ललितादेवीस्तोत्रम् (ललिता बृहन्नारदीयपुराणान्तर्गतम्) Lalitadevi Stotram
lalitādevīstotram (lalitā bṛhannāradīyapurāṇāntargatam)
Lalitadevi Stotram (ललितादेवीस्तोत्रम् (ललिता बृहन्नारदीयपुराणान्तर्गतम्)): a stotra to Lalitā. 14 verses in Sanskrit with Devanagari and IAST.
- Stotra
- Stotra
- Lalitā
- Stotra
ललितादेवीस्तोत्रम् (ललिता बृहन्नारदीयपुराणान्तर्गतम्)
1 / 14
गणेशग्रहनक्षत्रयोगिनीराशिरूपिणीम् ।देवीं मन्त्रमयीं नौमि मातृकापीठरूपिणीम् ॥ १०॥
gaṇeśagrahanakṣatrayoginīrāśirūpiṇīm |devīṃ mantramayīṃ naumi mātṛkāpīṭharūpiṇīm || 10||
प्रणमामि महादेवीं मातृकां परमेश्वरीम् ।कालहृल्लोहलोल्लोहकलानाशनकारिणीम् ॥ ११॥
praṇamāmi mahādevīṃ mātṛkāṃ parameśvarīm |kālahṛllohalollohakalānāśanakāriṇīm || 11||
यदक्षरैकमात्रेऽपि संसिद्धे स्पर्द्धते नरः ।रवितार्क्ष्येन्दुकन्दर्पैः शङ्करानलविष्णुभिः ॥ १२॥
yadakṣaraikamātre'pi saṃsiddhe sparddhate naraḥ |ravitārkṣyendukandarpaiḥ śaṅkarānalaviṣṇubhiḥ || 12||
यदक्षरशशिज्योत्स्नामण्डितं भुवनत्रयम् ।वन्दे सर्वेश्वरीं देवीं महाश्रीसिद्धमातृकाम् ॥ १३॥
yadakṣaraśaśijyotsnāmaṇḍitaṃ bhuvanatrayam |vande sarveśvarīṃ devīṃ mahāśrīsiddhamātṛkām || 13||
यदक्षरमहासूत्रप्रोतमेतज्जगत्त्रयम् ।ब्रह्याण्डादिकटाहान्तं तां वन्दे सिद्धमातृकाम् ॥ १४॥
yadakṣaramahāsūtraprotametajjagattrayam |brahyāṇḍādikaṭāhāntaṃ tāṃ vande siddhamātṛkām || 14||
यदेकादशमाधारं बीजं कोणत्रयोद्भवम् ।ब्रह्माण्डादिकटाहान्तं जगदद्यापि दृश्यते ॥ १५॥
yadekādaśamādhāraṃ bījaṃ koṇatrayodbhavam |brahmāṇḍādikaṭāhāntaṃ jagadadyāpi dṛśyate || 15||
अकचादिटतोन्नद्धपयशाक्षरवर्गिणीम् ।ज्येष्ठाङ्गबाहुहृत्कण्ठकटिपादनिवासिनीम् ॥ १६॥
akacādiṭatonnaddhapayaśākṣaravargiṇīm |jyeṣṭhāṅgabāhuhṛtkaṇṭhakaṭipādanivāsinīm || 16||
नौमीकाराक्षरोद्धारां सारात्सारां परात्पराम् ।प्रणमामि महादेवीं परमानन्दरूपिणीम् ॥ १७॥
naumīkārākṣaroddhārāṃ sārātsārāṃ parātparām |praṇamāmi mahādevīṃ paramānandarūpiṇīm || 17||
अथापि यस्या जानन्ति न मनागपि देवताः ।केयं कस्मात्क्व केनेति सरूपारूपभावनाम् ॥ १८॥
athāpi yasyā jānanti na manāgapi devatāḥ |keyaṃ kasmātkva keneti sarūpārūpabhāvanām || 18||
वन्दे तामहमक्षय्यां क्षकाराक्षररूपिणीम् ।देवीं कुलकलोल्लोलप्रोल्लसन्तीं शिवां पराम् ॥ १९॥
vande tāmahamakṣayyāṃ kṣakārākṣararūpiṇīm |devīṃ kulakalollolaprollasantīṃ śivāṃ parām || 19||
वर्गानुक्रमयोगेन यस्याख्योमाष्टकं स्थितम् ।वन्दे तामष्टवर्गोत्थमहासिद्।ह्ध्यादिकेश्वरीम् ॥ २०॥
vargānukramayogena yasyākhyomāṣṭakaṃ sthitam |vande tāmaṣṭavargotthamahāsid|hdhyādikeśvarīm || 20||
कामपूर्णजकाराख्यसुपीठान्तर्न्निवासिनीम् ।चतुराज्ञाकोशभूतां नौमि श्रीत्रिपुरामहम् ॥ २१॥
kāmapūrṇajakārākhyasupīṭhāntarnnivāsinīm |caturājñākośabhūtāṃ naumi śrītripurāmaham || 21||
एतत्स्तोत्रं तु नित्यानां यः पठेत्सुसमाहितः ।पूजादौ तस्य सर्वास्ता वरदाः स्युर्न संशयः ॥ २२॥
etatstotraṃ tu nityānāṃ yaḥ paṭhetsusamāhitaḥ |pūjādau tasya sarvāstā varadāḥ syurna saṃśayaḥ || 22||
इति नारदपुराणे पूर्वभागे एकोननवतितमाध्यायान्तर्गतंललितादेवीस्तोत्रं समाप्तम् ।बृहन्नारदीयपुराण । पूर्वभाग । अध्याय ८९/१०२२॥बृहन्नारदीयपुराण । पूर्वभाग । अध्याय ८९/१०-२२॥
iti nāradapurāṇe pūrvabhāge ekonanavatitamādhyāyāntargataṃlalitādevīstotraṃ samāptam |bṛhannāradīyapurāṇa | pūrvabhāga | adhyāya 89/1022||bṛhannāradīyapurāṇa | pūrvabhāga | adhyāya 89/10-22||
॥ इति ललितादेवीस्तोत्रम् (ललिता बृहन्नारदीयपुराणान्तर्गतम्) सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Lalitadevi Stotram?
Lalitadevi Stotram has 14 verses on this page, each shown with its number, Devanagari text and transliteration, and meaning where available.
Can I read Lalitadevi Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Lalitadevi Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
