शनिरक्षास्तवः Shrishanirakshastavah

॥ पूर्वपीठिका ॥श्रीनारद उवाच ।ध्यात्वा गणपतिं राजा धर्मराजो युधिष्ठिरः ।धीरः शनैश्चरस्येमं चकार स्तवमुत्तमम् ॥

|| pūrvapīṭhikā ||śrīnārada uvāca |dhyātvā gaṇapatiṃ rājā dharmarājo yudhiṣṭhiraḥ |dhīraḥ śanaiścarasyemaṃ cakāra stavamuttamam ||

॥ मूलपाठः ॥

|| mūlapāṭhaḥ ||

॥ विनियोगः ॥ॐ अस्य श्रीशनिस्तवराजस्य सिन्धुद्वीप ऋषिः । गायत्री छन्दः ।श्रीशनैश्चर देवता । श्रीशनैश्चरप्रीत्यर्थे पाठे विनियोगः ॥

|| viniyogaḥ ||oṃ asya śrīśanistavarājasya sindhudvīpa ṛṣiḥ | gāyatrī chandaḥ |śrīśanaiścara devatā | śrīśanaiścaraprītyarthe pāṭhe viniyogaḥ ||

॥ ऋष्यादिन्यासः ॥शिरसि सिन्धुद्वीपर्षये नमः । मुखे गायत्रीछन्दसे नमः ।

|| ṛṣyādinyāsaḥ ||śirasi sindhudvīparṣaye namaḥ | mukhe gāyatrīchandase namaḥ |

हृदि श्रीशनैश्चरदेवतायै नमः ।

hṛdi śrīśanaiścaradevatāyai namaḥ |

सर्वाङ्गे श्रीशनैश्चरप्रीत्यर्थे विनियोगाय नमः ॥

sarvāṅge śrīśanaiścaraprītyarthe viniyogāya namaḥ ||

॥ स्तवः ॥शिरो मे भास्करिः पातु भालं छायासुतोऽवतु ।कोटराक्षो दृशौ पातु शिखिकण्ठनिभः श्रुती ॥घ्राणं मे भीषणः पातु मुखं बलिमुखोऽवतु ।स्कन्धौ संवर्तकः पातु भुजो मे भयदोऽवतु ॥सौरिर्मे हृदयं पातु नाभिं शनैश्चरोऽवतु ।ग्रहराजः कटिं पातु सर्वतो रविनन्दनः ॥पादौ मन्दगतिः पातु कृष्णः पात्वखिलं वपुः ॥

|| stavaḥ ||śiro me bhāskariḥ pātu bhālaṃ chāyāsuto'vatu |koṭarākṣo dṛśau pātu śikhikaṇṭhanibhaḥ śrutī ||ghrāṇaṃ me bhīṣaṇaḥ pātu mukhaṃ balimukho'vatu |skandhau saṃvartakaḥ pātu bhujo me bhayado'vatu ||saurirme hṛdayaṃ pātu nābhiṃ śanaiścaro'vatu |graharājaḥ kaṭiṃ pātu sarvato ravinandanaḥ ||pādau mandagatiḥ pātu kṛṣṇaḥ pātvakhilaṃ vapuḥ ||

॥ फलश्रुतिः ॥रक्षामेतां पठेन्नित्यं सौरेर्नामाबलैर्युतम् ।सुखी पुत्री चिरायुश्च स भवेन्नात्र संशयः ॥

|| phalaśrutiḥ ||rakṣāmetāṃ paṭhennityaṃ saurernāmābalairyutam |sukhī putrī cirāyuśca sa bhavennātra saṃśayaḥ ||

॥ इति श्रीशनिरक्षास्तवः ॥

|| iti śrīśanirakṣāstavaḥ ||