नवग्रहकृतयः Navagrahakritis By Muttusvami Dikshitara

१ सूर्यःराग सौराष्ट्र ताल चतुश्रजातिध्रुव

1 sūryaḥrāga saurāṣṭra tāla catuśrajātidhruva

सूर्यमूर्ते नमोऽस्तु ते सुन्दर छायाधिपते ।

sūryamūrte namo'stu te sundara chāyādhipate |

कार्यकारणात्मक जगत्प्रकाशक सिंहराश्यधिपतेआर्यविनुत तेजःस्फूर्ते आरोग्यादिफलदकीर्ते ।

kāryakāraṇātmaka jagatprakāśaka siṃharāśyadhipateāryavinuta tejaḥsphūrte ārogyādiphaladakīrte |

सारसमित्र मित्र भानो सहस्रकिरण कर्णसूनोक्रूरपापहर कृशानो गुरुगुहमोदितस्वभानोसूरिजनेडित सुदिनमणे सोमादिग्रहशिखामणेधीरार्चित कर्मसाक्षिणे दिव्यतरसप्ताश्वरथिनेसौराष्टार्णमन्त्रात्मने सौवर्णस्वरूपात्मनेभारतीशहरिहरात्मने भुक्तिमुक्तिवितरणात्मने ॥

sārasamitra mitra bhāno sahasrakiraṇa karṇasūnokrūrapāpahara kṛśāno guruguhamoditasvabhānosūrijaneḍita sudinamaṇe somādigrahaśikhāmaṇedhīrārcita karmasākṣiṇe divyatarasaptāśvarathinesaurāṣṭārṇamantrātmane sauvarṇasvarūpātmanebhāratīśahariharātmane bhuktimuktivitaraṇātmane ||

२ चन्द्रःराग असावेरी ताल चतुश्रजाति मट्य

2 candraḥrāga asāverī tāla catuśrajāti maṭya

चन्द्रं भज मानस साधुहृदयसदृशम् ।

candraṃ bhaja mānasa sādhuhṛdayasadṛśam |

इन्द्रादिलोकपालेडिततारेशंकमनीयकटकराश्यादीपम् ।इन्दुं षोडशकलाधरं निशाकरंइन्दिरासहोदरं सुधाकरं अनिशम् ।

indrādilokapāleḍitatāreśaṃkamanīyakaṭakarāśyādīpam |induṃ ṣoḍaśakalādharaṃ niśākaraṃindirāsahodaraṃ sudhākaraṃ aniśam |

शङ्करमौळिविभूषणं शीतकिरणंचतुर्भुजं मदनछत्रं क्षपाकरंवेङ्कटेशनयनं विराण्मनोजननंविधुं कुमुदमित्रं विधिगुरुगुहवक्त्रंशशाङ्कं गीष्पतिशापानुग्रहपात्रंशरच्चन्द्रिकाधवळप्रकाशगात्रंकङ्कणकेयूरहारमकुटादिधरंपङ्कजरिपुं रोहिणीप्रियकरचतुरम् ॥

śaṅkaramauḷivibhūṣaṇaṃ śītakiraṇaṃcaturbhujaṃ madanachatraṃ kṣapākaraṃveṅkaṭeśanayanaṃ virāṇmanojananaṃvidhuṃ kumudamitraṃ vidhiguruguhavaktraṃśaśāṅkaṃ gīṣpatiśāpānugrahapātraṃśaraccandrikādhavaḷaprakāśagātraṃkaṅkaṇakeyūrahāramakuṭādidharaṃpaṅkajaripuṃ rohiṇīpriyakaracaturam ||

३ अङ्गारकःराग सुरटि ताल चतुश्रजाति रूपकअङ्गारकमाश्रयाम्यहं विनताश्रितजनमन्दारंमङ्गळवारं भूमिकुमारं वारं वारम् ।

3 aṅgārakaḥrāga suraṭi tāla catuśrajāti rūpakaaṅgārakamāśrayāmyahaṃ vinatāśritajanamandāraṃmaṅgaḷavāraṃ bhūmikumāraṃ vāraṃ vāram |

भृङ्गारकं मेषवृश्चिकराश्यधिपतिंरक्ताङ्गं रक्ताम्बरादिधरं शक्तिशूलधरंमङ्गळं कम्बुगळं मञ्जुळतरकरयुगळंमङ्गळदायकमेषतुरङ्गं मकरोत्तुङ्गम् ।

bhṛṅgārakaṃ meṣavṛścikarāśyadhipatiṃraktāṅgaṃ raktāmbarādidharaṃ śaktiśūladharaṃmaṅgaḷaṃ kambugaḷaṃ mañjuḷatarakarayugaḷaṃmaṅgaḷadāyakameṣaturaṅgaṃ makarottuṅgam |

दानवसुरसेवितं मन्दस्मितविलसितवक्त्रंधरणीप्रदं भ्रातृकारकं रक्तनेत्रंदीनरक्षकं पूजितवैद्यनाथक्षेत्रंदिव्यौघादिगुरुगुहकटाक्षानुग्रहपात्रंभानुचन्द्रगुरुमित्रं भासमानसुकळत्रंजानुस्थहस्तचित्रं चतुर्भुजमतिविचित्रम् ॥

dānavasurasevitaṃ mandasmitavilasitavaktraṃdharaṇīpradaṃ bhrātṛkārakaṃ raktanetraṃdīnarakṣakaṃ pūjitavaidyanāthakṣetraṃdivyaughādiguruguhakaṭākṣānugrahapātraṃbhānucandragurumitraṃ bhāsamānasukaḷatraṃjānusthahastacitraṃ caturbhujamativicitram ||

४ बुधःराग नाटकुरञ्जि ताल मिश्रजाति झम्प

4 budhaḥrāga nāṭakurañji tāla miśrajāti jhampa

बुधमाश्रयामि सततंसुरविनुतं छन्द्रतारासुतम् ।

budhamāśrayāmi satataṃsuravinutaṃ chandratārāsutam |

बुधजनैर्वेदितं भूसुरैर्मोदितंमधुरकविताप्रदं महनीयसम्पदम् ।

budhajanairveditaṃ bhūsurairmoditaṃmadhurakavitāpradaṃ mahanīyasampadam |

कुङ्कुमसमद्युतिं गुरुगुहमुदाकृतिंकुजवैरिणं मणिमकुटहारकेयूरकङ्कणादिधरणं कमनीयतरमिथुनकन्याधिपं पुस्तककरं नपुंसकंकिङ्करजनमहितं किल्बिषादिरहितंशङ्करभक्तहितं सदानन्दसहितम् ॥

kuṅkumasamadyutiṃ guruguhamudākṛtiṃkujavairiṇaṃ maṇimakuṭahārakeyūrakaṅkaṇādidharaṇaṃ kamanīyataramithunakanyādhipaṃ pustakakaraṃ napuṃsakaṃkiṅkarajanamahitaṃ kilbiṣādirahitaṃśaṅkarabhaktahitaṃ sadānandasahitam ||

५ बृहस्पतिःराग अठाण ताल तिश्रजाति त्रिपुट

5 bṛhaspatiḥrāga aṭhāṇa tāla tiśrajāti tripuṭa

बृहस्पते तारापते ब्रह्मजाते नमोऽस्तु ते ।

bṛhaspate tārāpate brahmajāte namo'stu te |

महाबल विभो गीष्पते मञ्जुधनुर्मीनाधिपतेमहेन्द्राद्युपासितकृते माधवादिविनुतधीमते ।

mahābala vibho gīṣpate mañjudhanurmīnādhipatemahendrādyupāsitakṛte mādhavādivinutadhīmate |

सुराचार्यवर्य वज्रधर शुभलक्षण जगत्त्रयगुरोजरादिवर्जित अक्रोध कचजनक आश्रितजनकल्पतरोपुरारिगुरुगुहसंमोदित पुत्रकारक दीनबन्धोपरादिचत्वारिवाक्स्वरूपप्रकाशक दयासिन्धोनिरामयाय नीतिकर्त्रे निरङ्कुशाय विश्वभर्त्रेनिरञ्जनाय भुवनभोक्त्रे निरंशाय महाप्रदात्रे ॥

surācāryavarya vajradhara śubhalakṣaṇa jagattrayagurojarādivarjita akrodha kacajanaka āśritajanakalpataropurāriguruguhasaṃmodita putrakāraka dīnabandhoparādicatvārivāksvarūpaprakāśaka dayāsindhonirāmayāya nītikartre niraṅkuśāya viśvabhartrenirañjanāya bhuvanabhoktre niraṃśāya mahāpradātre ||

६ शुक्रःराग परशु ताल खण्डजाति अट

6 śukraḥrāga paraśu tāla khaṇḍajāti aṭa

श्रीशुक्रभगवन्तं चिन्तयामि सन्ततं सकलतत्त्वज्ञम् ।

śrīśukrabhagavantaṃ cintayāmi santataṃ sakalatattvajñam |

हे शुक्रभगवन् मामाशु पालय वृषतुलाधीश दैत्यहितोपदेशकेशवकटाक्षैकनेत्रं किरीटधरं धवळगात्रम् ।

he śukrabhagavan māmāśu pālaya vṛṣatulādhīśa daityahitopadeśakeśavakaṭākṣaikanetraṃ kirīṭadharaṃ dhavaḷagātram |

विंशतिवत्सरोडुदशाविभागं अष्टवर्गंकविं कळत्रकारकं रविनिर्जरगुरुवैरिणंनवांशहोराद्रेक्काणादिवर्गोत्तमावसरसमयेवक्रोच्चनीचस्वक्षेत्रवरकेन्द्रमूलत्रिकोणेत्रिंशांशषष्ठ्यंशैरावतांशपारिजातांशगोपुरांशराजयोगकारकं राज्यप्रदं गुरुगुहमुदम् ॥

viṃśativatsaroḍudaśāvibhāgaṃ aṣṭavargaṃkaviṃ kaḷatrakārakaṃ ravinirjaraguruvairiṇaṃnavāṃśahorādrekkāṇādivargottamāvasarasamayevakroccanīcasvakṣetravarakendramūlatrikoṇetriṃśāṃśaṣaṣṭhyaṃśairāvatāṃśapārijātāṃśagopurāṃśarājayogakārakaṃ rājyapradaṃ guruguhamudam ||

७ शनैश्चरःराग यदुकुलकांभोधि ताल मिश्रजाति एक

7 śanaiścaraḥrāga yadukulakāṃbhodhi tāla miśrajāti eka

दिवाकरतनूजं शनैश्चरं धीरतरं सन्ततं चिन्तयेऽहम् ।

divākaratanūjaṃ śanaiścaraṃ dhīrataraṃ santataṃ cintaye'ham |

भवाम्बुनिधौ निमग्नजनानां भयंकरं अतिक्रूरफलदंभवानीशकटाक्षपात्रभूतभक्तिमतां अतिशयशुभफलदम् ।

bhavāmbunidhau nimagnajanānāṃ bhayaṃkaraṃ atikrūraphaladaṃbhavānīśakaṭākṣapātrabhūtabhaktimatāṃ atiśayaśubhaphaladam |

कालाञ्जनकान्तियुक्तदेहं कालसहोदरं काकवाहंनीलांशुकपुष्पमालावृतं नीलरत्नभूषणालङ्कृतंमालिनीनुतं गुरुगुहमुदितं मकरकुम्भराशि नाथं तिलतैलमिश्रितान्नदीपप्रियं दयासुधासागरं निर्भयंकालदण्डपरिपीडितजानुं कामितार्थफलदकामधेनुंकालचक्रभेदचित्रभानुं कल्पितछायादेवीसूनुम् ॥

kālāñjanakāntiyuktadehaṃ kālasahodaraṃ kākavāhaṃnīlāṃśukapuṣpamālāvṛtaṃ nīlaratnabhūṣaṇālaṅkṛtaṃmālinīnutaṃ guruguhamuditaṃ makarakumbharāśi nāthaṃ tilatailamiśritānnadīpapriyaṃ dayāsudhāsāgaraṃ nirbhayaṃkāladaṇḍaparipīḍitajānuṃ kāmitārthaphaladakāmadhenuṃkālacakrabhedacitrabhānuṃ kalpitachāyādevīsūnum ||

८ राहुःराग रामप्रिय ताल चतुश्रजाति रूपक

8 rāhuḥrāga rāmapriya tāla catuśrajāti rūpaka

स्मराम्यहं सदा राहुं सूर्यचन्द्रवीक्ष्यं विकृतदेहम् ।

smarāmyahaṃ sadā rāhuṃ sūryacandravīkṣyaṃ vikṛtadeham |

सुरासुरं रोगहरं सर्पादिभीतिहरंशूर्पासनसुखकरं शूलायुधधरकरम् ।

surāsuraṃ rogaharaṃ sarpādibhītiharaṃśūrpāsanasukhakaraṃ śūlāyudhadharakaram |

कराळवदनं कठिनं कयानार्णकरुणार्द्रापाङ्गंचतुर्भुजं खड्गखेटादिधरणंचर्मादिनीलवस्त्रं गोमेदकाभरणंशनिशुक्रमित्रगुरुगुहसन्तोषकरणम् ॥

karāḷavadanaṃ kaṭhinaṃ kayānārṇakaruṇārdrāpāṅgaṃcaturbhujaṃ khaḍgakheṭādidharaṇaṃcarmādinīlavastraṃ gomedakābharaṇaṃśaniśukramitraguruguhasantoṣakaraṇam ||

९ केतुःराग चामर ताल चतुश्रजाति रूपक

9 ketuḥrāga cāmara tāla catuśrajāti rūpaka

महासुरं केतुमहं भजामि छायाग्रहं वरम् ।

mahāsuraṃ ketumahaṃ bhajāmi chāyāgrahaṃ varam |

महाविचित्रमकुटधरं मङ्गलवस्त्रादिधरंनरपीठस्थितं सुखं नवग्रहयुतं सखम् ।

mahāvicitramakuṭadharaṃ maṅgalavastrādidharaṃnarapīṭhasthitaṃ sukhaṃ navagrahayutaṃ sakham |

केतुं कृण्वन्मन्त्रिणं क्रोधनिधिजैमिनंकुलुत्तादिभक्षणं कोणध्वजपताकिनंगुरुगुहचामरभरणं गुणदोष जिताभरणंग्रहणादिकार्यकारणं ग्रहापसव्यसञ्चारिणम् ॥

ketuṃ kṛṇvanmantriṇaṃ krodhanidhijaiminaṃkuluttādibhakṣaṇaṃ koṇadhvajapatākinaṃguruguhacāmarabharaṇaṃ guṇadoṣa jitābharaṇaṃgrahaṇādikāryakāraṇaṃ grahāpasavyasañcāriṇam ||