stotram Agni Ashtottarashatanamastotram

ॐ श्रीगणेशाय नमः ।अथ अग्नेः अष्टोत्तरशतनामस्तोत्रम् ।अकारदिक्रमेणअजोऽजरोऽजिरोऽजुर्योऽतन्द्रोऽग्निरद्भुतक्रतुः ।अङ्कूयन्नङ्गिरा अर्वन्नुञ्जानः सप्तहोतृभिः ॥ १॥

oṃ śrīgaṇeśāya namaḥ |atha agneḥ aṣṭottaraśatanāmastotram |akāradikrameṇaajo'jaro'jiro'juryo'tandro'gniradbhutakratuḥ |aṅkūyannaṅgirā arvannuñjānaḥ saptahotṛbhiḥ || 1||

आशृण्वन्नाशुहेमोऽप्य आसन्नासुर आहुतः ।आदित्य आपिराबाध आकूतिराघृणीवसुः ॥ २॥

āśṛṇvannāśuhemo'pya āsannāsura āhutaḥ |āditya āpirābādha ākūtirāghṛṇīvasuḥ || 2||

इधान इद्ध इन्धानो दधत्सहस्रिणीरिषः ।ईड्य ईळेन्य ईशान ईषयन्निळ ईळितः ॥ ३॥

idhāna iddha indhāno dadhatsahasriṇīriṣaḥ |īḍya īḷenya īśāna īṣayanniḷa īḷitaḥ || 3||

उक्थ्य उक्षन्नुक्षमाण उक्षान्नो दिवमुत्पतन् ।ऊर्जःपुत्र ऊर्जसन ऊर्ध्व ऊर्जोनपादूशन् ॥ ४॥

ukthya ukṣannukṣamāṇa ukṣānno divamutpatan |ūrjaḥputra ūrjasana ūrdhva ūrjonapādūśan || 4||

ऋजूयमानः पृथिवीमुतद्यामृत ऋत्वियः ।ऋतप्रवीत ऋतचिदृतावदृन्ध ऋग्मियः ॥ ५॥

ṛjūyamānaḥ pṛthivīmutadyāmṛta ṛtviyaḥ |ṛtapravīta ṛtacidṛtāvadṛndha ṛgmiyaḥ || 5||

ऋषूणां पुत्र ऋषिकृदृतवृधृतुपा ऋभुः ।ऋषीणां पुत्र ऋषभ ऋभ्व ऋतुपतिरृषिः ॥ ६॥ ऋतुपाति

ṛṣūṇāṃ putra ṛṣikṛdṛtavṛdhṛtupā ṛbhuḥ |ṛṣīṇāṃ putra ṛṣabha ṛbhva ṛtupatirṛṣiḥ || 6|| ṛtupāti

ओषधीनां गर्भ एक ओजिष्ठश्चर्षणीसदाम् ।ककुत्ककुद्मान्क्रतुवित् कृष्णयामः कनिक्रदत् ॥ ७॥

oṣadhīnāṃ garbha eka ojiṣṭhaścarṣaṇīsadām |kakutkakudmānkratuvit kṛṣṇayāmaḥ kanikradat || 7||

कण्वतमः कण्वसखः केवलः कृष्णवर्तनिः ।कपिः कविः कवितमः कविशस्तः कविक्रतुः ॥ ८॥

kaṇvatamaḥ kaṇvasakhaḥ kevalaḥ kṛṣṇavartaniḥ |kapiḥ kaviḥ kavitamaḥ kaviśastaḥ kavikratuḥ || 8||

कविप्रशस्तः कृष्णाध्वा क्रव्यादः क्रव्यवाहनः ।क्षत्राणि धारयन् क्षत्रः क्षपावान् क्षत्रभृत् क्षयः ॥ ९॥

kavipraśastaḥ kṛṣṇādhvā kravyādaḥ kravyavāhanaḥ |kṣatrāṇi dhārayan kṣatraḥ kṣapāvān kṣatrabhṛt kṣayaḥ || 9||

गणश्रीश्चरथां गर्भोऽपां गर्भो गातुवित्तमः ।बह्वीनामपसां गर्भस्थातां गर्भो गुहाहितः ॥ १०॥

gaṇaśrīścarathāṃ garbho'pāṃ garbho gātuvittamaḥ |bahvīnāmapasāṃ garbhasthātāṃ garbho guhāhitaḥ || 10||

गृत्सो गृहपतिर्गृध्नुर्गोपा घोरश्चनोहितः ।जातवेदास्तपुर्मूर्धा दीर्घतन्तुर्धृतव्रतः ॥ ११॥

gṛtso gṛhapatirgṛdhnurgopā ghoraścanohitaḥ |jātavedāstapurmūrdhā dīrghatanturdhṛtavrataḥ || 11||

बृहद्भानुर्मधुवचा यज्ञो रण्वो वनस्पतिः ।देवानामवगम्याग्नेः नाम्नामष्टोत्तरं शतम् ॥ १२॥

bṛhadbhānurmadhuvacā yajño raṇvo vanaspatiḥ |devānāmavagamyāgneḥ nāmnāmaṣṭottaraṃ śatam || 12||

॥ अग्नेः अष्टोत्तरशतनामस्तोत्रं सम्पूर्णम् ॥

|| agneḥ aṣṭottaraśatanāmastotraṃ sampūrṇam ||