अगस्त्यद्वादशनामावलिः Agastyadvadashanamavali

अगस्त्यनामावलिःकाश्यपःशिवशर्मन् महाभाग श्रुणु ते कथयाम्यहम् ।यस्य विज्ञानमात्रेण स्वयमायान्ति सम्पदः ॥ ४॥

agastyanāmāvaliḥkāśyapaḥśivaśarman mahābhāga śruṇu te kathayāmyaham |yasya vijñānamātreṇa svayamāyānti sampadaḥ || 4||

अश्रोत्रियेषु पापेषु वेदमार्गविरोधिषु ।न दातव्यमिदं स्तोत्रं मन्त्रराजं महामते ॥ ५॥

aśrotriyeṣu pāpeṣu vedamārgavirodhiṣu |na dātavyamidaṃ stotraṃ mantrarājaṃ mahāmate || 5||

ऋषिरिन्द्रस्तथानुष्टुप् छन्दो देवो घटोद्भवः ।सर्वाभीष्टस्य सिध्यर्थे जपोऽयं विनियोजितः ॥ ६॥

ṛṣirindrastathānuṣṭup chando devo ghaṭodbhavaḥ |sarvābhīṣṭasya sidhyarthe japo'yaṃ viniyojitaḥ || 6||

पाटीरशैलकोटीरमणिपीठाय वेधसे ।मुनये कुम्भजायोद्यदनुकम्पाब्धये नमः ॥ ७॥

pāṭīraśailakoṭīramaṇipīṭhāya vedhase |munaye kumbhajāyodyadanukampābdhaye namaḥ || 7||

लोपामुद्रासमायुक्तं महायोगासनस्थितम् ।प्रसन्नं तपसां राशिं प्रणुमः कुम्भसम्भवम् ॥ ८॥

lopāmudrāsamāyuktaṃ mahāyogāsanasthitam |prasannaṃ tapasāṃ rāśiṃ praṇumaḥ kumbhasambhavam || 8||

इति ध्यात्वा नमस्कृत्य जपेन्नामावलिं मनुम् ।अगस्त्यः कुम्भसम्भूतो मैत्रावरुणिरब्धिपः ॥ ९॥

iti dhyātvā namaskṛtya japennāmāvaliṃ manum |agastyaḥ kumbhasambhūto maitrāvaruṇirabdhipaḥ || 9||

लोपामुद्रापतिश्श्रीमान् वातापील्वलभक्षणः ।विन्ध्याद्रिमथनो योगी महामलयकेतनः ॥ १०॥

lopāmudrāpatiśśrīmān vātāpīlvalabhakṣaṇaḥ |vindhyādrimathano yogī mahāmalayaketanaḥ || 10||

सर्वतीर्थात्मकपदो भक्ताभीष्टफलप्रदः ।लोपामुद्राभुजाश्लेषहर्षरोमाञ्चमूर्तिमान् ॥ ११॥

sarvatīrthātmakapado bhaktābhīṣṭaphalapradaḥ |lopāmudrābhujāśleṣaharṣaromāñcamūrtimān || 11||

नाम्नां द्वादशकं पुण्यमगस्त्यस्य महात्मनः ।पठन्त्यपि च शृण्वन्ति ते वै सुकृतिनः परम् ॥ १२॥

nāmnāṃ dvādaśakaṃ puṇyamagastyasya mahātmanaḥ |paṭhantyapi ca śṛṇvanti te vai sukṛtinaḥ param || 12||

तेषामभीष्टदानाय भगवान् कुम्भसम्भवः ।अद्याभ्युद्यत्कराम्भोजो नात्र कार्या विचारणा ॥ १३॥

teṣāmabhīṣṭadānāya bhagavān kumbhasambhavaḥ |adyābhyudyatkarāmbhojo nātra kāryā vicāraṇā || 13||

यशस्यं धन्यमायुष्यं ज्ञानदं भुक्तिमुक्तिदम् ।नाम्नां स्तोत्रं पठेद्विद्वान् पुरुषार्थाः करे स्थिताः ॥ १४॥

yaśasyaṃ dhanyamāyuṣyaṃ jñānadaṃ bhuktimuktidam |nāmnāṃ stotraṃ paṭhedvidvān puruṣārthāḥ kare sthitāḥ || 14||

विमलहृदयमुच्चैर्वेदवेदान्तवेद्यंविधिमुखसुरपूज्यं भूतिरुद्राक्षभाजम् ।मुनिवरममलाङ्ग्या धर्मपत्न्याऽऽप्तभागंकलशजमभिरामं नौमि कारुण्यमूर्तिम् ॥ १५॥

vimalahṛdayamuccairvedavedāntavedyaṃvidhimukhasurapūjyaṃ bhūtirudrākṣabhājam |munivaramamalāṅgyā dharmapatnyā''ptabhāgaṃkalaśajamabhirāmaṃ naumi kāruṇyamūrtim || 15||

इत्येतत्परमं गुह्यं मन्त्रं सर्वार्थसाधकम् ।यतीश्वरादनुप्राप्य प्राप्तवान् परमं सुखम् ॥ १६॥

ityetatparamaṃ guhyaṃ mantraṃ sarvārthasādhakam |yatīśvarādanuprāpya prāptavān paramaṃ sukham || 16||

नित्यप्रमोदभूयिष्ठं प्रमोदः प्राप्तसौभगः ।उपर्युपरि धर्मस्य प्राप्तभूतो न संशयः ॥ १७॥

nityapramodabhūyiṣṭhaṃ pramodaḥ prāptasaubhagaḥ |uparyupari dharmasya prāptabhūto na saṃśayaḥ || 17||

चन्दनाद्रिसमुद्भूते सत्ये शङ्करलालिते ।त्वयि स्नास्ये सुप्रसन्ने पाहि मां भवसागरात् ॥ १८॥

candanādrisamudbhūte satye śaṅkaralālite |tvayi snāsye suprasanne pāhi māṃ bhavasāgarāt || 18||

इति मन्त्रं समुच्चार्य स्नात्वा ताम्रानदीजले ।पितॄन् देवान् ऋषीन् तर्प्य नाभिदघ्नजले स्थितः ॥ १९॥

iti mantraṃ samuccārya snātvā tāmrānadījale |pitṝn devān ṛṣīn tarpya nābhidaghnajale sthitaḥ || 19||

जपेन्मन्त्रमिदं मन्त्री त्रिवारं विजितेन्द्रियः ।षण्मासादेव सुप्रीतस्तस्य भूयाद्घटोद्भवः ॥ २०॥

japenmantramidaṃ mantrī trivāraṃ vijitendriyaḥ |ṣaṇmāsādeva suprītastasya bhūyādghaṭodbhavaḥ || 20||

शिवशर्मन् त्वया जप्यं प्रत्यहं प्रीतिमिच्छता ।इति तेन समाख्यातां कथां कलिमलापहाम् ॥ २१॥

śivaśarman tvayā japyaṃ pratyahaṃ prītimicchatā |iti tena samākhyātāṃ kathāṃ kalimalāpahām || 21||

इति ताम्रपर्णीमाहात्म्ये एकत्रिंशाध्यायान्तर्गतंअगस्त्यद्वादशनामावलिःताम्रपर्णीमाहात्म्य । अध्याय ३१/४२१॥ताम्रपर्णीमाहात्म्य । अध्याय ३१/४-२१॥

iti tāmraparṇīmāhātmye ekatriṃśādhyāyāntargataṃagastyadvādaśanāmāvaliḥtāmraparṇīmāhātmya | adhyāya 31/421||tāmraparṇīmāhātmya | adhyāya 31/4-21||