सर्वसमर्पणगद्यम् Sarvasamarpanagadyam

ॐ जाग्रत्स्वप्नसुषुप्त्याख्यावस्थात्रयनियामक, मदन्तर्यामि मुख्यप्राणान्तर्गत विश्वतैजसप्राज्ञात्मक,हिङ्कारादिषट्सामप्रतिपाद्य षट्कालनियामक, अनिरुद्धप्रद्युम्नसङ्कर्षणवासुदेववराहनारसिंहषण्मूर्त्यात्मक,स्वहृदयमध्यस्थितसुषुम्नानाडीदक्षिणपार्श्वस्थितपञ्चाशत्सङ्ख्याकपिङ्गळानाडीषु तदुत्तरपार्श्वस्थिततावत्सङ्ख्याकव्यञ्जनवर्णप्रतिपाद्यतावत्सङ्ख्याकेडानाडीषु तत्तद्योग्यतत्तत्कालानुसारप्राप्ततत्तन्नाडीस्थितबृहतीछन्दऋक्सहस्रगतषट्त्रिंशत्सहस्रस्वराख्याक्षरप्रतिपाद्य तन्निष्ठ तन्नियामकप्रातर्माध्यन्दिनसायमाख्यसवनत्रयतत्तत्कालीनतदभिमानिवसुरुद्रादित्योपास्यपरमाणुसम्बन्धितावत्सङ्ख्याकाहर्नियामकाहर्नामक मुख्यप्राणोपास्यरमायुक्तपुरुषरूपात्मक प्रादेशमात्रहृदयव्यापकप्रादेशपरिमितस्थानेशात्मक देहान्तर्गतदेहाङ्गुष्ठपरिमितजीवान्तर्गत जीवाङ्गुष्ठपरिमित स्वहृदयकमलकर्णिकामूलस्थितमूलेशात्मक तावत्परिमितकर्णिकाग्रस्थितबिम्बरूपे जीवेशत्वदृष्ट्याऽनादिकालतः प्राप्तमदीयशुभाशुभकर्मणोर्मध्येशुभकर्मानुसारतस्तत्प्रेरितेन मुख्यप्राणेन, तत्त्वाभिमानिदेवताद्वाराऽनुकारितावस्थात्रयनियामकानुभवकालघटितश्रीविष्णुस्वातन्त्र्यस्मृतिप्रदानक नित्यनैमित्तिककाम्यभेदेन त्रिविधविद्याश्रितस्ववर्णाश्रमोचितसङ्कल्पितभगवत्पूजात्मक कर्मफलजन्यफलेनापरोक्षज्ञानात् पूर्वमन्तःकरणशुद्धिद्वारातदुपासकेन ततः परं भगवदिच्छया प्राप्त निजगुरूपदिष्टस्वबिम्बविषयकपूर्णसच्चिदानन्दात्मक चतुर्गुणाद्युपासनजिज्ञासाद्युपासादिभिः स्वबिम्बापरोक्षज्ञानोत्पादकेन मनुष्योत्तमानामारभ्य चतुर्मुखपर्यन्तानां पञ्चविधमुक्तियोग्यानां च स्वबिम्बोपासिभिः लिङ्गापगमे स्वरूपानन्दाविर्भाववैचित्र्यानन्दप्रदज्ञानेन त्वयि समर्पितेन त्वत्पूजैवास्तु ।

oṃ jāgratsvapnasuṣuptyākhyāvasthātrayaniyāmaka, madantaryāmi mukhyaprāṇāntargata viśvataijasaprājñātmaka,hiṅkārādiṣaṭsāmapratipādya ṣaṭkālaniyāmaka, aniruddhapradyumnasaṅkarṣaṇavāsudevavarāhanārasiṃhaṣaṇmūrtyātmaka,svahṛdayamadhyasthitasuṣumnānāḍīdakṣiṇapārśvasthitapañcāśatsaṅkhyākapiṅgaḷānāḍīṣu taduttarapārśvasthitatāvatsaṅkhyākavyañjanavarṇapratipādyatāvatsaṅkhyākeḍānāḍīṣu tattadyogyatattatkālānusāraprāptatattannāḍīsthitabṛhatīchandaṛksahasragataṣaṭtriṃśatsahasrasvarākhyākṣarapratipādya tanniṣṭha tanniyāmakaprātarmādhyandinasāyamākhyasavanatrayatattatkālīnatadabhimānivasurudrādityopāsyaparamāṇusambandhitāvatsaṅkhyākāharniyāmakāharnāmaka mukhyaprāṇopāsyaramāyuktapuruṣarūpātmaka prādeśamātrahṛdayavyāpakaprādeśaparimitasthāneśātmaka dehāntargatadehāṅguṣṭhaparimitajīvāntargata jīvāṅguṣṭhaparimita svahṛdayakamalakarṇikāmūlasthitamūleśātmaka tāvatparimitakarṇikāgrasthitabimbarūpe jīveśatvadṛṣṭyā'nādikālataḥ prāptamadīyaśubhāśubhakarmaṇormadhyeśubhakarmānusāratastatpreritena mukhyaprāṇena, tattvābhimānidevatādvārā'nukāritāvasthātrayaniyāmakānubhavakālaghaṭitaśrīviṣṇusvātantryasmṛtipradānaka nityanaimittikakāmyabhedena trividhavidyāśritasvavarṇāśramocitasaṅkalpitabhagavatpūjātmaka karmaphalajanyaphalenāparokṣajñānāt pūrvamantaḥkaraṇaśuddhidvārātadupāsakena tataḥ paraṃ bhagavadicchayā prāpta nijagurūpadiṣṭasvabimbaviṣayakapūrṇasaccidānandātmaka caturguṇādyupāsanajijñāsādyupāsādibhiḥ svabimbāparokṣajñānotpādakena manuṣyottamānāmārabhya caturmukhaparyantānāṃ pañcavidhamuktiyogyānāṃ ca svabimbopāsibhiḥ liṅgāpagame svarūpānandāvirbhāvavaicitryānandapradajñānena tvayi samarpitena tvatpūjaivāstu |

तथा मदीयशुभाशुभकर्मणोर्मध्येअशुभकर्मानुसारेण त्वत्प्रेरितमुख्यप्राणेन तत्त्वाभिमानिअसुरमारभ्य कलिपर्यन्तानां तमोयोग्यानां पापबाधिभिर्गदायुधप्रदानेन महातमसिस्थितानां दुःखानुभवेन स्वरूपभूतदुःखातिशयप्रदातेति ज्ञानेन त्वयि समर्पितेन त्वत्पूजैवास्तु ॥

tathā madīyaśubhāśubhakarmaṇormadhyeaśubhakarmānusāreṇa tvatpreritamukhyaprāṇena tattvābhimāniasuramārabhya kaliparyantānāṃ tamoyogyānāṃ pāpabādhibhirgadāyudhapradānena mahātamasisthitānāṃ duḥkhānubhavena svarūpabhūtaduḥkhātiśayapradāteti jñānena tvayi samarpitena tvatpūjaivāstu ||

इति श्रीराघवेन्द्राख्ययतिना विरचितं सर्वसमर्पणगद्यं सम्पूर्णम् ।

iti śrīrāghavendrākhyayatinā viracitaṃ sarvasamarpaṇagadyaṃ sampūrṇam |