सूर्यार्याद्वादशकस्तुतिः Shri Suryaryadvadashaka Stuti

उद्यन्नद्य विवस्वानारोहन्नुत्तरां दिवं देवः ।हृद्रोगं मम सूर्यो हरिमाणं च नाशयतु मे मित्रः ॥ १॥

udyannadya vivasvānārohannuttarāṃ divaṃ devaḥ |hṛdrogaṃ mama sūryo harimāṇaṃ ca nāśayatu me mitraḥ || 1||

ॐ मित्राय नमः ।निमिषार्धेनैकेन क्रममाणो द्वे शते द्वे सहस्रे च ।यो योजनानां नमोऽस्तु तस्मै श्रीनलिननाथाय रवये ॥ २॥

oṃ mitrāya namaḥ |nimiṣārdhenaikena kramamāṇo dve śate dve sahasre ca |yo yojanānāṃ namo'stu tasmai śrīnalinanāthāya ravaye || 2||

ॐ रवये नमः ।शिवस्वरूपाद् ज्ञानं त्वत्तो मुक्तिं जनार्दनाकारात् ।शिखिरूपाच्चैश्वर्यं भवतश्चारोग्यमिच्छाम्यहं सूर्य ॥ ३॥

oṃ ravaye namaḥ |śivasvarūpād jñānaṃ tvatto muktiṃ janārdanākārāt |śikhirūpāccaiśvaryaṃ bhavataścārogyamicchāmyahaṃ sūrya || 3||

ॐ सूर्याय नमः ।कर्मज्ञानखदशकं मनश्च जीव इति विश्वसर्गाय ।यो द्वादशधा चरति द्वादशकलो मुदेऽस्तु मे भानुः ॥ ४॥

oṃ sūryāya namaḥ |karmajñānakhadaśakaṃ manaśca jīva iti viśvasargāya |yo dvādaśadhā carati dvādaśakalo mude'stu me bhānuḥ || 4||

ॐ भानवे नमः ।त्वमृग्यजुस्त्वं त्वं सामाथर्वस्त्वं त्वमागमस्त्वं वषट्कारः ।त्वं हंसः परमहंसः त्वं प्राज्ञः त्वं महत्त्वं खगोऽसि त्वम् ॥ ५॥

oṃ bhānave namaḥ |tvamṛgyajustvaṃ tvaṃ sāmātharvastvaṃ tvamāgamastvaṃ vaṣaṭkāraḥ |tvaṃ haṃsaḥ paramahaṃsaḥ tvaṃ prājñaḥ tvaṃ mahattvaṃ khago'si tvam || 5||

ॐ खगाय नमः ।त्वचि दोषा दृशि दोषा हृदि दोषा ये निखिलेन्द्रियेषु दोषाः ।तान्भगवानपनयतु कृपातरङ्गितदृष्ट्या मम पूषा ॥ ६॥

oṃ khagāya namaḥ |tvaci doṣā dṛśi doṣā hṛdi doṣā ye nikhilendriyeṣu doṣāḥ |tānbhagavānapanayatu kṛpātaraṅgitadṛṣṭyā mama pūṣā || 6||

ॐ पूष्णे नमः ।तिमिरमिव नेत्रतिमिरं पटलमिव रोगपटलं कोशात् ।काचमिवाधिं निराकुर्यात् कालत्रयार्च्यो हिरण्यगर्भोऽसौ ॥ ७॥

oṃ pūṣṇe namaḥ |timiramiva netratimiraṃ paṭalamiva rogapaṭalaṃ kośāt |kācamivādhiṃ nirākuryāt kālatrayārcyo hiraṇyagarbho'sau || 7||

ॐ हिरण्यगर्भाय नमः ।धर्मार्थकाममोक्षप्रतिघातानुग्रवेगतापकरान् ।बन्दीकृतेन्द्रियगणान् गदान् चण्डांशुरपनयतु मरीचिः ॥ ८॥

oṃ hiraṇyagarbhāya namaḥ |dharmārthakāmamokṣapratighātānugravegatāpakarān |bandīkṛtendriyagaṇān gadān caṇḍāṃśurapanayatu marīciḥ || 8||

ॐ मरीचये नमः ।येन विनान्धं तिमिरं जगदेति यस्मिन्सति च सुबोधम् ।तं च नलिनीभर्तारं हर्तारमापदो नौम्यहमादित्यम् ॥ ९॥

oṃ marīcaye namaḥ |yena vināndhaṃ timiraṃ jagadeti yasminsati ca subodham |taṃ ca nalinībhartāraṃ hartāramāpado naumyahamādityam || 9||

ॐ आदित्याय नमः ।यस्य सहस्राभीशोरभीशुलेशो हि हिमांशुबिम्बगतः ।भासयति नक्तमखिलं खिलयतु विपदः सदा सविता ॥ १०॥

oṃ ādityāya namaḥ |yasya sahasrābhīśorabhīśuleśo hi himāṃśubimbagataḥ |bhāsayati naktamakhilaṃ khilayatu vipadaḥ sadā savitā || 10||

ॐ सवित्रे नमः ।काशाश्मरिदुर्नामत्वग्रोगमहोदर प्रमेहांश्च ।ग्रहणी भगन्दराद्यान् महारुजस्त्वमर्क हरसि जन्तूनाम् ॥ ११॥

oṃ savitre namaḥ |kāśāśmaridurnāmatvagrogamahodara pramehāṃśca |grahaṇī bhagandarādyān mahārujastvamarka harasi jantūnām || 11||

ॐ अर्काय नमः ।त्वं शरणं त्वं माता त्वं च पिता त्वं धनं त्वमाचार्यः ।त्वं भर्ता त्वं हर्ता विपदां प्रसीद भास्कर मे सततम् ॥ १२॥

oṃ arkāya namaḥ |tvaṃ śaraṇaṃ tvaṃ mātā tvaṃ ca pitā tvaṃ dhanaṃ tvamācāryaḥ |tvaṃ bhartā tvaṃ hartā vipadāṃ prasīda bhāskara me satatam || 12||

ॐ भास्कराय नमः ।इत्यार्याद्वादशकं साम्बात्पुरतो नभःस्थलात्पतितम् ।पठतां भाग्यसमृद्धिः भूयसी समस्तरोगोपशान्तिश्च ॥ १३॥

oṃ bhāskarāya namaḥ |ityāryādvādaśakaṃ sāmbātpurato nabhaḥsthalātpatitam |paṭhatāṃ bhāgyasamṛddhiḥ bhūyasī samastarogopaśāntiśca || 13||

चाक्षुष्मतीं(१) विद्यां सौरीं जप्त्वाऽऽदावनयाऽऽनम्य मार्ताण्डम् ।अन्धानां जन्मतो दृष्टिः शीघ्रं गृह्णाति दूरतो विषयान् ॥ १४॥

cākṣuṣmatīṃ(1) vidyāṃ saurīṃ japtvā''dāvanayā''namya mārtāṇḍam |andhānāṃ janmato dṛṣṭiḥ śīghraṃ gṛhṇāti dūrato viṣayān || 14||

हेमाम्भोजप्रवालप्रतिमनिजरुचिं चारु खट्वाङ्गपद्मंचक्रं शक्तिं च पाशं सृणिमतिरुचिरामक्षमालां कपालम् ।हस्ताम्भोजैर्दधानं त्रिनयनविलसद्वेदवक्त्राभिरामंमार्ताण्डं वल्लभार्धं मणिमयमकुटं हारदीप्तं भजामः ॥ १५॥

hemāmbhojapravālapratimanijaruciṃ cāru khaṭvāṅgapadmaṃcakraṃ śaktiṃ ca pāśaṃ sṛṇimatirucirāmakṣamālāṃ kapālam |hastāmbhojairdadhānaṃ trinayanavilasadvedavaktrābhirāmaṃmārtāṇḍaṃ vallabhārdhaṃ maṇimayamakuṭaṃ hāradīptaṃ bhajāmaḥ || 15||

सूर्यं सुन्दरलोकनाथममृतं वेदान्तसारं शिवंज्ञानं ब्रह्ममयं सुरेशममलं लोकैकचित्तं स्वयम् ।इन्द्रादित्य नराधिपं सुरगुरुं त्रैलोक्य चूडामणिंविष्णुब्रह्म शिवस्वरूपमनिशं वन्दे सदा भास्करम् ॥ १६॥

sūryaṃ sundaralokanāthamamṛtaṃ vedāntasāraṃ śivaṃjñānaṃ brahmamayaṃ sureśamamalaṃ lokaikacittaṃ svayam |indrāditya narādhipaṃ suraguruṃ trailokya cūḍāmaṇiṃviṣṇubrahma śivasvarūpamaniśaṃ vande sadā bhāskaram || 16||

भानो भास्कर मार्ताण्ड चण्डरश्मे दिवाकर ।आयुरारोग्यमैश्वर्यं विद्यां देहि नमोऽस्तुते ॥ १७॥

bhāno bhāskara mārtāṇḍa caṇḍaraśme divākara |āyurārogyamaiśvaryaṃ vidyāṃ dehi namo'stute || 17||

१ चक्षुष्मती विद्याचाक्षुषोपनिषदिअस्याः चाक्षुषी विद्यायाः अहिर्बुध्न्यऋषिः । गायत्री छन्दः । सूर्यो देवता । चक्षुरोगनिवृत्तये जपे विनियोगः ।(मन्त्रः) ॐ चक्षुः चक्षुः चक्षुः तेजः स्थिरो भव । मां पाहि पाहि ।त्वरितं चक्षुरोगान् शमय शमय । मम जातरूपं तेजो दर्शय दर्शय ।यथाऽहमन्धो न स्यां तथा कल्पय कल्पय कल्याणं कुरु कुरु । यानि ममपूर्वजन्मोपार्जितानिःचक्षुःप्रतिरोधकदुष्कृत्यानि सर्वाणि निर्मूलयनिर्मूलय । ॐ नमश्चक्षुस्तेजोदात्रे दिव्याय भास्कराय । ॐ नमःकरुणाकरायामृताय । ॐ नमः सूर्याय । ॐ नमो भगवते सूर्यायाक्षितेजसेनमः । खेचराय नमः । महते नमः । रजसे नमः । तमसे नमः । असतो मासद्गमय । तमसो मा ज्योतिर्गमय । मृत्योर्मा अमृतं गमय । उष्णोभगवाञ्छुचिरूपः । हंसो भगवान् शुचिरप्रतिरूपः । य इमां चक्षुष्मतीविद्यांब्राह्मणो नित्यमधीते न तस्याक्षिरोगो भवति । न तस्य कुले अन्धो भवति ।अष्टौ ब्राह्मणान् ग्राहयित्वा विद्यासिद्धिर्भवति । ॐ विश्वरूपं घृणिनंजातवेदसं हिरण्मयं पुरुषं ज्योतिरूपं तपन्तम् । विश्वस्य योनिं प्रतपन्तमुग्रंपुरः प्रजानामुदयत्येष सूर्यः । ॐ नमो भगवते आदित्यायअहोवाहिन्यहो वाहिनि स्वाहा । ॐ वयः सुपर्णा उपसेदुरिन्द्रं प्रियमेधाऋषयो नाधमानाः । अपध्वान्तमूर्णुहि पूर्द्धि चक्षुर्मुमुग्ध्यस्मान्निधयेवबद्धान् । पुण्डरीकाक्षाय नमः । पुष्करेक्षणाय नमः । अमलेक्षणायनमः । कमलेक्षणाय नमः । विश्वरूपाय नमः । महाविष्णवे नमः ।चाक्षुष्मती विद्या अक्ष्युपनिषदिॐ नमो भगवते सूर्यायाक्षितेजसे नमः । ॐ खेचराय नमः ।ॐ महासेनाय नमः । ॐ तमसे नमः । ॐ रजसे नमः । ॐ सत्त्वाय नमः ।असतो मा सद्गमय । तमसो मा ज्योतिर्गमय । मृत्योर्मा अमृतं गमय । उष्णोभगवान् शुचिरूपः । हंसो भगवान् शुचिरप्रतिरूपः । विश्वरूपं घृणिनंजातवेदसं इरामयं ज्योतीरूपं तपन्तम् । सहस्ररश्मिः शतधा वर्तमानःप्राणः प्रजानामुदयत्येष सूर्यः । ॐ नमो भगवते श्रीसूर्यायाक्षितेजसेऽहोवाहिनि वाहिनि स्वाहा ॥इति श्रीसूर्यार्याद्वादशकस्तुतिः समाप्ता ।

1 cakṣuṣmatī vidyācākṣuṣopaniṣadiasyāḥ cākṣuṣī vidyāyāḥ ahirbudhnyaṛṣiḥ | gāyatrī chandaḥ | sūryo devatā | cakṣuroganivṛttaye jape viniyogaḥ |(mantraḥ) oṃ cakṣuḥ cakṣuḥ cakṣuḥ tejaḥ sthiro bhava | māṃ pāhi pāhi |tvaritaṃ cakṣurogān śamaya śamaya | mama jātarūpaṃ tejo darśaya darśaya |yathā'hamandho na syāṃ tathā kalpaya kalpaya kalyāṇaṃ kuru kuru | yāni mamapūrvajanmopārjitāniḥcakṣuḥpratirodhakaduṣkṛtyāni sarvāṇi nirmūlayanirmūlaya | oṃ namaścakṣustejodātre divyāya bhāskarāya | oṃ namaḥkaruṇākarāyāmṛtāya | oṃ namaḥ sūryāya | oṃ namo bhagavate sūryāyākṣitejasenamaḥ | khecarāya namaḥ | mahate namaḥ | rajase namaḥ | tamase namaḥ | asato māsadgamaya | tamaso mā jyotirgamaya | mṛtyormā amṛtaṃ gamaya | uṣṇobhagavāñchucirūpaḥ | haṃso bhagavān śucirapratirūpaḥ | ya imāṃ cakṣuṣmatīvidyāṃbrāhmaṇo nityamadhīte na tasyākṣirogo bhavati | na tasya kule andho bhavati |aṣṭau brāhmaṇān grāhayitvā vidyāsiddhirbhavati | oṃ viśvarūpaṃ ghṛṇinaṃjātavedasaṃ hiraṇmayaṃ puruṣaṃ jyotirūpaṃ tapantam | viśvasya yoniṃ pratapantamugraṃpuraḥ prajānāmudayatyeṣa sūryaḥ | oṃ namo bhagavate ādityāyaahovāhinyaho vāhini svāhā | oṃ vayaḥ suparṇā upasedurindraṃ priyamedhāṛṣayo nādhamānāḥ | apadhvāntamūrṇuhi pūrddhi cakṣurmumugdhyasmānnidhayevabaddhān | puṇḍarīkākṣāya namaḥ | puṣkarekṣaṇāya namaḥ | amalekṣaṇāyanamaḥ | kamalekṣaṇāya namaḥ | viśvarūpāya namaḥ | mahāviṣṇave namaḥ |cākṣuṣmatī vidyā akṣyupaniṣadioṃ namo bhagavate sūryāyākṣitejase namaḥ | oṃ khecarāya namaḥ |oṃ mahāsenāya namaḥ | oṃ tamase namaḥ | oṃ rajase namaḥ | oṃ sattvāya namaḥ |asato mā sadgamaya | tamaso mā jyotirgamaya | mṛtyormā amṛtaṃ gamaya | uṣṇobhagavān śucirūpaḥ | haṃso bhagavān śucirapratirūpaḥ | viśvarūpaṃ ghṛṇinaṃjātavedasaṃ irāmayaṃ jyotīrūpaṃ tapantam | sahasraraśmiḥ śatadhā vartamānaḥprāṇaḥ prajānāmudayatyeṣa sūryaḥ | oṃ namo bhagavate śrīsūryāyākṣitejase'hovāhini vāhini svāhā ||iti śrīsūryāryādvādaśakastutiḥ samāptā |