नवग्रहपीडाहरस्तोत्रम् २ Navagraha Pidahara Stotram 2

सिन्दूरारुण रक्ताङ्गः कर्णान्तायत लोचनः ।सहस्रकिरणः श्रीमान् सप्ताश्वकृतवाहनः ॥ १॥

sindūrāruṇa raktāṅgaḥ karṇāntāyata locanaḥ |sahasrakiraṇaḥ śrīmān saptāśvakṛtavāhanaḥ || 1||

गभस्तिमाली भगवान्।ह्शिवपूजापरायणः ।करोतु मे महाशान्तिं ग्रहपीडां व्यपोहतु ॥ २॥

gabhastimālī bhagavān|hśivapūjāparāyaṇaḥ |karotu me mahāśāntiṃ grahapīḍāṃ vyapohatu || 2||

जगदाप्यायनकरो ह्यमृताधारशीतलः ।सोमः सौम्येन भावेन ग्रहपीडां व्यपोहतु ॥ ३॥

jagadāpyāyanakaro hyamṛtādhāraśītalaḥ |somaḥ saumyena bhāvena grahapīḍāṃ vyapohatu || 3||

पद्मरागनिभा नेना देहेनापिङ्गललोचनः ।( वर् पद्मरागनिभाङ्गेन करिपिङ्गललोचनः)अङ्गारकः शिवेभक्तो रुद्रार्चन परायणः ॥ ४॥

padmarāganibhā nenā dehenāpiṅgalalocanaḥ |( var padmarāganibhāṅgena karipiṅgalalocanaḥ)aṅgārakaḥ śivebhakto rudrārcana parāyaṇaḥ || 4||

रुद्रसद्भावसम्पन्नो रुद्रध्यानैकमनसःग्रहपीडा भयं सर्वं विनाशयतु मे सदा ॥ ५॥

rudrasadbhāvasampanno rudradhyānaikamanasaḥgrahapīḍā bhayaṃ sarvaṃ vināśayatu me sadā || 5||

कुङ्कुमच्छविदेहेन चारुद्युत्करतः सदा ।शिवभक्तो बुधः श्रीमान् ग्रहपीडां व्यपोहतु ॥ ६॥

kuṅkumacchavidehena cārudyutkarataḥ sadā |śivabhakto budhaḥ śrīmān grahapīḍāṃ vyapohatu || 6||

धातु चामीकरच्छायः सर्वज्ञानकृतालयः ।( वर् तप्त चामीकरच्छायः)बृहस्पतिः सदाकालमीशानार्चनतत्परः ॥ ७॥

dhātu cāmīkaracchāyaḥ sarvajñānakṛtālayaḥ |( var tapta cāmīkaracchāyaḥ)bṛhaspatiḥ sadākālamīśānārcanatatparaḥ || 7||

सोऽपि मे शान्तचित्तेन परमेण समाहितः ।ग्रहपीडां विनिर्जित्य करोतु विजयं सदा ॥ ८॥

so'pi me śāntacittena parameṇa samāhitaḥ |grahapīḍāṃ vinirjitya karotu vijayaṃ sadā || 8||

हिमकुन्देन्दुतुल्याभः सुरदैत्येन्द्रपूजितः ।शुक्रः शिवार्चनरतो ग्रहपीडां व्यपोहतु ॥ ९॥

himakundendutulyābhaḥ suradaityendrapūjitaḥ |śukraḥ śivārcanarato grahapīḍāṃ vyapohatu || 9||

भिन्नाञ्जनचयच्छायः सरक्तनयनद्युतिः ।शनैश्चरः शिवेभक्तो ग्रहपीडां व्यपोहतु ॥ १०॥

bhinnāñjanacayacchāyaḥ saraktanayanadyutiḥ |śanaiścaraḥ śivebhakto grahapīḍāṃ vyapohatu || 10||

नीलाञ्जननिभः श्रीमान् सैहिकेयो महाबलः ।शिवपूजापरो राहुग्रहपीडा व्यपोहतु ॥ ११॥

nīlāñjananibhaḥ śrīmān saihikeyo mahābalaḥ |śivapūjāparo rāhugrahapīḍā vyapohatu || 11||

धूम्राकारो ग्रहः केतुरैशान्यां दिशि संस्थितः ।वर्तुलोऽतीव विस्तीर्णलोचनैश्च विभीषणः ॥ १२॥

dhūmrākāro grahaḥ keturaiśānyāṃ diśi saṃsthitaḥ |vartulo'tīva vistīrṇalocanaiśca vibhīṣaṇaḥ || 12||

पलाशधूम्रसङ्काशो ग्रहपीडाऽपकारकः ।घोरदंष्ट्राकरालश्च करोतु विजयं मम ॥ १३॥

palāśadhūmrasaṅkāśo grahapīḍā'pakārakaḥ |ghoradaṃṣṭrākarālaśca karotu vijayaṃ mama || 13||

खड्गखेटकहस्तश्च वरेण्यो वरदः शुभः ।शिवभक्तश्चाऽग्रजन्मा ग्रहपीडां व्यपोहतु ॥ १४॥

khaḍgakheṭakahastaśca vareṇyo varadaḥ śubhaḥ |śivabhaktaścā'grajanmā grahapīḍāṃ vyapohatu || 14||

एते ग्रहा महात्मानो महेशार्चनभाविताः ।शान्तिं कुर्वन्तु मे हृष्टाः सदाकालं हितैषिणः ॥ १५॥

ete grahā mahātmāno maheśārcanabhāvitāḥ |śāntiṃ kurvantu me hṛṣṭāḥ sadākālaṃ hitaiṣiṇaḥ || 15||

॥ इति नवग्रहपीडाहरस्तोत्रं (२) सम्पूर्णम् ॥

|| iti navagrahapīḍāharastotraṃ (2) sampūrṇam ||