सूर्यकवचम् ५ सूर्यदिव्यकवचस्तोत्रम् Shri Suryadivyakavacha Stotram 5

ॐ अस्य श्रीसूर्यनारायणदिव्यकवचस्तोत्रमहामन्त्रस्यहिरण्यगर्भ ऋषिः । अनुष्टुप्छन्दः श्रीसूर्यनारायणो देवता ।सूं बीजं, र्यां शक्तिः, यां कीलकम् ।श्रीसूर्यनारायणप्रसादसिद्।ह्ध्यर्थे जपे विनियोगः ।करन्यासः ।ॐ श्रीसूर्यनारायणाय अङ्गुष्ठाभ्यां नमःपद्मिनीवल्लभाय तर्जनीभ्यां नमःदिवाकराय मध्यमाभ्यां नमः ॥भास्कराय अनामिकाभ्यां नमः ॥मार्ताण्डाय कनिष्ठिकाभ्यां नमः ॥आदित्याय करतलकरपृष्ठाभ्यां नमः ॥एवं हृदन्यासःलोकत्रयेति दिग्बन्धः ।ध्यानंत्रिमूर्तिरूपं विश्वेशं शूलमुद्गरधारिणम् ।हिरण्यवर्णं सुमुखं छायायुक्तं रविं भजे ॥अथ स्तोत्रम् ।भास्करो मे शिरः पातु ललाटं लोकबान्धवः ।कपोलौ त्रयीमयः पातु नासिकां विश्वरूपभृत् ॥ १॥

oṃ asya śrīsūryanārāyaṇadivyakavacastotramahāmantrasyahiraṇyagarbha ṛṣiḥ | anuṣṭupchandaḥ śrīsūryanārāyaṇo devatā |sūṃ bījaṃ, ryāṃ śaktiḥ, yāṃ kīlakam |śrīsūryanārāyaṇaprasādasid|hdhyarthe jape viniyogaḥ |karanyāsaḥ |oṃ śrīsūryanārāyaṇāya aṅguṣṭhābhyāṃ namaḥpadminīvallabhāya tarjanībhyāṃ namaḥdivākarāya madhyamābhyāṃ namaḥ ||bhāskarāya anāmikābhyāṃ namaḥ ||mārtāṇḍāya kaniṣṭhikābhyāṃ namaḥ ||ādityāya karatalakarapṛṣṭhābhyāṃ namaḥ ||evaṃ hṛdanyāsaḥlokatrayeti digbandhaḥ |dhyānaṃtrimūrtirūpaṃ viśveśaṃ śūlamudgaradhāriṇam |hiraṇyavarṇaṃ sumukhaṃ chāyāyuktaṃ raviṃ bhaje ||atha stotram |bhāskaro me śiraḥ pātu lalāṭaṃ lokabāndhavaḥ |kapolau trayīmayaḥ pātu nāsikāṃ viśvarūpabhṛt || 1||

नेत्रे चाधोक्षजः पातु कण्ठं सप्ताश्ववाहनः ।मार्ताण्डो मे भुजौ पातु कक्षौ पातु दिवाकरः ॥ २॥

netre cādhokṣajaḥ pātu kaṇṭhaṃ saptāśvavāhanaḥ |mārtāṇḍo me bhujau pātu kakṣau pātu divākaraḥ || 2||

पातु मे हृदयं पूषा वक्षः पातु तमोहरः ।कुक्षिं मे पातु मिहिरो नाभिं वेदान्तगोचरः ॥ ३॥

pātu me hṛdayaṃ pūṣā vakṣaḥ pātu tamoharaḥ |kukṣiṃ me pātu mihiro nābhiṃ vedāntagocaraḥ || 3||

द्युमणिर्मे कटिं पातु गुह्यं मे अब्जबान्धवः ।पातु मे जानुनी सूर्यो ऊरू पात्वुरुविक्रमः ॥ ४॥

dyumaṇirme kaṭiṃ pātu guhyaṃ me abjabāndhavaḥ |pātu me jānunī sūryo ūrū pātvuruvikramaḥ || 4||

चित्रभानुस्सदा पातु जानुनी पद्मिनीप्रियः ।जङ्घे पातु सहस्रांशुः पादौ सर्वसुरार्चितः ॥ ५॥

citrabhānussadā pātu jānunī padminīpriyaḥ |jaṅghe pātu sahasrāṃśuḥ pādau sarvasurārcitaḥ || 5||

सर्वाङ्गं पातु लोकेशो बुद्धिसिद्धिगुणप्रदः ।सहस्रभानुर्मे विद्यां पातु तेजः प्रभाकरः ॥ ६॥

sarvāṅgaṃ pātu lokeśo buddhisiddhiguṇapradaḥ |sahasrabhānurme vidyāṃ pātu tejaḥ prabhākaraḥ || 6||

अहोरात्रौ सदा पातु कर्मसाक्षी परन्तपः ।आदित्यकवचं पुण्यं यः पठेत्सततं शुचिः ॥ ७॥

ahorātrau sadā pātu karmasākṣī parantapaḥ |ādityakavacaṃ puṇyaṃ yaḥ paṭhetsatataṃ śuciḥ || 7||

सर्वरोगविनिर्मुक्तो सर्वोपद्रववर्जितः ।तापत्रयविहीनस्सन् सर्वसिद्धिमवाप्नुयात् ॥ ८॥

sarvarogavinirmukto sarvopadravavarjitaḥ |tāpatrayavihīnassan sarvasiddhimavāpnuyāt || 8||

संवत्सरेण कालेन सुवर्णतनुतां व्रजेत् ।क्षयापस्मारकुष्ठादि गुल्मव्याधिविवर्जितः ॥ ९॥

saṃvatsareṇa kālena suvarṇatanutāṃ vrajet |kṣayāpasmārakuṣṭhādi gulmavyādhivivarjitaḥ || 9||

सूर्यप्रसादसिद्धात्मा सर्वाभीष्टफलं लभेत् ।आदित्यवासरे स्नात्वा कृत्वा पायसमुत्तमम् ॥ १०॥

sūryaprasādasiddhātmā sarvābhīṣṭaphalaṃ labhet |ādityavāsare snātvā kṛtvā pāyasamuttamam || 10||

अर्कपत्रे तु निक्षिप्य दानं कुर्याद्विचक्षणः ।एकभुक्तं व्रतं सम्यक्संवत्सरमथाचरेत् ।पुत्रपौत्रान् लभेल्लोके चिरञ्जीवी भविष्यति ॥ ११॥

arkapatre tu nikṣipya dānaṃ kuryādvicakṣaṇaḥ |ekabhuktaṃ vrataṃ samyaksaṃvatsaramathācaret |putrapautrān labhelloke cirañjīvī bhaviṣyati || 11||

स्वर्भुवर्भूरोमिति दिग्विमोकः ।इति श्रीहिरण्यगर्भसंहितायां श्रीसूर्यनारायणदिव्यकवचस्तोत्रं सम्पूर्णम् ।

svarbhuvarbhūromiti digvimokaḥ |iti śrīhiraṇyagarbhasaṃhitāyāṃ śrīsūryanārāyaṇadivyakavacastotraṃ sampūrṇam |