चक्रराजमङ्गलम् Shri Chakraraja Mangalam

मङ्गळं चक्रराजाय महनीय गुणाब्धयेपद्मनाभ करांभोज परिष्काराय मङ्गळम् ॥ १॥

maṅgaḷaṃ cakrarājāya mahanīya guṇābdhayepadmanābha karāṃbhoja pariṣkārāya maṅgaḷam || 1||

काशी विप्लोषकाराय कल्याणगुण शालिने ।मालि प्रमथनायास्तु महाधीराय मङ्गळम् ॥ २॥

kāśī viploṣakārāya kalyāṇaguṇa śāline |māli pramathanāyāstu mahādhīrāya maṅgaḷam || 2||

गजेंद्रार्ति हरायास्थु ग्राह द्वेधाद्वकारिणे ।दिनाधीश तिरोधान कर्त्रे दीप्ताय मङ्गळम् ॥ ३॥

gajeṃdrārti harāyāsthu grāha dvedhādvakāriṇe |dinādhīśa tirodhāna kartre dīptāya maṅgaḷam || 3||

चित्राकार स्वचाराय चित्त निर्वृति कारिणे ।नरकासुर संहर्त्रे नानारूपाय मङ्गळम् ॥ ४॥

citrākāra svacārāya citta nirvṛti kāriṇe |narakāsura saṃhartre nānārūpāya maṅgaḷam || 4||

चण्डास्त्राञ्चित दोर्दण्ड खण्डितामरशत्रवे ।चामीकर निभाङ्गाय चारुनेत्राय मङ्गळम् ॥ ५॥

caṇḍāstrāñcita dordaṇḍa khaṇḍitāmaraśatrave |cāmīkara nibhāṅgāya cārunetrāya maṅgaḷam || 5||

चैत्यासुर शिरोहर्त्रे चन्द्राह्ळाद कराय ते ।श्रीमते चक्रराजाय श्रितार्तिघ्नाय मङ्गळम् ॥ ६॥

caityāsura śirohartre candrāhḷāda karāya te |śrīmate cakrarājāya śritārtighnāya maṅgaḷam || 6||

॥ श्री चक्रराज मङ्गळम् समाप्तम् ॥॥ श्रीमते सुदर्शनाय नमः ॥

|| śrī cakrarāja maṅgaḷam samāptam |||| śrīmate sudarśanāya namaḥ ||