जिनसहस्रनमस्तोत्रम् ४ अर्हन्नामसहस्रसमुच्चयः १ Shri Arhan Namasahasrasamuchchayah

(श्रीहेमचन्द्राचार्यविरचितः)

(śrīhemacandrācāryaviracitaḥ)

अर्हं नामापि कर्णाभ्यां शृण्वन् वाचा समुच्चरन् ।जीवः पीवरपुण्यश्रीर्लभते फलमुत्तमम् ॥ १॥

arhaṃ nāmāpi karṇābhyāṃ śṛṇvan vācā samuccaran |jīvaḥ pīvarapuṇyaśrīrlabhate phalamuttamam || 1||

अतएव प्रतिप्रातः समुत्थाय मनीषिभिः ।भक्त्याऽष्टाग्रसहस्रार्हन्नामोच्चारो विधीयते ॥ २॥

ataeva pratiprātaḥ samutthāya manīṣibhiḥ |bhaktyā'ṣṭāgrasahasrārhannāmoccāro vidhīyate || 2||

ॐ श्रीमानर्हन् जिनः स्वामी स्वयम्भूः शम्भुरात्मभूः ।स्वयम्प्रभुः प्रभुर्भोक्ता विश्वभूरपुनर्भवः ॥ ३॥

oṃ śrīmānarhan jinaḥ svāmī svayambhūḥ śambhurātmabhūḥ |svayamprabhuḥ prabhurbhoktā viśvabhūrapunarbhavaḥ || 3||

विश्वात्मा विश्वलोकेशो विश्वतश्वक्षुरक्षरः ।विश्वविद् विश्वविद्येशो विश्वयोनिरनीश्वरः ॥ ४॥

viśvātmā viśvalokeśo viśvataśvakṣurakṣaraḥ |viśvavid viśvavidyeśo viśvayoniranīśvaraḥ || 4||

विश्वदृश्वा विभुर्धाता विश्वेशो विश्वलोचनः ।विश्वव्यापी विधुर्वेधाः शाश्वतो विश्वतोमुखः ॥ ५॥

viśvadṛśvā vibhurdhātā viśveśo viśvalocanaḥ |viśvavyāpī vidhurvedhāḥ śāśvato viśvatomukhaḥ || 5||

विश्वपो विश्वतः पादो विश्वशीर्षः शुचिश्रवाः ।विश्वदृग् विश्वभूतेशो विश्वज्योतिरनश्वरः ॥ ६॥

viśvapo viśvataḥ pādo viśvaśīrṣaḥ śuciśravāḥ |viśvadṛg viśvabhūteśo viśvajyotiranaśvaraḥ || 6||

विश्वसृट् विश्वसूर्विश्वेट् विश्वभुक् विश्वनायकः ।विश्वाशी विश्वभूतात्मा विश्वजिद् विश्वपालकः ॥ ७॥

viśvasṛṭ viśvasūrviśveṭ viśvabhuk viśvanāyakaḥ |viśvāśī viśvabhūtātmā viśvajid viśvapālakaḥ || 7||

विश्वकर्मा जगद्विश्वों विश्वमूर्त्तिर्जिनेश्वरः ।भूतभाविभवद्भर्त्ता विश्ववैद्यो यतीश्वरः ॥ ८॥

viśvakarmā jagadviśvoṃ viśvamūrttirjineśvaraḥ |bhūtabhāvibhavadbharttā viśvavaidyo yatīśvaraḥ || 8||

सर्वादिः सर्वदृक् सार्वः सर्वज्ञः सर्वदर्शनः ।सर्वात्मा सर्वलोकेशः सर्ववित् सर्वलोकजित् ॥ ९॥

sarvādiḥ sarvadṛk sārvaḥ sarvajñaḥ sarvadarśanaḥ |sarvātmā sarvalokeśaḥ sarvavit sarvalokajit || 9||

सर्वगः सुश्रुतः सुश्रूः सुवाक् सूरिबहुश्रुतः ।सहस्रशीर्षः क्षेत्रज्ञः सहस्राक्षः सहस्रपात् ॥ १०॥

sarvagaḥ suśrutaḥ suśrūḥ suvāk sūribahuśrutaḥ |sahasraśīrṣaḥ kṣetrajñaḥ sahasrākṣaḥ sahasrapāt || 10||

युगादिपुरुषो ब्रह्मा पञ्चब्रह्ममयः शिवः ।ब्रह्मविद् ब्रह्मतत्त्वज्ञो ब्रह्मयोनिरयोनिजः ॥ ११॥

yugādipuruṣo brahmā pañcabrahmamayaḥ śivaḥ |brahmavid brahmatattvajño brahmayonirayonijaḥ || 11||

ब्रह्मनिष्ठः परब्रह्म ब्रह्मात्मा ब्रह्मसम्भवः ।ब्रह्म ब्रह्मपतिर्ब्रह्मचारी ब्रह्मपदेश्वरः ॥ १२॥

brahmaniṣṭhaḥ parabrahma brahmātmā brahmasambhavaḥ |brahma brahmapatirbrahmacārī brahmapadeśvaraḥ || 12||

विष्णुर्जिष्णुर्जयी जेता जिनेन्द्रो जिनपुङ्गवः ।परः परतरः सूक्ष्मः परमेष्ठी सनातनः ॥ १३॥

viṣṇurjiṣṇurjayī jetā jinendro jinapuṅgavaḥ |paraḥ parataraḥ sūkṣmaḥ parameṣṭhī sanātanaḥ || 13||

जिननाथो जगन्नाथो जगत्स्वामी जगत्प्रभुः ।जगत्पूज्यो जगद्वन्द्यो जगदीशो जगत्पतिः ॥ १४॥

jinanātho jagannātho jagatsvāmī jagatprabhuḥ |jagatpūjyo jagadvandyo jagadīśo jagatpatiḥ || 14||

जगन्नेता जगज्जेता जगन्मान्यो जगद्विभुः ।जगज्ज्येष्ठो जगच्छ्रेष्ठो जगद्।ह्ध्येयो जगद्धितः ॥ १५॥

jagannetā jagajjetā jaganmānyo jagadvibhuḥ |jagajjyeṣṭho jagacchreṣṭho jagad|hdhyeyo jagaddhitaḥ || 15||

जगदर्च्यो जगद्बन्धुर्जगच्छास्ता जगत्पिता ।जगन्नेत्रो जगन्मैत्रो जगडीपो जगद्गुरुः ॥ १६॥

jagadarcyo jagadbandhurjagacchāstā jagatpitā |jagannetro jaganmaitro jagaḍīpo jagadguruḥ || 16||

स्वयञ्ज्योतिरजोऽजन्मा परन्तेजः परम्महः ।परमात्मा शमी शान्तः परञ्ज्योतिस्तमोऽपहः ॥ १७॥

svayañjyotirajo'janmā parantejaḥ parammahaḥ |paramātmā śamī śāntaḥ parañjyotistamo'pahaḥ || 17||

प्रशान्तारिरनन्तात्मा योगी योगीश्वरो गुरुः ।अनन्तजिदनन्तात्मा भव्यबन्धुरबन्धनः ॥ १८॥

praśāntāriranantātmā yogī yogīśvaro guruḥ |anantajidanantātmā bhavyabandhurabandhanaḥ || 18||

शुद्धबुद्धिः प्रबुद्धात्मा सिद्धार्थः सिद्धशासनः ।सिद्धः सिद्धान्तविद् ध्येयः सिद्धः साध्यः सुधीः सुगीः ॥ १९॥

śuddhabuddhiḥ prabuddhātmā siddhārthaḥ siddhaśāsanaḥ |siddhaḥ siddhāntavid dhyeyaḥ siddhaḥ sādhyaḥ sudhīḥ sugīḥ || 19||

सहिष्णुरच्युतोऽनन्तः प्रभविष्णुर्भवोद्भवः ।स्वयम्भूष्णुरसम्भूष्णुः प्रभूष्णुरभयोऽव्ययः ॥ २०॥

sahiṣṇuracyuto'nantaḥ prabhaviṣṇurbhavodbhavaḥ |svayambhūṣṇurasambhūṣṇuḥ prabhūṣṇurabhayo'vyayaḥ || 20||

दिव्यभाषापतिर्दिव्यः पूतवाक् पूतशासनः ।पूतात्मा परमज्योतिर्धर्माध्यक्ष्यो दमीश्वरः ॥ २१॥

divyabhāṣāpatirdivyaḥ pūtavāk pūtaśāsanaḥ |pūtātmā paramajyotirdharmādhyakṣyo damīśvaraḥ || 21||

निर्मोहो निर्मदो निःस्वो निर्दम्भो निरुपद्रवः ।निराधारो निराहारो निर्लोभो निश्चलोऽचलः ॥ २२॥

nirmoho nirmado niḥsvo nirdambho nirupadravaḥ |nirādhāro nirāhāro nirlobho niścalo'calaḥ || 22||

निष्कामी निर्ममो निष्वक् निष्कलङ्को निरञ्जनः ।निर्गुणो नीरसो निर्भीर्निर्व्यापारो निरामयः ॥ २३॥

niṣkāmī nirmamo niṣvak niṣkalaṅko nirañjanaḥ |nirguṇo nīraso nirbhīrnirvyāpāro nirāmayaḥ || 23||

निर्निमेषो निराबाधो निर्द्वन्द्वो निष्क्रियोऽनघः ।निःशङ्कश्च निरातङ्को निष्कलो निर्मलोऽमलः ॥ २४॥

nirnimeṣo nirābādho nirdvandvo niṣkriyo'naghaḥ |niḥśaṅkaśca nirātaṅko niṣkalo nirmalo'malaḥ || 24||

तीर्थकृत् तीर्थसृट् तीर्थङ्करस्तीर्थङ्करः सुदृक् ।तोर्थकर्त्ता तीर्थभर्त्ता तीर्थेशस्तीर्थनायकः ॥ २५॥

tīrthakṛt tīrthasṛṭ tīrthaṅkarastīrthaṅkaraḥ sudṛk |torthakarttā tīrthabharttā tīrtheśastīrthanāyakaḥ || 25||

सुतीर्थोऽधिपतितीर्थसेव्यस्तीर्थिकनायकः ।धर्मतीर्थकरस्तीर्थप्रणेता तीर्थकारकः ॥ २६॥

sutīrtho'dhipatitīrthasevyastīrthikanāyakaḥ |dharmatīrthakarastīrthapraṇetā tīrthakārakaḥ || 26||

तीर्थाधीशो महातोर्थस्तीर्थस्तीर्थविधायकः ।सत्यतीर्थङ्करस्तीर्थसेव्यस्तीर्थिकतायकः ॥ २७॥

tīrthādhīśo mahātorthastīrthastīrthavidhāyakaḥ |satyatīrthaṅkarastīrthasevyastīrthikatāyakaḥ || 27||

तीर्थनाथस्तीर्थराजस्तीर्थेट् तीर्थप्रकाशकः ।तीर्थवन्द्यस्तीर्थमुख्यस्तीर्थाराध्यः सुतीर्थिकः ॥ २८॥

tīrthanāthastīrtharājastīrtheṭ tīrthaprakāśakaḥ |tīrthavandyastīrthamukhyastīrthārādhyaḥ sutīrthikaḥ || 28||

स्थविष्ठः स्थविरो ज्येष्ठः प्रेष्ठः प्रष्ठो वरिष्ठधीः ।स्थेष्ठो गरिष्ठो वंहिष्ठो श्रेष्ठोऽणिष्ठो गरिष्ठधीः ॥ २९॥

sthaviṣṭhaḥ sthaviro jyeṣṭhaḥ preṣṭhaḥ praṣṭho variṣṭhadhīḥ |stheṣṭho gariṣṭho vaṃhiṣṭho śreṣṭho'ṇiṣṭho gariṣṭhadhīḥ || 29||

विभवो विभयो वीरो विशोको विरजो जरन् ।विरागो विमदोऽव्यक्तो विविक्तो वीतमत्सरः ॥ ३०॥

vibhavo vibhayo vīro viśoko virajo jaran |virāgo vimado'vyakto vivikto vītamatsaraḥ || 30||

वीतरागो गतद्वषो वीतमोहो विमन्मथः ।वियोगो योगविद् विद्वान् विधाता विनयी नयी ॥ ३१॥

vītarāgo gatadvaṣo vītamoho vimanmathaḥ |viyogo yogavid vidvān vidhātā vinayī nayī || 31||

क्षान्तिमान् पृथिवीमूर्त्तिः शान्तिभाक् सलिलात्मकः ।वायुमूर्त्तिरसङ्गात्मा वह्निमूर्तिरधर्मधक् ॥ ३२॥

kṣāntimān pṛthivīmūrttiḥ śāntibhāk salilātmakaḥ |vāyumūrttirasaṅgātmā vahnimūrtiradharmadhak || 32||

सुयज्वा यजमानात्मा सुत्रामस्तोमपूजितः ।ऋत्विग् यज्ञपतिर्याज्यो यज्ञाङ्गमस्तं हविः ॥ ३३॥

suyajvā yajamānātmā sutrāmastomapūjitaḥ |ṛtvig yajñapatiryājyo yajñāṅgamastaṃ haviḥ || 33||

सोममूर्त्तिः सौम्यात्मा सूर्यमूर्तिर्महाप्रभः ।व्योममूर्त्तिरमूर्त्तात्मा नीरजा वीरजाः शुचिः ॥ ३४॥

somamūrttiḥ saumyātmā sūryamūrtirmahāprabhaḥ |vyomamūrttiramūrttātmā nīrajā vīrajāḥ śuciḥ || 34||

मन्त्रविन्मन्त्रकृन्मन्त्री मन्त्रमूर्त्तिरनन्तरः ।स्वतन्त्रः सूत्रकृत् स्वत्रः कृतान्तश्च कृतान्तकृत् ॥ ३५॥

mantravinmantrakṛnmantrī mantramūrttiranantaraḥ |svatantraḥ sūtrakṛt svatraḥ kṛtāntaśca kṛtāntakṛt || 35||

कृती कृतार्थः संस्कृत्यः कृतकृत्यः कृतकृतुः ।नित्यो मृत्युञ्जयोऽमृत्युरमृतात्माऽमृतोद्भवः ॥ ३६॥

kṛtī kṛtārthaḥ saṃskṛtyaḥ kṛtakṛtyaḥ kṛtakṛtuḥ |nityo mṛtyuñjayo'mṛtyuramṛtātmā'mṛtodbhavaḥ || 36||

हिरण्यगर्भः श्रीगर्भः प्रभूतविभवोऽभवः ।स्वयम्प्रभः प्रभूतात्मा भवो भावो भवान्तकः ॥ ३७॥

hiraṇyagarbhaḥ śrīgarbhaḥ prabhūtavibhavo'bhavaḥ |svayamprabhaḥ prabhūtātmā bhavo bhāvo bhavāntakaḥ || 37||

महाशोकध्वजोऽशोकः कः स्रष्टा पद्मविष्टरः ।पद्मेशः पद्मसम्भूतिः पद्मनाभिरनुत्तरः ॥ ३८॥

mahāśokadhvajo'śokaḥ kaḥ sraṣṭā padmaviṣṭaraḥ |padmeśaḥ padmasambhūtiḥ padmanābhiranuttaraḥ || 38||

पद्मयोनिर्जगद्योनिरित्यः स्तुत्यः स्तुतीश्वरः ।स्तवनार्हो हृषीकेशोऽजितो जेयः कृतक्रियः ॥ ३९॥

padmayonirjagadyonirityaḥ stutyaḥ stutīśvaraḥ |stavanārho hṛṣīkeśo'jito jeyaḥ kṛtakriyaḥ || 39||

विशालो विपुक्षोद्योतिरतुलोऽचिन्त्यवैभवः ।सुसंवृत्तः सुगुप्तात्मा शुभंयुः शुभकर्मकृत् ॥ ४०॥

viśālo vipukṣodyotiratulo'cintyavaibhavaḥ |susaṃvṛttaḥ suguptātmā śubhaṃyuḥ śubhakarmakṛt || 40||

एकविद्यो महावैद्यो मुनिः परिवृढो दृढः ।पतिर्विद्यानिधिः साक्षी विनेता वितान्तकः ॥ ४१॥

ekavidyo mahāvaidyo muniḥ parivṛḍho dṛḍhaḥ |patirvidyānidhiḥ sākṣī vinetā vitāntakaḥ || 41||

पिता पितामहः पाता पवित्रः पावनो गतिः ।त्राता भिषग्वरो वर्यो वरदः पारदः पुमान् ॥ ४२॥

pitā pitāmahaḥ pātā pavitraḥ pāvano gatiḥ |trātā bhiṣagvaro varyo varadaḥ pāradaḥ pumān || 42||

कविः पुराणपुरुषो वर्षीयान् ऋषभः पुरः ।प्रतिष्ठाप्रसवो हेतुर्भुवनैकपितामहः ॥ ४३॥

kaviḥ purāṇapuruṣo varṣīyān ṛṣabhaḥ puraḥ |pratiṣṭhāprasavo heturbhuvanaikapitāmahaḥ || 43||

श्रीवत्सलक्षणेश्लक्षणो लक्षण्यः शुभलक्षणः ।निरक्षः पुण्डरीकाक्षः पुष्कलः पुष्कलेक्षणः ॥ ४४॥

śrīvatsalakṣaṇeślakṣaṇo lakṣaṇyaḥ śubhalakṣaṇaḥ |nirakṣaḥ puṇḍarīkākṣaḥ puṣkalaḥ puṣkalekṣaṇaḥ || 44||

सिद्धिदः सिद्धसङ्कल्पः सिद्धात्मा सिद्धशासनः ।बुद्धबोध्यो महाबुद्धिर्वर्धमानो महर्द्धिकः ॥ ४५॥

siddhidaḥ siddhasaṅkalpaḥ siddhātmā siddhaśāsanaḥ |buddhabodhyo mahābuddhirvardhamāno maharddhikaḥ || 45||

वेदाङ्गो वेदविद् वेद्यो जातरूपो विदांवरः ।वेदवेद्यः स्वसंवेद्यो विवेदो वदतांवरः ॥ ४६॥

vedāṅgo vedavid vedyo jātarūpo vidāṃvaraḥ |vedavedyaḥ svasaṃvedyo vivedo vadatāṃvaraḥ || 46||

सुधर्मा धर्मधीर्धर्मो धर्मात्मा धर्मदेशकः ।धर्मचक्री दयाधर्मः शुद्धधर्मो वृषध्वजः ॥ ४७॥

sudharmā dharmadhīrdharmo dharmātmā dharmadeśakaḥ |dharmacakrī dayādharmaḥ śuddhadharmo vṛṣadhvajaḥ || 47||

वृषकेतुर्वृषाधीशो वृषाङ्कश्च वृषोद्भवः ।हिरण्यनाभिर्भूतात्मा भूतभृद् भूतभावनः ॥ ४८॥

vṛṣaketurvṛṣādhīśo vṛṣāṅkaśca vṛṣodbhavaḥ |hiraṇyanābhirbhūtātmā bhūtabhṛd bhūtabhāvanaḥ || 48||

प्रभवो विभवो भास्वान् मुक्तः शक्तोऽक्षयोऽक्षतः ।कूटस्थः स्थाणुरक्षोभ्यः शास्ता नेताऽचल स्थितिः ॥ ४९॥

prabhavo vibhavo bhāsvān muktaḥ śakto'kṣayo'kṣataḥ |kūṭasthaḥ sthāṇurakṣobhyaḥ śāstā netā'cala sthitiḥ || 49||

अग्रणीर्ग्रामणीर्ग्रण्यो गण्यगण्यो गणाग्रणीः ।गणाधिपो गणाधीशो गणज्येष्ठो गणार्चितः ॥ ५०॥

agraṇīrgrāmaṇīrgraṇyo gaṇyagaṇyo gaṇāgraṇīḥ |gaṇādhipo gaṇādhīśo gaṇajyeṣṭho gaṇārcitaḥ || 50||

गुणाकरो गुणाम्भोधिर्गुणज्ञो गुणवान् गुणी ।गुणादरो गुणोच्छेदी सुगुणोऽगुणवर्जितः ॥ ५१॥

guṇākaro guṇāmbhodhirguṇajño guṇavān guṇī |guṇādaro guṇocchedī suguṇo'guṇavarjitaḥ || 51||

शरण्यः पुण्यवाक् पूतो वरेण्यः पुण्यगोर्गुणः ।अगण्यपुण्यधोः पुण्यः पुण्यकृत् पुण्यशासनः ॥ ५२॥

śaraṇyaḥ puṇyavāk pūto vareṇyaḥ puṇyagorguṇaḥ |agaṇyapuṇyadhoḥ puṇyaḥ puṇyakṛt puṇyaśāsanaḥ || 52||

अतीन्द्रोऽतीन्द्रियोऽधीन्द्रो महेन्द्रोऽतीन्द्रियार्थदृक् ।अतीन्द्रियो महेन्द्रार्च्यो महेन्द्रमहितो महान् ॥ ५३॥

atīndro'tīndriyo'dhīndro mahendro'tīndriyārthadṛk |atīndriyo mahendrārcyo mahendramahito mahān || 53||

उद्भवः कारणं कर्त्ता पारगो भवतारकः ।अग्राह्यो गहनं गुह्यः परद्धिः परमेश्वरः ॥ ५४॥

udbhavaḥ kāraṇaṃ karttā pārago bhavatārakaḥ |agrāhyo gahanaṃ guhyaḥ paraddhiḥ parameśvaraḥ || 54||

अनन्तर्द्धिरमेयर्द्धिरचिन्त्यर्द्धिः समग्रधीः ।प्राग्र्यः प्राम्यहरोऽत्यग्रः प्रत्यग्रोऽग्रोऽग्रिमोऽग्रजः ॥ ५५॥

anantarddhirameyarddhiracintyarddhiḥ samagradhīḥ |prāgryaḥ prāmyaharo'tyagraḥ pratyagro'gro'grimo'grajaḥ || 55||

प्राणकः प्रणवः प्राणः प्राणदः प्राणितेश्वरः ।प्रधानमात्मा प्रकृतिः परमः परमोदयः ॥ ५६॥

prāṇakaḥ praṇavaḥ prāṇaḥ prāṇadaḥ prāṇiteśvaraḥ |pradhānamātmā prakṛtiḥ paramaḥ paramodayaḥ || 56||

महाजिनो महाबुद्धो महाब्रह्मा महाशिवः ।महाविष्णुर्महाजिदणुर्महानाथो महेश्वरः ॥ ५७॥

mahājino mahābuddho mahābrahmā mahāśivaḥ |mahāviṣṇurmahājidaṇurmahānātho maheśvaraḥ || 57||

महादेवो महास्वामी महाराजो महाप्रभुः ।महाचन्द्रो महादित्यो महाशूरो महागुरुः ॥ ५८॥

mahādevo mahāsvāmī mahārājo mahāprabhuḥ |mahācandro mahādityo mahāśūro mahāguruḥ || 58||

महातपा महातेजा महोदर्को महामयः ।महायशो महाधामा महासत्त्वो महाबलः ॥ ५९॥

mahātapā mahātejā mahodarko mahāmayaḥ |mahāyaśo mahādhāmā mahāsattvo mahābalaḥ || 59||

महाधैर्यो महावीर्यो महाकान्तिर्महाद्युतिः ।महाशक्तिर्महाज्योतिर्महाभूतिर्महाधृतिः ॥ ६०॥

mahādhairyo mahāvīryo mahākāntirmahādyutiḥ |mahāśaktirmahājyotirmahābhūtirmahādhṛtiḥ || 60||

महामतिर्महानीतिर्महाक्षान्तिर्महाकृतिः ।महाकीत्तिर्महास्फूर्तिर्महाप्रज्ञो महोदयः ॥ ६७॥

mahāmatirmahānītirmahākṣāntirmahākṛtiḥ |mahākīttirmahāsphūrtirmahāprajño mahodayaḥ || 67||

महाभागो महाभोगो महारूपो महावपुः ।महादानो महाज्ञानो महाशास्ता महामहः ॥ ६८॥

mahābhāgo mahābhogo mahārūpo mahāvapuḥ |mahādāno mahājñāno mahāśāstā mahāmahaḥ || 68||

महामुनिर्महामौनी महाध्यानो महादमः ।महाक्षमो महाशीलो महायोगो महालयः ॥ ६९॥

mahāmunirmahāmaunī mahādhyāno mahādamaḥ |mahākṣamo mahāśīlo mahāyogo mahālayaḥ || 69||

महाव्रतो महायज्ञो महाश्रेष्ठो महाकविः ।महामन्त्रो महातन्त्रो महोपायो महानयः ॥ ७०॥

mahāvrato mahāyajño mahāśreṣṭho mahākaviḥ |mahāmantro mahātantro mahopāyo mahānayaḥ || 70||

महाकारुणिको मन्ता महानादो महायतिः ।महामोदो महाघोषो महेज्यो महसाम्पतिः ॥ ७१॥

mahākāruṇiko mantā mahānādo mahāyatiḥ |mahāmodo mahāghoṣo mahejyo mahasāmpatiḥ || 71||

महावीरो महाधीरो महाधुर्यो महेष्ठवाक् ।महात्मा महसां धाम महर्षिर्महितोदयः ॥ ७२॥

mahāvīro mahādhīro mahādhuryo maheṣṭhavāk |mahātmā mahasāṃ dhāma maharṣirmahitodayaḥ || 72||

महामुक्तिर्महागुप्तिर्महासत्यो महार्जवः ।महाबुद्धिर्महासिद्धिर्महाशौचो महावशी ॥ ७३॥

mahāmuktirmahāguptirmahāsatyo mahārjavaḥ |mahābuddhirmahāsiddhirmahāśauco mahāvaśī || 73||

महाधर्मा महाशर्मा महात्मज्ञो महाशयः ।महामोक्षो महासौख्यो महानन्दो महोदयः ॥ ७४॥

mahādharmā mahāśarmā mahātmajño mahāśayaḥ |mahāmokṣo mahāsaukhyo mahānando mahodayaḥ || 74||

महाभवाब्धिसन्तारी महामोहारिसूदनः ।महायोगीश्वराराध्यो महामुक्तिपदेश्वरः ॥ ७५॥

mahābhavābdhisantārī mahāmohārisūdanaḥ |mahāyogīśvarārādhyo mahāmuktipadeśvaraḥ || 75||

आनन्दो नन्दनो नन्दो वन्द्यो नन्द्योऽभिनन्दनः ।कामहा कामदः काम्यः कामधेनुररिञ्जयः ॥ ७६॥

ānando nandano nando vandyo nandyo'bhinandanaḥ |kāmahā kāmadaḥ kāmyaḥ kāmadhenurariñjayaḥ || 76||

मनःक्लेशापहः साधुरुत्तमोऽघहरो हरः ।असङ्ख्येयः प्रमेयात्मा शमात्मा प्रशमाकरः ॥ ७७॥

manaḥkleśāpahaḥ sādhuruttamo'ghaharo haraḥ |asaṅkhyeyaḥ prameyātmā śamātmā praśamākaraḥ || 77||

सर्वयोगीश्वरश्चिन्त्यः श्रुतात्मा विष्टरश्रवाः ।दान्तात्मा दमतीर्थेशो योगात्मा योगसाधकः ॥ ७८॥

sarvayogīśvaraścintyaḥ śrutātmā viṣṭaraśravāḥ |dāntātmā damatīrtheśo yogātmā yogasādhakaḥ || 78||

प्रमाणपरिधिर्दक्षो दक्षिणोऽध्वर्युरध्वरः ।प्रक्षीणबन्धः कर्मारिः क्षेमकृत्क्षेमशासनः ॥ ७९॥

pramāṇaparidhirdakṣo dakṣiṇo'dhvaryuradhvaraḥ |prakṣīṇabandhaḥ karmāriḥ kṣemakṛtkṣemaśāsanaḥ || 79||

क्षेमी क्षेमङ्करोऽक्षय्यः क्षेमधर्मा क्षमापतिः ।अग्राह्यो ज्ञानिविज्ञेयो ज्ञानिगम्यो जिनोत्तमः ॥ ८०॥

kṣemī kṣemaṅkaro'kṣayyaḥ kṣemadharmā kṣamāpatiḥ |agrāhyo jñānivijñeyo jñānigamyo jinottamaḥ || 80||

जिनेन्दुर्जनितानन्दो मुनीन्दुर्दुन्दुभिस्वनः ।मुनीन्द्रवन्द्यो योगीन्द्रो यतीन्द्रो यतिनायकः ॥ ८१॥

jinendurjanitānando munīndurdundubhisvanaḥ |munīndravandyo yogīndro yatīndro yatināyakaḥ || 81||

असंस्कृतः सुसंस्कारः प्राकृतो वैकृतान्तवित् ।अन्तकृत् कान्तगुः कान्तश्चिन्तामणिरभीष्टदः ॥ ८२॥

asaṃskṛtaḥ susaṃskāraḥ prākṛto vaikṛtāntavit |antakṛt kāntaguḥ kāntaścintāmaṇirabhīṣṭadaḥ || 82||

अजितो जितकामारिरमितोऽमितशासनः ।जितक्रोधो जितामित्रो जितक्लेशो जितान्तकः ॥ ८३॥

ajito jitakāmāriramito'mitaśāsanaḥ |jitakrodho jitāmitro jitakleśo jitāntakaḥ || 83||

सत्यात्मा सत्यविज्ञानः सत्यवाक् सत्यशासनः ।सत्याशीः सत्यसन्धानः सत्यः सत्यपरायणः ॥ ८४॥

satyātmā satyavijñānaḥ satyavāk satyaśāsanaḥ |satyāśīḥ satyasandhānaḥ satyaḥ satyaparāyaṇaḥ || 84||

सदायोगः सदाभोगः सदातृप्तः सदाशिवः ।सदागतिः सदासौख्यः सदाविद्यः सदोदयः ॥ ८५॥

sadāyogaḥ sadābhogaḥ sadātṛptaḥ sadāśivaḥ |sadāgatiḥ sadāsaukhyaḥ sadāvidyaḥ sadodayaḥ || 85||

सुघोषः सुमुखः सौम्यः सुखदः सुहितः सुहृत् ।सुगुप्तो गुप्तिभृद् गोप्ता गुप्ताक्षो गुप्तमानसः ॥ ८६॥

sughoṣaḥ sumukhaḥ saumyaḥ sukhadaḥ suhitaḥ suhṛt |sugupto guptibhṛd goptā guptākṣo guptamānasaḥ || 86||

बृहद् बृहस्पतिर्वाग्मी वाचस्पतिरुदारधीः ।मनीषी धिषणो धीमान् शेमुषीशो गिराम्पतिः ॥ ८७॥

bṛhad bṛhaspatirvāgmī vācaspatirudāradhīḥ |manīṣī dhiṣaṇo dhīmān śemuṣīśo girāmpatiḥ || 87||

नैकरूपो नयोत्तुङ्गो नैकात्मा नैकधर्मकृत् ।अविज्ऽमेयोऽप्रतर्क्यात्मा कृतज्ञः कृतलक्षणः ॥ ८८॥

naikarūpo nayottuṅgo naikātmā naikadharmakṛt |avij'meyo'pratarkyātmā kṛtajñaḥ kṛtalakṣaṇaḥ || 88||

ज्ञानगर्भो दयागर्भो रत्नगर्भः प्रभास्वरः ।पद्मगर्भो जगद्गर्भो हेमगर्भः सुदर्शनः ॥ ८९॥

jñānagarbho dayāgarbho ratnagarbhaḥ prabhāsvaraḥ |padmagarbho jagadgarbho hemagarbhaḥ sudarśanaḥ || 89||

लक्ष्मीशः सदयोऽध्यक्षो दृढयोनिर्नगीशिता ।मनोहरो मनोज्ञोऽर्हो धीरो गम्भीरशासनः ॥ ९०॥

lakṣmīśaḥ sadayo'dhyakṣo dṛḍhayonirnagīśitā |manoharo manojño'rho dhīro gambhīraśāsanaḥ || 90||

धर्मयूपो दयायागो धर्मनेमिर्मुनीश्वरः ।धर्मचक्रायुधी देवः कर्महा धर्मघोषणः ॥ ९१॥

dharmayūpo dayāyāgo dharmanemirmunīśvaraḥ |dharmacakrāyudhī devaḥ karmahā dharmaghoṣaṇaḥ || 91||

स्थेयान् स्थवीयान् नेदीयान् दवीयान् दूरदर्शनः ।सुस्थितः स्वास्थ्यभाक् सुस्थो नीरजस्को गतस्पृहः ॥ ९२॥

stheyān sthavīyān nedīyān davīyān dūradarśanaḥ |susthitaḥ svāsthyabhāk sustho nīrajasko gataspṛhaḥ || 92||

वश्येन्द्रियो विमुक्तात्मा निःसपत्नो जितेन्द्रियः ।श्रीनिवासश्चतुर्वक्त्रश्चतुरास्यश्चतुर्मुखः ॥ ९३॥

vaśyendriyo vimuktātmā niḥsapatno jitendriyaḥ |śrīnivāsaścaturvaktraścaturāsyaścaturmukhaḥ || 93||

अध्यात्मगम्योऽगम्यात्मा योगात्मा योगिवन्दितः ।सर्वत्रगः सदाभावी त्रिकालविषयार्थदृक् ॥ ९४॥

adhyātmagamyo'gamyātmā yogātmā yogivanditaḥ |sarvatragaḥ sadābhāvī trikālaviṣayārthadṛk || 94||

शङ्करः सुखदो दान्तो दमी क्षान्तिपरायणः ।स्वानन्दः परमानन्दः सूक्ष्मवर्चाः परापरः ॥ ९५॥

śaṅkaraḥ sukhado dānto damī kṣāntiparāyaṇaḥ |svānandaḥ paramānandaḥ sūkṣmavarcāḥ parāparaḥ || 95||

अमोघोऽमोघवाक् स्वाज्ञो दिव्यदृष्टिगोचरः ।सुरूपः सुभगस्त्यागी मूर्तोऽमूर्तः समाहितः ॥ ९६॥

amogho'moghavāk svājño divyadṛṣṭigocaraḥ |surūpaḥ subhagastyāgī mūrto'mūrtaḥ samāhitaḥ || 96||

एकोऽनेको निरालम्बोऽनीदृग् नाथो निरन्तरः ।प्रार्थ्योऽभ्यर्थ्यः समभ्यर्च्यस्त्रिजगन्मङ्गलोदयः ॥ ९७॥

eko'neko nirālambo'nīdṛg nātho nirantaraḥ |prārthyo'bhyarthyaḥ samabhyarcyastrijaganmaṅgalodayaḥ || 97||

ईशोऽधीशोऽधिपोऽधीन्द्रो ध्येयोऽमेयो दयामयः ।शिवः शूरः शुभः सारः शिष्टः स्पष्टः स्फुटोऽस्फुटः ॥ ९८॥

īśo'dhīśo'dhipo'dhīndro dhyeyo'meyo dayāmayaḥ |śivaḥ śūraḥ śubhaḥ sāraḥ śiṣṭaḥ spaṣṭaḥ sphuṭo'sphuṭaḥ || 98||

इष्टः पुष्टः क्षमोऽक्षामोऽकायोऽमायोऽस्मयोऽमयः ।दृश्वोऽदृश्योऽणुरस्थूलो जीर्णो नव्यो गुरुर्लघुः ॥ ९९॥

iṣṭaḥ puṣṭaḥ kṣamo'kṣāmo'kāyo'māyo'smayo'mayaḥ |dṛśvo'dṛśyo'ṇurasthūlo jīrṇo navyo gururlaghuḥ || 99||

स्वभूः स्वात्मा स्वयम्बुद्धः स्वेशः स्वैरीश्वरः स्वरः ।आद्योऽलचयोऽपरोऽरूपोऽस्पर्शोऽशाष्टोऽरिहाऽरुहः ॥ १००॥

svabhūḥ svātmā svayambuddhaḥ sveśaḥ svairīśvaraḥ svaraḥ |ādyo'lacayo'paro'rūpo'sparśo'śāṣṭo'rihā'ruhaḥ || 100||

दीप्तोऽलेश्योऽरसोऽगन्धोऽच्छेद्योऽभेद्योऽजरोऽमरः ।प्राज्ञो धन्यो यतिः पूज्यो मह्योऽर्च्यः प्रशमी यमी ॥ १०१॥

dīpto'leśyo'raso'gandho'cchedyo'bhedyo'jaro'maraḥ |prājño dhanyo yatiḥ pūjyo mahyo'rcyaḥ praśamī yamī || 101||

श्रीशः श्रीन्द्रः शुभः सुश्रीरुत्तमश्रीः श्रियः पतिः ।श्रीपतिः श्रीपरः श्रीपः सच्छ्रीः श्रीयुक् श्रियाश्रितः ॥ १०२॥

śrīśaḥ śrīndraḥ śubhaḥ suśrīruttamaśrīḥ śriyaḥ patiḥ |śrīpatiḥ śrīparaḥ śrīpaḥ sacchrīḥ śrīyuk śriyāśritaḥ || 102||

ज्ञानी तपस्वी तेजस्वी यशस्वी बलवान् बली ।दानी ध्यानी मुनिमौन्नी लयी लक्ष्यः क्षयी क्षमी ॥ १०३॥

jñānī tapasvī tejasvī yaśasvī balavān balī |dānī dhyānī munimaunnī layī lakṣyaḥ kṣayī kṣamī || 103||

लक्ष्मीवान् भगवान् श्रेयान् सुगतः सुतनुर्बुधः ।बुद्धो वृद्धः स्वयंसिद्धः प्रोच्चः प्रांशुः प्रभामयः ॥ १०४॥

lakṣmīvān bhagavān śreyān sugataḥ sutanurbudhaḥ |buddho vṛddhaḥ svayaṃsiddhaḥ proccaḥ prāṃśuḥ prabhāmayaḥ || 104||

आदिदेवो देवदेवः पुरुदेवोऽधिदेवता ।युगादीशो युगाधीशो युगमुख्यो युगोत्तमः ॥ १०५॥

ādidevo devadevaḥ purudevo'dhidevatā |yugādīśo yugādhīśo yugamukhyo yugottamaḥ || 105||

दीप्तः प्रदीप्तः सूर्याभोऽरिघ्नोऽविघ्नोऽघनो घनः ।शत्रुघ्नः प्रतिघस्तुङ्गोऽसङ्गः स्वङ्गोऽग्रगः सुगः ॥ १०६॥

dīptaḥ pradīptaḥ sūryābho'righno'vighno'ghano ghanaḥ |śatrughnaḥ pratighastuṅgo'saṅgaḥ svaṅgo'gragaḥ sugaḥ || 106||

स्याद्वादी दिव्यगीर्दिव्यध्वनिरुद्दामगीः प्रगीः ।पुण्यवागर्त्र्यवागर्धमागधीयोक्तिरिद्धगीः ॥ १०७॥

syādvādī divyagīrdivyadhvaniruddāmagīḥ pragīḥ |puṇyavāgartryavāgardhamāgadhīyoktiriddhagīḥ || 107||

पुराणपुरुषोऽपूर्वोऽपूर्वश्रीः पूर्वदेशकः ।जिनदेवो जिनाधीशो जिननाथो जिनाग्रणीः ॥ १०८॥

purāṇapuruṣo'pūrvo'pūrvaśrīḥ pūrvadeśakaḥ |jinadevo jinādhīśo jinanātho jināgraṇīḥ || 108||

शान्तिनिष्ठो मुनिज्येष्ठः शिवतातिः शिवप्रदः ।शान्तिकृत् शान्तिदः शान्तिः कान्तिमान् कामितप्रदः ॥ १०९॥

śāntiniṣṭho munijyeṣṭhaḥ śivatātiḥ śivapradaḥ |śāntikṛt śāntidaḥ śāntiḥ kāntimān kāmitapradaḥ || 109||

श्रियान्निधिरधिष्ठानमप्रतिष्ठः प्रतिष्टितः ।सुस्थितः स्थावरः स्थाणुः पृथीयान् प्रथितः पृथुः ॥ ११०॥

śriyānnidhiradhiṣṭhānamapratiṣṭhaḥ pratiṣṭitaḥ |susthitaḥ sthāvaraḥ sthāṇuḥ pṛthīyān prathitaḥ pṛthuḥ || 110||

पुण्यराशिः श्रियोराशिस्ते जोराशिरसंशयी ।ज्ञानोदधिरनन्तौजा ज्योतिमूर्त्तिरनन्तधीः ॥ १११॥

puṇyarāśiḥ śriyorāśiste jorāśirasaṃśayī |jñānodadhiranantaujā jyotimūrttiranantadhīḥ || 111||

विज्ञानोऽप्रतिमो भिक्षुर्मुक्षुर्मुनिपुङ्गवः ।अनिद्रालुरतन्द्रालुर्जागरूकः प्रमामयः ॥ ११२॥

vijñāno'pratimo bhikṣurmukṣurmunipuṅgavaḥ |anidrāluratandrālurjāgarūkaḥ pramāmayaḥ || 112||

कर्मण्यः कर्मठोऽकुण्ठो रुद्रो भद्रोऽभयङ्करः ।लोकोत्तरो लोकपतिर्लोकेशो लोकवत्सलः ॥ ११३॥

karmaṇyaḥ karmaṭho'kuṇṭho rudro bhadro'bhayaṅkaraḥ |lokottaro lokapatirlokeśo lokavatsalaḥ || 113||

त्रिलोकीशस्त्रिकालज्ञस्त्रिनेत्रस्त्रिपुरान्तकः ।त्र्यम्बकः केवलालोकः केवली केवलेक्षणः ॥ ११४॥

trilokīśastrikālajñastrinetrastripurāntakaḥ |tryambakaḥ kevalālokaḥ kevalī kevalekṣaṇaḥ || 114||

समन्तभद्रः शान्तादिर्धर्माचार्यो दयानिधिः ।सूक्ष्मदर्शी सुमार्गज्ञः कृपालुर्मार्गर्शकः ॥ ११५॥

samantabhadraḥ śāntādirdharmācāryo dayānidhiḥ |sūkṣmadarśī sumārgajñaḥ kṛpālurmārgarśakaḥ || 115||

प्रातिहार्योज्ज्वलस्फीतातिशयो विमलाशयः ।सिद्वानन्तचतुष्कश्रीर्जीयाच्छ्रीजिनपुङ्गवः ॥ ११६॥

prātihāryojjvalasphītātiśayo vimalāśayaḥ |sidvānantacatuṣkaśrīrjīyācchrījinapuṅgavaḥ || 116||

एतदष्टोत्तरं नामसहस्रं श्रीमदर्हतः ।भव्याः पठन्तु सानन्दं महानन्दैककारणम् ॥ ११७॥

etadaṣṭottaraṃ nāmasahasraṃ śrīmadarhataḥ |bhavyāḥ paṭhantu sānandaṃ mahānandaikakāraṇam || 117||

इत्येतज्जिनदेवस्य जिननामसहस्रकम् ।सर्वापराधशमनं परं भक्तिविवर्धनम् ॥ ११८॥

ityetajjinadevasya jinanāmasahasrakam |sarvāparādhaśamanaṃ paraṃ bhaktivivardhanam || 118||

अक्षयं त्रिषु लोकेषु सर्वस्वर्गैकसाधनम् ।स्वर्गलोकैकसोपानं सर्वदुःखैकनाशनम् ॥ ११९॥

akṣayaṃ triṣu lokeṣu sarvasvargaikasādhanam |svargalokaikasopānaṃ sarvaduḥkhaikanāśanam || 119||

समस्तदुःखहं सद्यः परं निर्वाणदायकम् ।कामक्रोधादिनिःशेषमनोमलविशोधनम् ॥ १२०॥

samastaduḥkhahaṃ sadyaḥ paraṃ nirvāṇadāyakam |kāmakrodhādiniḥśeṣamanomalaviśodhanam || 120||

शान्तिदं पावनं नृणां महापातकनाशनम् ।सर्वेषां प्राणिनामाशु सर्वाभीष्टफलप्रदम् ॥ १२१॥

śāntidaṃ pāvanaṃ nṛṇāṃ mahāpātakanāśanam |sarveṣāṃ prāṇināmāśu sarvābhīṣṭaphalapradam || 121||

जगज्जाड्यप्रशमनं सर्वविद्याप्रवर्त्तकम् ।राज्यदं राज्यभ्रष्टानां रोगिणां सर्वरोगहृत् ॥ १२२॥

jagajjāḍyapraśamanaṃ sarvavidyāpravarttakam |rājyadaṃ rājyabhraṣṭānāṃ rogiṇāṃ sarvarogahṛt || 122||

वन्ध्यानां सुतदं चाशु क्षीणानां जीवितप्रदम् ।भूतग्रहविषध्वंसि श्रवणात् पठनाज्जपात् ॥ १२३॥

vandhyānāṃ sutadaṃ cāśu kṣīṇānāṃ jīvitapradam |bhūtagrahaviṣadhvaṃsi śravaṇāt paṭhanājjapāt || 123||

इति श्रीहेमचन्द्राचार्यविरचितः श्रीअर्हन्नामसहस्रसमुच्चयः समाप्तः ।

iti śrīhemacandrācāryaviracitaḥ śrīarhannāmasahasrasamuccayaḥ samāptaḥ |