सूर्याष्टोत्तरशतनामस्तोत्रम् २ अथवा सूर्यवरदस्तोत्रम् Shri Suryashtottarashatanama Stotram

श्रीगणेशाय नमः ।आचम्य ॥॥ सङ्कल्प ॥श्रीसूर्यनारायणदेवतामुद्दिश्य प्रीत्यर्थं,श्रीसूर्याष्टोत्तरशतनामस्तोत्रमहामन्त्रपठनं करिष्ये ॥अस्य श्रीसूर्याष्टोतरशतनामस्तोत्रमहामन्त्रस्य, ब्रह्मा ऋषिः,अनुष्टुप्च्छन्दः, श्रीसूर्यनारायणो देवता ।ह्रां बीजं, ह्रीं शक्तिः ह्रूं कीलकं,श्रीसूर्यनारायणदेवताप्रसादसिद्।ह्ध्यर्थेजपे विनियोगः ।न्यासौ करन्यासः हृदयन्यासःओं ह्रां अघोर श्रीसूर्यनारायणाय अङ्गुष्ठाभ्यां नमः हृदयायनमःॐ ह्रीं चतुर्वेदपारायणाय तर्जनीभ्यां नमः शिरसेस्वाहाॐ ह्रूं उग्रभयङ्कराय मध्यमाभ्यां नमः शिखायै वषट्ॐ हैं श्रीसूर्यनारायणाय अनामिकाभ्यां नमः कवचाय हुंॐ हौं कौपीनमौञ्जीधराय कनिष्ठिकाभ्यां नमः नेत्रत्रयाय वौषट्ओं ह्रं सहस्रकिरणाय करतलकरपृष्ठाभ्यां नमः अस्त्राय फट्भूर्भुवस्स्वरोमिति दिग्बन्धः ॥ध्यानंसुरगणपितृयक्षसेवितं ह्यसुरनिशाचरसिद्धवन्दितम् ।वरकनकहुताशनप्रभं प्रणिपतितोऽस्मि हिताय भास्करम् ॥लमिति पञ्चपूजां कृत्वा गुरुध्यानं कुर्यात् ।सूर्योऽर्यमा भगस्त्वष्टा पूषार्कस्सविता रविः ।गभस्तिमानजः कालो मृत्युर्धाता प्रजापतिः ॥वैशम्पायन उवाच ।शृणुष्वावहितो राजन् शुचिर्भूत्वा समाहितः ।क्षणं च कुरु राजेन्द्र गुह्यं वक्ष्यामि ते हितम् ॥ १॥

śrīgaṇeśāya namaḥ |ācamya |||| saṅkalpa ||śrīsūryanārāyaṇadevatāmuddiśya prītyarthaṃ,śrīsūryāṣṭottaraśatanāmastotramahāmantrapaṭhanaṃ kariṣye ||asya śrīsūryāṣṭotaraśatanāmastotramahāmantrasya, brahmā ṛṣiḥ,anuṣṭupcchandaḥ, śrīsūryanārāyaṇo devatā |hrāṃ bījaṃ, hrīṃ śaktiḥ hrūṃ kīlakaṃ,śrīsūryanārāyaṇadevatāprasādasid|hdhyarthejape viniyogaḥ |nyāsau karanyāsaḥ hṛdayanyāsaḥoṃ hrāṃ aghora śrīsūryanārāyaṇāya aṅguṣṭhābhyāṃ namaḥ hṛdayāyanamaḥoṃ hrīṃ caturvedapārāyaṇāya tarjanībhyāṃ namaḥ śirasesvāhāoṃ hrūṃ ugrabhayaṅkarāya madhyamābhyāṃ namaḥ śikhāyai vaṣaṭoṃ haiṃ śrīsūryanārāyaṇāya anāmikābhyāṃ namaḥ kavacāya huṃoṃ hauṃ kaupīnamauñjīdharāya kaniṣṭhikābhyāṃ namaḥ netratrayāya vauṣaṭoṃ hraṃ sahasrakiraṇāya karatalakarapṛṣṭhābhyāṃ namaḥ astrāya phaṭbhūrbhuvassvaromiti digbandhaḥ ||dhyānaṃsuragaṇapitṛyakṣasevitaṃ hyasuraniśācarasiddhavanditam |varakanakahutāśanaprabhaṃ praṇipatito'smi hitāya bhāskaram ||lamiti pañcapūjāṃ kṛtvā gurudhyānaṃ kuryāt |sūryo'ryamā bhagastvaṣṭā pūṣārkassavitā raviḥ |gabhastimānajaḥ kālo mṛtyurdhātā prajāpatiḥ ||vaiśampāyana uvāca |śṛṇuṣvāvahito rājan śucirbhūtvā samāhitaḥ |kṣaṇaṃ ca kuru rājendra guhyaṃ vakṣyāmi te hitam || 1||

धौम्येन तु यथा प्रोक्तं पार्थाय सुमहात्मने ।नाम्नामष्टोत्तरं पुण्यं शतं तच्छृणु भूपते ॥ २॥

dhaumyena tu yathā proktaṃ pārthāya sumahātmane |nāmnāmaṣṭottaraṃ puṇyaṃ śataṃ tacchṛṇu bhūpate || 2||

ॐ सूर्योऽर्यमा भगस्त्वष्टा पूषार्कः सविता रविः ।गभस्तिमानजः कालो मृत्युर्धाता प्रभाकरः ॥ ३॥

oṃ sūryo'ryamā bhagastvaṣṭā pūṣārkaḥ savitā raviḥ |gabhastimānajaḥ kālo mṛtyurdhātā prabhākaraḥ || 3||

पृथिव्यापश्च तेजश्च खं वायुश्च परायणम् ।सोमो बृहस्पतिः शुक्रो बुधोऽङ्गारक एव च ॥ ४॥

pṛthivyāpaśca tejaśca khaṃ vāyuśca parāyaṇam |somo bṛhaspatiḥ śukro budho'ṅgāraka eva ca || 4||

इन्द्रो विवस्वान्दीप्तांशुः शुचिः शौरिः शनैश्चरः ।ब्रह्मा विष्णुश्च रुद्रश्च स्कन्दो वैश्रवणो यमः ॥ ५॥

indro vivasvāndīptāṃśuḥ śuciḥ śauriḥ śanaiścaraḥ |brahmā viṣṇuśca rudraśca skando vaiśravaṇo yamaḥ || 5||

वैद्युतो जाठरश्चाग्निरैन्धनस्तेजसां पतिः ।धर्मध्वजो वेदकर्ता वेदाङ्गो वेदवाहनः ॥ ६॥

vaidyuto jāṭharaścāgniraindhanastejasāṃ patiḥ |dharmadhvajo vedakartā vedāṅgo vedavāhanaḥ || 6||

कृतं त्रेता द्वापरश्च कलिः सर्वामराश्रयः ।कला काष्ठा मुहुर्ताश्च पक्षा मासा ऋतुस्तथा ॥ ७॥

kṛtaṃ tretā dvāparaśca kaliḥ sarvāmarāśrayaḥ |kalā kāṣṭhā muhurtāśca pakṣā māsā ṛtustathā || 7||

संवत्सरकरोऽश्वत्थः कालचक्रो विभावसुः ।पुरुषः शाश्वतो योगी व्यक्ताव्यक्तः सनातनः ॥ ८॥

saṃvatsarakaro'śvatthaḥ kālacakro vibhāvasuḥ |puruṣaḥ śāśvato yogī vyaktāvyaktaḥ sanātanaḥ || 8||

लोकाध्यक्षः प्रजाध्यक्षो विश्वकर्मा तमोनुदः । कालाध्यक्षःवरुणः सागरोंऽशुश्च जीमूतो जीवनोऽरिहा ॥ ९॥

lokādhyakṣaḥ prajādhyakṣo viśvakarmā tamonudaḥ | kālādhyakṣaḥvaruṇaḥ sāgaroṃ'śuśca jīmūto jīvano'rihā || 9||

भूताश्रयो भूतपतिः सर्वलोकनमस्कृतः ।स्रष्टा संवर्तको वह्निः सर्वस्यादिरलोलुपः ॥ १०॥

bhūtāśrayo bhūtapatiḥ sarvalokanamaskṛtaḥ |sraṣṭā saṃvartako vahniḥ sarvasyādiralolupaḥ || 10||

अनन्तः कपिलो भानुः कामदः सर्वतोमुखः ।जयो विशालो वरदः सर्वधातुनिषेचिता ॥ ११॥ सर्वभूतनिषेवितः

anantaḥ kapilo bhānuḥ kāmadaḥ sarvatomukhaḥ |jayo viśālo varadaḥ sarvadhātuniṣecitā || 11|| sarvabhūtaniṣevitaḥ

मनः सुपर्णो भूतादिः शीघ्रगः प्राणधारणः ॥धन्वन्तरिर्धूमकेतुरादिदेवोऽदितेः सुतः ॥ १२॥

manaḥ suparṇo bhūtādiḥ śīghragaḥ prāṇadhāraṇaḥ ||dhanvantarirdhūmaketurādidevo'diteḥ sutaḥ || 12||

द्वादशात्मारविन्दाक्षः पिता माता पितामहः ।स्वर्गद्वारं प्रजाद्वारं मोक्षद्वारं त्रिविष्टपम् ॥ १३॥

dvādaśātmāravindākṣaḥ pitā mātā pitāmahaḥ |svargadvāraṃ prajādvāraṃ mokṣadvāraṃ triviṣṭapam || 13||

देहकर्ता प्रशान्तात्मा विश्वात्मा विश्वतोमुखः ।चराचरात्मा सूक्ष्मात्मा मैत्रेण वपुषान्वितः ॥ १४॥

dehakartā praśāntātmā viśvātmā viśvatomukhaḥ |carācarātmā sūkṣmātmā maitreṇa vapuṣānvitaḥ || 14||

एतद्वै कीर्तनीयस्य सूर्यस्यैव महात्मनः । सूर्यस्यामिततेजसःनाम्नामष्टशतं पुण्यं शक्रेणोक्तं महात्मना ॥ १५॥ प्रोक्तमेतत्स्व्यम्भुवा

etadvai kīrtanīyasya sūryasyaiva mahātmanaḥ | sūryasyāmitatejasaḥnāmnāmaṣṭaśataṃ puṇyaṃ śakreṇoktaṃ mahātmanā || 15|| proktametatsvyambhuvā

शक्राच्च नारदः प्राप्तो धौम्यश्च तदनन्तरम् ।धौम्याद्युधिष्ठिरः प्राप्य सर्वान्कामानवाप्तवान् ॥ १६॥

śakrācca nāradaḥ prāpto dhaumyaśca tadanantaram |dhaumyādyudhiṣṭhiraḥ prāpya sarvānkāmānavāptavān || 16||

सुरपितृगणयक्षसेवितं ह्यसुरनिशाचरसिद्धवन्दितम् ।वरकनकहुताशनप्रभं त्वमपि मनस्यभिधेहि भास्करम् ॥ १७॥

surapitṛgaṇayakṣasevitaṃ hyasuraniśācarasiddhavanditam |varakanakahutāśanaprabhaṃ tvamapi manasyabhidhehi bhāskaram || 17||

सूर्योदये यस्तु समाहितः पठेत्स पुत्रलाभं धनरत्नसञ्चयान् ।लभेत जातिस्मरतां सदा नरः स्मृतिं च मेधां च स विन्दते पराम् ॥ १८॥

sūryodaye yastu samāhitaḥ paṭhetsa putralābhaṃ dhanaratnasañcayān |labheta jātismaratāṃ sadā naraḥ smṛtiṃ ca medhāṃ ca sa vindate parām || 18||

इमं स्तवं देववरस्य यो नरः प्रकीर्तयेच्छुचिसुमनाः समाहितः ।विमुच्यते शोकदवाग्निसागराल्लभेत कामान्मनसा यथेप्सितान् ॥ १९॥

imaṃ stavaṃ devavarasya yo naraḥ prakīrtayecchucisumanāḥ samāhitaḥ |vimucyate śokadavāgnisāgarāllabheta kāmānmanasā yathepsitān || 19||

स्वर्भुवर्भूरोमिति दिग्विमोकः ।हरिः ओं तत्सत् ।श्रीसूर्यनारायणपरब्रह्मार्पणमस्तु ।॥ इति श्रीमहाभारते युधिष्ठिरधौम्यसंवादेआरण्यकपर्वणि श्रीसूर्याष्टोत्तरशतनामस्तोत्रं सम्पूर्णम् ॥इति ब्रह्मपुराणे त्रयस्त्रिंशाध्यायान्तर्गतंसूर्यनामाष्टोत्तरशतस्तोत्रं समाप्तम् ।ब्रह्मपुराण । अध्याय ३३/३२४९॥ब्रह्मपुराण । अध्याय ३३/३२४९॥क्नोव्लेद्गे, हप्पिनेस्स्, मर्रिअगेस्, एत्च्।)

svarbhuvarbhūromiti digvimokaḥ |hariḥ oṃ tatsat |śrīsūryanārāyaṇaparabrahmārpaṇamastu ||| iti śrīmahābhārate yudhiṣṭhiradhaumyasaṃvādeāraṇyakaparvaṇi śrīsūryāṣṭottaraśatanāmastotraṃ sampūrṇam ||iti brahmapurāṇe trayastriṃśādhyāyāntargataṃsūryanāmāṣṭottaraśatastotraṃ samāptam |brahmapurāṇa | adhyāya 33/3249||brahmapurāṇa | adhyāya 33/3249||knovledge, happiness, marriages, etc|)