नागराजकवचम् नागकवचम् Shri Nagaraja Kavacham

(विनियोगः)नागराजस्य देवस्य कवचं सर्वकामदम् ।ऋषिरस्य महादेवो गायत्री छन्द ईरितः ॥ताराबीजं शिवाशक्तिः क्रोधबीजस्तु कीलकः ।देवता नागराजस्तु फणामणिविराजितः ।सर्वकामार्थसिध्यर्थे विनियोगः प्रकीर्तितः ॥(कवचम्)अनन्तो मे शिरः पातु कण्ठं सङ्कर्षणस्तथा ।कर्कोटको नेत्रयुग्मं कपिलः कर्णयुग्मकम् ॥ १॥

(viniyogaḥ)nāgarājasya devasya kavacaṃ sarvakāmadam |ṛṣirasya mahādevo gāyatrī chanda īritaḥ ||tārābījaṃ śivāśaktiḥ krodhabījastu kīlakaḥ |devatā nāgarājastu phaṇāmaṇivirājitaḥ |sarvakāmārthasidhyarthe viniyogaḥ prakīrtitaḥ ||(kavacam)ananto me śiraḥ pātu kaṇṭhaṃ saṅkarṣaṇastathā |karkoṭako netrayugmaṃ kapilaḥ karṇayugmakam || 1||

वक्षःस्थलं नागयक्षः बाहू कालभुजङ्गमः ।उदरं धृतराष्ट्रश्च वज्रनागस्तु पृष्ठकम् ॥ २॥

vakṣaḥsthalaṃ nāgayakṣaḥ bāhū kālabhujaṅgamaḥ |udaraṃ dhṛtarāṣṭraśca vajranāgastu pṛṣṭhakam || 2||

मर्माङ्गमश्वसेनस्तु पादावश्वतरोऽवतु ।वासुकिः पातु मां प्राच्ये आग्नेयां तु धनञ्जयः ॥ ३॥

marmāṅgamaśvasenastu pādāvaśvataro'vatu |vāsukiḥ pātu māṃ prācye āgneyāṃ tu dhanañjayaḥ || 3||

तक्षको दक्षिणे पातु नैरृत्यां शङ्खपालकः ।महापद्मः प्रतीच्यां तु वायव्यां शङ्खनीलकः ॥ ४॥

takṣako dakṣiṇe pātu nairṛtyāṃ śaṅkhapālakaḥ |mahāpadmaḥ pratīcyāṃ tu vāyavyāṃ śaṅkhanīlakaḥ || 4||

उत्तरे कम्बलः पातु ईशान्यां नागभैरवः ।ऊर्ध्वं चैरावतोऽधस्तात् नागभेतालनायकः ।सदा सर्वत्र मां पातु नागलोकाधिनायकाः ॥ ५॥

uttare kambalaḥ pātu īśānyāṃ nāgabhairavaḥ |ūrdhvaṃ cairāvato'dhastāt nāgabhetālanāyakaḥ |sadā sarvatra māṃ pātu nāgalokādhināyakāḥ || 5||

इति श्रीनागराजकवचं सम्पूर्णम् ।

iti śrīnāgarājakavacaṃ sampūrṇam |