgryaḥ purāṇachandasāṃ varaḥ || 54||

भेदाभेदः परंसूत्रं पतिपाशपशुत्रिकम् ।प्रकाशात्मा विमर्शात्मा शैवानाम्पूर्णमीलनम् ॥ ५५॥

bhedābhedaḥ paraṃsūtraṃ patipāśapaśutrikam |prakāśātmā vimarśātmā śaivānāmpūrṇamīlanam || 55||

वेदान्तिनान्नेतिनेति साङ्ख्ययोगविदाङ्गुरुः ।आदिदेवोऽन्यधर्माणां जडमनात्मवादिनाम् ॥ ५६॥

vedāntinānnetineti sāṅkhyayogavidāṅguruḥ |ādidevo'nyadharmāṇāṃ jaḍamanātmavādinām || 56||

आनन्त्यव्यापी सर्वज्ञो धिया दुष्प्रापकीर्तितः ।शीतलः शम्मयः शान्तः शान्तभद्रः प्रसन्नभः ॥ ५७॥

ānantyavyāpī sarvajño dhiyā duṣprāpakīrtitaḥ |śītalaḥ śammayaḥ śāntaḥ śāntabhadraḥ prasannabhaḥ || 57||

दुर्जयो धूर्जयानन्दो नीतिज्ञो नीतिकृत् नयः ।जयश्री जित्वरो जिष्णुर्जयदो जयवर्धनः ॥ ५८॥

durjayo dhūrjayānando nītijño nītikṛt nayaḥ |jayaśrī jitvaro jiṣṇurjayado jayavardhanaḥ || 58||

क्षिप्रक्षेमकरः शुभ्रः शिवदः शान्तिदः शमः ।ऐश्वर्यशाली निर्लेपः कल्याणं मङ्गलं शुभम् ॥ ५९॥

kṣiprakṣemakaraḥ śubhraḥ śivadaḥ śāntidaḥ śamaḥ |aiśvaryaśālī nirlepaḥ kalyāṇaṃ maṅgalaṃ śubham || 59||

स्थूलात्स्थूलतरस्थूलो विस्तरोऽव्यापकः प्रसूः ।सूक्ष्मात्सूक्ष्मतरस्सूक्ष्मो नित्यानित्यविवस्थितः ॥ ६०॥

sthūlātsthūlatarasthūlo vistaro'vyāpakaḥ prasūḥ |sūkṣmātsūkṣmatarassūkṣmo nityānityavivasthitaḥ || 60||

तडागस्तटिनी सिन्धुः कूपो नदनदीपतिः ।उदध्यर्णवकंरूपः शून्यसागरमन्थकः ॥ ६१॥

taḍāgastaṭinī sindhuḥ kūpo nadanadīpatiḥ |udadhyarṇavakaṃrūpaḥ śūnyasāgaramanthakaḥ || 61||

स्वयंसिद्धिः स्वयंसाध्यः स्वयंसिद्धः स्वयङ्करः ।स्वयङ्कर्म स्वयङ्कर्ता स्वयमिष्टं स्वयम्फलम् ॥ ६२॥

svayaṃsiddhiḥ svayaṃsādhyaḥ svayaṃsiddhaḥ svayaṅkaraḥ |svayaṅkarma svayaṅkartā svayamiṣṭaṃ svayamphalam || 62||

द्रव्यात्मको द्रव्यशीलो द्रव्यातीतः खमात्परः ।आछादनं सुतत्त्वानां पञ्चभूतावगुण्ठनम् ॥ ६३॥

dravyātmako dravyaśīlo dravyātītaḥ khamātparaḥ |āchādanaṃ sutattvānāṃ pañcabhūtāvaguṇṭhanam || 63||

कल्लोलरहितोऽक्षुब्धो निःस्रोतो निश्चलः स्थिरः ।बुद्धिज्ञानपरवादी सुविवादो विवेचनम् ॥ ६४॥

kallolarahito'kṣubdho niḥsroto niścalaḥ sthiraḥ |buddhijñānaparavādī suvivādo vivecanam || 64||

सार्धत्रिवलयं चक्रं मूलाधारश्चतुर्दलः ।स्वाधिष्ठानो विशुद्धाज्ञाऽनाहतो मणिपूरकः ॥ ६५॥

sārdhatrivalayaṃ cakraṃ mūlādhāraścaturdalaḥ |svādhiṣṭhāno viśuddhājñā'nāhato maṇipūrakaḥ || 65||

आयुर्बलं यशो वर्चः सुस्थः स्वास्थ्यवर्धनः ।नीरूढः शर्मदः शर्मोऽव्याकुलो हृदयङ्गमः ॥ ६६॥

āyurbalaṃ yaśo varcaḥ susthaḥ svāsthyavardhanaḥ |nīrūḍhaḥ śarmadaḥ śarmo'vyākulo hṛdayaṅgamaḥ || 66||

रमाप्रियो रमानाथ ईप्सितार्थं फलप्रदः ।पालकः पालनं गोपो रक्षिताकृमिकीटकः ॥ ६७॥

ramāpriyo ramānātha īpsitārthaṃ phalapradaḥ |pālakaḥ pālanaṃ gopo rakṣitākṛmikīṭakaḥ || 67||

कौलेशः कौलसम्पूज्यः कौलेष्टः कौलवन्दितः ।कौलानुगामिनान्तातः कौलाचारनिरूपकः ॥ ६८॥

kauleśaḥ kaulasampūjyaḥ kauleṣṭaḥ kaulavanditaḥ |kaulānugāmināntātaḥ kaulācāranirūpakaḥ || 68||

पुरोहितः पुरोभागी पद्माक्षः पद्मभूः पटुः ।अक्षमालाधरो रम्यः पक्षापक्षविवर्जितः ॥ ६९॥

purohitaḥ purobhāgī padmākṣaḥ padmabhūḥ paṭuḥ |akṣamālādharo ramyaḥ pakṣāpakṣavivarjitaḥ || 69||

यशोधरो यशोमूर्तिः कामनीयः कलाधरः ।यशस्वी प्रशस्यो दक्षः सानुरागः प्रियोऽप्रियः ॥ ७०॥

yaśodharo yaśomūrtiḥ kāmanīyaḥ kalādharaḥ |yaśasvī praśasyo dakṣaḥ sānurāgaḥ priyo'priyaḥ || 70||

वरिष्ठो वीरको वीरो वीरेशो वीरनन्दनः ।निःशस्त्रः शस्त्रसम्पन्नो निरस्त्रः सन्नदः सदः ॥ ७१॥

variṣṭho vīrako vīro vīreśo vīranandanaḥ |niḥśastraḥ śastrasampanno nirastraḥ sannadaḥ sadaḥ || 71||

वसन्तः शिशिरो धर्मः शरद्धेमन्तवर्षणम् ।ऋतुहर्ता ऋतुकर्ता ऋतुपर्ययकारकः ॥ ७२॥

vasantaḥ śiśiro dharmaḥ śaraddhemantavarṣaṇam |ṛtuhartā ṛtukartā ṛtuparyayakārakaḥ || 72||

आद्यमध्यान्तरहित आधाराधेयवर्जितः ।सुधाकरः सुधाहारस्त्रिदिवातलपूजितः ॥ ७३॥

ādyamadhyāntarahita ādhārādheyavarjitaḥ |sudhākaraḥ sudhāhārastridivātalapūjitaḥ || 73||

आन्वीक्षकीत्रयीवार्तादण्डनीतिनिवाहकः ।शासनं शासकोऽलिप्तो धर्माध्यक्षोऽधिनायकः ॥ ७४॥

ānvīkṣakītrayīvārtādaṇḍanītinivāhakaḥ |śāsanaṃ śāsako'lipto dharmādhyakṣo'dhināyakaḥ || 74||

रतिज्ञो रतिनीतिज्ञो रतिशास्त्रविचक्षणः ।रतिशीलो रतिपरः सुरतो विरतो रतिः ॥ ७५॥

ratijño ratinītijño ratiśāstravicakṣaṇaḥ |ratiśīlo ratiparaḥ surato virato ratiḥ || 75||

नरेश्वरो नराराध्यो नरपूज्यो नरार्थदः ।नरोत्तमो नरसेव्यो नरवन्द्यो नरोऽनरः ॥ ७६॥

nareśvaro narārādhyo narapūjyo narārthadaḥ |narottamo narasevyo naravandyo naro'naraḥ || 76||

नित्यविश्वमयोदेवो विश्वोत्तीर्णः सुविश्वभृत् ।नित्यचिन्मयसामन्तश्चिन्त्योऽचिन्त्यः सुचिन्तितः ॥ ७७॥

nityaviśvamayodevo viśvottīrṇaḥ suviśvabhṛt |nityacinmayasāmantaścintyo'cintyaḥ sucintitaḥ || 77||

उत्तमोत्तम ईशानः सुमदो निर्मदो मदः ।सर्वाध्यक्षः सर्वकल्पः सर्वेशः सर्वतारकः ॥ ७८॥

uttamottama īśānaḥ sumado nirmado madaḥ |sarvādhyakṣaḥ sarvakalpaḥ sarveśaḥ sarvatārakaḥ || 78||

एकमन्त्रमयो मन्त्री कालमन्त्रप्रकाशकः ।मन्त्रमूलं मन्त्रवाक्यं मन्त्रज्ञो मन्त्रसाधकः ॥ ७९॥

ekamantramayo mantrī kālamantraprakāśakaḥ |mantramūlaṃ mantravākyaṃ mantrajño mantrasādhakaḥ || 79||

अदःसेतुरिदं सेतुः सेतुर्धर्मसुदुर्गमः ।आद्यन्तरहितःसेतुः सेतुर्खन्द्रव्यकालिनाम् ॥ ८०॥

adaḥseturidaṃ setuḥ seturdharmasudurgamaḥ |ādyantarahitaḥsetuḥ seturkhandravyakālinām || 80||

अग्रगण्यः प्रत्युत्पन्नः सुभगो भाग्यवर्धनः ।अनुकामः प्रियकामो भामो मोदो बृद्धिप्रदः ॥ ८१॥

agragaṇyaḥ pratyutpannaḥ subhago bhāgyavardhanaḥ |anukāmaḥ priyakāmo bhāmo modo bṛddhipradaḥ || 81||

हं बीजं पृथिव्यालम्बः अञ्जलं प्रौढिरूपकः ।लं अग्निर्वायुबीजं आं कं आकाशस्ततः परम् ॥ ८२॥

haṃ bījaṃ pṛthivyālambaḥ añjalaṃ prauḍhirūpakaḥ |laṃ agnirvāyubījaṃ āṃ kaṃ ākāśastataḥ param || 82||

सङ्कल्पो वाञ्छितमिष्टं धर्माधर्मो नृतानृतम् ।महाशयो महज्ज्योतिः स्वगाकारः परिवृढः ॥ ८३॥

saṅkalpo vāñchitamiṣṭaṃ dharmādharmo nṛtānṛtam |mahāśayo mahajjyotiḥ svagākāraḥ parivṛḍhaḥ || 83||

यज्ञेश्वरो यज्ञमूर्तिर्नित्यं यज्ञप्रतिष्ठितः ।अध्वर्यो होतृ उद्गाता याजको यजनं हविः ॥ ८४॥

yajñeśvaro yajñamūrtirnityaṃ yajñapratiṣṭhitaḥ |adhvaryo hotṛ udgātā yājako yajanaṃ haviḥ || 84||

कोषेशः कोषदः कोषो निधानं निधिनाम्पतिः ।अर्धरात्रिजपं जाप्यो यथेष्टफलदोविभुः ॥ ८५॥

koṣeśaḥ koṣadaḥ koṣo nidhānaṃ nidhināmpatiḥ |ardharātrijapaṃ jāpyo yatheṣṭaphaladovibhuḥ || 85||

अलिङ्गोऽवचनो धाता स्वयम्भूर्जनको भवः ।नानारूपधरोऽरूपोऽनन्तबाहुरनन्तदृक् ॥ ८६॥

aliṅgo'vacano dhātā svayambhūrjanako bhavaḥ |nānārūpadharo'rūpo'nantabāhuranantadṛk || 86||

शून्याधारोऽशून्यशीलः शून्यगर्भः शमात्मकः ।शून्यारूढः शून्यरूपः शून्याशून्यप्रतिष्ठितः ॥ ८७॥

śūnyādhāro'śūnyaśīlaḥ śūnyagarbhaḥ śamātmakaḥ |śūnyārūḍhaḥ śūnyarūpaḥ śūnyāśūnyapratiṣṭhitaḥ || 87||

दिगम्बरो दिव्यदेहो धर्मात्मा धार्मिकव्रतः ।अन्तःसाक्षी बहिःसाक्षी सर्वसाक्षी अनुत्तरः ॥ ८८॥

digambaro divyadeho dharmātmā dhārmikavrataḥ |antaḥsākṣī bahiḥsākṣī sarvasākṣī anuttaraḥ || 88||

सुबोधः सत्यप्रतिज्ञः श्रीप्रदः पुत्रपौत्रदः ।आशापूरयिता दाता कुलसन्ततिवर्धनः ॥ ८९॥

subodhaḥ satyapratijñaḥ śrīpradaḥ putrapautradaḥ |āśāpūrayitā dātā kulasantativardhanaḥ || 89||

अगम्योऽगोचरोऽभेद्यः सिद्धार्थः सुकलः स्वभूः ।अपक्षीय उदासीनो दूरोऽदूरः समोऽसमः ॥ ९०॥

agamyo'gocaro'bhedyaḥ siddhārthaḥ sukalaḥ svabhūḥ |apakṣīya udāsīno dūro'dūraḥ samo'samaḥ || 90||

अतिरूपकरः सूग्रः शत्रुघ्नो रिपुसूदनः ।शीततापहरोऽपापो दारूणः कटुः कीकसः ॥ ९१॥

atirūpakaraḥ sūgraḥ śatrughno ripusūdanaḥ |śītatāpaharo'pāpo dārūṇaḥ kaṭuḥ kīkasaḥ || 91||

आचार्यः शिक्षकः शिष्यः पितृदेवो गुरोर्गुरुः ।मातृदेवः सुविश्वास्यो भक्तो भक्तजनोऽर्चकः ॥ ९२॥

ācāryaḥ śikṣakaḥ śiṣyaḥ pitṛdevo gurorguruḥ |mātṛdevaḥ suviśvāsyo bhakto bhaktajano'rcakaḥ || 92||

नवमो नवमीनाथो नवांशो नवधो नवः ।अनङ्गो हेमवर्णाङ्गः सुवर्णोऽवर्णवर्णकः ॥ ९३॥

navamo navamīnātho navāṃśo navadho navaḥ |anaṅgo hemavarṇāṅgaḥ suvarṇo'varṇavarṇakaḥ || 93||

अगाधः सुदृढः श्रीमान् वायुरूपो द्रवो जलम् ।अनलस्तत्त्वसंयुक्तो विमुक्तोऽसीमितोऽलघुः ॥ ९४॥

agādhaḥ sudṛḍhaḥ śrīmān vāyurūpo dravo jalam |analastattvasaṃyukto vimukto'sīmito'laghuḥ || 94||

मेधादस्तुष्टिदस्तुष्टः सन्तुष्टो विश्रुतः शुचिः ।अच्छेद्योऽलोलुपो न्याय्यः सुस्पृहो विमृत्युर्वशी ॥ ९५॥

medhādastuṣṭidastuṣṭaḥ santuṣṭo viśrutaḥ śuciḥ |acchedyo'lolupo nyāyyaḥ suspṛho vimṛtyurvaśī || 95||

विशुद्धलोचनो दर्शी वाङ्मनोगोचरातिगः ।सर्वस्वं सर्वचैतन्यः स्वकृतः स्वधृतः स्वदः ॥ ९६॥

viśuddhalocano darśī vāṅmanogocarātigaḥ |sarvasvaṃ sarvacaitanyaḥ svakṛtaḥ svadhṛtaḥ svadaḥ || 96||

पिता पुत्रः स्वसा पुत्री माता भ्राता पितामहः ।बन्धुर्मित्रं पतिः पत्नी सुसेव्यः कर्मकारकः ॥ ९७॥

pitā putraḥ svasā putrī mātā bhrātā pitāmahaḥ |bandhurmitraṃ patiḥ patnī susevyaḥ karmakārakaḥ || 97||

समाजो निवहो वृन्दं प्रजातन्त्रं प्रजापतिः ।भूपतिर्विषयो राष्ट्रं देशभक्तः स्वदेशभृत् ॥ ९८॥

samājo nivaho vṛndaṃ prajātantraṃ prajāpatiḥ |bhūpatirviṣayo rāṣṭraṃ deśabhaktaḥ svadeśabhṛt || 98||

अणिमादिगुणोपेतो गुणातीतो गुणात्मकः ।सहजः सहनः सत्यं सुखदुःखविपर्ययः ॥ ९९॥

aṇimādiguṇopeto guṇātīto guṇātmakaḥ |sahajaḥ sahanaḥ satyaṃ sukhaduḥkhaviparyayaḥ || 99||

मनीषी मतिमान् विज्ञो वरेण्योऽकल्मषोऽनघः ।गर्भदो गर्भदोषघ्नो बीजस्थो बीजवर्धनः ॥ १००॥

manīṣī matimān vijño vareṇyo'kalmaṣo'naghaḥ |garbhado garbhadoṣaghno bījastho bījavardhanaḥ || 100||

शुभाशुभपरित्यागी अशुभशुभकारकः ।तेजोराशिस्तमोहन्ता सर्वभूतमनोहरः ॥ १०१॥

śubhāśubhaparityāgī aśubhaśubhakārakaḥ |tejorāśistamohantā sarvabhūtamanoharaḥ || 101||

मुक्तहस्तोऽर्थशास्त्रज्ञः सावधानोः निरीक्षकः ।नवद्वारमयोदेहो देही देहभृतांवरः ॥ १०२॥

muktahasto'rthaśāstrajñaḥ sāvadhānoḥ nirīkṣakaḥ |navadvāramayodeho dehī dehabhṛtāṃvaraḥ || 102||

कोटिसूर्यप्रतीकाशः कोटिचन्द्रांशुनिर्मलः ।कोटितारकनिर्माता कोटिलोकप्रयोजकः ॥ १०३॥

koṭisūryapratīkāśaḥ koṭicandrāṃśunirmalaḥ |koṭitārakanirmātā koṭilokaprayojakaḥ || 103||

अखण्डोऽलवशः कल्यः श्रवणं श्रावकः श्रुतिः ।प्रमाणं प्रत्ययः पात्रमग्राह्यो ग्रहणं ग्रहः ॥ १०४॥

akhaṇḍo'lavaśaḥ kalyaḥ śravaṇaṃ śrāvakaḥ śrutiḥ |pramāṇaṃ pratyayaḥ pātramagrāhyo grahaṇaṃ grahaḥ || 104||

दयाकरो दयारूपो दयामूर्तिर्दयापरः ।सर्वपापप्रशान्तात्मा सर्वदुर्गतिहारकः ॥ १०५॥

dayākaro dayārūpo dayāmūrtirdayāparaḥ |sarvapāpapraśāntātmā sarvadurgatihārakaḥ || 105||

मनोजवो मरुद्वेगो भक्तानां पथनायकः ।रणज्ञो रणक्षेत्रज्ञो युद्धं योद्धा भटोऽभटः ॥ १०६॥

manojavo marudvego bhaktānāṃ pathanāyakaḥ |raṇajño raṇakṣetrajño yuddhaṃ yoddhā bhaṭo'bhaṭaḥ || 106||

सौम्याननः सौम्यभावो भक्तिदो भक्तवत्सलः ।सर्ववश्यकरोऽवश्यः सुसम्पन्नः समायकः ॥ १०७॥

saumyānanaḥ saumyabhāvo bhaktido bhaktavatsalaḥ |sarvavaśyakaro'vaśyaḥ susampannaḥ samāyakaḥ || 107||

नित्यतृप्तो लसद्भावो विश्वपूर्णः सदाक्षमी ।आशाश्रयोनिराशानां कृपालुः करुणाकरः ॥ १०८॥

nityatṛpto lasadbhāvo viśvapūrṇaḥ sadākṣamī |āśāśrayonirāśānāṃ kṛpāluḥ karuṇākaraḥ || 108||

असंप्रज्ञातसंप्रज्ञो निष्णातोऽनश्वरोऽव्ययः ।सारज्ञः सर्वधर्माणां लोकधर्मप्रवर्तकः ॥ १०९॥

asaṃprajñātasaṃprajño niṣṇāto'naśvaro'vyayaḥ |sārajñaḥ sarvadharmāṇāṃ lokadharmapravartakaḥ || 109||

सुधामयः सदारामः श्रीघनो दृष्टिमोहनः ।सूत्रधारो जगत्सूत्रं त्र्यक्षरो वागधीश्वरः ॥ ११०॥

sudhāmayaḥ sadārāmaḥ śrīghano dṛṣṭimohanaḥ |sūtradhāro jagatsūtraṃ tryakṣaro vāgadhīśvaraḥ || 110||

क्षयापस्मारकुष्टघ्नो रोगारिष्टनिवारकः ।स्वास्थ्यारोग्यप्रदः स्वस्थः सर्वामयप्रहारकः ॥ १११॥

kṣayāpasmārakuṣṭaghno rogāriṣṭanivārakaḥ |svāsthyārogyapradaḥ svasthaḥ sarvāmayaprahārakaḥ || 111||

कर्ताऽकर्ताऽन्यथाकर्ताईश्वरः सर्वशक्तिमान् ।युगकर्ता युगहर्ता अहोरात्रश्चतुर्युगम् ॥ ११२॥

kartā'kartā'nyathākartāīśvaraḥ sarvaśaktimān |yugakartā yugahartā ahorātraścaturyugam || 112||

हन्तापदां विपद्धर्ता सद्भोगनिलयोऽच्युतः ।स्वभावः सद्गतिर्भावो निर्द्वन्द्वो द्वन्द्वरूपकः ॥ ११३॥

hantāpadāṃ vipaddhartā sadbhoganilayo'cyutaḥ |svabhāvaḥ sadgatirbhāvo nirdvandvo dvandvarūpakaḥ || 113||

अनेकरूपवर्णाङ्गः पूर्वः पूर्वतरोत्तमः ।पावनः पवनः पूतः पूतनामा शुचिव्रतः ॥ ११४॥

anekarūpavarṇāṅgaḥ pūrvaḥ pūrvatarottamaḥ |pāvanaḥ pavanaḥ pūtaḥ pūtanāmā śucivrataḥ || 114||

आशुगोऽनाशुगोऽदृश्यः पवित्रं विमलोऽमलः ।सुपथः पथिकः पन्था भक्तिमार्गोपदेशकः ॥ ११५॥

āśugo'nāśugo'dṛśyaḥ pavitraṃ vimalo'malaḥ |supathaḥ pathikaḥ panthā bhaktimārgopadeśakaḥ || 115||

आरण्यको वनस्थायी ब्रह्मचारी उपासकः ।गृहस्थः पूजकः पूजा ठाकुरः कुलदेवता ॥ ११६॥

āraṇyako vanasthāyī brahmacārī upāsakaḥ |gṛhasthaḥ pūjakaḥ pūjā ṭhākuraḥ kuladevatā || 116||

मत्स्यस्तिमिङ्गिलो ग्राहः शुकः शारी विहङ्गमः ।गायकश्चित्रको गाथा शिल्पं शिल्पी नटोऽनटः ॥ ११७॥

matsyastimiṅgilo grāhaḥ śukaḥ śārī vihaṅgamaḥ |gāyakaścitrako gāthā śilpaṃ śilpī naṭo'naṭaḥ || 117||

विभ्रमो भ्रममोहघ्नः कल्पवृक्षोऽश्वत्थस्तरुः ।विटपी वल्लरी पुष्पं पङ्क्तिर्वर्गो बहुभुजः ॥ ११८॥

vibhramo bhramamohaghnaḥ kalpavṛkṣo'śvatthastaruḥ |viṭapī vallarī puṣpaṃ paṅktirvargo bahubhujaḥ || 118||

अतलो वितलव्यापी सुतलस्तलवर्जितः ।अश्वः कुरङ्गमो धेनुः शरभः सस्तनः शिखी ॥ ११९॥

atalo vitalavyāpī sutalastalavarjitaḥ |aśvaḥ kuraṅgamo dhenuḥ śarabhaḥ sastanaḥ śikhī || 119||

विज्ञानं ग्रहजिज्ञासा अनन्तानन्त्यमार्गणम् ।जीवाजीवो दृशोऽव्यक्तः परोक्षोऽव्यक्तसङ्कुलः ॥ १२०॥

vijñānaṃ grahajijñāsā anantānantyamārgaṇam |jīvājīvo dṛśo'vyaktaḥ parokṣo'vyaktasaṅkulaḥ || 120||

अद्वितीयतपोमूर्तिः स्वमायानित्यगोपितः ।सर्वतीर्थमयस्तीर्थमात्मतीर्थनिवस्थितः ॥ १२१॥

advitīyatapomūrtiḥ svamāyānityagopitaḥ |sarvatīrthamayastīrthamātmatīrthanivasthitaḥ || 121||

आत्मज्ञ आत्मनिर्दिष्टा आत्मचिदात्मधीः सुधीः ।आत्मजिदात्मसन्तुष्ट आत्मास्वात्मप्रवर्तकः ॥ १२२॥

ātmajña ātmanirdiṣṭā ātmacidātmadhīḥ sudhīḥ |ātmajidātmasantuṣṭa ātmāsvātmapravartakaḥ || 122||

विश्वश्लाघ्यो विश्वपूज्यो विश्ववन्द्यो मुनीश्वरः ।विश्वाराध्यो विश्वश्रेष्ठो विश्वेशो विश्वराड् ऋषिः ॥ १२३॥

viśvaślāghyo viśvapūjyo viśvavandyo munīśvaraḥ |viśvārādhyo viśvaśreṣṭho viśveśo viśvarāḍ ṛṣiḥ || 123||

अकायः कायसम्पन्नः परापरमयो महान् ।विशोकोऽशोककौमारः सुरेशः सुप्रभः प्रभुः ॥ १२४॥

akāyaḥ kāyasampannaḥ parāparamayo mahān |viśoko'śokakaumāraḥ sureśaḥ suprabhaḥ prabhuḥ || 124||

इति श्री जलाली कौल जियालालेण विरचितं श्रीभगवान्कालसहस्रनामस्तोत्रं सम्पूर्णम् ॥पूर्ववत्प्राणायामो न्यासश्च । अथ तर्पणम् ॥तत्सत्काल अद्यतावत् तिथावद्य अमुकमासस्य अमुक पक्षे अमुक वारेश्रीकालः कालकालः अनन्तः अजरः अमरः अभयवरप्रदः सर्वदुःखघ्नःसर्वामयहर्ता सर्वसिद्धिकर्ता सर्वकामनाभिलाषपूरकः प्रीतः प्रीतोऽस्तु ॥कालोऽहम् ॥कालकेन्द्रप्रकाशनम् जलाली निवास, कर्णनगर, श्रीनगर (कश्मीर)

iti śrī jalālī kaula jiyālāleṇa viracitaṃ śrībhagavānkālasahasranāmastotraṃ sampūrṇam ||pūrvavatprāṇāyāmo nyāsaśca | atha tarpaṇam ||tatsatkāla adyatāvat tithāvadya amukamāsasya amuka pakṣe amuka vāreśrīkālaḥ kālakālaḥ anantaḥ ajaraḥ amaraḥ abhayavarapradaḥ sarvaduḥkhaghnaḥsarvāmayahartā sarvasiddhikartā sarvakāmanābhilāṣapūrakaḥ prītaḥ prīto'stu ||kālo'ham ||kālakendraprakāśanam jalālī nivāsa, karṇanagara, śrīnagara (kaśmīra)