सायिजन्मर्क्षघण्टाध्वनयः Shayi Zanmarksha Ghantadhvanayah

(श्रीमतः एन्\। कस्तूरिमहाशयस्य आङ्ग्लकवितायाः विवर्तनम्)शृणु पर्तिपुरीघण्टा नदन्ति मधुरस्वराम् ।प्रतिध्वनन्ति भूपृष्ठे सागरे न नभस्तले ॥ १॥

(śrīmataḥ en\| kastūrimahāśayasya āṅglakavitāyāḥ vivartanam)śṛṇu partipurīghaṇṭā nadanti madhurasvarām |pratidhvananti bhūpṛṣṭhe sāgare na nabhastale || 1||

शिलोच्चायात् खमारोढुं सविता त्वरतेतराम् ।मा भूद्विलम्बो दीपस्य भगवत्सन्निधाविति ॥ २॥

śiloccāyāt khamāroḍhuṃ savitā tvaratetarām |mā bhūdvilambo dīpasya bhagavatsannidhāviti || 2||

विलम्बमानास्तिष्ठन्ति तारका व्योमसीमसु ।स्थातव्यं वीक्षितव्यं चेत्यौत्सुक्यविनियन्त्रिताः ॥ ३॥

vilambamānāstiṣṭhanti tārakā vyomasīmasu |sthātavyaṃ vīkṣitavyaṃ cetyautsukyaviniyantritāḥ || 3||

आपाततोऽप्यास्वदितुं रङ्गमेतं मनोहरम् ।आकेकराक्षिकलया चद्रमा समुदीक्षते ॥ ४॥

āpātato'pyāsvadituṃ raṅgametaṃ manoharam |ākekarākṣikalayā cadramā samudīkṣate || 4||

मेघाः प्रतप्तसौवर्णकौशेयकविभूषिताः ।द्यौः पिङ्गनीलवर्णाढ्यचेलाञ्चितकलेवरा ॥ ५॥

meghāḥ prataptasauvarṇakauśeyakavibhūṣitāḥ |dyauḥ piṅganīlavarṇāḍhyacelāñcitakalevarā || 5||

परितोऽवस्थिताः शैलकूटास्ते शान्तिबन्धुराः ।सन्तृप्ता भान्ति हरितैर्वसनैर्गृहनिर्मितैः ॥ ६॥

parito'vasthitāḥ śailakūṭāste śāntibandhurāḥ |santṛptā bhānti haritairvasanairgṛhanirmitaiḥ || 6||

इतस्ततश्चोत्प्लवनक्रीडानिर्वेशनिवृताः ।आप्रभाताद्यथाकामं विचरन्त्यजपोतकाः ॥ ७॥

itastataścotplavanakrīḍānirveśanivṛtāḥ |āprabhātādyathākāmaṃ vicarantyajapotakāḥ || 7||

आह्लादभरितः सर्वे दृश्यन्ते च महीरुहाः ।भान्ति सङ्गीतमधुराः शाखाः पत्रावली भृताः ॥ ८॥

āhlādabharitaḥ sarve dṛśyante ca mahīruhāḥ |bhānti saṅgītamadhurāḥ śākhāḥ patrāvalī bhṛtāḥ || 8||

पत्रिका च तृणस्येयमवरा च वराकिका ।धत्ते वज्रमयं कर्णभूषणं दीप्तिसुन्दरम् ॥ ९॥

patrikā ca tṛṇasyeyamavarā ca varākikā |dhatte vajramayaṃ karṇabhūṣaṇaṃ dīptisundaram || 9||

स कपोतः पक्षिजातावमिमानैकभाजनम् ।यं विशुद्धे विभातेऽस्मिन् विमोचयति स प्रभुः ॥ १०॥

sa kapotaḥ pakṣijātāvamimānaikabhājanam |yaṃ viśuddhe vibhāte'smin vimocayati sa prabhuḥ || 10||

काकाश्चरन्तो विप्राद्विटपं प्लुतिशालिनः ।निर्भया निस्त्रपाश्चैव दिनेऽस्मिन् विहरन्ति हि ॥ ११॥

kākāścaranto viprādviṭapaṃ plutiśālinaḥ |nirbhayā nistrapāścaiva dine'smin viharanti hi || 11||

उदग्रे परमानन्दे निमग्ना निरुपद्रवाः ।अहो ते विचरन्त्येव काकागतिमयन्त्रितम् ॥ १२॥

udagre paramānande nimagnā nirupadravāḥ |aho te vicarantyeva kākāgatimayantritam || 12||

अस्मिन् पुण्यदिने सर्वे विश्रामं मधुपाः गताः ।प्रभोर्वैभातिकसुमानीति नोचुम्बितानि तैः ॥ १३॥

asmin puṇyadine sarve viśrāmaṃ madhupāḥ gatāḥ |prabhorvaibhātikasumānīti nocumbitāni taiḥ || 13||

इयं कृतज्ञतापूर्णा सायिगीता मनस्विनी ।आरण्यके कुटगर्ते स्वजनत्यागदुखदे ॥ १४॥

iyaṃ kṛtajñatāpūrṇā sāyigītā manasvinī |āraṇyake kuṭagarte svajanatyāgadukhade || 14||

तया लब्धं महाभाग्यं तत्प्रसादिदं किल ।श्रोतुं घण्टास्वनं चैवं प्रणन्तुं पदयोः प्रभोः ॥ १५॥

tayā labdhaṃ mahābhāgyaṃ tatprasādidaṃ kila |śrotuṃ ghaṇṭāsvanaṃ caivaṃ praṇantuṃ padayoḥ prabhoḥ || 15||

तीर्थके पादाघातसमुत्सुकहृदन्तराः ।प्रकाशन्ते च सिकता दीप्तिसुस्मितसुन्दराः ॥ १६॥

tīrthake pādāghātasamutsukahṛdantarāḥ |prakāśante ca sikatā dīptisusmitasundarāḥ || 16||

परिपावनमन्योन्यलयमीश्वरमत्र्ययोः ।अनुभूय जगत्प्राणमण्डलं स्पन्दतेतराम् ॥ १७॥

paripāvanamanyonyalayamīśvaramatryayoḥ |anubhūya jagatprāṇamaṇḍalaṃ spandatetarām || 17||

इति श्रीवासुदेवन् एलयथेन विरचितः सायिजन्मर्क्षघण्टाध्वनयः सम्पूर्णः ।

iti śrīvāsudevan elayathena viracitaḥ sāyijanmarkṣaghaṇṭādhvanayaḥ sampūrṇaḥ |