राघवेन्द्रप्रदक्षिणागद्यम् Shri Raghavendra Pradakshinagadyam

जय जय गुरुराज, जय जय जगतः क्षेमाय, श्रीराघवेन्द्रगुरुसार्वभौम भो, शरणागतभूभृन्निकुरम्बम्, नान्यावलम्बंविगतविलम्बं रक्षितुकामं, सुगुणारामं दोषविरामं, ग्रहणेभीमं, बुधजन सन्देहहरं, वन्दे मयि कुरु मन्दे, सन्ततकरुणां,शोकहरणां पार्वणहरिणाङ्काननरमणीयाकृति हरिणीलोचन तरुणीलीलासरणीलोलुपचित्ते यौवनमत्ते, विनिहतवित्ते, विगतमहत्ते,वनमदमत्तेभकुम्भवृत्ते स्तने प्रदत्तेहे, हा हतशीले, कपटशीले,श्रीलगृहान् वा गाम गामं दीनारान् वा यायं याचं, हीननरान् वा सेवंसेवं, परदारान् वा दर्शं दर्शं सञ्चितपापे, कुञ्चितपुण्ये,वञ्चितसाधौ, पञ्चमरागे, पञ्चितकर्णे, पञ्चशरास्त्रैःअञ्चितबाधे, सुलभक्रोधे, विगतविबोधे, विवेकहीने, काङ्क्षितयाने,मतापमाने, भवमधिरूढे, भावितुमूढे, कैतवगूढे, मयिगुणलेशोऽपि न हि, रमेशोपासनयेशो शकलं कर्तुं चान्यत् कर्तुंतत्तेङ्घ्र्यम्भोजं प्रापं भो, जय जय गुरुराज गुरुराज ॥ १॥

jaya jaya gururāja, jaya jaya jagataḥ kṣemāya, śrīrāghavendragurusārvabhauma bho, śaraṇāgatabhūbhṛnnikurambam, nānyāvalambaṃvigatavilambaṃ rakṣitukāmaṃ, suguṇārāmaṃ doṣavirāmaṃ, grahaṇebhīmaṃ, budhajana sandehaharaṃ, vande mayi kuru mande, santatakaruṇāṃ,śokaharaṇāṃ pārvaṇahariṇāṅkānanaramaṇīyākṛti hariṇīlocana taruṇīlīlāsaraṇīlolupacitte yauvanamatte, vinihatavitte, vigatamahatte,vanamadamattebhakumbhavṛtte stane pradattehe, hā hataśīle, kapaṭaśīle,śrīlagṛhān vā gāma gāmaṃ dīnārān vā yāyaṃ yācaṃ, hīnanarān vā sevaṃsevaṃ, paradārān vā darśaṃ darśaṃ sañcitapāpe, kuñcitapuṇye,vañcitasādhau, pañcamarāge, pañcitakarṇe, pañcaśarāstraiḥañcitabādhe, sulabhakrodhe, vigatavibodhe, vivekahīne, kāṅkṣitayāne,matāpamāne, bhavamadhirūḍhe, bhāvitumūḍhe, kaitavagūḍhe, mayiguṇaleśo'pi na hi, rameśopāsanayeśo śakalaṃ kartuṃ cānyat kartuṃtatteṅghryambhojaṃ prāpaṃ bho, jaya jaya gururāja gururāja || 1||

यतिवर मायोपहतो भूयो दारापत्यादिकसंसृत्यामनुभूयैवंदुःखमभूवं, पुत्रोऽहं ते हिमकरशान्ते, कमलाकान्तेडितचरणान्ते, कृतविश्रान्ते, नितरां मां ते पदरुद्ध्वाङ्क्षे,स्रर्थाकाङ्क्षे स्मरदाकाङ्क्षे, ??कनकमयघटीकनत्कुचतटी लसत्तनुपटीरलक्षितकटीरलघुश्रोणीभ्रमरश्रेणी सन्निभवेणीर्मञ्जुल वाणी नयनजितैणीः,कुचभरतान्ताः, कपटस्वान्ताः, कलिभिरशान्ताः, विलोक्यकान्ताः चञ्चलमनसा, भ्रान्तस्तरसा, मोहावर्ते, सुचिरंप्रीत्यै तासामुत्तमवासांस्यनर्घ्यभूषादिकानिनीषामालम्ब्याहं,कुञ्चितदेहं धनिनां गेहं त्वरितङ्गत्वा दीनो भूत्वा, स्तवनंकृत्वा, परीचरित्वा कोशं नापं, क्लेशमवापं, विपुलालापं,कृत जपलोपं, धृतावलेपं, साधितकपटं, मुखवीतपटं,धृतजपमालं, भुविजनजालं, सुवञ्चयानो, विहङ्गयानोपासहीनो,व्यचरं नित्यं, नरकं सत्यं भवतीत्यालोच्य, सम्प्रति लोपागत,शरणागत जनभरणादरवन्तं त्वां पितरं मत्वाऽधुनागतो भो जयजय गुरुराज गुरुराज ॥ २॥

yativara māyopahato bhūyo dārāpatyādikasaṃsṛtyāmanubhūyaivaṃduḥkhamabhūvaṃ, putro'haṃ te himakaraśānte, kamalākānteḍitacaraṇānte, kṛtaviśrānte, nitarāṃ māṃ te padaruddhvāṅkṣe,srarthākāṅkṣe smaradākāṅkṣe, ??kanakamayaghaṭīkanatkucataṭī lasattanupaṭīralakṣitakaṭīralaghuśroṇībhramaraśreṇī sannibhaveṇīrmañjula vāṇī nayanajitaiṇīḥ,kucabharatāntāḥ, kapaṭasvāntāḥ, kalibhiraśāntāḥ, vilokyakāntāḥ cañcalamanasā, bhrāntastarasā, mohāvarte, suciraṃprītyai tāsāmuttamavāsāṃsyanarghyabhūṣādikāninīṣāmālambyāhaṃ,kuñcitadehaṃ dhanināṃ gehaṃ tvaritaṅgatvā dīno bhūtvā, stavanaṃkṛtvā, parīcaritvā kośaṃ nāpaṃ, kleśamavāpaṃ, vipulālāpaṃ,kṛta japalopaṃ, dhṛtāvalepaṃ, sādhitakapaṭaṃ, mukhavītapaṭaṃ,dhṛtajapamālaṃ, bhuvijanajālaṃ, suvañcayāno, vihaṅgayānopāsahīno,vyacaraṃ nityaṃ, narakaṃ satyaṃ bhavatītyālocya, samprati lopāgata,śaraṇāgata janabharaṇādaravantaṃ tvāṃ pitaraṃ matvā'dhunāgato bho jayajaya gururāja gururāja || 2||

कृष्णावधूतं मां कुरु पूतं, तव पदपोतं त्वमेव शरणंनान्यत्करणं, भवभयहरणं, त्वदभयहस्तं दत्तसमस्तं,निधेहि मस्ते, जगति समस्ते, सदृशः कस्ते, समस्ततन्त्रस्वतन्त्र मन्त्रालयकृतधामन्, शुभगुणभूमन्, उदारधीमंस्तवमहिमानं, निरस्तमानं, प्रकाशमानं, निशम्यनिकटं, भक्तिप्रकटं,प्राप्तजनानां भजमानानां, त्वरितं नानाभीप्सितदानालम्बितवलयं,कृतपापलयं, त्वामाऽऽलोक्यादरात्त्रिलोक्यामनुपमचरितं,मम बहुदुरितं, दूरूकुर्यादिति मत्वार्यागतमुद्धरमामितरासुगमामुद्धृतिविद्यां यास्यनवद्यां, प्रतिहतनिद्रैःसौधसमुद्रैस्तुङ्गतरङ्गैः प्रेमकुरङ्गैः सम्भृतसङ्गैःललितापाङ्गैः, पश्यन् सदयं, मोदित हृदयं, कुरु तव शक्तिंवक्तुमशक्तिं भजमानोऽहं नाशक मेघस्फीतमनीषो हेयविशेषो,विषादपूरे, निर्गतसारेऽस्थिरसंसारे, सुखावभासं, दुःखविकासं,बहुमन्वानः, किं तन्वानः, सुखी भवेयं तव पदि सेयं प्रणामरीतिःपालय मां भोः जय जय गुरुराज गुरुराज ॥ ३॥

kṛṣṇāvadhūtaṃ māṃ kuru pūtaṃ, tava padapotaṃ tvameva śaraṇaṃnānyatkaraṇaṃ, bhavabhayaharaṇaṃ, tvadabhayahastaṃ dattasamastaṃ,nidhehi maste, jagati samaste, sadṛśaḥ kaste, samastatantrasvatantra mantrālayakṛtadhāman, śubhaguṇabhūman, udāradhīmaṃstavamahimānaṃ, nirastamānaṃ, prakāśamānaṃ, niśamyanikaṭaṃ, bhaktiprakaṭaṃ,prāptajanānāṃ bhajamānānāṃ, tvaritaṃ nānābhīpsitadānālambitavalayaṃ,kṛtapāpalayaṃ, tvāmā''lokyādarāttrilokyāmanupamacaritaṃ,mama bahuduritaṃ, dūrūkuryāditi matvāryāgatamuddharamāmitarāsugamāmuddhṛtividyāṃ yāsyanavadyāṃ, pratihatanidraiḥsaudhasamudraistuṅgataraṅgaiḥ premakuraṅgaiḥ sambhṛtasaṅgaiḥlalitāpāṅgaiḥ, paśyan sadayaṃ, modita hṛdayaṃ, kuru tava śaktiṃvaktumaśaktiṃ bhajamāno'haṃ nāśaka meghasphītamanīṣo heyaviśeṣo,viṣādapūre, nirgatasāre'sthirasaṃsāre, sukhāvabhāsaṃ, duḥkhavikāsaṃ,bahumanvānaḥ, kiṃ tanvānaḥ, sukhī bhaveyaṃ tava padi seyaṃ praṇāmarītiḥpālaya māṃ bhoḥ jaya jaya gururāja gururāja || 3||

इति श्रीमत्कृष्णावधूतपण्डितकृतौ श्रीराघवेन्द्रतन्त्रे दशमपटलेप्रदक्षिणागद्यं सम्पूर्णम् ।

iti śrīmatkṛṣṇāvadhūtapaṇḍitakṛtau śrīrāghavendratantre daśamapaṭalepradakṣiṇāgadyaṃ sampūrṇam |